موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

يوميات مضارب فهلوى قصة كوميدية لا تمت للواقع

منتدى تداول العملات العام

Like Tree57Likes

إضافة رد
 
أدوات الموضوع
قديم 10 - 10 - 2014, 04:31 PM   #1
عضو نشيط جدا
 
الصورة الرمزية mmrmms
 

Wink يوميات مضارب فهلوى قصة كوميدية لا تمت للواقع

يوميات مضارب فهلوى قصة كوميدية لا تمت للواقع
طبعا القصة غير حقيقية غير واقعية ولا تمس للواقع بصلة
فى ذات يوم كان اخينا الفهلوى يتجول فى بحر شبكة الانترنت للمعرفة والعلم والموسيقى والشات واذا استوقفة ذات يوم اعلانا ممانراة يوميا فى عالم الشبكة العنكبوتية كيف تصبح مليونيرا وقد وجد شابا وسيما او امراءة على قدر من الجمال يكتب جنبها عبارات مغرية لكل طامع لقد ربحت 600 دولار فى نصف ساعة او حققت 12000 دولار فى يومين او تداول ب200 دولار واستخدم 200 الف دولار وتعرف كيف طبعا اخينا الفهلوى دخل وتعلم ماذا تعنى كلمة فوركس وانها المضاربة على العملات بالطبع لم ياخذ فى انتباهة تحذير المخاطرة لان مثل هذة الشركات تتعمد ان تضعة بخط صغير غير واضح كشركات السجائر تماما وعندة كتاباتة لكلمة فوركس بداء يظهر الية روابط منتديات على محركنا الشهير جوجل خبراء مال متداول عربى بورصات هوامير السوق وغيرها الى هنا لم تنتهى الحكاية بدا فى فتح موضوع جديد بعد التسجيل والترحيب عضو جديد بينكم وارجو منكم التعرف على المواضيع التعليمية والمساعدة وقام بتنزيل الميتا تريدر للمرة الاولى فى حياتة وبدا يتداول وهمى وديمو شىء فشىء وتعرف على مؤشر سحرى اسمة ار اسى اى اذا هبط اسفل 14 فاصبح شراء واذا ارتفع فوق ال70 فهو بيع واصبح الرجل اخطر مضارب فى العالم بعدما حقق من حسابة الوهمى ارباحا خيالية قد لا يكون فى مقدورة ايداع مبلغ كهذا فى الحساب الذى يفكر بالتداول علية الى هنا لم تنتهى الحكاية فالرجل لم يتعلم ذات يوم ماهى الرافعة المالية ومخاطرها بل هو يراها ميزة فلو وجد رافعة 1 على مليون فسيختارها لامحالة فهى تتناسب مع احلامة واطماعة تماما طبعا دة انة من المفترض انة اختار شركة موثوقة ولم تنصب علية المهم اخذ فكرة عن الشركات وفتح حساب برعاية المنتديات
هنا بدا اخينا يدخل علية الخوف والرهبة اة الاختبار الحقيقى حدث والعامل النفسى ظهر والاحلام ابتدت انة اول حساب حقيقى بعد اسبوعين او ثلاث اسابيع او حتى شهر من التعرف على مايعرف بالفوركس
لندخل قسم منتديات العملات العام
ونشاهد لعلنا نرى غايتنا المهم عرفنا شوية يعنى اية دعم ومقاومة ويعنى اية مؤشرات يتم تركيبها وخلافة لما نشوف الناس اللى فاتحة الورش ونسئلهم كدة وممكن ناخذ توصيات دليفرى
طيب لما استلم عم مصطفى mmrmms واشوف ورشة الرجل دة بيقول اية
(الفهلوى )الله الله الله اية الكلام الكبير دة ياعم الحج انت مصعبها علينا كدة لية
mmrmms فى اية بس
الفهلوى انا لسة هستنا 4 شهور علشان اجيب 800 نقطة
mmrmms واية المشكلة يعنى مش احسن ماتخسر حسابك وتخرج برة السوق وبعدين احنا بنشتغل بادارة راس المال اللى هو ال1%
الفهلوى اة لا ياعم الكلام دة مينفعش معايا انا عايز ادخلى كل يوم صفقتين ثلاثة اصل انا فاتح حساب ب500 دولار وعايز اعمل فى الشهر 2000 دولار ولا حاجة
mmrmms طيب اقنعنى بس الزاى دة انت هتبقى انت والمارجن اصحاب
الفهلوى لالا دة حاجة بسيطة خالص وبعدين فريمين اية اللى تفتحهم وتقفلهم انت معقدها علينا كدة لية صراحة كلامك مش واقعى والصراحة اسلوب غلط وميناسبنيش
mmrmms براحتك وعموما كل واحد حر فى راية
الفهلوى طيب اية الصفقة اللى عندك
mmrmms صراحة احنا داخلين فى صفقة دلوقتى وربنا ييسر ان شاء الله والصفقة الجديدة قريبة
الفهلوى يعم احنا لسة هنستناك ربنا يسهلك لما نشوف حد غيرك
الذهب للاخ الارستقراطى
الفهلوى هو دة الكلام ياسلام على الذهب وايامة
الله الله هو الرجل دة مش حاطط غير دهب ونفط بس
الارستقراطى اة ليش
الفهلوى طب انت لية مبتشتغلش عملات
الارستقراطى انا حر
الفهلوى لا طبعا منتاش حر حر الزاى يعنى وتسيب العملات لية
الارستقراطى : يااخوى ايش فيك ماتناسبنى وكل شيخ ولية طريقة
الفهلوى :اية نظرتك على الذهب اليوم
الارستقراطى ارتفاع وانا حاطط امر على الشراء من 1210 وهدفى ان شاء الله 1330
الفهلوى فتح الشارت وركب المؤشر على فريم الربع ساعة ووجد المؤشر 75
الفهلوى لا طبعا نظرتك غلط وانت مبتفهمش حاجة طب اية رايك ان انا داخل بيع على الذهب
الارستقراطى ادخل وانا شو يخصنى
( وطبعا اخونا الفهلوى لهو داخل ولا حاجة هى حرقة دم وخلاص وادينا بنتسلى والفاضى يعمل قاضى )
الفهلوى لالالا الراجل دة الاستراتيجية واسلوبة بالتجارة مينفعنيش خلينا نشوف غيرة
الكايبل واليورو دولار احمد عزام ياسلام ايوة كدة هى دى المواضيع ولا بلاش تخصص ما بعدة تخصص
الفهلوى : مخاطبا احمد عزام باشا اية رايك فى اليورو دلوقتى اشترى على كم
احمد عزام : والله احنا فى منطقة محيرة وبعدين مفيش شراء لو كسرنا النقطة الفلانية نحط امر بيع والاستوب كذا
الفهلوى انت بتقول زيهم
احمد عزام قصدك اية وضح
الفهلوى لالالا ولا شىء يعنى ادخل امتة
احمد عزام احنا دلوقتى فى صفقة وقربت تجيب هدفها ومنتظرين كسر الدعم علشان ندخل ان شاء الله
الفهلوى يعنى ماينفعش ندخل دلوقتى
احمد عزام لا مينفعش
الفهلوى لية
احمد عزام مخاطبا نفسة ( اية الغبى والرخم دة )
شوف زى ماقلتلك لما يتاكد الكسر هندخل
الفهلوى مخاطبا نفسة ياعم دة واحد مبيفهمش حاجة فى اى حاجة وعملينة محلل
خلينا نشوف صاحب الموضوع الثانى
اهلا اهلا اهلا استاذ احمد ريان
الفهلوى انا عشمى فيك صراحة فى صفقة من صفقاتك النارية
احمد ريان اهلا بيك انا فى موضوع فتحة عن الاسترالى نيوزلندى والهدف 3000 نقطة ان شاء اللع
الفهلوى 3000 اة ياسلام والنقطة ب10 دولار بقينا ب30 الف دولار فى اسبوعين ياسلام اهو الواحد يصيف فى الساحل الشمالى مع موزتين ويتغير باة
الفهلوى مخاطبا احمد طيب احط امر دلوقتى والصفقة هتخلص امتة
احمد ريان من عند اول انخفاض سعرى والصفقة ممكن من سنة الى سنتين
الفهلوى
مخاطبا نفسة (حرام عليك وقفت دمى سنتين يامفترى ومين ضامن يعيش بكرة )
الفهلوى مخاطبا احمد يعنى مينفعش قبل كدة او مفيش حاجة سريعة يعنى اصل انا رجل مضارب قديم وكنت عايز اعرف يعنى صفقة سريعة
احمد باذن الله الاسبوع الجاى فى صفقة حلوة مضاربية
الفهلوى مخاطبا نفسة (انت بتقول زيهم مفيش حاجة حاضرة )
وبعدين اية 1 % اللى انت قولتلنا عليها ياعم احمد
احمد ريان اة دة فن ادارة راس المال علشان لو عكست الصفقة حسابك ميخسرش يعنى طلع لك 500 دولار ولا حاجة فى الشهر
الفهلوى انت خلتوها كمان فن و500 دولار وانا بشحت على العتبة
طبعا صاحبنا لا يمتلك غيرهم بس مصدق نفسة انة اصبح مليونير
الفهلوى لالالالالالالا القسم بتاع التحليلات دة بقا خنقة وميتقش خلينا بقى على قسم التوصيات دة اللى هيجيب الخلاصة معايا وسيبك من الناس الخنقة دول دول شوية متحنطين
الفهلوى مخاطبا نفسة ( ياللةةةةةةةةةةةةةةةةةةةةةةةةةةةةةةةةةةةةة )
رحلة من 200 دولار الى مليون دولار وفى 6 شهور
اية الكلام الجامد دة اية الحلاوة والطعامة والشياكة
هى اللمبورجينى فى مصر بكم وضريبها وجماركها قد اية
ياسلام اهو الواحد كدة يجيب شقة فى الزمالك ويعيش ويقضى الصيف فى مونيكارلو فى فرنسا ويتجوز جوازة لوز
مين العبقرى اللى فاتح الموضوع الجامد الشديد دة
( اعتذر عن وضع اسم صاحب الورشة رغم انة خسر وغادر المنتديات ساسمية مقامر )
الفهلوى : اهلا اهلا بالاستاذ مقامر
مقامر : الله حيو ابو الشباب كيفك ياطيب عساك بخير
الفهلوى : والله انا كنت بدور على واحد زيك من زمان ياخذ بايدى
مقامر : امرنى
الفهلوى : فى صفقة موجودة حاليا
مقامر : اية السوق كلة صفقات وماينتهى
الفهلوى ياسلام على الكلام الجامد خلى الواحد يتشجع بدل المعقدين اللى عقدونى ربنا يورينا فيهم يوم
مقامر : امرنى
الفهلوى : عندك صفقة
مقامر : عندى صفقات
فهلوى : على اى زوج
مقامر : على كل الازواج والمعادن والنفط وحتى المنتجات الزراعية كالذرة والقهوة (حتى اخينا مش عارف يقول على المنتجات الزراعية كلمة الخيارات الثنائية ) همسة من المؤلف
فهلوى : ياسلام سلم انا كنت اعمى البصر البصيرة اقولى ياباشا على الصفقة اللى جاهزة اوام
مقامر : اختار اليورو دولار ماركت شراء
فهلوى : من كم
مقامر : سعر سوق
فهلوى : الهدف
مقامر :200 نقطة
فهلوى : تشتغل على فريم كم
مقامر : على ال5 دقائق
فهلوى : الاستوب عندك
مقامر : انا ماعندى استوبات اما تدبل حسابك او توصل للمارجن ماعندى استوبات لكنى ادخل من مناطق قوية
فهلوى : انا حسابى 500 دولار
مقامر : الصفقة بتخلية 3000
فهلوى : الهدف
مقامر :48 ساعة
فهلوى على بركة الله وهو حطينا الامر كلة رافعة 1:2000 وهو محجوز 450 دولار والعملية زى الحلاوة
( تاتى الرياح بما لاتشتهى بة السفن ) خبر على اليورو غدا
فهلوى دخل بالمساء الزوج حركتة ضعيفة
فهلوى : اخى مقامر موجود
مقامر : نعم موجود
فهلوى الزوج واقف
مقامر : ابشر كلها كم ساعة وتصير الامور خير وجهك اخضر ان شاء الله
خبر سلبى على اليورو واخينا شارى
فهلوى : اخى مقامر الحساب ينزل والمارجن قرب ماذا افعل
مقامر ff line
فهلوى : ياساتر يارب اعمل اية لا عصير الليمون نافع يلهوى يخراب بيتك المستعجل يافهلوى خلينا نجيب السبحة ونقرا شوية قران ربنا يفكها من عندة لالالالالالا الموضوع مش مستحمل ( لله الامر من قبل ومن بعد)
فهلوى ( انا لازم افتح موضوع مقامر طفش ومفيش حل )
الحقونىىىىىىىىىىىىىىى انا بخسر حسابى ياناس وداخل شراء والمارجن خلال دة الحساب معدش فية غير 10 دولار واوصل المارجن هل من نصيحة
بعد 5 دقائق
فهلوى هما ساكتين لية وكائن على رؤسهم الطير منك لله يامقامر انت السبب
فهلوى : مرة اخرى حد يرد ياجماعة حرام انا قلبى بيتقطع على الحساب
فهلوى : ماشى هدخل مواضيعهم
فهلوى مخاطبا احمد عزام
فهلوى : استاذ احمد موجود
احمد عزام: انت تانى ( طبعا فى نفسة )
ايوة موجود فى حاجة تحت امرك
فهلوى يااستاذ احمد والله حرام اللى بيحصل دة السوق دة مفيهوش مكسب ابدا
احمد عزام : لية بس حصل اية
فهلوى انا دخلت على الصفقة شراء لليورو وجة الخبر سلبى ونزل تفتكر يضبط تانى
احمد عزام : استنى شوية
ياخبر دة الرجل داخل من 1.6050 قمة تاريخية والسعر هيرجع
فهلوى استاذ احمد موجود
موجودددددددددددددددددددددددددددددد
انت روحت فين
طبعا رفع الموضوع ب10 مشاركات
احمد عزام : اة موجود نعم
فهلوى : اية رايك تفتكر هيوصل ل200 نقطة المكسب
احمد عزام :
ربنا يعوض عليك
فهلوى : امين بس تفتكر
احمد : صراحة منطقة محيرة بس احنا قمة
فهلوى فى نفسة ( طول عمرى اقول عليك مابتعرفش تحلل والسوق دة اصلا محدش بيكسب فية )
ياخراب بيتك يافهلوى
فهلوى : لما نشوف اللى اسمة احمد ريان
فهلوى : يااحمد ابوس ايدك ارحمنى انا تعبان وعارف ان علاجى عندك
احمد ريان : غريبة اية الكلام دة
احمد ريان : خير
فهلوى : اليورو بيصعد
احمد : لا واحنا فى حاجة لتصحيح
فهلوى : يعنى يستحمل ال5 نقط فى الحساب
احمد ريان ك للاسف موقفك صعب والله يعوض عليك
فهلوى : يعنى مفيش امل
احمد ريان الامل فى وجة الله
فهلوى فى عقل بالة انا غلطان ان كلمتة اصلا مفيش غير الارستقراطى اللى هيفيدنى بس دة سايب ورشتة من فترة بعد مازهقناة فى عيشتة
خلاص طلبت بجاحة ورخامة وشغل ادرجية
الارستقراطى مطلوب للدخول الى هذا الموضوع
الارستقراطى : ابشر وش فيك امرنى
الفهلوى : ماايامر عليك ظالم تفتكر ان السعر هيرتد
الارستقراطى : يااخوى الله يطولى بعمرك قلت انا مااشتغل على العملات شغلى على المعادن والنفط والمؤشرات والصراحة ماانى متابع بس احب اقولك شىء واحد ان اليورو وباقى العملات متضخمة وراح تصير انهيار لباقى العملات امام الدولار عن قريب وراح اتذكر اننا من مستوى تاريخى
الفهلوى :صمت
لما نشوف mmrmms
الفهلوى : انت اخر امل بالنسبة لى يااخ مصطفى
mmrmms : معاك اتفضل هو حصل شىء من بعد حديثنا الاخير واعتراضك على الورشة
الفهلوى : بصراحة اة
mmrmms : خير
الفهلوى : شارى اليورو ممكن تشوفة لى وحسابى خلاص قارب مارجن
mmrmms : باقى على حسابك والمارجن كم
الفهلوى : 5 نقاط
mmrmms : ياخبر موقفك صعب مش قولنا لا شراء من قمة ولا بيع من قيعان
الفهلوى : اللى حصل
mmrmms :الله يعوض عليك
الفهلوى : يانهار اسود الحساب اتمرجن والله الفوركس دة اكبر عملية نصب وسرقة الفوركس دة وهم كبيررررررررررر واكبر عملية نصب
همسة من الكاتب
ورغم كل ماحدث لم يتعلم من خطئة وحتى لم ياتى بالخطىء على نفسة
اكرر اعتذارى لكل الاسماء التى حضرت فى القصة فهى قصة تتكرر بيننا يوميا عشرات المرات دون طرح المشكلة او التفكير فى كيفية معالجتها
اخوكم
مصطفى واسف على الازعاج

اذا اعجبك الموضوع و اردت نشره في المنتديات الاخرى فاستخدم هذا الرابط:
يوميات مضارب فهلوى قصة كوميدية لا تمت للواقع
http://www.borsaat.com/vb/t734389.html



التوقيع:


- الـــشـــراء مـــن الـــقــيــعــان والـــبــيــع مــن الــقــمــم

2- لا تذهب للسعر دع السعر ياتى اليك
فان اتاك السعر اذن فانت فى الطريق الصحيح
و اذا لم يأتيك اذا فالسعر ابتعد و زال عنك الخسارة
او رزق لم يقدره الله لك

3-ادارة رأس المال هى اكسير الحياه..,
هى نبض قلب حسابك فاذا توقفت مات حسابك

( اهكذا الدهر بنا يجرى وياكل العمر ولاندرى)
mmrmms غير متواجد حالياً   رد مع اقتباس

قديم 10 - 10 - 2014, 05:07 PM   #2
عضو نشيط
 

افتراضي رد: يوميات مضارب فهلوى قصة كوميدية لا تمت للواقع

ماشاء الله
ابدعت اخ مصطفى ف الطرح وتسلسل الاحداث

قصة واقعية والابطال مكررين

تسلم ايدك



a7med_9 غير متواجد حالياً   رد مع اقتباس
قديم 10 - 10 - 2014, 05:20 PM   #3
موقوف
 

افتراضي رد: يوميات مضارب فهلوى قصة كوميدية لا تمت للواقع

شكرا اخي مصطفى اصبت كبد الحقيقة

ليست المشكلة ان تخسر - وليست المشكلة ان يضرب معك مارجن مرة او مرتين في بداية مشوارك

اعرف اشخاص لهم سنوات طويلة ولا زالوا يتمرجنوا كل فترة

آخرون كما تفضلت يشترون من قمة ويبيعون من قاع وآخرون يدخلون بدون ستوب على امل الارتداد

الطمع + الخوف = سر الفوركس

شكرا للقصة الجميلة والتي تحاكي الواقع الذي نراه



الأرستقراطي غير متواجد حالياً   رد مع اقتباس
قديم 10 - 10 - 2014, 06:06 PM   #5
مشرف / محلل فني بورصات
 
الصورة الرمزية أحـمـد عـزام
 

افتراضي رد: يوميات مضارب فهلوى قصة كوميدية لا تمت للواقع

×××

مشكور اخي الحبيب مصطفى...
الموضوع مهم فعلاً,,, و المهم ان يبدأ المضارب من فنون المضاربة...
ليس التحليل وحده كافي,,, و ليست ضبط النفس هي كافية,,, نحتاج لكامل خصائص المضارب المميز...

كم اتمنى أن يفكر اي مضارب بتجارة الفوركس على انها اي تجارة...
اي تجارة في العالم, هل تحقق شهرياً ربح 10% ؟؟؟ كذلك الفوركس يجب ان يكون فيه الربح منطقي,,, و كم جميل هو الربح التراكمي !!!

الله يفرجها على الجميع...
و اكيد احمد عزام اللي بالموضوع غير احمد عزام الحالي او القديم او انا

ودي و تقديري...




أحـمـد عـزام غير متواجد حالياً   رد مع اقتباس
قديم 10 - 10 - 2014, 06:48 PM   #6
موقوف
 

افتراضي رد: يوميات مضارب فهلوى قصة كوميدية لا تمت للواقع

قصه جميله وتستحق التقييم وعسى ان يعطيها اهتمامه كل واحد توه بدا ودخل(عرض)بالفوركس
وضحت فيها كل شيء لانك تنقل من باب الضمير الحي ما شاء الله حتى انك نقلت ما يدور في ضمير ابو شريك وابو ريان وابو طلال اللي تنبا بالانهيار العالمي بدري ههههه قال شف يا فهلوه : العملات مو لي انا داو جونز وعقود مستقبليه ! هيا ذب الباب !طييييييب يا كبيرررررر

شكرا SMS



allumby غير متواجد حالياً   رد مع اقتباس
قديم 10 - 10 - 2014, 08:53 PM   #7
مشرف بورصات
 
الصورة الرمزية احمد ريان
 

افتراضي رد: يوميات مضارب فهلوى قصة كوميدية لا تمت للواقع

حلوه جدا اخي مصطفي
والله ن الحالات دي حصلت كتير ولو اكتب قصص عنها ما تكفي 100 قصه

وملخص الافكار اللى في دماغي ان اى مضارب لو وصل ليوم من الايام انه سعيد بضرب استوب من غير ما يأثر علي نفسيته هيستمر فى النجاح
يعنى يكون عارف ان الربح وراد والخساره وارده ويكون دائما ربحه اكبر من خسارته

قال دكتور ابراهيم الفقي رحمه الله رائد التنميه البشريه
ان العقل يبنى على اخر تجربه فلو اخر تجربه خساره حساب وهتدخل بحساب تانى جديد هتخسر برده لان العقل واقف فى الماضي وهيكرر نفس اللى حصل في الحساب الاول
وده بيحصل لاغلب المضاربين
وشيء اخر ان اعاده تجربه فاشله بنفس المعطيات وانتظار نتائج افضل ضرب من الخيار
ومن هنا تاتي حل المشكله لو هناك تجربه فاشله فى حساب او صفقه صافقه
عليك اولا وقبل اجراء تجربه جديده تغيير المعتقدات والمعطيات والبعد عن اى رابط مشترك قديم
وخلق حاله جديده من التفائل والخطوات العلميه


مثال كل مره تعمل كيكه بنفس المقادير وتطلع سيئه ايه العمل ؟

لازم تغيير المقادير بعضها او كلها وتجرب تاني اكيد هيكون في نتيجه مختلفه لكن للافضل ام للاسوأ ؟؟؟

هنا لابد من نقطه
بعد تجربه فاشله والدخول في تجربه جديده لابد من تغيير المعطيات والمعتقدات بسلوك جديد تماما لنظرتك للسوق

اه نسيت اقول ولو مغيرتش وعرفت سبب الخسارة وتجنبته باسلوب جديد وضحكت على عقلك الباطن وحققت النجاح
كل حساب هتفتحه هيتمرجن

بالتوفيق



احمد ريان غير متواجد حالياً   رد مع اقتباس
قديم 10 - 10 - 2014, 10:35 PM   #8
عضو جديد
 

افتراضي رد: يوميات مضارب فهلوى قصة كوميدية لا تمت للواقع

قصة جميلة مشكور



Sherif Fares غير متواجد حالياً   رد مع اقتباس
قديم 10 - 10 - 2014, 10:40 PM   #9
عضو جديد
 

افتراضي رد: يوميات مضارب فهلوى قصة كوميدية لا تمت للواقع

هههههه قصة جميلة



د.عادل حديدي غير متواجد حالياً   رد مع اقتباس
قديم 11 - 10 - 2014, 12:02 AM   #10
عضو نشيط جدا
 
الصورة الرمزية AlaaFX
 

افتراضي رد: يوميات مضارب فهلوى قصة كوميدية لا تمت للواقع

قصة تنطبق على الكثير منا

يجب ان تكون موعظة لكل جديد في هذا السوق

السعيد من اتعظ بغيره

شكرا اخي مصطفى



AlaaFX متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

اختفاء بعض الرسائل بشكل مفاجيء
لا تتاجر يوم الجمعة
أدخل و ضع أفشل استراتيجية او نظام تداول تعرفه

مواضيع تالية :

الدولار يتجه لإنهاء موجة صعود قياسية بعد تحذير من المركزي الأمريكي
اشترى مع الاشاعة وبيع مع الخبر دعوة للنقاش
الشيخ الروحاني ابو البراء حل المشاكل الاسرية00905359517574

يوميات مضارب فهلوى قصة كوميدية لا تمت للواقع

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
مشــكلتي بهالدنيا محد ن فهمني القسم الادبي ، شعر ، قصص ، روايات


روابط الموقع الداخلية


07:26 AM
Powered by vBulletin® Version 3.8.9
Copyright ©2000 - 2018, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة