السلام عليكم ورحمة الله وبركاته
ازيكم شباب اخباركم ايه ؟؟
بص يا غالي انا هشرح على مثال عملي حالي يا ريت التركيز ولو في شئ مش مفهوم اسئلوا وانا سهران معاكو للفجر ارد عليكم ان شاء الله
الباوند الان 1.5700 تقريبا هو في فرصة اتحققت من شوية على استراتيجية فرحة شراء من 1.5710 وده هيكون سعر دخولنا الصفقة
اذن هندخل شراء على الباوند من 5710 وهدفنا 5760 ان شاء الله
الخطوة الاولي هنعمل ادارة راس المال واحتياطتنا بان السعر سيعكس 500 نقطة
لو راس مالنا 1000 دولار هندخل ب20 سنت او 30 سنت
هنتفق من الاول اننا مش هنستعمل ابدا ابدا ابدا ابدا الاستوب هنلغيه تماما من قاموسنا لاننا معندناش حاجة اسمها ضرب استوب
فقط لدينا صفقات خضراء
دلوقتي هنعلق اوامر التبريد والهيدج كالاتي :
1- اوامر التبريد كل 50 نقطة تحت 5710 هنعلق امر شراء مع مراعاه شرط مهم وهو ان اوامر التبريد الفردية هيكون هدفها 50 نقطة واوامر التبريد الزوجية بدون هدف او استوب
اوامر التبريد الفردية هتكون من 5660 - 5560 - 5460 - 5360 - 5260 - 5160
اوامر التبريد الزوجية هتكون من 5610 - 5510 - 5410 - 5310 - 5210 - 5110
2- اوامر الهيدج ( اوامر بيع ) كل 100 نقطة من الدخول الاساسي ودايما اوامر الهيدج ليها هدف 50 نقطة وبدون استوب
نقطة الدخول 5710 اذن الهيدج من 5610 - 5510 - 5410 - 5310 - 5210 - 5110
هنعمل حساب الاسبريد غالبا بيكون 5 نقاط بين سعر البيع وسعر الشراء اذن هننقص 5 نقاط من اوامر الهيدج وبالتالي هيكون البيع من 5605 - 5505 - 5405 - 5305 - 5205 - 5105
ملحوظة هامة خاصة فقط بالصفقة ديه
تحليل خاص بالباوند )
5775 كانت نقطة دعم جيده جدا وتم كسرها فتحولت الي مقاومة قوية جدا لذا من الممكن جدا ان العقد بتاعنا طبقا لفرحة يجيب هدفه مباشرة بدون تبريدات
الباوند كسر ترند صاعد منذ بضعة ساعات وعمل اعاده اختبار وهبط لذا فهو مرشح وبقوة لمزيد من الهبوط الشديد ومرشح بقوة ليصل الي 5210 وهي نقطة التقاطع مع الترند الصاعد التالي وميزة هذا الترند هو انه زاوية صعوده منفرجة جدا ولديه 3 نقاط ارتكاز مما يجعله خط ترند مثالي لكي يرد الباوند الي الاعلي ردا قويا اما اذا عملها الباوند وكسر الترند ده يبقي نقول ليه باي باي يا باوند ونشوفك ان شاء الله عند
1.3600
يعني 1600 نقطة ان شاء الله بعد كسر الترند يعطينا ويعطيكم طولة العمر
طيب يا عم خلينا في فرحة بتاعتك ديه هنعمل ايه دلوقتي
دلوقتي عندنا نقطة 5710 لو عكس السعر وماجابش الهدف على طول يبقي لازم لازم لازم غصب عن امه وعن جيرانه يرجعله تاني
بالتوفيق للجميع باذن الله ولو في حاجة مش مفهومة انا سهران شوية ارد على استفساراتكم