بسم الله الرحمن الرحيم
كل واحد زهق من الفوركس .. كل واحد مرت عليه لحظات يأس وقرر يسيب الفوركس .. كل واحد زهق من الضغط العصبى بتاع الفوركس .. بقول له :
تجارة العملة (الفوركس) مش مُربحة دائما وأبدا (زى ما بتشوفها وقت خضار التك بروفت وملامسته) ولا هى وحشة دائما وأبدا زى ما بتشوفها وقت إحمرار الأستوب وضربه .
تجارة العملة - فى نظرى - من أجمل وأمتع الأنشطة وأربحها ولكن عندما يتحقق فى المُضارب ما يلى:
1- تخلصه من ألد عدوين لمضارب الفوركس .. الطمع والخوف :
- ماتطمعش .. ماتبقاش بادىء النهاردة بـ300 دولار وبكرة الصبح عايز تبقى مليونير .. دى أول خطوة نحو الأحمر الصغير(الأستوب) يليه الأحمر الكبير(المارجن كول) .. سهل جداااااااااااا على أى مضارب يعمل 0.5-1 % من رأس ماله يوميا .. ولو أكتفيت بدا ولم تطمع وكان الرضا عندك غالب على الطمع ورضيت بـ 0.5-1% من راس مالك يوميا وبدأت تجارتك بـ500 دولار مثلا .. بلا مبالغة ممكن بعد سنة تبقى صاحب دخل مادى شهرى محترم جدااااااااااااااااااا ولكن حبنا للمال بيخلي لعابك يسيل وتبقى عايز تدخل فى صفقة قمار .. بمعنى رصيدك مثلا 500 دولار طيب انا هعمل سيل بـ0.5 وأخرج بعد 20 نقطة آدى 100 دولار يعنى 20% من راس مالى فى صفقة واحدة .. والشيطان يهيألك أنك خلاص بقيت مليونير .. والمصيبة بقى لو مشيت ورا طمعك والصفقة نجحت بيبقى الصفقة اللى بعدها غالبا هية صفقة المارجن .
- ما تخافش .. ما تبقاش متردد .. وقت ما تلاقى (مؤشراتك بتقولك بيع) بييييييييييع .. ووقت ما مؤشراتك تقولى أشترى أشترى .. ونصيحة .. فإذا عزمت .. فتوكل على الله .. ماتقعدش تراقب الصفقة زى اللى بيتفرج على فيلم .. دا طبعا غير أنتظار الفرصة خالص .. المقصود أنك تنتظر فرصتك .. أكتملت ؟ أدخل .
2-لا تقوم بصفقة أبدااااااااااااااااااااااااااااااااااااااااااااااا اااا بدون أستوب لوس .. فيه متداول أعرفه من أنجح المتداولين وكان دائما بيشتغل يوروفرانك ولكنه كان لا يضع أستوب لوس أبدا وعمل على مدار سنتين ربح محترم ويوم 15.1 فى خبر الفرانك خسر فى 5 دقائق بالظبط تقريبا 3 أضعاف كل ربحه وتعبه فى السنتين .. الأستوب لوس مش مجرد بودى جارد لرصيدك وحسابك .. لأ .. دا بيحميك من شغل الأمانى والعواطف كمان .. لأ دى هتنزل .. طيب أصبر كمان خمس نقاط .. لأ دا فيه اشارة انعكاس أهى فى صالحى .. لأ هبرد .. لأ ههدج .. أعمل أستوب لوس بعد قيامك بالصفقة فوراااااااااااااااااااااااااااااااااا والتك بروفت أنته حر يا تقطف الربح يدوى يا تعمل تك بروفت وتسيب الصفقة .
3-تاجر مع الترند لحد ما يعكس اعكس معاه صفقاتك ..على سبيل المثال :
لما يبقى الترند صاعد ويوصل المؤشر للتشبع الشرائى بيبقى أحتمال نجاح البيع 30% مثلا لكن لما يوصل المؤشر لمرحلة التشبع البيعى يبقى نسبة نجاح الشراء ممكن تبقى 70% مثلا .. لأنك ببساطة مع الترند.
4- حط تك بروفيت واستوب لوس يتناسب مع الفريم .. يعنى ماتتاجرش على فريم الأربع ساعات وتحط تك بروفيت واستوب لوس 15 نقطة مثلا .. ولا تتاجر على فريم الدقيقة وتحط تك بروفت استوب لوس 50 نقطة مثلا .
5- أعمل لنفسك تارجت يومى وليكن زى ما قلنا 0.5-1% عملته أقفل لابك وعيش حياتك .
6- لو لا قدر الله خسرت فى يوم .. الأيام زيها زى الصفقات مرة تكسب ومرة تخسر أهم حاجة يبقى المكسب أكبر من الخسارة .
7-أشتغل بلوت تبقى هااااااااااااااااااادى وأنته بتشتغل عليه .. ما تشتغلش بلوت يقعد يلعب بحسابك وبالمرة يلعب بأعصابك مع الحساب .. تانى .. ماتبقاش طماع .. قليل دائم خير من كثير منقطع .
8- لو أنته مبتدىء لا تتاجر وقت الأخبار حتى تصبح متمرس وتعرف كيفية تأثير الأخبار على المنصات .
9-لا تحير نفسك باستخدام العشرااااااااااااااااات من المؤشرات .. لو ربنا أكرمك باستراتيجية ومؤشرين تلاتة بييجوا من وراهم ربح .. نصيحة أخوية : أثبت على كدا وطور من أستراتيجيتك وربنا يديمها عليك نعمة .
على فكرة أنا مبتدىء وبنصح المبتدئين اللى زى حالاتى .. لعل وعسى ربنا يرزقنى ويرزقكم .. ولو حد عايز منى أى حاجة أنا تحت أمركم .. ولا تنسونى من صالح دعائكم بظهر الغيب.
والسلام عليكم ورحمة الله وبركاته
نصائح لكل مُضارب يأس من الفوركس
المواضيع المتشابهه 
6Likes