السلام عليكم أخوتى الكرام الأفاضل
ماحدث اليوم مع الين يثبت أن لمناطق التشبع أحترامها
وصل الين من أمس الى منطقة تشبع شرائى مكتظة ولذلك قمت أمس ببيع الين من 119.81 وعندما عكست الصفقة حوالى 50 نقطة قمت ببيع الين مرة أخرى من 120.31 والحمد لله ربنا أكرمنى اليوم بربح كبير .. أسأل الله أن يرزقنى ويرزقكم مالاً حلالاً بغير حساب .
ولذلك نصيحتى لأخوانى الأفاضل :
قم بعمل صفقاتك فى مناطق التشبع بلوتات صغيرة لا تهدد الحساب عشان لو السعر عكس تبقى اعصابك هادية وتقرر هل تبرد أو تهدج أو أى قرار انته شايفه صائب .. لكن فى نظرى من يهدج فى مناطق التشبع يبقى غلطان .. ليه ؟ لأن الترند بيتغير لكن التذبذب ثاااااااابت .. بمعنى .. انا لو واخد صفقة مع الترند ممكن الترند يعكس .. لكن لو واخد صفقة فى منطقة تشبع والسعر عكس هبرد وهحط التك بروفت للصفقتين عند الصفقة الأولى ولو السعر عكس تانى هبرد تانى بصفقة تالتة حجمها ضعف الصفقة التانية وهحط التك بروفت للـثلاثة صفقات عند الصفقة التانية ولو الصفقة الأولى ماقفلتش على تك بروفت أحتمال 60% الصفقة التانية تقفل .. ولو التانية ما قفلتش احتمال 80% التالتة تقفل وهكذا هييجى لحظة السعر هيرد بلا أدنى شك بسبب الدايفرجنز والذبذبة .. أهم حاااااااااااااااااااااااااجة تكون صفقاتك مع الترند الكبيييييييير بمعنى الترندات الكبيرة لليورو دولار مثلا هابطة حاول تمشى الطريقة دى على البيع فقط .. هية تصلح للبيع والشراء وعلى كل الفريمات لكن دا بيزود احتمالات نجاح الصفقات باقل مخاطر .. ولو هتشتغل على مناطق التشبع أشتغل على فريم الأربع ساعات وبرد عند كل 50 نقطة يكون أفضل . أو لو هتشتغل على الفريمات الأقل بتبرد عند انعكاسات أقل .. بس الأضمن الفريمات الكبيرة لأن تشبعاتها أصدق .
طبعا دا رأيى المتواضع .. وأنا مبتدأ .. وبنصحكم يا أخوانى وأحبتى جميعا بما أراه مفيدا لى ولكم .. ربنا يرزقنى ويرزقكم من فضله الواسع بغير حساب .
أمانة لا تنسونى من صالح دعائكم بظهر الغيب .
والسلام عليكم ورحمة الله وبركاته .
التوقيع
تريد رزقاً ومالاً كثيرا من الفوركس أو من غير الفوركس ؟
لو الإجابة نعم .. الطريقة سهلة :
1- تقوى الله : ومن يتقِ اللهَ يجعل لهُ مخرجاً
ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا ..
ويمددكم بأموالٍ وبنين ويجعل لكم جناتٍ ويجعل لكم أنهارا .
ربنا يرزقنى ويرزق المسلمين جميعا من فضله الواااااااااااااسع .
دعواتكم بظهر الغيب
التعديل الأخير تم بواسطة Doctor forex ; 12 - 02 - 2015 الساعة 02:02 PM
سبب آخر: تعديل