رد: البرايس اكشن ( مفتاح من مفاتيح الربح )
السلام عليكم ورحمة الله وبركاته
ان شاء الله الشرح فى موضوعنا هيكون مختلف شوية عن طريقة الشرح العادية
بحيث ان الشرح هيكون عن طريقة انى هقوم بارفاق شارت واقوم بشرح حاجة محددة فيه
وطبعا هيبقى عندنا عشرات الامثلة
هجيب شارت وابتدى اشرح ايه اسلوب البرايس اكشن الموجود فيه
والوقت الصح للدخول وازاى حددنا الهدف ومكان الستوب
وهيكون فيه شارتات للطريقة بس هتكون ضربت استوب
ونبتدى نشرح ليه دى ضربت استوب
وايه مناطق الدخول الغلط وامتى ندخل وامتى مندخلش
وايضا سوف نقوم بشرح صفقات لايف موجودة فى السوق وننزل الفرص ونشوف هنتعامل معاها ازاى
حد يسالنى بقى طب ايه الغرض من طريقة الشرح دى ؟؟
هقوله لاننا دايما بنشوف شرح تقليدى بكلام كتير ونيجى نبص على الشارت
نلاقى الوضع مختلف خالص
فعشان كده
لقيت ان افضل طرقة تكون الشرح من على الشارت مباشرة
لفرص حدثت وسوف تحدث فى المستقبل بالتاكيد وتحدث يوميا
ولا يوجد شارت يخلو منها ابدا
وكانت اول قاعدة اتعلمتها لما بدات اتعلم التحليل الفنى ( التاريخ دائما يعيد نفسه )
بص للشارت هتلاقى حركات كتير اوى بتحصل على الشارت
ورد الفعل للسعر بيبقى ثابت دائما بعد الحركة دى ,,
مثلا افتح اى شارت وبص لاى منطقة نذبذب وبص بعدها حصل ايه ,,
بص مثلا لشمعة ولا شمعة البن بار بيحصل بعدها ايه ,,
بص للشارتات اللى بتقعد ماشية فى اتجاه واحد فترة كبيرة جدا
وفى نفس الوقت بتلاقى الناس بتدخل صفقات وبتخسر . وحاجات كتير جدا جدا جدا جدا هنشرحها مع بعض ان شاء الله بتفصيل تام
وان شاء الله تستفيدو منها والموضوع ده يكون مفيد ليكوا وحتى لو بنسبة صغيرة بس ان شاء الله اقدر اعمل حاجة تستفيدوا منها بشكل ايجابى
وتساعدكوا فى السوق ده .
وكلمة اخيرة مهمة برضه ,, خليكوا فاكرين ان تاجر الفوركس مش محتاج يكسب 100 فى المية من الصفقات عشان يطلع كسبان ,, صدقنى 70 او 80 فى المية
من الصفقات تكون ناجحة ده ممتاز جدا
مش بس كده لو عملت 50 فى المية صفقات ناجحة بس هتطلع كسبان برضه
بس مادام هدفنا دايما هيبقى اضعاف الستوب بكتير
يعنى الصفقة الرابحة ب 3 صفقات خسرانين .
دى كانت مجرد مقدمة عشان نفهم مع بعض طريقة الشرح
هتكون عاملة ازاى ونلتقى مع البداية ان شاء الله
وطبعا الدهوة موجودى لاى عضو معانا عنده فكرة عن البرايس اكشن
يتفضل يشرح معانا وينزل اللى يعرفه
عشان الافكار تكتر نغطى الموضوع من كل الجهات ان شاء الله
بالتوفيق للجميع
التوقيع
سبحان الله وبحمده .. سبحان الله العظيم
المواضيع المتشابهه 
15Likes