اقتباس:
المشاركة الأصلية كتبت بواسطة عاشق الذهب
اعذرني يالطيب لن افهم عليك
شو قصدك
شوف ياسيدى نظره بسيطه جدا
الناس بقالها سنين بتخسر فى الفوركس يبقى ايه اكيد فى حاجه غلط طيب فى مؤشرات وفى تحليل كلاسيكى وفى برايس اكشن
المؤشرات حسيت انى فى دوامه ومش عارف لا استوب ولا هدف وهافضل تحت رحمة المؤشر خصوصا التشبع والاستوك وما شابههم
الكلاسيكى تشد خط الترند والمقاومات لقيت موضوع خط الترند ده مش بيحترم قد المقاومات والدعوم وبفضل عبد لخط الترند ومسيطر على تفكيرى
بصيت على البرايس اكشن لقيت كلام ذى الفل بتقدر تحط مكان دخول واستوب وخروج وده الطريق المطلوب
ضيفت عليه شويه بهارات مصريه
لا اهتم بالماضى بقدر ما يهمنى الحاضر ما هو منطق برده انا راجل مبفهمش فى الاخبار والاساسى بس اكيد صانع السوق بيفهم وبناء عليه بياخذ رد فعل على الشارت
وبما انه التغيرات متلاحقه يبقى الحديث منها هو ما يصلح للمضاربات السريعه يعنى الفريمات الصغيره
وبناء عليه اقرب واحدث مقاومه او دعم او عرض او طلب هو اللى عينى عليه
طيب كفايه رغى بقى
نفرض اننا فى صعود
1 الترند بعينك كده السعر عمال يطلع ويطلع حلو يبقى عايزين نشتر ى بس مستنين الفرصه
2 السعر بدأ ينزل شويه وعمل قمه طازه خلينا نتفرج لحد ما يرجع يكسرها ويطلع تانى
3 هاشوف السعر قبل ما يكسرها ما هى احدث ركيزه ركب عليها ومكنته من كسر القمه
4 هاشوف القاع اللى تحت الركيزه مباشرة وهاسميه قاع الانطلاق وهو ده الاستوب
يبقى انا مستنى مكان دخول
5 قوة الدفع اللى كسرت القمه هاستنى لحد ما تهدى وترجع تختبر المقاومه ومن هنا هادخل يبقى مكان الدخول
6
هنا اللى يهمنى بعد الدخول هو الاستوب مش اى سلوك تانى لانى بعتبر قاع الانطلاق هو النقطه اللى لازم يحافظ عليها الثيران ويدافعوا عنها مش اى شىء تانى
يعنى قاع الانطلاق اللى هو الاستوب هو اقوى شىء فى النظريه مكان الدخول مش قوى
شوف بعد ما تقرا وتبص على الصور هاتفهم وبمزيد من الوقت هاتبقى اكثر خبره لانتقاء الفرص
واى استفسار فى انتظارك
رد: انتقاء افضل الفرص
2Likes
