• 3:12 مساءاً
logo



رواية حب بعد كره منتدى تعب قلبي

إضافة رد
عضو فـعّـال
تاريخ التسجيل: May 2015
المشاركات: 1,465
معدل تقييم المستوى: 4
Dr.Oz is on a distinguished road
08 - 05 - 2015, 03:23 AM
  #1
Dr.Oz غير متواجد حالياً  
افتراضي رواية حب بعد كره منتدى تعب قلبي




صباح الخير


جايبه لكم روايه للكاتبه اماني السليمي
اتمنى انها تنال على اعجابكم

الحب بعد فوات الاوان

فيه عائله سعوديه غنيه جدا تتكون من ولدين وبنتاسمها عبير البنت ملكه جمال جمالها خارق والابتسامه ماتختفي عنها والضحكه ماتفارقها ودلوعه للاخر تحب كل الناس وتموت في الجمعات
والكل يحبها من خوالها واعمامها وبنات اعمامها وبنات خالتها مافيه احد مايحبها
واخوانها شوي معقدين لكن تحاول تتقرب من الي اصغر منها اسمه عادل والي اكبر منها اسمه حسام لكن مايعطيها وجه وامها وابوها مايستغنون عنها

عبير:هااااااااااااي اخواني الاعزاء
حسام بعصبيه:سلمي مو هاااااااااي
عادل:صحيح سخيفه
عبيرتقلد المدارس:خلاص السلام عليكم ورحمت الله وبركاته
اخوانها بعد زيها:وعليكم السلام ورحمت الله وبركاته
تضحك عبير:وين مامي
ام حسام:هاذا انا واتركي مامي بعدين
تضحك عبير:خير يمه انتي وعيالك متفقين على وش فيكم من صباح الله محاضرات
حسام:عدلي اسلوبك ونترك المحاضرات عقولتك
عبير:بصوت غير مسموع يوه تكلم المعقد
عادل بجنبها وسمع:وش قلتي
عبير:اوف وش تبي مانقصني الا انت بعد انا رايحه يمه لصديقتي ريم
امها:لا مافيه روحه اليوم فيه عززومه كبيره عند بيت عمك عيسى
عبير فرحانه :والله اخيرا صارت فيه عزايم مش معقول
حسام :يعني بتروحين
عبير:طبعا وانا كم لي عم بس
عادل:لك بس سبع اعمام
الكل:هههههههههههههههههههههه
حسام:طيب بقولك موضوع مهم تعالي للغرفه بكلمك
عبير:مافيه احد غريب قل
حسام:تذكرين صديقي ذاك الي انقذنا يوم غرقت اللانش بالبحر
عبير:هههههههههههههه ايه اذكره الي بيسوي نفسه بوبي بفلم شوال ههههههههه
والله اتذكره لاتقول خاطبني بس
امها:بجد ماتستحين على وجهك وتقولينها بالفم المليان
عادل:قليلة ادب
عبير:طيب انا وش قلت
حسام:نرجع الى محور حديثنا
عبير:طيب تفضل يامحمد الصيرفي
حسام:الا هاذا خاطبك وانا وافقت
عبير:اااهااا طيب مادامك وافقت ليش تقولي لازم احراجات
حسام:يعني موافقه
عبير: واذا قلت لك لا
حسام :مو على كيفك
عبير:اسمع مو انت ولا غيرك يفدر يجبرني على شي
حسام:الملكه الخميس الجاي
عبير:بصدقك انت لا مستحييييييييييييييييييل واغمى عليها
عادل:عبير قومي ماراح تتزوجين والله ماتتزوجين
امها:قومي ماعليك منه والله ماتتزوجينه لو ايش
حسام خاف عليها:يمه اوديها للمستشفى
امها:قامت الام وهي ميته بكاء:انت اطلع من البيت ولا اشوفك
طلع حسام منقهر:والله ماتتزوج غيره طلع وصك الباب بقوه
حسام:قومي وعد ماتتزوجينه
قامت عبير تقول:ترااااااااااك وعدتني صادوه
وهي تضحك
عادل ضربها مزح والام انهبلت
الام قامت معصبه ةالدموع بعينها:ترا المزح له وقت والله ماتستاهلين خوفنا عليك
حسام:والله تعرفين تمثلين
عبير:المهم يمه اللبس اليوم اي فستان
الام:انتي موافقه على صديق اخوك
عبير:طبعا لا مستحيل وانا اوريهم بس
الام:اخوك ماراح يغير رايه وترا حتى لابوك موافق
عبير:يمه:لاتفكرين انا بفكر واسوى الي براسي وهي تبتسم بخبث
حسام:وش الي براسك
عبير:فكره مخزنتها لهاليوم الي بملك فيه اخلي زوج المستقبل هو الي ينحاش
الام :افكارك بتوديك بدهيه ياعبير

راحت عبير للغرفه ولبست الفستان الاحمرالطويل الجذاب وحطت المكياج الصارخ والروج الفاقع الاحمر طالعه جذابه ولا جمال الاندلسيات

طلعت عبير وش رايكم بكشختي تهبل صح

عادل:يابخت عمران عليك اخخخخخ يناس بس
عبير:اولا مو تقلد هشوم ثانيا مين عمران
عادل:هاذا انشالله تتعرفين عليه الخميس الجاي
عبير:ويييييييييييييييييييع لايكون هو انشالله يارب تطيح عليه عماره تشل رجوله وماتخليه ينقذ احد
عادل:تذكرين يوم ينقذنا
عبير:ايه اتذكرمانقذ احد قبلي مسوي نفسه مضحي انقذ اخت خويه قبل صديقه مسوي نفسه سلمان خان يتوقع اني بحبه مالت عليه بس يبطي عظم والله ماحبه
سلمان:يغني يناكر المعروف
انتي لولاه كان متي
عبير:يخسى الا هو لولا الله مو لولاه اقولك اترك هالسالفه وقلي وين ابوي
عفوا ببي
عادل:ببي نايم الى الان وانتي ليش مخلصه بدري
عبير :ابي اتاكد من حالي قبل ماروح واشوف مسكره ناقصه رسم حواجب شي من هيك يعني
عادل:اووووووووف منك ممله ودلوعه ترا عمرك عشرين وانتي تفكيرك مثل البزران
عبير:لااااااااااااا ياشيخ مين البزر الي عمره عشرين ولا عمره 18
ضربها بالمخده وراح

عايلة عمهم عيسى حالتهم الماديه اغنياء وتتكون اسرتهم من 3اولاد وبنتين
الاولاد رامي عمره25 ويهبل مافيه وحده من العايله ماتحبه الكل يحبه وصفاته زي صفات عبير وهو يحب عبير وعبير ترتاح له بس ماتحبه
والولد الثاني اسمه ريان ولد صغير يهبل عنييييييييييييييييييييييد
وعبدالرحمن بصف6 ابتدائي
والبنات نوره وابتسام
ابتسام صديقة عبير الروح بالروح هادئه رومانسيه بس جمالها عاادي
وهي خلصت الثانوي وجالسه بالبيت زي عبير

رامي:يمه فيه شي ناقص للحفله اليوم
الام:لا مشكوور ياوليدي
بتسام:الا فيه شي ناقص السنكرز ترا عبير تمووووت فيه لازم نضيفها
رامي بارتباك: ليش هي وش تحب غيره قصدي
ابتسام تضحك:مالك اتخطيت يابني كدا ليه كل ده لاانك سمعت اسمها
ضحكت الام:انشالله نخطبها لك قررررريب
رامي :طيب وش يضمن لي انها ماتروح
ابتسام:اركد (اهدئ)ياخوي انت وش بلاك ترا توك ماجهزت نفسك للزواج
رامي:خلاص طيب انا بروح
ابتسام:وين
رامي :وش دخلك

رامي وهو رايح يفكر يالله لو تكونين من نصيبي بس راح اكون اسعد واحد في الدنيا والله اشتقت لك اااااااااخ اتمني اني اشوفك قررررررررريب

حسام قاعد مع عمران
عمران:هاه عسى العروسه موافقه بس
حسام:افا عليك ياحسام موافقه ونص
عمران:تصدق خفت انها ماتوافق
حسام:انا يوم قلت لها دخلت الغرفه ومنزله راسها مستحيه الا موافقه
ومين احسن منك بس

عادل واهله راحو لعمه عيسى
واستقبلوهم احسن استقبال

قالت عبير:طيب ماقلتولي العزومه وش مناسبتها
ام رامي:علشان نشوف ام الفستان الاحمر ولا مايصير
قامت عبير وباست مرت عمها :الا يصير ياحلى مرت عم في الدنيا
يضحكون
قامت ابتسام :قومي ياعبور بنروح لغرفتي بوريك ابداعات عندي تنسيك هموم الدنيا
وابهالحظه نادى رامي اخته قالت:انا بروح له وبعده بروح فوق واذا خلصت اكلمك على الجوال ok
عبير:خلاص طيب
راحت ابتسام لاخوها رامي
ابتسام :خير وش تبي
رامي :هاذا جزاي اني جايب لك هاذا يوريها كرتون السنكرز
ابتسام تضحك:علشاني ولا علشان الي جالسه بجنبنا بالغرفه
ضحك وراح
كلمه صديقه محمد
رامي :يامرحبا ومية هلا
محمد:يالف هلا اقابلك بالشقه ترا فيه حفله تنسيك هموم الدنيا اليوم
رامي:ااسف ماقدر حنا عندنا عزومه وعازمين قراباتنا
محمد :حاول طيب
رمي :قلت لك ماقدر
بهاذي اللحظه كلمت ابتسام عبير وقالت تعالي فوق لان اخوها تحت
طلعت فوق عبير مستعجله وتزل رجلها وفجائه واحد وراها يمسكها جماله يسحر وطوله مو بعيد عن طولها ناظرت له وناظر لها نزلت راسها مين كيف ليش وهوماسكها وهي تناظر يديه عليها وفجائه يغمى عليها
وبهاذي اللحظه يتكون غشاء على عينها وتبدا الدنيا من حولها بضباب وتسود الدنيا وتسقط مغمى عليها

بكتف رامي رامي جن جنونه كيف تطيح وشلون بس لانها شافتني لا مو معقول انا مو خابرها مز لذي الدرجه خجوله انادي مين مين انادى
وهو مرتبك يمر من عنده اخوه ريان
ريان ببرائة اطفال:ياوسخ ليش تشيل عبير
رامي بعصبيه:ناد عادل اخوها بسررررررررررررررعه
ريان خايف:ليش عبير ماتت
رامي:يمااااااااااااااااااه مرت عمي شوفوا عبير بسرعه تعالوا
وينزل رامي عبير من كتفه بكل رقه وهدؤ رغم ارتباكه لأنه خايف احد يشوفه غير ريان ولا هو يتمنى يشيلها طول العمر
ام رامي وام حسام يجون مسرعين وش فيها وش فيها
رامي :مادري اغمى عليها
ام رامي :لايكون تلعب علينا زي مالعبت فيكم يام حسام
ام حسام تحاول تقومها قومي قومي شوفي كان تمزحين معي الله لايسامحك ليوم الدين
لكن لاحياة لمن تنادى عبير باين عليها الارهاق والعرق متساقط من جببهتها ورغم ذالك كان شكلها تحفه شكل اسطوري



رواية حب بعد كره منتدى تعب قلبي


وراح ريان لعادل إلي يلعب بلاستيشن ومتحمس بلعب مع عبد الرحمن
ريان وهو يبكي:ع ع عاااااااااااادل عبير ماااااااااااااتت
عادل:وش تقول انت
ريان مسك يد عادل وقاله تعال معي شفها وهو يبكي
راح عادل ولا عنده أي مبالاه للي قدامه دخل على قسم الحريم لا احم ولا دستور ريان ترك يد عادل وبدا يركض وتعال بسرعه ياعادل شف اختك
وصلو عند الدرج عادل مسرع وجلس عند عبير ومسك يدها وشفيك تكلمي ايه ادري تنصبين على زي زي وتذكر وعرف ان كل هاذا إلي يصير مقلب سوته عبير
قام وشاف اثار الاهتمام من رامي شافه بنظرة حقد
قال رامي:وش فيك شف اختك اغمى عليها انا شفتها فجئاه واغمى عليها
عادل بنظرات استحقار:وانت مستانس قاعد تناظر لها وتتفرج عليها
رامي بقهر:انت وين وحنا وين يالله شيل اختك انا بالسياره علشان نوديها المستشفى
عادل انتظرني بالسياره وتم يناظر رامي الى راح
عادل:يالله قومي راح بلا لعب تراك جننتينا يحاول يصحيها وقال لريان يجيب عطر علشان تقوم

اتسام ونوره بالغرفه ابتساااام:اوف وين هالسخيفه اختفت
نوره:والله مااااااااااااااااااادري
ابتسام :تكفين روحي ناديها
نوره:بس علشان التكفين بروح
نوره طلعت من الغرفه وراحت للدرج الواسع إلي بنهايته متجمعين العايله على عبير
فجئه يناظر عادل وحده بعمره او اصغر بشوي بنت اعلى الدرج كان شكلها ولا من ملكات الجمال لابسه فستان اسود قصير وذيل من الخلف والكتف مفتوح وكانت روووووووعه عادل نسى اخته ونسى وش اسمه تم يطالعها
وكان الهواء يطير شعرها الناعم الطويل الحريري والعيون الجذابه وامها وام حسام خافوا على نوره من الصدمه لان فيها انهيار عصبي
ام رامي:ترا مافيه شي بس عبير اغمى عليها بس
ام حسام بصوت خفيف:شيل اختك ودها للسياره وغض البصر
نوره حطت يديها الثنتين على فمها وراح تركض وتركض لغرفتها وصكت الباب وحطت ظهرها على الباب تجي ابتسام منهبله :وش فيك وش فيك تكلمي
والبنت ماتتكلم
ابتسام تحاول فيها :قولي وش صاير لك
نوره فتحت فمها بقوه وتعجز لاسكره ابتسام :لا صكيه وش صار لك تكلمي قولي وش فيك لا لاتقولي شي
وهي تبيكي ابتسام لحال اختها إلي ترتجف بكل مافيها مفتوح فمها ووجها يتحرك بارتجاف وايدينها تتحرك لاراديا على صدرها على شكل ضرب
ابتسام تحاول تفتح يدها وتصااااااااارخ يماااااااااااااه
وتركض ابتسام للباب وتمشي وتطيح من دون توازن وتروح للدرج وتمشي وتطيح باخر ثلاث درجات وينزل دم من
على فمها وتروح ماتلقى بالغرفه احد وتروح للمجلس وهي بحالة يرثى لهاتلقى الشغاله
ابتسام:وين امي
شغاله:ماما في روح
ابتسام تاخذ يد الشغاله وتقول تعالي
ويروحون مسرعات للغرفه يلقون نوره متشنجه اكثر من قبل بس ليش؟
وش السبب؟
معقوله لان لها قصه او حادثه قديمه؟
خلونا نشووووووف
يشيلونها ويودونها للسياره
ابتسام:يوه نسيت العباه بسرعه جيبيها ياعايشه
جابت عايشه الشغاله العباه لبست ابتسام بالمقلوب من الهبله ولبس اختها عبه مع ان العباه مز مغطيه شي
من لبسها العاري
تقول ابتسام:ودنا يامحمد لاقرب مستشفى بسرررررررعه
يوديها وقالت له يالله شيلها بسرعه
محمد:خلاص انا فين وديها
ابتسام:انا معك امش واقولك وين
شالها السايق وابتسام تمشي قدامه وهي مسرعه والسايق بعد نفس الشئ الكل مستعجل لانها كانت متشنجه واحتمااااااااال تموت




(القنبله)
ابتسام شافت بالقسم الرخامي الفاخر في الممر الواسع لقت اخوها وامها وولد عمها
رامي سرحان يفكر بحبيبة عمره بمالكه عقله وروحه بعبير وشفيها وش صار لها
وش راح يصيبها ولا اخوهاعادل إلي تدمع عينه كل لحظه والثانيه بس يتذكر انه رجال ولازم مايبكي
ولا الامهات إلي يبكون على حال عبير الغاليه الحبوبه إلي كل العالم يحبونها وتدخل قلوبهم حتى وهي ساااكته
ابتسام بصوت عااالي يكسر الدنيا بعد هدؤ:راااااااااااااااااااامي الحق علينا شف نوره
رامي قام من غير شعور شفيها هاذي ناسيه انا بمكان عام ناظرها لقى السايق شايا اخته واخته تتحرك والسايق يمشي ويطيح من قو التشنج راح يركض راامي وعادل والامهات وودوها قسم الطوارئ
والاطباء كلهم حول نوره إلي يجيب المهدئ والي يعطيها ابره وهاذا دكتور جاي وهاذا رايح

فتحت عبير عيونها يتثاقل شافت الغرفه وشافت انها بسرير ابيض ولبس مستشفيات وقالت يالله انا وش فيني وش جابني هنا مو معقول انا مخطوفه لا مومعقول كيف مخطوفه وانا لابسه لبس مستشفى بس انا طيبه
وتقطع حبل افكارها صوت الدكتوره المصريه:الف الحمدلله عالسلامه
عبير:وش فيني مين جابيني هنا
الدكتوره :اهلك إلي جابوك والحمدلله دالوقتي راح نشوف التحاليل وانشالله خير
عبير:بس امانه بلغيني أول زين
الدكتور:انشالله أول مايخلص التحليل ااولك
عبير متى يخلص التحليل
قصدي النتايج
الدكتوره:انشالله ربع ساعه وكل حاجه خالصه

ونرجع للنوره
الاهل كل واحد محتاس مع النتيجه يبي يعرف وش بلا هالعايلتين
عادل:معقوله كلهم بيسوون فينا مقالب
عبير الهبله ممكن لكن الملاك إلي شفتها لاااااااااااااااااااا يالله مين تكون ذيك نوره ولا ابتسام
يارب عسى تكون نوره مز ابتسام عالاقل تكون بعمري
طلع الدكتور من غرفة نوره
ام رامي وهي متقطعه بكاء:هاه بشر يالدكتور
الدكتور :الحمدلله هاذي مجرد تشنج بسيط اثر الانهيار العصبي إلي صار لها من قبل سنه
ابتسام:طيب واللحين اخبارها
الدكتور:عطيناها منومات ومهدئات ومايصير انشالله إلا كل خير
رامي من غير شعور:وعبير
عادل:اشوفك مهتم لاختي اكثر من اختك


عبير قاعده تتذكر احداث اليوم وتتذكر ان اخوها وابوها وامها خلاص وافقوا انهم يزوجونها لكن هي واحد يكون ماتبي إلا واحد رومانسي حلو جذاااااااب ايه زي إلي شفته وفجئاه مين ذاك إلا ذاك رامي معقول هو ذكي وحلو وحبوب ومابي ال هو انا حبيته من أول نظره وكانوا من صغرنا يقولون عبير لرامي ورامي لعبير وهو باين انه يحبني إلا يحبني انا الكل يتمناني طيب شلون شكل حبي ماراح يطول

وقطعت حبل افكارها للمره الثانيه الدكتوره:دالواقتي راح اجيب النتايج
ابتسمت عبير وراحت الدكتوره
وفجئئا ابتسمت عبير ابتسامه خبيثه اللحين اكيد بيطلع فيني مثل كالعاده فقر دم انا ورا مابخشش الدكتوره واقولها تقول ان فيني مرض خبيث علشان ينحاش عني واو فكره حلوه

جات الدكتوره ووجهها باين عليه اثار الفرح:قالت الدكتوره الف الحمدلله عالسلامه فقر دم حاد يعني تغذي واشربي العصيرات الطازجه والمفيده
قاطعتها عبير بحزن :طيب دكتوره انا عندي مشكله ابيك تساعديني
الدكتوره؟؟انا؟؟؟
عبير:ايه مافيه احد يقدر يساعدني إلا انتي
الدكتوره:دانتي بتؤمري
عبير:اهلي راح يزوجوني غصب الخميس الجاي ملكتي
الدكتوره:بيغصوبكي
عبير: اه اه بيعذبني الرجال ذا طول العمر هاذا مجرم وانا اكرهه الله يخليك وسكتت فجئئه
الدكتوره:والمطلوب مني حنفذوه
عبير :ابيك تقولين لاهلي ان فيه مرض خبيث
الدكتوره:مش معقوله مستحيل؟
عبير بدات بدموع التماسيح:الله يخليك وانا إلي بتحمل كل شئ حرااااام اعيش مع واحد علشان فلوسه ونزلت عبير خاتم الماس باصبعها ومدته للدكتوره
الدكتوره :استغفر الله خلاص باخدعهم بس انتي بتتحملي كول حاجه
عبير ابتسمت طيب
طلعت الدكتوره واثار الحزن عليها والاهل يبكون والممر كله بحالة توتر
وكلهم حواليها ابتسام وعادل ورامي وام حسام وام رامي والجو كئيب
ام حسام:هاه بشري
الدكتوره سكتت وتبي تغير رايها لكن من غير شعور قالت عبير للاسف فيها السرطاااااااااااااان
ام عبير:لاااااااااااااا وطاحتعلى الارض تبكي
وام رامي :ماكنت أحسن من حالها الكل يبكي
الكل يبكي
إلا اثنين واحد حس بتأنيب ضمير يقول ياليتني مت ولا طلعت في وجهه انا وجه المصائب لو ماني في البيت ماغمى عليها ولا عرفنا ان فيها سرطااان اخ اخ
والثانيه هي وحده تناظرهم من بعييييييييد ودموعها عالقه ببعيونها وتقول معقول انا خسرت اختي بسمه لا مابي اخسر عبير لا يارب احرمتني من بسمه قدام عيني مابي اخسرها مابي اخسر عبير


وش راح يصير
هل عبير بينكسر خاطرها عليهم وتقول انا اكذب؟
بيتمسك رامي فيها ولا بينساها؟
وش قصة بسمه أخت ابتسام؟
وش سبب الانهيار إلي في نوره؟
هل تتعلق سالفه بسمه بانهيار نوره؟
تتوقعون تتم ملكة عبير؟


راحت الدكتور لعبير
عبير بحماس:بشري يالدكتوره
الدكتوره بحزن:اتطمني ياستي كل شئ ماشي بالطرق الصحيحه
عبير صارخت بقوه وبفرحه ياهوووووووووه
الدكتوره:ودالواقتي حنعمل ايه لازم تنومي انا قلت لاهلك يجوا بكره وراحو
عبير بصوت عالي:نعم تخسين إلا انتي والله مانام وبعدين ليش خليتيهم يروحون
الدكتور:انتي بتخرفي بتقولي ايه ايه تخسي يعني بعصبيه انا دالوقتي حاقول لاهلك انك اقلتي لي تكذبي عليهم
علشان الجوازه المهببه دي
عبير باستهزئ:مابقى إلا انتي تتهددين روحي علميهم وانا واهلي راح نشتكي عليك ونقول انها خانت وظيفتها انتي قولي ووالله مايردك الا ديرتك
الدكتوره:كل الوجه البرئ ده لكن جواتك مصيبه كارثه اعمل خير بتلقى شر
عبير:اقووووووووووووول لايكثر بس ورخصيني بسرعه وراي دنيا ومشاوير
الدكتور :حرخص لك وامري لله بس بكره مش اليوم راحت الدكتوره وصكت الباب بقوه من القهر
عبير مستانسه يالله انا لعبت على الحبلين
وناسه قامت يااااااااااالله وش فيني انا احس اعضامي مهددوده احس اني مو على بعضي يالله ابشوف شكلي بالمرايه كيف صايره اكيد الكحل حايس وجهي قامت راحت للدورة المياه لكن طلع لها واحد من ورا الباب وسكر على فمها تبي تصارخ تحاول تضرب قال لها بصوت هادئ ومريح لاتخافين انا ولد عمك
وبعد يده من فمها بعد ماشافته باستغراااااب
عبير:انت وش تبي اليوم عالدرج واللحين في المستشفى ماتبت
رامي:سلامتك سلامتك ياعبير قلبي وروحي
عبير:ضربت يدها براسه هاي اصحى ترانا في السعوديه مو باوربا
رامي واثار الحزن عليه:ماتشوفين شر انا السبب صح صح
عبير:بوشو السبب
رامي:في مرضك لو ماشفتيني كان ماغمى عليك ولا جبناك للمستشفى ولا عرفنا وش فيك (نزلت الدموع من عينه
عبير:رامي تكفى اطلع برا لاني مو عارفه كيف اتصرف شكلي مرعب وانت معي

رامي:بالعكس شكلك جنان تاخذين العقل
عبير:خير انت مره تتاسف ومره حزين ومره تتغزل وش فيك انت
رامي:انا احبك من زمان وودي انا
قاطعته عبير :والي يحب كذا يسوي
رامي:خطبتك الف مره لكن ماحد عطاني وجه تكفين ياعبير خلينا نتزوج واعالجك
عبير بارتباك:اتعالج وين
رامي :بالقصيم
عبير:نعم
رامي: اكيد بالخارج اجل وين تبين
عبير:بالشرقيه اجل وين
رامي مات ضحك على استهبالها وقال تعالجي في الرياض
عبير:اطلع براااااااا لاجمع العالم عليك تراك مو محرم لي مدت يدها للشماغ رامي واخذتها وغطت وجهها وبينت بس عيونها قالت شكلك مطول
رامي:تراك إلا الان نتجنني واحلى من أول وبعدين تراك شوهتي سمعت البدو تطرديني
عبير:لاوالله انت إلي شوهت سمعتنا كيف تجي لبنت وما عليها لاغطوه ولا شئ وانت مو محرم لها
رامي:انا اسف طيب اقدر اكلمك بالجوال ترا معي رقمك
عبير مشت تبي تروح لدورة المياه مسك يدها رامي: وين رايحه
عبير مرتبكه تناظر جراتئه :صحيح سخيف اسمع والله لو تموت ماتحصل إلي تبيه ولا حتى تفكر اني راح اتزوجك ياسااااااااذج
زادت مسكته ليدها عبير عطته كف باقوى ماعندها فجئئاه تجي الدكتوره وتشوف الكف
الدكتوره:انتوا بتعملو ايه
عبير:وش دخلك لايكون مستشفى ابوك وانا مادري
رامي استغرب من اهانتها له وعطته الكف إلي عمره ماراح ينساه
الدكتوره طلعت مقهوره
رامي:اشوفك على خير يابنت العم
وراح لكن وصل عند الباب وتذكر شماغه
رامي :عطيني شماغي
مد يده بكل هدؤ واخذها
عبير:بعد مانكشف وجهها وبعد ماوصل عند الباب قالت بكل هدؤ :للاسف يارامي( وقف رامي وناظر وراه) انك وولد عمي انا اليوم قاعده افكر فيك واقول انك فارس احلامي بس ماتوقعتك كذا طحت من عيني يارامي طحت من عيني (وهي تبكي
رامي بتوسل:وش تبيني اسوي علشان نرجع لبعض علشان ارجع لعينك ولا اطيح مره ثانيه
عبير:إلي يطلع جبل ويطيح من اعلاه ممكن يعيش و يرجع له ويطلع مره ثانيه لكن إلي يطيح من عيني مستحيل يرجع ومستحيل ارضى عليه وبذات انت لانك سويت شئ مستحيل ولد عم يسوي لبنت عمه مستحييييييييييييييييييييييييييل
رامي:انا بدعي لك بالشفاء العاجل انشالله
وطلع وهو حزين
عبير راحت للسرير وتبكي بقوه اخ اخ انا وش سويت كيف اضربه واسبه كيف وهو خايف على وظلت تبكي الى نامت
في الغرفه الثانيه وتحديدا في اللممر الثاني للغرفة نوره
كانت فيه ابتسام ونوره جالسات يبكون
نوره:حرام ماتستاهلين يعبير انا بنجن بموت كيف صار لها المرض هاذا
ابتسام:هاذي لعبة الاقدار ماتعرفينها ولا اختي بسمه كيف ماتت وهي توأمئ
الممرضه ساره :طيب شلون ماتت
ابتسام:قصه طويله ومحزنه
ساره: وانا كلي اذاننا صاغيه
ابتسام:هاذا يوم في الايام قلت بطلع لاستراحه علشان نجاحنا اتفقنا انا واختي بسمه هالمره بس نفترق كل وحده بسياره لان عمرنا مافترقنا بالفصل كنا سواء وفي البيت بعد والروحات واللجيات مانفترق حتى ننام سواء ونقوم سواء ناكل مع بعض كنا بعد نتشابه نسخه من بعض حتى المدرسات يغلطون في اسامينا ويستعربون كيف اهلي يفرقون بيناافترقنا بالسيارات هي راحت مع السايق واخوي الصغير إلي عمره15 سنه كانوا يمشون قدامنا بالسياره وكل دقيقه نشوف بعض ونضحك وحركات اخر حركه سوتها هي باست يدها ونفختها في الهواء علشان توصلني وبعده(تبكي)وتسكت

وبعده مشت شاحنه بسرعه وصدمت السياره إلي راكبينها انقلبت السياره تقريبا خمس قلبات وتصير السياره كانها لعبه او قوطي بعده وقفوا السياره اهلي ونزلو كلهم إلا انا بس اتذكر بوستها الطايره في الهواء وضحكاتها إلي ماليه على دنيتي كانت تحب الضحك تنكت كثير ماليه البيت سعاده علينا


اخذت شهرين وانا ماضحك ولا اتكلم ولا حتى ابكي الدكاتره استغربوا من حالتي كانت حالة نادره غريبه اغلب الدكاتره فالوا مايعرفون وش العلاج لكن بالتهايه ودوني للطبيب نفسي وقال خلوها تتذكر الماضي علشان تعيش ودوها لاماكن مريحه حتى تخف لكني بيوم من الايام طاح على معلاق الملابس(الشماعه) وراحت النفسيه والهدؤ وقمت في كابوس مرعب في الغرفه سرير واحد بدال السريرين الصور مز موجوده طاولة الكتب حقت بسمه وينها ابتسامتها ضحكتها إلي دوم انزعج منها اليوم ابيها واصارخ باعلى صوت بسمه ابي بسمه تجي نوره تصارخ يماه يماه يمه تعالي ابتسام تكلمت تي الام طايره فرح وتحضن ابتسام ابتسام لا انا ابي بسمه ابي بسمه الام:الله اخذ مني وحده مابي ياخذك بعد
ابتسام:طيب بسمه وينها
الام:بسمه واعبدالمجيد راحو هم السابقون ونحن الالحقون
ابتسام:لاااااااااااااااااااااااا وتبكي
ساره:اسفه حزنت فيك
ابتسام:لا عادي أحسن فضفضت لك وبعدين احس ان كل الايام إلي عشتها معها كان خيااااال لاني الى اليوم مو مصدقه انا بنفترق الى الابد
نوره :الله يرحمها



أهل عبير
ام حسام:قاعده تبكي وهي تقول لبو حسام القصه
ابو حسام:طيب كيف صار لها المرض والاب انا لله وانا اليه راجعون وحاط يده على رأسه ولا عادل إلي بغرفة عبير قاعد يبكي لا انشالله ماتخلينا كيف تموتين لا يارب يارب خلها تعيش وقبل ماتموت هي موتني انا يااااااااااااااااارب
حسام عرف بالسالفه وحزن وطلع برا البيت وراح مكان بعيد عن الناس معقول عبير يصير لها هالمرض لا ياااااااارب عسى اقوم من الحلم او الكابوس المزعج يااااااااااااااارب لا

عبير
شافت نفسها بالحلم تنزف من غير العريس وهي تمشي علشان تروح للكوشه بجنبها ثنتين سود لابسين زي فستانها الابيض ويركضون حولها والكل يمدح بزواجها لكنها تشوف العريس وتحاول تقرب له لكن هو يبعد عنها وجاء لها يبي ياخذها اختفت من المكان والعريس يكي بالم وبنفس المكان لقيت ولد وبنت تؤامقامت من النوم بصراااااااااااخ وضربت جرس إلي لطوارئ جوا الممرضات:نعم فيه شئ
عبير:ابي ماء
الممرضه:خوذي المويا
عبير:بسم الله وش هالحلم يمه شكلها حوبة هالدكتوره وهالرامي ودي اعتذر له حرام مايستاهل ايه إلا ابعتذر اقوله بس اسفه يعني وش بيصير عادي هو جاء وقال إلي ماينقال بس ضربته حرام بجد انا مو بنت انا مسترجله وش سويت باهلي امس وش سويت يولد عمي ايهانا ماخطيت اهلي هم إلي بيزوجوني غصب اماولد عمي هو تطاول على جاني ولمس يدي حراااااام وليش انا اعتذر يخسى إلا هو


يطقون الباب عليها
عبير:ادخل
عادل:صباح الخير اختي الغاليه ومعه بوكيت ورد جوري احمر على عنابي إلي تحبه
عبير:واو عطنياه
عادل يضحك:اكيد بعطيكياه اجل لمين بجد فشلتينا مو شايفه خير
عبير:يالله تهبل ريحتها تجنن
وحسام وراه وبعد معه بوكيت الجوري وعيونه حمراء من السهر بتفكيره باخته:سلم على اخته ماتشوفين شر يابعد هلي
عبير مستغربه والله المرض جاب نتيجه وخلا إلي مايحسون يحسون:اهلا حسام اخبارك ووش الطارئ على التغزل من صباح الله خير
حسام:اخو ويدلع اخته وش فيها وانتي تستاهلين كل خير
عبير تبي تاثر فيه:ولا علشاني قربت اموت صح
عادل:حرام عليك بصوت مبحوح من الحزن
حسام:لا انشالله يومي قبل يومك
عبير :والملكه وش صار فيها
حسام:ماراح اغصبك على شئ
عبير فرحت :والله
ودخلو ابوها وامها وهم يشوفون الفرحه بوجهها
ابو عبير:انشالله الفرحه دوم مويوم
ام عبير:يسلمون اخبارك ماتشوفين شر وتبكي
عبير:لا يمه لاتبكين ترا اصيح
ابو حسام باين نفسيته متاثر بلحييييييييييييييل
وعادل لبس نظارته السوداء علشان يخفي حزنه
عبير:يبه يمه مابي اتزوج
ابو حسام:براحتك
استانست عبير طارت من الفرح مرضها جاب نتيجه وما اكتملت فرحتها جات الدكتوره
الدكتوره:خلاص خلص السناريو بتاعك ياحاج اسمع دي البنت اجبرتني امس اقول لكم ان فيها مرض خبيث علشان ماتجوزوها الواد المهبب وهي مافيهاش إلا العافيه بس فقر دم عندها وانا متاسفه
عبيرتبي تنحاش ماتدري كيف تبي تطلع ماتدري شلون نزلت من السرير تناظر اهلها كذابه لاتصدقونها
عادل اخوها عطاها كف بقوه من قوه طاحت على الارض الاب ضربها وحسام والام جنت
حسام يضرب ويقول والله ان تتزوجينه الاسبوع الجاي غصبن عليك يالحيوانه والكل عزم انه يزوجونها من الولد إلي انقذها بالانش في البحر إلي اسمه عمران






وش بتسوي عبير تتوقعون تسوي مقلب جديد؟؟علشان الملكه ماتتم؟؟
عرفنا قصة بسمه بس ماندري وش سبب انهيار نوره؟؟؟
هل عبير راح تكلم مروان وتطلب منه المساعده؟؟؟
تتوقعون تتعتذر لمروان؟؟؟
اذا تمت الملكه والزواج راح تكون سعيده ؟؟؟
تتوقعون الحلم له تاثير بحياتها؟؟؟؟
ملاحظه(((( مز هي مو بس غلط ))))



http://forum.te3p.com/197162.html


رواية حب بعد كره منتدى تعب قلبي

التوقيع

توقيع
رد مع اقتباس


إضافة رد

أدوات الموضوع


جديد مواضيع القسم الادبي ، شعر ، قصص ، روايات

المواضيع المتشابهه
الموضوع كاتب الموضوع المنتدى مشاركات آخر مشاركة
رواية تعب قلبي منتدى تعب قلبي صمت الآلام القسم الادبي ، شعر ، قصص ، روايات 0 25 - 07 - 2013 04:35 AM
رواية تعب قلبي منتدى غرام صمت الآلام القسم الادبي ، شعر ، قصص ، روايات 0 25 - 07 - 2013 04:34 AM
رواية تعب قلبي منتدى كويتيات صمت الآلام القسم الادبي ، شعر ، قصص ، روايات 0 24 - 07 - 2013 04:30 AM
رواية انت لي منتدى تعب قلبي UoZa القسم الادبي ، شعر ، قصص ، روايات 0 17 - 06 - 2012 12:58 PM
رواية لجل الوعد منتدى تعب قلبي UoZa القسم الادبي ، شعر ، قصص ، روايات 0 17 - 06 - 2012 02:03 AM


03:12 PM