في الشاليهات
راكان بعد ماابعد عبدالله بمساعدة نايف وفضيت الجلسة لراكان وابوة وجده
... / يبه هذا انت في الشرقية انت وجدي ابو نايف بكرة تروحون لجدي وعمامي وتخطب لي سمر رسمي من عند عمي
سلطان وانا كلمته قبل لا اجيكم
ابونايف بعصبية / مادام انت كلمته ويش فايدة روحتنا
راكان بضيق/ جدي ماله داعي هالكلام وانا عارف اخرته بيوصل ليش
ابونايف بعصبية/ لايش بيوصل يعني .. تقرر وتخطب وبعدين تبينا ننفذ .. عبيد عندك حنا
روايات رومنسيه سعوديه جريئه كامله منتدى غرام
راكان بطولة بال/ حاشاك يبه بس انا خبرتكم من سنتين عن الموضوع وقلت لك اول ماتنتهي من دراستها بالثانوية ابي اتزوجها وهذي هي خلصت والخطاب يدقون بابها
ابونايف بغيض/ وخير ياطير فيه اللي احلا منها وتسواها
راكان عصب/ ماابي غير بنت عمي سلطان ولو الف الدنيا كلها ما الاقي مثلها
ابونايف بعصبية/ الا فيه مها بنت خالتك حلا واخلا....
قاطعه راكان وهو بقمة العصبية/ ماابي غير بنت عمي تبون تخطبونها وتحضرون ويصير لكم قدر اهلا وسهلا ماتبون احسن ماتقدرون توقفون بطريقي اتزوج واسكن بالشرقية واشتغل عند عمي هو يتمناني من قبل واتحداكم اذا شفتوا وجهي بعدها وشوفوا من يشتغل لكم بالشركة >>> عارف نقطة ضعفهم
ابو راكان يطالع ابونايف وهو بداخله يتمنى راكان ياخذ من بنات عمه بس مايقدر يتكلم لسانه ثقيل وحلقة ناشف ويحس بسكاكين تنغرز بحلقه
ابونايف بخوف من فقد راكان وهو عارف راكان اذا قال كلمه يسويها/ خلاص ..خلاص بكره نروح ونخطبها لك لو مااحبك كان ما..
قاطعة راكان وهو يقبل راسه وقبل راس ابوة / ماقصرتوا الله يخليكم لي انا رايح وبكره اشوفكم عند جدي سعود
وراح وتركهم واتصل على زياد وقاله رايح لعمامه وزياد بقي بالشاليه
مها بعد ماعرفت ان راكان موجود كثرت من الميك اب حول العيون لبست احلى لبس عندها وكثرت العطر و خرجت من الغرفة و تجهة لامها وطلبت من امها تروح هي وخالاتها لمجلس الرجال
دخلت ام عبدالله واخواتها ومها المجلس .. ام عبدالله/ وين راكان خبرونا انه موجود وينه ماشفته
عبدالله بطفش / راكان رجع لعمامه
مها بخيبت امل/ لا ما مداه توه واصل
نايف ماسك ضحكته على شكلها المضحك
ابونايف بقهر/ ها لولد مو صاحي ماغير ناقع عند عمامه ابي اعرف هم ويش مسوين به ساحرينه
شريفة/ اكيد يبه اجل يجي يم امه ولا يسلم عليها
نايف في داخلة " كلن يناظر الناس بعين طبعه .. يعني اذا انتي صاحبة سحور هم بعد اصحاب سحور"
ابو راكان نزل راسه بضيق مشتاق لامه وابوه واخوانه بس مايبي صداع الراس والضيقة كل ماحاول يروح يتعب ويمرض وقلبه يوجعه فصار يكرة الجية لأهله
خديجة/ يبي لنا نروح لوحده تفك السحر وكاد انه تلقا لها مليون عقدة فيه
شريفة/ خلينا نرجع الرياض اول مانوصل اسال وحدة تعرف فها السوالف
خديجة/ اية ياختي اذكر ام علي جارتي قالت لي عن وحدة فكت سحر زوج بنتها وصار يحبها وخاتم باصبعها بعد ماكان مصبحها و مسيها ضرب تقول ان اسمها ام سعيد يبيلي اسالها عن مكان هالقارية (القارئة) يمكن يفيد معاه
ام عبدالله برتباك / هااا لا لا لاتسالينها ام علي كما بخور السوق بكرة تلاقين نجد كلها تدري بانك تدورين ام سعيد لا لا تسالينها ولا شيء انا اسال واعرف
نايف قام من الجلسة بدون محد يحس وراح يم خواته شافته حنان ونادته
حنان بدلع ماسخ/ نايف نونو
نايف بضيقة وهو صاد/ هلا حنان تبين شيء
حنان ضايعة في خرايطها/حياتي اشتقتالك
نايف عارف هالموال / حنان عيب اللي تسوينه وانتي مثل اختي فاستحي الله يستر عليك
حنان بغباء / يعني كيف نايف ماتشتاق لشوفتي والا انت ماتحبني
نايف بزهق/ لاحول ولا قوة الا بالله حنان بعدي عن طريقي لايجي عبدالله ويفكر بشينه ويذبحني
حنان بخوف حقيقي / بسم الله عليك جعل يومي قبل يومك و...
ماكملت كلامها لان نايف مشى قبل ماتكمل متجهه لاخواته
ـــــــــــــــــــــــــــــــــــــ
العنود بعتب / الله يا زياد لا انت و لا راكان كلفتوا خاطركم بسؤال عنا
زياد بخجل من معاتب اخته وهي صادقة لهم شهرين غايبين عنهم وهم ساكنين مع بعض بالرياض ولا فكر يسأل/ والله عارف اني قاطع بس ايش اسوي وانا اخوك هذي شركة جدي من هنا وارجع بيت راكان وانا هلكان وحط راسي وانام واليوم الثاني نفس الموال وان لقيت فرصة ازور امي واسلم عليها بس الاقي عندها خالاتي واضطر اطلع بسرعة وبعض الاحيان مالحق امر عليكم
ساره بحضن زياد ودموع بعينها/ شهرين يازياد شهرين وحنا بنفس المدينة لانسمع صوتكم ولا تسألون عنا
زياد يحضنها ويقبل جبينها/ اعذريني حبيبتي بس لو كان عندكم جوال كان احسن
العنود/ عندنا جوال بس محد يعرف رقمه غير نايف ومحد يدري عنه
زياد باستغراب / ليه
العنود بهدوء/ مانا حابين احد يزعجنا ولا نحب نتصل على احد وحتى حنا ما نستعمله مضرته اكثر من منفعته
ساره بابتسامة/ انا حافظه الرقم بس حنا مانتكلم به الا نادر يا نكلم نايف يا منار وهم وحدهم اللي يعرفونه
زياد زاد استغرابه وبداء يشك بالامر/ ليه وامي ماتدري عنه
ساره بسرعه/ لالالا ولا نبيها تدري
زياد/ ليه؟
العنود بهدوئها المعتاد / امي تعبانه ولا تطلع برا البيت علشان تتصل وبعد علشان خالاتي ما يزعجونا به وكل شوي يتصلون وانت عارف سوالفهم
زياد صدق كلامهم وزالت كل الشكوك/ خلاص على راحتكم راح اتطمن عليكم عن طريقة وأطمنكم عني وعن راكان
ساره/ حنا حافظين رقمك ورقم راكان نايف سجلة لنا بس لاتقول لاحد زيود
زياد ابتسم وضربها على موخرة راسها بخفه/الحين ياكبري وتقولين لي زيود ولا يهمك راح ابلغ راكان
ساره تبتسم/ ولا تنسى تقوله سر
زياد ابتسم لاخته الصغيرة وباس جبينها ولحظة دخول نايف / وراح اقوله سر من عيوني
نايف/سلام ... هوووهووووو خليتك معاهم نص ساعة سويتوا فيها اسرار اجل معاد بخليكم مع بعض
الكل /وعليك السلام
العنود بهدوء / لا سر ولا شيء بس قلنا لزياد عن الجوال وانه مانبي احد يدري بوجودة
نايف هز راسه .. والتفت على زياد / كيفكم ياخواني >> يسأل بعتب
زياد ابتسم/ بخير وانت كيفك وكيف دراستك
نايف/ الحمدلله وتخرجت بنسبة عالية الحمدلله وابي اقدم بجامعة الامام محمد بن سعود قسم هندسة وان شاء الله خير
زياد مستغرب / صدق يا نايف
نايف / ايه صدق وليه مستغرب .. وابتسم بالم .. توقعت اني صايع وفاشل
زياد/ لا محشوم يا اخوي بس ما توقعت لك بالدراسة
نايف ابتسم بألم/ اخوان بس اغراب عن بعض
زياد تألم من الكلمة وابتسم بخجل وطلع جواله ومده لسارة تسجل فيه الرقم
ساره تبتسم/ امممم راح اكتب سارونه الحلوه تمام وصارت تطقطق بالجهاز
نايف / ابوك يا الاستحلال الجوال للعنود ويش لك
ساره تمد لسانه / مادام العنود راضية ويش علية فيك
نايف يسوي نفسة بيضربها وهي تخبت بحضن زياد وهي تصارخ خايفه وكانه ضربها صدق ضحكوا زياد والعنود ونايف على شكلها
ــــــــــــــــــــــــــــــــــــــــــــــــــ ــــــــ
بعد الغداء والقهوة والشاهي الكل انتهاء من التعب وراح لبيته بس قلبين محروقه على ضناها اللي بقربهم وبعيد عنهم
ابو سطام وام سطام
نوال خرجت من فلة جدها وما انتبهت لسعود اللي واقف برا بعد ما خلص مكالمته
نوال/هلا دكتور ايمن
.../الحمد لله بخير
..../ لا ابدا تفضل
..../ بخير الحمد لله شكرا لسؤالك عن الحال
.../ شكرا دكتور لمساعدتك
.../ ما ادري اشلون ارد لك جميلك .. ما قصرت
.../ مع السلامة
لفت وانصدمت بوجود سعود قدامها وهو رافع حاجب
نوال بارتباك لا ارادياً/ هذا دكتور بالمستشفى اللي كنت اتدرب فيه كان....
قاطعة سعود وهو مستغرب/ وليه هالتوتر والتبرير انا ما سألتك .. فجاه خطر في باله شيء وعصب ... لو كان اتصال عابر ماخفتي لها الدرجه وبعدين انت ماخلصتي تدريب ليش يتصل عليك .. ليكون بينكم شي .. احترمي اهلك اللي معطينك الثقة يا انسه
نوال عصبت / انا محترمه نفسي واهلي غصباً عليك وما اسمح لك تكلمني به الطريقة
سعود عصب من طريقة كلامها/ لا تصارخين لااعطيك كف يربيك
نوال عصبت اكثر / انا متربيه قبل لا اشوف وجهك.. ورفعت يدها وهي تأشر بصباعها وباستهزاء.. ومن انت حتى تربيني
سعود مسك يدها بسرعه ولواها وشرار يطلع من عيونه / والله يا نويل ان رفعتي يدك مره ثانية بهالطريقة لكسرها لك .. وفلت يدها
نوال خافت وتألمت من يدها وراحت تجري لبيتهم وعيونها مغرقة دموع وسعود خذا سيارته ومشي بسرعة
ــــــــــــــــــــــــــــــــــــــــــ
غرام تجري من الدرج وفي يدها دفتر مذكرات شجون وماتشوف قدامها و صدمت بشي وطاحت على الارض
......./.... ايييييي وجع يالخبل ماتشوف قدامك
شجون بس شافت عناد جري رجعت غرفتها وقفلت الباب
عناد والبركان ثاير من راسه لو ماتدارك نفسه كان طاح على ظهرة / انا الخبل والا انتي انا نفسي اعرف هالعايله احد داعي عليها ببنات خبلات جن مايعرفون لركاده والعقل وانتي ويش جابك بهالوقت لبيتنا ياناشبه لبتال وسعود يالي انا وبدر والله ان شفتك هنا لاحش رجولك حش فاااااااااااهممممممممممممه >> قالها بصوت عالي
غرام وقفت و بقوة عين تخفي وجع الكلمات اللي قلها عناد / والله البيت بيت عمي مالك دخل ادخله والا ما ادخله لمن يكون بيتك هذاك الوقت اطردني مالت عليك هااا>>> كشت بيدينها وراحت تجري
بدر يحمد ربه انها مشت قبل لا يذبحها عناد وراح جري على غرفته حتى لا يسمع له تهزئه
ابرار نزلت / خير وش فيه ... ليه ها الصراخ
عناد بعصبيه/ اسمعي ابرار ان شفت غراموه ولا شجين مع بعض بها البيت لاتلومون الا نفسكم
ابرار فهمت على طول وبتهدئة/ خلاص على امرك مايصير الا اللي بخاطرك
عناد زفر بضيق وطلع لغرفته وابرار راحت لغرفتها
ــــــــــــــــــــــــــــــــــــــــــــــــــ ـــــ
شجون على السرير تحت الفرشة مرعوبه من عناد
انطق باب غرفتها وزادت دقات قلبها رعب
بدر بصوت هامس/ شوجي شجوني انا بدرك افتحي لاتخافين
شجون/ بدر .. عناد حولك شيء
بدر حب يزيد عليها شوي/ ياويلك ياشجون متحلف فيك انتي وغرام ليتوطئ في بطنكم
شجون تفكر " خير وسيله لدفاع الهجوم"" ابي اهاجمك ياعناد مثل غرام"
شجون تذكرت كلام غرام وماقدرت تكتم ضحكتها الصاخبة
هههههههههههههههههههههههاااااااااااااااااي
بدر وراء الباب نقز من الفجعة/ بسم الله الرحمن الرحيم ... وبعصبية... صدق يوم يقولون عنك مسترجله والله مالومهم
شجون سمعته وعصبت من كلمة مسترجلة فتحت الباب / انت هيااااااااااااااا شنو مسترجلة
بدر / اجل ذي ضحكة انا اذكر البنات لضحكوا ما عاد ودك يسكتون ضحكتهم كأنها اغنية رومانسية مو انتي كنه فلم رعب
شجون بتكشيره/ تدري الشرهه مي عليك الشرهاه على اللي يتكلم معاك وقفلت الباب في وجهه
بدر عصب من حركاتها وراح لغرفته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ريما / رنيم ما انت شايفة صقر صار عصبي زيادة من لمن جينا الشرقية
رنيم مركزة على اظافرها ومعاها المبرد وتفكيرها بشيء ثاني ولا ردت على اختها
رنا/ من صدقك ريما انتي شايفه رنيم فاضية مشغولة بأظافرها اهم يعني
رنيم طالعتهم بنظره وراحت غرفتها
رهام/صدق هالبنت ويش تفكر فيه بس 24 ساعة في غرفتها وماسكة موبايلها والا المبرد والا الاب توب
روان/ لا يروح تفكيركم لبعيد تكلم صديقتها صالحة
ريما/ انا ماني مرتاحة لها البنت من ايام ابها احسها صاحبة مشاكل
رنا / لا تسمعكم تراها تذبحكم ولا ترضى عليها "وبستهزاء تقلد رنيم" صديكتي الصدوك
ريما بتنهيده/ وبالله المستعان .... المهم صقر مو ملاحظين تغير وحنا مالنا الا كم اسبوع بالشرقية
دخلت مياسة على هالكلمة / السلام عليكم ..... ويش فيه صقر تعبان متضايق ولا تخبون عن شيء
الكل / وعليكم السلام
روان بغيره/ كلش ولا صقرك هو المهم واحنا ابد لو نموت محد مهتم فينا اهئ اهئ اهئ >> صارت تبكي
مياسة راحت تضمها وتبوسها على خدها / يا ماما يا روحي انا يا سكر المعقود انتي تحت عيني بس صقر ولد واكثر وقته برا البيت ما اعرف ايش يسوي وهو في فترة مراهقة
روان ببكيه / وانا بعد فترة مراهقة والا هو الولد الوحيد حبيب الكل هئئئئئئئ
دخل صقر وهو جاي من المسجد ما سمع كلام روان الاخير بس سمع بكاها قبل جبين امه وجلس جنب روان
صقر بحنان/ من زعل حبيبة اخوها رونه ليه يا عمري من زعلاك قولي لي بس والله ما ينام الليلة الا وهو زعلان
روان تحب صقر بس تغار من اهتمام الكل فيه وهي لا... ابتسمت له وحضنته بيدينها/ لا حبيبي محد زعلاني فديتك
سمعوا صوت طيحة وصرخة الم/ آآآآآآآآآآآآآآه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
ابو سطام وسلطان خارجين من المسجد بعد صلاة العشاء
سلطان بمودة / يبه بكرة ان شاء الله جاي ابو راكان وعمه ابو نايف يخطبون سمر لراكان خبرني راكان بهذا الشيء وانت خابر هو محيرها " محجر عليها " ويبيها من ثلاث سنين وانا قلت له خلها تخلص الثانوية وبعدين راي الزواج عندها
ابو سطام مبتسم/ والله وكبروا العيال يا سلطان اجل راكان مستعجل على العرس
سلطان مبتسم/ ايه يبه والله لو هي عليه ما خرجت سمر من البيت ومن حضني بس هذا المكتوب واللي لازم يصير
ابو سطام عاقد حواجبه وبحده/ وش لك تخليها عندك هذا مصير كل بنت وولد عمها اول بها زوجها وعن الهرج الماصخ راكان رجال وينشد بها الظهر مثل ماربيناه ماتغير وزياد ماعليه اقصور بس الخوف من نايف ما نعرف شيء عنه هو رجال والا ماسك درب الرخوم وخواته وما شفناهم غير لمحه
سلطان / الله يهديهم ويصلحهم ان شاء الله اكلم راكان وخلية يجيبه هو وخواته والله اني ما اذكرهم زين اذكرهم يوم كانت العنود في الابتدائي وساره تحبي
ابو سطام وكانه يحدث نفسة / الله يسامح من كان السبب ... الله يسامحه ..
سلطان ما فهم القصد / ادعي له يبه مالنا غير الدعاء وبعدين حنا ما نقدر نقوله اترك عمك وشركته وتعال عندنا بعد موت اخو مرته نايف ماله احد ابو نايف يساعده ويعينه في الشركة وهذا راكان يساعدهم وشايل الشركة على كتوفة وفيه الخير انه هو واخوه كل خميس وجمعة يجي يمنا
ابوسطام بحزن/ والله ان كل ماقالوا راكان جاي يفز قلبي اخاف علية من الخط واتخيل يدخل علينا وابوه واخوانه وخواته معه وافراح ويوم اشوفه لحاله يحز في خاطري وبعدين احط الاعذار لسطام
سلطان/ هذا هو يبه ... بكرة ان شاء الله يجي ونشوفه ونشوف عياله ونروي ضمانا
ابوسطام/الله كريم يابوك الله كريم
وصلو للبيت وسلطان قبل راس ابوة / تصبح على خير يبه
ابو سطام بمحبة / وانت بخير وداعة الله
سلطان / بحفظ الرحمن
ــــــــــــــــــــــــــــــــــــــــــــــــــ ـــــــــــــــــــ
دخل سلطان لبيته وشاف اولاده وزوجته مجتمعين بصالة
سلطان بابتسامه /السلام عليكم
الكل وقف / وعليكم السلام
الكل قرب من سلطان وقبل راسه ويده جلس ابو بتال وزوجته جنبه بكنبة وحده وبتال وسعود بكنبه اخر وسامر بكنبه مفرده
نزلت سمر وابتسمت لأبوها واخوانها وامها / السلام عليكم .... وقربت من ابوها وقبلت راسه ويده
الكل / وعليكم السلام
سلطان مسك يد بنته وجلسها بينه وبين زوجته / هااا بابا سمر كيفك و ايش اخبار تقديمك للجامعة
سمر بابتسامه / بابا لسه باقي على التقديم .. بس انا وغرام وشجون ننتظر بدا التسجيل ونقدم
سلطان بابتسامه وبنبرة مقصودة/ لازم انتي وغرام وشجون مع بعض
سمر باستغراب / ايوه بابا حنا مواعدين بعض مانفترق ابداً
سلطان/ بس يا بابا لابد في هاالحياة يجي يوم وتفترقون
بتال وسعود كانوا فاهمين مقصد ابوهم وابتسموا وسامر ماعنده خبر
سامر بممازحة بوقت غلط / ايوه يعني واحده تطيح على راسها من الخبال وتتجنن ونوديها مستشفى المجانين شهار اللي بطائف او تفطس بيد واحد من اللي راعبتهم او....
قاطعته سمر بخوف/ بسم الله عليهم فالك ما قبلناه ويش ذا الحكي سامر
سلطان بعد ما أعطا سامر نظره سكتته / اتركيك منه بابا وخليك معايه ... مسك يدينها الاثنتين وحطهم بوسط كفوفه...
سمر حبيبتي انت تدرين ان راكان ولد عمك يبيك زوجه له وانا قلت له بعد ماتخلصين الثانوية وهذا انتي خلصتي وهو اليوم فاتحني بالموضوع وانا ابي اعرف رايك انتي موافقه تتزوجينه او لا
سمر وجهها حمر من الموضوع وخجلت ونزلت راسها ماتمنت تسمع من ابوها هالكلام قدام اخوانها والحين مو عارفة ايش ترد وخاصة اخوانها متجمعين ويناظرونها بس هي تعرف عادة ابوها اذا كان فيه موضوع يخص احد ومهم يقوله قبال كل اهل بيته"
بتال عرف ان ابوه مافتح الموضوع قدامهم الا يبي مساعدتهم وهو يعرف حساسية الموضيع اللي تخص سمر بذات
بتال بحنيه / سمر حبيبتي اذا ماكنتي موافقة فاعرفي انه محد راح يغصبك
سمر رفعت راسه لبتال بعد ماقال اذا ماوفقتي وخافت يفهمون سكوتها غلط ونزلت راسة والكلام يضيع منها
سعود شاف نظراتها حب يلعب عليها / يبه قول لراكان ماله نصيب عندنا مو هذا اللي تبينه ياسمر
سمر زادت دقات قلبها وشوي وتبكي بصوت هامس / لا .. بـ..ـابـا .... وماقدرت تكمل
سلطان طالع عياله مو فاهم شي وياشر لبتال يعني مو موافقة .. ولان راكان مجنون فيها وسمر تدري بخطبته من ثلاث سنين وموافقة فليش غيرت رايها اكيد فيه شيء
ــــــــــــــــــــــــــــــــــــــــــــــــــ ــــــــــــــــــ
عناد نازل من الدرج لبس جينز و تيشيرت متوجهه للاستراحة (الامكان الوحيدة اللي مسموح بها يلبسون فيه الشباب غير البس الرسمي هي الاستراحة والمزرعة)
شاف ابوة و امه واخته ابرار في الصالة قبال التي في ..عناد بابتسامه/ مساء الخير
الكل / مساء النور
ام عناد / هلا يمه هلا حبيبي
عناد قبل راس ويد امه وابوه / كيفكم يا الغالين؟
ابو عناد/ بخير ... شكلك طالع على وين العزم ان شاء الله
عناد بابتسامه/ رايح عند الشباب بالاستراحة تامر بشيء يبه
ابو عناد بابتسامه / سلامتك يبه بس لا تطولون بالسهره وبكره لا تنسى العزيمة
عناد يبتسم وهو يتذكر راكان/ لا يبه ماني بناسيه وراكان معاي
ابو عناد وام عناد فهموا القصد / ههههههههههههههههههه
ام عناد مبتسمه / الله يتمم له على خير ويحصل مناه ..وبنبره مقصودة .. وعقبال اللي حوله
عناد ابتسم/ وليه ماتقولين عقبالك ياعناد بوضوح يا ام عناد ماله داعي هالنغزات
ابو عناد بنبره مقصودة / وانت بتقعد كذا لمتى .. اللي بعمرك عيالهم يلعبون بحضنهم
عناد بهدوء/ يبه انا مالي ومال الحريم ما فهم لهم ولا لي طولت بال لسوالفهم
ام عناد بحنان / يا يمه ابي اشوف عيالك وابي لغفت عيني قلبي يكون مرتاح عليك انت واخوانك
عناد بجزع / جعل عمرك طويل يا الغالية ويش جاب هالطاري الحين
ابرار / يمه دخيلك بالا هالطاري واللي يعافيك
ابو عناد بحزم لعناد / اللي جابة شفقتنا على حفيد يلعب بحضننا .. واكمل بحنان .. يابوك العمر مو دايم لنا نبي نفرح فيك انت واخوك قبل ما الله ياخذ امانته
عناد / يبه ..الـ ...
قاطعة ابوه بصوت اقرب الى العصبية / لا تبربر هذا بدر يبيني ازوجه وفاتحني بالموضوع اكثر من مرة وانا حلفت ما يتزوج قبلك وان سواها لغضب علية ليوم الدين
عناد يحاول يتمالك أعصابه ويتكلم بهدوء / يبه ليه الحلوف الله يطولنا بعمرك كان زوجته ان كان له خاطر بالعرس
ابوعناد بحدة / هذا العلم وصلك وذنب بدر برقبتك
عناد عارف اذا زاد بالحكي ما راح ينتهي على خير فالسكوت بعض الاحيان افضل ابرار قاعدة ومعتصمة بسكوت وتراقب الوجيه... وبدر نازل مع الدرج ويغني
بدر يدندن / مساء الخير والاحساس والطيبه ... مساء ما يليق الا باحبابي
بدر بابتسامته وصوته غير مود الجلسة كلها وقلبهم من التوتر الى الروقان
ام عناد بمحبه / فديت ها الصوت ربي لا يحرمني منه
ابو عناد بدعابة/ الله الله يا الهنوف قبل ما تقولين فديت ها الصوت غير لي انا ... الحين لولدك الله يا الزمن.. لنا الله
الهنوف حمر وجهها وبهمس مسموع / خاااااااااالد
الكل / ههههههههههههههههه
عناد يكلم بدر بهمس/ تروح معي الاستراحة بسيارتي والا انا بسيارة وانت بسيارة
بدر بهمس/ وياك بسيارة وحده وقبل مايطلعون جاهم الاعصار
شجون تنقز مع الدرج وبصوت عالي /هااااااااااااااااااااااااااااااااااااي
عناد التفت عليها وكان بيغسل شراعها بس سماعه لصوت ابوه سكته ... ابوعناد بضحكة / هاااي ياهلا بفرحة هاالبيت
بدر يضحك / هههههه يبه قصدك دمار البيت
شجون بدلع غريب عليها / همممممممم قول انك غيرن وبس لاتلفق عليه التهم .. وتجلس جنب ابرار
بدر يحط يدينه باذانيه ويقول بصوت عالي / يعععععععععععععع لوعتي كبدي بذا الدلع ما يليق ما يليق ابد لاعاد تعيدينها
ابرار تضحك / ههههههههههه
عناد عطا شجون نظره ووقف .. وقف معاه بدر واستأذنوا وطلعوا
ابرار بهمس لشجون / قومي صلي لك ركعتين ان عدا هالتصرف على خير بدون اصابات يمممممممه نظرات عناد تقتل
شجون بهمس مماثل / لحظر الماء بطل التيمم مادام ابوي موجود مايقدر يفتح فمه
ــــــــــــــــــــــــــــــــــــــــــــــــــ ـــــــــــــــــــــــــــــــ
العنود وبنتها غرام وابوها في الصالة وحاطين قناة وناسة ويرقصون و يستهبلون ومرام تضحك وتصفق لهم
سند نازل مع الدرج ويبتسم على امه وابوه وكيف غرام تستهبل معاهم ...
غرام شافت سند وصارت تناديه / سند .. تعال فلها وربك يحلها .. تعال فرفش شوي شويتين .. عاشوواا .. وراااء .. تنكس .. تنكس .... ونيننننيتت ونيييتتت ونييييت
مرام تصفق / كللللللللللوووووووووووش ... تتنكس تتنككككس عاشت امي عاش ابوي عليهم غرومه
سند ضحك على كلام خواته وتصرفاتهم وهو نازل الا ياسر يجري مع الدرج ويشارك امه وابوه واخته ويرقص معاهم
فارس نازل ووقف جنب سند
فارس رفع جواله ويصور ابوه بدون ما ينتبه له لثواني بسيطة وقفلها وهو يبتسم انتبه له سند ورفع حاجبه مستغرب من الحركة
سند بحزم / فارس وش اللي سويته !!
فارس يبتسم / مو الشباب ما يصدقون لمن نقول ابوي يشجع امي على الاستهبال وهو مثلها ابي اوريهم المقطع
سند بعصبية / واذا قدر الله وانسرق جوالك ماتخاف تنفضح ... وبعد ما انت شايف اختك معاهم
فارس بثقة / لا تخاف اوريه الشباب وامسحه على طول والليلة بعد .. وغرام مو واضحة بالمقطع
سند بتنبيه/ انا مو معاك بها اللي تسوية امسح المقطع ... وانتبه وانا اخوك لاتسبب لنا مشاكل مالها داعي
فارس هز راسة بالموافقة واشر لامه وابوة وطلع وسند وراه بعد ما ارسل تحية لامه وابوه
بعد ماخلصت الاغنية وجلسوا
ابوسند يتنفس/ والله كبرنا يا العنود اغنية خمس دقايق اتعبتنا
العنود بغنج/ لا حبيبي اذا احد كبر فهو انت اما انا لساتني بنت الـ14
ابو سند بغزل/ الا والله انك احل من بنت الـ14
مرام بمداخله/ احم احم نحن هنا
ياسر بضحكة/ يعني لا تحرفونا وبعدين تصبح نهايتنا مأساوية ولاتنسون فيه عروس
مرام خجلت وسكتت
ابوسند بدعابة / انت مو تبي تطلع .. يالله فارق ... يالله
ام سند بخجل تمثيلي/ ايه اطلع ... وخلينا نتغزل .. انا و ابوك .. بدون بزاريين
غرام /خخخخخخخخخخخخخخ يعني انت بزر اطلع برا خخخخخخخخخ
ياسر يوقف/ لا والله عاد من كبرك حتى انتي بزر انقلعي بس .. مع السلامة
ابو سند وام سند / بحفظ الرحمن
غرام بقهر / حضكم عندكم استراحة تتجمعون فيها يا حسره علينا ما عندنا مكان يضفنا
ياسر التفت عليها وهو عند الباب/ هيييييي اذكري الله لا تنحرق الاستراحة وحنا فيها .. وبعدين شنو ماعندكم مكان يضفكم .. اللي يسمعك يقول انتي قاعدة بالشارع
غرام / لا بس طفااااااااااااااش خاطري نسهر انا والبنات وننام مع بعض برا جدران البيت
ياسر بعصبية / هذا اللي باقي نوم برا البيت ما فيه لا رحتي عند زوجك سوي اللي يريحك
ابو سند عصب/ يااااااسر مادام انا موجود مالكم حق تحكمون على بناتي واذا انا موافق مالكم دخل
غرام بابتسامة نصر ومدت لسانه لياسر وتسوي حركات بيدها تقهره فيها ... وياسر انقهر وطلع .. ومرام تضحك عليهم
روايات رومنسيه سعوديه جريئه كامله منتدى غرام
