اخ عدي في شارت الاربع ساعات اتكونت بن بار من عند منطقة عرض اين كانت بداية رسم هذه المنطقه بالضبط
هل رسمناها على بن بار سابق ام ماذا
انا فهمت من كلامك اني انظر الى اول بن بار اول نموذج ابتلاعي او انسايد بار يتكون بعد كذا انتظر السعر حتى يزوره مره اخرى وتعتبر الزياره الاولى له وانظر كيف يتعامل معه
ان احترمه يكون دخولي لصفقه من الزياره الثانيه هل مافهمته صحيح
ارجو التعقيب والتصحيح
كما ان الستوب يكون اعلى او اقل منه بنقاط معينه حسب سرعة وتذبذب الزوج
ولكن رائيتك تحدد الاهداف بدقه او تقسمها الى عدة اهداف فعلى ماذا تعتمد في ذلك هل على مناطق برايس اكشن مقابله مثلا
تحياتي لك
شكلك واخد بالك و مصحصح كويس يا حبي و بتلاحظ حاجات كويسه ما شاء الله ...
بالنسبة لاني ازاي رسمت منطقة العرض فده معتمد علي مناطق سابقه مش واضحه في الشارت لانها بعيده عن السعر شويه و قريب باذن الله هوضح طريقة تحديد مناطق الطلب و العرض بدقه و شرح المناطق دي ورسمها الدقيق انا حاليا بهيأ الوضع ليكو و بضع بعض اللمسات الفنيه في تفكيركو .. ثانيا انت قولت حته كويسه و هي اني بنظر لاول نموذج برايس اكشن يتكون و استني هبوط بعده و بعدين استني السعر يرجع يلامس النموذج وادخل بعدها .. فعلا يا صديقي اكثر مناطق العرض والطلب بتتم بهذا النظام و لكن ده مش اعتمادي الكلي في رسم المناطق او تقييمها ده تأكيد فقط للمنطقه اللي بالفعل راسمينها و هنعرف بعد كده نرسمها ازاي و حاجات بسيطه ان شاء الله متستعجلش علي رزقك و بالنسبه للهدف والاستوب برده هنشرحهم كويس أبشر يا غالي
بسم الله ..
شايفين قدامنا ان زوج الباوند ين لما وصل للمنطقه المتوقعين منها الهبوط عمل سلوك سعري يدل علي ان المنطقه صحيحه .. طب نعرف السلوك السعري ده ازاي ده اللي بوضحه بالشرح البسيط ده
اولا انا بعتمد علي 3 نماذج فقط للبرايس اكشن .. 1- البن بار 2-الابتلاع 3-الانسايد بار
وفي الصور موجود نموذجين واضحين جدا البن بار والشمعه الابتلاعيه
تعالو نبص علي اول صوره و نشوف ايه اللي حصل .. السعر لما وصل للمنطقه المحدده عملنا بن بار علي فريم ال 4 ساعات و بعدها شمعة هبوط حمرا حمرا يعني بتدل علي ان في بياع مصحصح و مفتح عيونه .. بس لو جينا و بصينا ازاي البن بار اتكونت اصلا ؟؟ هقولك البن بار لازم تتكون من شمعه ابتلاعيه لكن علي فريم اقل يعني البن بار لو علي ال 4 ساعات هتفتح فريم صغير زي الساعه او النص ساعه هتلاقي في شمعه ابتلاعيه و كده يبقي نموذج البن بار و الابتلاعي مرتبطين ببعضهم علي فريمات اقل عشان بعد كده محدش يقولي الفريمات الصغيره السعر مش بيحترمها هااا شايفك ياللي بترغي مع نفسك و هأكدلك الكلام ده باننا هننزل علي فريم ال 5 دقائق و نبص لمدي دقة السعر والسلوك السعري لما وصل للمستوي المحدد .. هنلاقي ان السعر اول ما لمس المنطقه عمل منها بن بار علي فريم ال 5 دقايق و زي ما قولنا ان البن بار بتتكون من شموع ابتلاعيه لكن علي فريم اقل يعني انت لو نزلت علي فريم الدقيقه هتلاقي في ابتلاع بيعي حصل يا معلم تمام كده .. بعد البن بار اتكونت بعدها شمعه صاعده و هوب بعدها شمعه حمرا بلعتها يعني السلوك السعري اول ما اتكون بدأ من الفريمات الصغيره جدا و بدأ اثارها توضح علي الفريمات الكبيره ... الدرس المستفاد اياك تستهتر بالفريمات الصغيره لانها اساس اللعبه وخلي عينك دايما علي البرايس اكشن و ارسم مستوياتك و شوف السعر هيعمل معاها ايه يا تري هياكلها اكل الوحوش وميعبرهاش وساعتها هنفكنا من المستوي ده ولا هيظهر احترامه ليه وهينحني قدامه و ساعتها ناخد قرارنا و نعرف نحدد استوبنا صح .. شغل مخك تاكل ملبن .. لو حد استفاد يا ريت يعبرنا بكومنت
الله ينور يا صديقي
استمر هو ده الكلام التمام و موفق ان شاء الله