السلام عليكم و رحمة الله ..
شكرا جدا لكل واحد دخل يرمي التحيه و يبارك ..
بجد متتخيلوش انا متحمس قد ايه بالنشاط اللي انا شايفه حصل في الورشه ده في يومين فقط .. و ان شاء الله هتكون ورشه زي الفل..
نيجي بقي نوضح طريقة العمل ..باذن الله دي هتكون ورشة تحليلات لاكثر العملات و الكروسات و هنوضح نقاط الدخول و الهدف والاستوب (( الهدف بنسبة 3:1 بالنسبه للاستوب و دي اقل نسبه هنشوفها)) عشان كده اللي هيدخل معايا لازم لاازم يلتزم بالاستوب و بالاهداف عشان يمشي صح و يتعلم التجاره صح مش مجرد تحليل وخلاص و زي ما تيجي
ثانيا في ناس عندها حماس للتعليم و عايزه تعرف طريقة العمل .. ان شاء الله هنحاول بعد كده نشرح الطريقه فيديو لكن عشان تبقو عارفين ده عرض و طلب عادي لكن فيه حجات واخدها من التدريب والخبره (( نظره خاصه )) ممكن انت متشوفهاش الا مع التدريب الكويس و الشارت الفاضي تماما فالحكايه هتبقي صعبه شويه في الشرح
ثالثا بالنسبه للتحليلات اللي بحطها ممكن في تحليلات تخشها باوامر معلقه و في بنستني برايس اكشن الاول فهنوضح ده ان شاء الله .. ربنا يوفق الدنيا علي بعضها و نلعب صح
نبدأ بسم الله ..
الباوند نيوزلاندي شايفله صعود ان شاء الله للاهداف الموضحه .. حاليا الدخول متأخر جدا لكن لو رجع ل 1340 هنشتريه تاني باستوب 1290 و هننبه قبلها
طب امبارح حطينا 4 صفقات متوسطه القوه .. عشان تعرفو طريقة العمل دي نتايجها صفقتين ضربو الهدف و صفقتين ضربو الاستوب .. المهم مجموع النقاط الموجبه 270 نقطه .. و النقاط السالبه 80 نقطه يعني صافي 190 نقطه ربح .. ده يعتبر اداء متوسط .. المقصود اوصله ان الناس لو التزمت معانا بالستوب و صبرت عالاهداف مفيش احتمال اننا نخسر ان شاء الله ده تدريب نفسي قبل ما يكون مجرد تحليل..