تاريخ التسجيل: Nov 2008
الدولة: مصر
العمر: 34
المشاركات: 741
خبرة السوق: 1 الى 3 سنوات
معدل تقييم المستوى:
16
رد: █▓▒░ الفوركس من الالف الى اليــــــــاء █▓▒░
عايز اضيف شوية ملاحظات تعتبر إضافة او حاجة انا عشتها وجربتها
*النقطة الناس ليه بتخسر فى الحقيقى على الرغم من انها ممكن تكون بتكسب فى الديمو كويس هحاول الخصهم فى نقط
1-المضارب فى الديمو بتبقى اعصابه رايقة مهما خسر حتى لو فارض انه بيتعامل زى الحقيقى لكن العقل الباطن عارف انها مش فلوس حقيقى فبيتعامل بالاغلب ببرود اعصاب شوية حتى لو مضايق
2-فى الحقيقى بيبقى متوتر واعصاب بايظة خصوصا لو الصفقة محتاجه متابعه وارتدادها كبير فدا بيزود القلق وبيخليه يتسرع ويقفل الصفقة على الخسارة
3- الخطوة اللى بعدها على الحقيقى انو يحاول يعوض الخسارة دى فيدخل فى صفقات محاولاً تعويض خسارته فيورط نفسه فى خسارات اخرى حتى يصفر حسابه فى يوم لو صغير
4-ناس كتيرة مبتطبق نقطة ان اللى يخسر لازم يبعد فترة لحد ما اعصابه تهدأ عشان يقدر يحلل بتركيز
5-عدد مش قليل بيعتمد على التوصيات مباشرة ودا بيؤدى لخسارتة بطريقة من الاتنين
-اما التوصية بيطقبها غلط لانو معندوش اساس كويس
-التوصية نفسها محتاجةمتابعة او لسا مش وقتها او كان فى نقطة محدش لاحظها فتؤدى لخسارة (جل من لايسهو)
وهوا مش متعلم التحليل ومبيحاولش يطبق مع نفسه بحيث انو يكون فاهم اللى بينفذه
6-المجازفة : فى المضارب على الديمو بيدخل اول ما يحس ان الصفقة دى هتكسب كويس حتى لو فيها ارتدار كبير فبتجيب معاه ربح كويس لكن فى الحقيقى بقى بيبقى متردد ويستنى لحد ما السعر يتحرك فى الاتجاه المتوقع تكون مثلا عدت 50 نقطة كان كسبهم على الديمو ودى نقطة اساسية فى الخسارة
7-عدد لا بأس به الفلوس اللى بتبقى فى حسابه فى الفوركس مش بتبقى فائضة عن الحاجة بتبقى اساسية (من اللحم الحى بالبلدى ) فدا بيؤدى لمضاعفة التوتر وما ادراكم بالتوتر
8-ضعف الخبرة وعدم الالمام بعناصر اساسية كتير زى الترندات والتحليل الكلاسكى عموما وبعض المؤشرات الاساسية وكثير من المضاربين بيهملوا الاخبار
9-الطمع بصراحة ودى نقطة مؤثرة الواحد بيبقى حاطط مثلا تارجت 50 لما يوصل السعر ل 45 تلاقيه راح مكبر التارجت وساعات يروح السعر مرتد بسرعة ميلحقش فنرضى بالقليل بعد فترة يبقى كتير
10-عدم تحريك الاستوب بعد جنى قدر من نقاط الربح عشان لو السعر ارتد ميكونش خسر بل يكون ربح جزء من المفترض ربحه
دول اللى مفتكرهم دلوقتى واتمنى انى اكون افدت الناس بيهم وربنا يكرمنا جميعا ويرزقنا من فضله
التوقيع
سبحان الله وبحمده
سبحان الله العظيم
لا إله إلا أنت سبحانك إني كنت من الظالمين
هندسة عين شمس
قسم ميكانيكا
1-لا تدخل بأموال فى حاجة لها
2-لا تُعاند السوق فى الخسارة فهو أقوى منك
3-إياك والطمع إياك
4-ضع خطة وسر عليها أفضل من التلاطم وسط أمواج السوق