رد: ابورائد يعود لكم من جديد ,, شهر مبارك عليكم
اقتباس:
المشاركة الأصلية كتبت بواسطة ابو رائد
للاسف هذي مشكلة الكثير من المتداولين ,, وهي السبب في مرجنة الحساب
والتمادي بالخسارة على اساس يرتد من النقطة الفلانيه ومن نقطة لنقطة
على امل ان يرتد ,,, الى ان تصل الامور الى نقطة مقفلة وصعبة
وتضعك امام خيارين اما الاغلاق على خسار موجعة وكبيرة
او ان تستمر في عملية الاستنزاف للحساب ,, وكل خيار اصعب
واسوا من الثاني ,, ,, المفروض الالتزام باستوب معين لكل صفقة
مع مراعاة حجم الحساب وعدد العقود ,, السوق مليئ بالفرص
والسوق ماهو طائر ,, خلاص الصفقة ضربت ستوب
مع السلامة اعوضها بغيرها ,, ولا اجلس مكتوف الايدي
لااستطيع الدخول بصفقات اخرى لاني متورط بصفقة
اناظر فيها حسابي وهو يتفرتك امامي
ولا ترمي بغلطك على من اعطاك التوصية فهو بشر مثلك
يخطئ ويصيب وانت ايضا يشملك جزء من الغلط لانك على يقين بالهبوط للزوج
فعطلت عقلك ومشيت بتفكير غيرك فلماذا لاتلوم نفسك قبل ان تلومه
ولا اعتقد انه اوصاك ليضرك
فالتوصية تعتمد على عنصرين توفيق وحظ فقط لاغير
ومن ينسب نجاحها لنفسه وفهلوته فهو واهم لامحالة
اتمنى ان نتعلم من اغلاطنا لنسلك المسار السليم بجميع امور حياتنا
وربي صدقت ياغالي
اني الا داخل اسبوع و3ايام اشوف حسابي
يتفرتك وقلبي يتقطع واقول بيرتد وهو نازل
انا مااعمل بالاستوب تمام ولله الحمد ماشي بطريقة
راضي بيها وتمام التمام بس بيوم وضعت رد هنا بموضوعك
رد مجازي عن الباوند مدري ايش خلاني اسال عنه هنا
وجاتلي رساله من ابو محمد الله لايوجه له الخير ولايوفقه
ارسلي رساله تفيد بصعود الباوند وكان سعره وقتها 1.4833
قالي اشتري بنقطة تعادل 30 دولار مو دولار
على اساس ساعه او اثنين وتضرب الهدف
ماسمعت كلامه ودخلت بلوت متوسط يعني نقطة بدولار اظن او دولار ونص
ومن وقتها بالنازل واساله يقولي من لايعرف الصقر يشويه شواك بجهنم يارب
الان معلق ومنتظر والحساب يتاكل ولااعرف مالحل حسبي الله ونعم الوكيل فيه
ملاحظة خامس حساب هذا
الاربعة تمرجنو بسبب طمعي اجمالي الخسائر المالية بالسعودي 60000الف ريال
مايقارب 17 الف تقريبا وحسابي الاخير اصريت على العمل بهدو واودعت 250
وتمت مضاعفته ولله الحمد في اسبوع ويومين الا ان جاني المقرود وخرب عليا
والان اصخى اشوف الجوال كم السعر وصل ويطير النوم من نشوفه نازل
الله كريم وفعلا السوق ممتاز بس يحتاج ركود وعقل والابتعاد عن الطمع
تقبل تحياتي انت والاخوان