لاتدع الدروداون يضيع مكاسبك

السلام عليكم ورحمة الله وبركاته ..
كل المتداولين بيحصل معاهم دروداون ( يعنى السعر يعكس عليهم ) الأ اننا بنختلف عن بعض فى طريقة
التعامل مع الدروداون
متداول صاحب حساب صغير او حساب كبير او بحجم كبير لايتناسب مع رصيد حسابه تلاقى قلبه بيضرب مع كل نقطة يعكس عليه السعر . ونلاقى قلبه بيضرب اكتر كلما محسابه يكون كبير
متداول تانى تلاقيه يغير الستوب كل شوية ولما يزهق فنلاقيه بيغير فى التارجت .
وهكذا .....
من ضمن الطرق الشائعة فى المتاجرة وقعدت وقت طويل ابحث فيها هى martingle
وفيه بيسموها pyramiding positions او التعزيز .
وعشان ابسط الصورة عالآخر . فيه متداول بيدخل بحجم ماينفعشى معاه اى تعزيز ونلاقى حات كتير
فى مواضيع كتير معظم الحالات دى بيكون عايز تحليل لمجرد يعطيه امل فى اتجاه عمليته . بينما القليل بيكون عنده قدرة التعزيز فى حالة وافق التحليل عمليته وبيكون السعر عند دعم او مقاومة قوية جدا . ويرجع يقول ياريت كنت فتحت مالأول عند الدعم ده او المقاومة دى .
وعشان ابسط الموضوع اكتر هقول مثال
متداول قام بفتح عملية شراء لزوج ما بهدف 50 نقطة وستوب 100 نقطة وحجم 1 عقد قياسى ( ستاندرد ) وسعر النقطة 10 دولار .. وحققت العملية هدفها انما بعد دروداون قدره 77 نقطة .
1 - فى حالة الدخول بعقد قياسى
الدروداون = 770 دولار والربح بيساوى 500 دولار
2 - فى حالة الدخول الهرمى بما يساوى 1 ستاندر لوت
هيدخل عادى جدا انما ب 4 مايكرو ويضع هدف 50 نقطة ( يازلمة ويش تحكيلنا عن مايكرو واحنا نلعب بالعقود الستاندرد )
ويحط فى نفس الوقت اوامر شراء وقف ( ليميت ) ( جرايد كل 25 نقطة بمجموع عقود لايتجاوز 1 ستاندرد لجميع العمليات )
تحت الدخول الأول ب 25 نقطة مثلا ب 8 عقود مايكرو ويضع الهدف 75 نقطة
ويضع تحت الدخول الثانى ب 25 نقطة امر شراء وقف ب 16 مايكرو ويكون الهدف 100 نقطة
ويضع تحت الدخول الثالث ب 25 نقطة امر شراء وقف ب 32 مايكرو ويكون الهدف 125 نقطة
( بنلاحظ ان كل العمليات ليهم نفس الهدف )
بالطريقة دى صار الدروداون = 110 دولار
4مايكرو * 77 نقطة = 30 دولار تقريبا
8 مايكرو * 50 نقطة = 40 دولار
16 مايكرو * 25 نقطة = 40 دولار
------------------------------------------
اما الربح عند تحقق الهدف = 640 دولار
4 مايكرو * 50 نقطة = 20 دولار
8 مايكرو * 75 نقطة = 60 دولار
16 مايكرو * 100 دولار = 160 دولار
32 مايكرو *125 نقطة = 400 دولار
----------------------------------------
هنلاقى 4+8+16+32 = 60 اقل من 1 ستاندرد
ممكن نظبط مستويات جرايد والهرم ( توزيع حجم العقود بشكل هرمى ) زى محنا عايزين
والأفضل تكون الجرايد عند دعوم ومقاومات .
نقاط اخيرة :
- قريت موضوع وارين بارفيت .. حتى ده كان بيحصل معاه دروداون وحتى البنوك المركزية بيحصل معاها دروداون .. يعنى مش هننكر حقيقة .. لو لقيت متداول بيقول انا بشترى وابيع من غير اى دروداون ده اما كاذب او حصل معاه بالصدفة ان السعر مش عكس عليه .
- الأرقام اللى انا كتبتها فى الأمثلة ارقام افتراضية ( الديستانس بتاعت الجرايد والحجم الهرمى ) .. وقد تختلف من زوج لآخر ومن حساب لآخر .
- الموضوع ده عن ادارة راس المال وملوش اى علاقة لامن قريب ولا من بعيد بالتحليل الفنى . فالنجاح فى السوق قد يعتمد على التحليل الفنى الجيد . بمعنى اخر الطريقة بتنجح مع الناجح ومهياش طريقة بتحول تحليل غير ناجح لتحليل ناجح .
- ميزة فى الطريقة الهرمية حبيت اذكرها وهى انك لوقفلت مثلا العملية الرابعة على ربح 25 نقطة وقفلت معاها كل العقود هتطلع كسبان . ولو قفلت العملية الثالثة على ربح 25 نقطة هتطلع كسبان ولو قفلت العملية التانية على ربح 25 نقطة هتطلع كسبان . وده معناه انك ممكن تدارك تحليلك لواكتشفت شىء جديد غير وجهة نظرك فى التحليل .
- انا اترددت كتير فى كتابة الموضوع لأنه ممكن يكون صعب على بعض الأخوة الأ انى حاولت اوصل فكرتى بابسط طريقة .

حياك الله ابراهيم
فيه استراتيجيات اخرى لكن للحسابات الكبيرة .. الأستراتيجية دى فى ادارة الحساب لقيتها مناسبة لكل الحسابات .. حساب صغير مثلا ممكن توزع 2 و4 مايكرو بمسافة 50 نقطة مثلا .. مش شرط تستخدم كما بالمثال 1.2.4.8.16.32 . غير كده دى مضاعفة X2
ودى فضلتها عن X3 & X4 &X5 او ( مضاعفات الهلاك السريع ) . احنا هنا مش ملزمين باستخدام كل المتوالية 3 او 4 او خمس مستويات بحد اقصى حصل دروداون بعدهم مش هنضيف وهنراجع تحليلنا والمستويات .

أسلوب ال martingle من أشهر أساليب المتاجرة و أخطرها لأن المكاسب تعتمد دائما على التذبذب بحركة السوق للخروج بأمان لكن عند الحركات القوية التي لا يصحح فيها السعر أكيد سيكون هذا الاسلوب خطر جدا خصوصا اذا استمررنا بمضاعفة الاوامر المعلقة هنا الدروداون سيصعد و يكبر
أسرع من الاسلوب التقليدي لعمليات التبريد..
قد يكون الأمر أكثر أمانا اذا وضعنا مسافة كبيرة بين كل عقد و أفضل أن لا يقل عن 50 نقطة لأن أغلب
الحركات القوية غالبا لا تتجاوز 100 الى 200 نقطة بذلك يمكننا التغلب على تقلبات السوق..
موفق يا ريس

التوقيع

Art Of Money

حيا الله صقر الفوركس ..
الأستمرار فى مضاعفة العمليات اكيد بيكون مهلك للحسابات الصغيرة .. الطريقة كنوع من المخاطر المحسوبة مسبقا CALCULATED RISK
اى انى بعرف مقدما حسابى وامكانياته وعلى اساسها بشتغل .. احدد مثلا مستويين او ثلاثة و فى كل مستوى هضع عدد كذا من العقود .الأهم فى الموضوع هو تجنب الضغط النفسى اللى بيحصل من الدروداون .

موضوع رائع بارك الله فيك

التوقيع

وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ۖ وَلَئِنْ كَفَرْتُمْ إِنَّ عَذَابِي لَشَدِيدٌ
الحمد لله حتى يبلغ الحمد منتهاه

الصور المرفقة

	top1.png‏ (31.0 كيلوبايت, المشاهدات 17)
	top3.png‏ (30.8 كيلوبايت, المشاهدات 16)

التوقيع

Art Of Money

كشف حساب جيد
بس على فكرة ده تحليل ناجح مش استخدام الطريقة
الطريقة بتحسن الأيكويتى كيرف والدرودان equity curve and drawdown
بلاحظ ان خط الأيكويتى سموث من غير اى سبايكات او دروبات وده جميل .

أبدا ماقدر انسى الحسابات الصغيرة . الجدول التالى فيه الأزواج الأساسية وكروساتها ودرجة المخاطر مرتبة ترتيبا تصاعديا من الأقل مخاطر الى الأزواج الأعلى مخاطر .
الجدول ده لايختص بطريقة معينة بل ده جدول عام .. قمت بتقييم المخاطر على اساس كل من
الرافعة المالية :
حيث ان 1:400 افضل من 1:200 .. لكن 1 :200 دى فى اغلب الشركات المحترمة وتنفع
المارجن المستخدم :
حيث ان الزوج صاحب المارجن المستخدم الأقل هو الأقل مخاطر
قيمة النقطة :
حيث ان كل ماسعر النقطة يزيد كل مالمخاطر تزيد
عشان كده لازم اى متاجر ياخد العوامل دى فى الحسبان .. ببساطة كل مانزلت لتحت فى الجدول ده الخطر بيزيد


اسم الزوج - المارجن المحجوز - سعر النقطة

موضوع شيق .. شكراً لك