ورشة القنوات السعرية و الترندات

الصور المرفقة

	eurusd_D.jpg‏ (71.6 كيلوبايت, المشاهدات 773)
	eurusd_4h.jpg‏ (93.7 كيلوبايت, المشاهدات 768)
	EURUSD1H.jpg‏ (137.8 كيلوبايت, المشاهدات 767)
	EURUSD_WEEKLY.jpg‏ (158.0 كيلوبايت, المشاهدات 770)
	EURUSD TODAY.jpg‏ (123.1 كيلوبايت, المشاهدات 767)

بالنسبة للين ملاحظين ان ممكن نرسم منه قناتين واحدة صاعدة وواحد هابطة علشان ناخد كل الاحتمالات فى الحالة دى نلاحظ ان الحد العلوى للقناة الهابطة والحد السفلى للقناة الصاعدة عاملين شكل مثلث

بارك الله فيك

شارتات روعة الله يبارك لك

شكرا للمتابعة اصدقائى
واتمنى تكون طريقة رسمة القنوات واضحة
بنسة كبيرة القناة اليومية على فرم الساعة ببدا من يوم الثلاثاء لرسم قناة يوم الاتنين
قناة يوم الجمعة برسمها للمتابعة و مش بعتمد عليها بقوة بس ده مش هيمنع ان انشاء الله نرسمها على بعض العملات و نتابع معاها

حاولت اختار استراتيجية كل واحد يقدر يعتمد عليها بنفسه مش لازم يستنى انى ادخل احدد مناطق الدخول و فى نفس الوقت تكون استراتيجية مرنة بدون اعتماد على مؤشرات اتمنى يكون اختيارى موفق و تعم الفائدة على الجميع

دى رسمة بطريقة تانية لقناة الاسبوع على اليورو دولار
الرسمة الاولى اعتمدنا الحد الاساسى للقناة هو اعلى قمتين و الحد السفلى هو تابع ليه

الرسمة دى اعتمدنا ان القيعان هى الحد الاساسى للقناة و الحد العلوى هو اللى تابع ليه



الهدف ان احنا نرسم كل القنوات الممكنة ونخلى خيالنا واسع علشان نشوف انهى قناة هيتم احترام سعرها

عندنا اول فرصة النهاردة هى فرصة خطرة علشان فترة الانتعاش اللى عايشها الاسترالى

على فريم اليومى السعر وصل للحد العلوى للقناة اللى رسمناها على شموع الشهر السابق شهر سبتمبر



على فريم الساعة السعر كسر الحد السفلى لقناة اليوم السابق وبيعمل اعادة اختبار



ممكن البيع من السعر الحالى 88.15
الاستوب اللى فى المعتاد بعتمد عليه هو اعلى قمة تكونت قبل السعر يعنى 88.50 بس شايفه صغير بالنسبة لقوة الاسترالى

هنخلى الاستوب 89.25 فوق الجاب الصغير اللى على فريم اليومى هدف خط ال 50% فيبو اللى اتكلمنا عليه منتصف شمعة الشهر السابق 84.80


بيع استرالى ين من 88.15 استوب 89.25 هدف 84.80

المثال ده لشرح طريقة التعامل علشان دى اول فرصة اتكونت

عندنا فرصة تانية يورو استرالى شراء لنفس السبب السعر وصل للحد السفلى للقناة على فريم اليومى اللى بتمثل قناة شموع شهر سبتمبر

شراء من 1.55 هدف 1.575 استوب 1.545



بس الصفقتين دول معتمدين على ان الاسترالى يمر بفترة ضعف
يفضل اختيار اى صفقة فيهم فقط

دى طريقة الدخول بالاستراتيجية المغامرة اللى هى دخول مع ملامسة احد حدى القناة
الطريقة التانية هى الدخول مع برايس اكشن او اغلاق يومى بشمعة صاعدة عن الحد السفلى للقناة

علشان كده انا قلت الاستراتيجية ممكن اى حد يستخدمها و يرسم القنوات لكن طريقة الدخول هتختلف من شخص لاخر

هشرح هنا و هناقش طرق الدخول المختلفة و كل واحد يختار اللى يناسبه او يقترح طريقة خاصة بيه للدخول

طريقة تانية لدخول فى فرصة الاسترالى ين

احنا قلنا على فريم الساعة السعر كسر الحد السفل لقناة اليوم السابق و صعد يعمل اعادة اختبار
واحنا توقعنا انه يكمل هبوط

طيب بس السعر بعد ما هبط صعد تانى لاعادة الاختبار
نروح لفريم الربع ساعة و نرسم الترند لحركة الصعود اللى احنا متوقعين انها اعادة اختبار

والبيع يبقى مع كسر الترند او نستنى اغلاق اسفل اقل سعر فى القناة للتاكيد



وبرده اللى احنا استخدمناه على الشارت لتحديد الدخول هى Equidistant Channel and trend line فقط لا غير

ورشه موفقه ان شاء الله
تفكير سليم +اعشق القنوات
متابع معاك يا غالي

التوقيع