ورشة القنوات السعرية و الترندات

السعر للمرة التانية ارتد من نقطة 1.5382 اللى اتكلمنا عليها السعر لم يصل للاستوب المحدد


كسر الحد السفلى لقناة الاسبوع تاكيد للاتجاه و الصفقة
نتابع تحرك السعر فى قناة الشهر

حبيت ارفع الصورة دى على الوضع ده
لانى مش عارف شمعة الساعة هتغلق ازاى
بس نشوف السعر مع ملامسة اطراف القناة بيحصل ايه حتى لو بعد لحظات كمل اتجاه سواء هبوط او ارتفاع



الباوند يابانى و تعطيل الحد السفلى لقناة الاسبوع للسعر حتى مع قوة الخبر
بياخد نفسه و بعد كده يحدد اتجاه سواء استكمال هبوط او ارتداد



اليورو يابانى واحترام قناة الامس



اليورو باوند و كسر قناة اليوم و الاسبوع و الحد العلوى لقناة الشهر يعطله قليلا حتى مع قوة الخبر

والارتداد القوى من الحد السفلى لقناة امس رغم قوة بيع خلال بداية اليوم




الاسترالى نيوز اتكلمنا عليه امبارح واحتمال الارتداد من الطرف العلوى لقناة الاسبوع

نحرك الاستوب على الدخول 88.35 ونتابع الارتداد من الحد السفلى لقناة اليوم

كنا رسمنا ليه قناة على فترة الشهر واحدة صاعدة وواحدة هابطة و قلنا القناتين دول فى رسمهم السعر بيتحرك جوه نموذج مثلث

السعر حاليا عند الحد السفلى للقناة الصاعدة و اللى يعتبر الحد السفلى للمثلث
وفى نفس الوقت بيمثل الحد السفلى لقناة يوم امس و ارتد منها الان

نتابع موقف الين المحير وتعاملنا معاه باستراتيجية القنوات بيع و شراء

السعر لسه بيتحرك داخل القناتين الاسبوعية و الشهرية
لسه موصلش للحد السفلى او العلوى ليهم

لكن ملاحظ الاسبوع اللى فات ارتفع بعد تكون بن بار على فريم 4 ساعات لمستوى 50% فيبو الشهرى

السعر لسه بيتحرك فوق المستوى 50% وواخد شكل قناة صاعدة على فريم ال 4 ساعات اللى بتمثل شموع الاسبوع السابق



على فريم الساعة السعر كسر الحد العلوى للقناة الهابطة لشموع امس وكسر هاى امس لكن رجع ارتد
انا راسم قناة الصعود لشموع اليوم بخط متقطع لان اليوم لسه مخلصش
لكن طريقة تعاملى مع السعر هتكون بيع فى حالة كسر الحد السفلى لشموع اليوم
هستهدف الحد السفلى لقناة الاسبوع و مع كسره زيادة البيع لمستوى 50% فيبو الشهرى مع تحريك الاستوب

هيفشل السيناريو مع استمرار السعر داخل القناة الصاعدة لشموع اليوم

بسم الله الرحمن الرحيم

طريقة جميلة وممتعة فى التعامل مع الشارت .. متابع معاك بغرض اتقان الطريقة باذن الله ..

نجى بقه للمهم لاستفسارات ...

1- حضرتك قلت ممكن نرسم قناة على اساس قمتين والقاع تباع .. وممكن نرسمها على اساس قاعين والقمه تباع .. على اى اساس اختار القناة تكون صاعدة ولا هابطه .. نشوف الرسم .. قناة اليومى باللون الاخضر لباوند دولار مرة صاعدة ومرة هابطة على اى اساس اختار بينهم .. ولا ممكن العمل بيهم الاثنان .. ؟





2- النقطة الثانية فى الدخول لنفس العملة الباوند دولار
هو كسر الضلع الهابط لليومى وكسر نسبة 50 % الاسبوعى هل الان ممكن ندخل بيع والهدف نسبة 100 اسبوعى .. ولا فى حاجة ثانية لازم نبص عليها قبل الدخول
انا مدخلتيش بس حابب افهم النظرة بتكون ازاى للشارت قبل الدخول شارت توضيحى ..



كفابة كده الان ..

ومتابع معاك بقوة ...

.
.

تقبل تحياتى

التوقيع

اولا شكرا لمتابعتك وتشجيعك

ثانيا لو الشموع على اى فترة بتشكل قناتين واحدة صاعدة و واحدة هابطة انا هرسم القناتين زى مثال الدولار الين اللى انا ذكرته رسمت قناتين ليه على فريم ال 4 ساعات اللى بتمثل الاسبوع

طيب اعتمد على انهى افضل
انا بتعامل معاهم بطريقة لو القاعين او القمتين لرسم القناة فى منتصف الفترة بعتمد عليهم بقوة لكن لو فى اى قاع او فمة جه فى نهابة الفترة مش بعتمد عليه قوى

مثال الباوند دولار القناة الصاعدة الحد السفلى للقناة القاع التانى هى شمعة نهاية اليوم

ففى الحالة دى هعتمد على القناة الهابطة


بالنسبة لطريقة الدخول بنحاول ندخل من نقط عند حدود القناة ولو ان فيها مخاطرة
انسب طريقة زى ماتعاملت مع الاسترالى ين
لما بيوصل للحد العلوى لقناة مثلا وانا متوقع بيع

بنزل لفريم قليل و برسم منه قناة لاخر مرحلة لصعود السعر

وابتدى ادخل بيع مع كسر قناة الصعود الصغيرة
وطبعا تختلف طرق الدخول بس بعد حركة قوية زى باوند دولار ممكن يبقى فيها مخاطرة لان الاستوب عالى انا بحط الاستوب فوق اعلى قمة او اقل قاع سابق

بسم الله الرحمن الرحيم

هو انا الان مهتم بنقطة الرسم .. ولما يتم اتقان الرسم نشوف طرق الدخول المفضلة ..

وانا برسم دلوتى شد انتباهى حاجه قولى رائك فيها ايه ..

نرسم القناة طبقا للفيبو بنحذف كل المستويات ونخلى 1-50 -100 فقط بمعنى لما نرسم الفيبو على 4 ساعات صاعد تبقه قناة الاسبوعى صاعد ولو هابط حتبقه القناة هابطه ..
شوف كده وقولى رائك .. يعتمد ولالا ؟

مش عاوزك تزهق منى .. لان الاسئلة فى الاول حتبقه كتير شوية ..


مشكور مقدما على مجهودك .. جزاك الله كل خير

تقبل تحياتى ..

التوقيع

تمام يا صديقى انا اولا بعتذر ردى الاخير مكنش واضح و مفسر قوى ون غير شارتات علشان كنت نازل خلاص من الشغل ومروح
وبعتذر عن التاخير فى الرد علشان لسه واصل البيت كان ورايا مشوار بعد الشغل

بص يا صديقى مفيش طريقة صح فى كل الحالات او غلط فى كل الحالات
احنا بنحاول نمشى على طريقة و مع استمرار تطبيقها هنتعلم منها حاجات ونبتدى نطبقها و نتعلم من خسارتنا و نعرف اسباب الخسارة


انا هشرح بالتفصيل النقط اللى بطبقها وانا برسم القنوات و ليه زودت فكرة 50% فيبو ويارب اقدر اوصل الفكرة وسامحنى مقدما ان الرد هيكون طويل شوية

شروط رسم القناة

1- قناة الشهر نرسمها من على فريم اليومى مستخدمين الخطوط الراسية لتقسيم الفريمات و قناة الاسبوع ترسم من فريم الاربع ساعات و قناة اليوم ترسم من فريم الساعة

2- رسم القناة يجب ان يمر الحد العلوى لها بقمتين على الاقل أو الحد السفلى يمر بين قاعين على الاقل

3- يجب ان تكون شموع الفترة كاملة شاملة ذيول الشمعة داخل القناة

4- يجب ان يكون الحد العلوى هو اعلى خط يمكن رسمه طبقا للشروط السابقة و الحد السفلى هو اقل خط يمكن رسمه طبقا للشروط السابقة


5- اذا كانت القمة الثانية للحد العلوى او القاع الثانى للحد العلوى هو شمعة او قريب من شمعة نهاية الفترة لا يعتمد على القناة بصورة كافية الا اذا ارتد منها السعر مباشرة

ليه الشرط الاخير ده بالذات لان مش بنقول على الشمعة اذا كانت قمة الا اذا تلاها شموع هابطة فلو اخر شمعة فى الفترة هى القمة الثانية للحد العلوى ممكن بداية اليوم التالى السعر يكمل صعود وبالتالى دى مش هتكون نقطة قمة فالشرط التانى كده هيفشل

6- اذا امكن رسم خلال الفترة قناتين واحدة صاعدة وواحدة هابطة نرسم القناتين و نتعامل مع تواجد السعر فى المنطقة المشتركة بينهم كنموذج مثلث و نستكمل الاتجاه فى حالة خروج السعر من احد القناتين بمناطق القناة التى لم تخترق



هوضح بامثلة








ايه فايدة فيبو 50%
هفترض ان شمعة الاسبوع اللى فات شمعة صاعدة و مع بدايه الاسبوع الحالى السعر لسه بيتحرك فوق مستوى 50% بس فى قنوات هابطة
انا هترجمها ان فى نسبة بائعين فى السوق مسيطرة لكن ليست سيطرة قوية و هبتدى اركز فرصتى فى شراء مع كسر ترند الهبوط او الحد العلوى للقناة الهابطة او مع الاقتراب من مستوى 50 و الحد السفلى للقناة الهابطة هنا هتختلف طرق الدخول بس هركز فى الفرص على الشراء

طيب لو السعر اغلق تحت 50% يبقى كده فى ضغط قوى للبائعين و هبتدى اخده فى الاعتبار و افكر فى البيع بجانب الشراء

الهاى و اللو لازم نتابعهم كويس ممكن السعر يرتد منهم تانى بقوة او يكسرهم بقوة
بس هفهم منهم اذا كان المشترين قدرو يوصلوا السعر فى خلال الاسبوع لهاى اعلى من الاسبوع اللى فات يبقى هركز مع المشترين

او فشلوا فى الوصول و الاغلاق فوقيه يبقى ابتدت قوة الشراء تضعف

انا بفكر فيها كده ممكن غيرى يحط نسب الفيبو كلها و يشتغل عليها

محتاج منك تسال فى اى وقت واى عدد من الاسئلة و ارسم قنوات اليوم بعد انتهاء اليوم و ابعتها ونتناقش فيها

وممكن تختار زوج واحد ارسم عليه قناة الشهر و الاسبوع و الايام بتاعة الاسبوع ده كله و بعد ما ترسمهم قلى نظرتك و تحليلك للزوج من خلال الرسمة ونتناقش فيها مع بعض

الصور المرفقة

	eurusd1.jpg‏ (185.5 كيلوبايت, المشاهدات 140)
	eurusd2.jpg‏ (189.0 كيلوبايت, المشاهدات 138)
	eruusd3.jpg‏ (199.7 كيلوبايت, المشاهدات 137)

توضيح لفكرة ان مش كل طريقة صح على طول او غلط على طول
الاسترالى يابانى اللى ان مهتم بيه

لو طبقت شروط رسم القناة على فريم اليومى حدود القناة هى اللى باللون الازرق
طيب مش لو كنت خليت الحد العلوى للقناة هو اللى بالخط الاسود مش هينطبق عليه شروط رسم القناة بس مش كانت هتبقى القناة اوقع و ادق

حط شروطك فى التداول بس خليك مرن فى بعض الحالات مفيش مانع