ورشة القنوات السعرية و الترندات

المشاركة الأصلية كتبت بواسطة MiroGraphic

تمام يا صديقى انا اولا بعتذر ردى الاخير مكنش واضح و مفسر قوى ون غير شارتات علشان كنت نازل خلاص من الشغل ومروح
وبعتذر عن التاخير فى الرد علشان لسه واصل البيت كان ورايا مشوار بعد الشغل

بص يا صديقى مفيش طريقة صح فى كل الحالات او غلط فى كل الحالات
احنا بنحاول نمشى على طريقة و مع استمرار تطبيقها هنتعلم منها حاجات ونبتدى نطبقها و نتعلم من خسارتنا و نعرف اسباب الخسارة


انا هشرح بالتفصيل النقط اللى بطبقها وانا برسم القنوات و ليه زودت فكرة 50% فيبو ويارب اقدر اوصل الفكرة وسامحنى مقدما ان الرد هيكون طويل شوية

شروط رسم القناة

1- قناة الشهر نرسمها من على فريم اليومى مستخدمين الخطوط الراسية لتقسيم الفريمات و قناة الاسبوع ترسم من فريم الاربع ساعات و قناة اليوم ترسم من فريم الساعة

2- رسم القناة يجب ان يمر الحد العلوى لها بقمتين على الاقل أو الحد السفلى يمر بين قاعين على الاقل

3- يجب ان تكون شموع الفترة كاملة شاملة ذيول الشمعة داخل القناة

4- يجب ان يكون الحد العلوى هو اعلى خط يمكن رسمه طبقا للشروط السابقة و الحد السفلى هو اقل خط يمكن رسمه طبقا للشروط السابقة


5- اذا كانت القمة الثانية للحد العلوى او القاع الثانى للحد العلوى هو شمعة او قريب من شمعة نهاية الفترة لا يعتمد على القناة بصورة كافية الا اذا ارتد منها السعر مباشرة

ليه الشرط الاخير ده بالذات لان مش بنقول على الشمعة اذا كانت قمة الا اذا تلاها شموع هابطة فلو اخر شمعة فى الفترة هى القمة الثانية للحد العلوى ممكن بداية اليوم التالى السعر يكمل صعود وبالتالى دى مش هتكون نقطة قمة فالشرط التانى كده هيفشل

6- اذا امكن رسم خلال الفترة قناتين واحدة صاعدة وواحدة هابطة نرسم القناتين و نتعامل مع تواجد السعر فى المنطقة المشتركة بينهم كنموذج مثلث و نستكمل الاتجاه فى حالة خروج السعر من احد القناتين بمناطق القناة التى لم تخترق



هوضح بامثلة








ايه فايدة فيبو 50%
هفترض ان شمعة الاسبوع اللى فات شمعة صاعدة و مع بدايه الاسبوع الحالى السعر لسه بيتحرك فوق مستوى 50% بس فى قنوات هابطة
انا هترجمها ان فى نسبة بائعين فى السوق مسيطرة لكن ليست سيطرة قوية و هبتدى اركز فرصتى فى شراء مع كسر ترند الهبوط او الحد العلوى للقناة الهابطة او مع الاقتراب من مستوى 50 و الحد السفلى للقناة الهابطة هنا هتختلف طرق الدخول بس هركز فى الفرص على الشراء

طيب لو السعر اغلق تحت 50% يبقى كده فى ضغط قوى للبائعين و هبتدى اخده فى الاعتبار و افكر فى البيع بجانب الشراء

الهاى و اللو لازم نتابعهم كويس ممكن السعر يرتد منهم تانى بقوة او يكسرهم بقوة
بس هفهم منهم اذا كان المشترين قدرو يوصلوا السعر فى خلال الاسبوع لهاى اعلى من الاسبوع اللى فات يبقى هركز مع المشترين

او فشلوا فى الوصول و الاغلاق فوقيه يبقى ابتدت قوة الشراء تضعف

انا بفكر فيها كده ممكن غيرى يحط نسب الفيبو كلها و يشتغل عليها

محتاج منك تسال فى اى وقت واى عدد من الاسئلة و ارسم قنوات اليوم بعد انتهاء اليوم و ابعتها ونتناقش فيها

وممكن تختار زوج واحد ارسم عليه قناة الشهر و الاسبوع و الايام بتاعة الاسبوع ده كله و بعد ما ترسمهم قلى نظرتك و تحليلك للزوج من خلال الرسمة ونتناقش فيها مع بعض

المشاركة الأصلية كتبت بواسطة MiroGraphic

نحرك الاستوب على الدخول 88.35 ونتابع الارتداد من الحد السفلى لقناة اليوم

المشاركة الأصلية كتبت بواسطة MiroGraphic

الاسترالى ين نحرك الاستوب ل 87.80 +50 نقطة ونتابع حاليا على مكسب +140 نقطة
دخول اليورو استرالى اغلاق +200 نقطة و فى -50 نقطة للدخول الاول
الباوند دولار اغلاق +70 وانتظار فرصة بيع اخرى
الاسترالى نيوزلندى اللى دخل بيع تحريك الاستوب على الدخول

المشاركة الأصلية كتبت بواسطة MiroGraphic

رسمت قناة هابطة لحركة السعر اليوم فاضل 20 دقيقة بس مش هيتحرك فيهم جامد

لو السعر كسر الحد العلوى للقناة الهابطة هنتابع مستوى 87.50 اخر قمة متكونة لو السعر فضل تحتها مكملين مع الصفقة و مفيش داعى للقلق بس يجب الحذر

لو السعر ارتد او كسر الحد السفلى للقناة هنحرك الاستوب فوق القمة اللى منها السعر وصل للحد السفلى او كسر القناة و هكذا مع ظهور قمة اقل هبط منها الزوج لتكوين قاع اقل ننقل الاستوب فوق القمة دى

بالتوفيق يا شباب و محتاج اشوف رسوماتكم و تحليلاتكم

المشاركة الأصلية كتبت بواسطة MiroGraphic

الاسترالى نيوز استوب على الدخول كنت حاسس ان عم ويلر هيعملها رغم انه لسه مقلش حاجة
كده ان شاء الله الاسترالى يابانى نكمل معاها بنسبة كبيرة النيوزلندى بيسحب معاه الاسترالى بس عم ويلر يكمل كلام كويس و يساعدهم للهبوط
مع اخبار اليوم الصينية بتراجع الصادرات و الواردات
و غدا الساعة 4:30 مؤ ر المستهلكين
ان شاء الله نطلع منه بنقاط كويسة

المشاركة الأصلية كتبت بواسطة MiroGraphic

ده شرح لطريقة تعاملى مع الباوند دولار وتحليله عن طريق الفنوات

المشاركة الأصلية كتبت بواسطة MiroGraphic

السعر لسه بيتحرك داخل القناتين الاسبوعية و الشهرية
لسه موصلش للحد السفلى او العلوى ليهم

لكن ملاحظ الاسبوع اللى فات ارتفع بعد تكون بن بار على فريم 4 ساعات لمستوى 50% فيبو الشهرى

السعر لسه بيتحرك فوق المستوى 50% وواخد شكل قناة صاعدة على فريم ال 4 ساعات اللى بتمثل شموع الاسبوع السابق



على فريم الساعة السعر كسر الحد العلوى للقناة الهابطة لشموع امس وكسر هاى امس لكن رجع ارتد
انا راسم قناة الصعود لشموع اليوم بخط متقطع لان اليوم لسه مخلصش
لكن طريقة تعاملى مع السعر هتكون بيع فى حالة كسر الحد السفلى لشموع اليوم
هستهدف الحد السفلى لقناة الاسبوع و مع كسره زيادة البيع لمستوى 50% فيبو الشهرى مع تحريك الاستوب

هيفشل السيناريو مع استمرار السعر داخل القناة الصاعدة لشموع اليوم

المشاركة الأصلية كتبت بواسطة MiroGraphic

كنا رسمنا ليه قناة على فترة الشهر واحدة صاعدة وواحدة هابطة و قلنا القناتين دول فى رسمهم السعر بيتحرك جوه نموذج مثلث

السعر حاليا عند الحد السفلى للقناة الصاعدة و اللى يعتبر الحد السفلى للمثلث
وفى نفس الوقت بيمثل الحد السفلى لقناة يوم امس و ارتد منها الان

نتابع موقف الين المحير وتعاملنا معاه باستراتيجية القنوات بيع و شراء