رد: ورشة القنوات السعرية و الترندات
اقتباس:
المشاركة الأصلية كتبت بواسطة MiroGraphic
الدولار ين
السعر كسر الحد السفلى للقناة الشهرية الصاعدة و دى تانى مرة يكسر ها خلال الشهر
نقدر حاليا نلغى القناة الصاعدة و نستمر فى القناة الهابطة السعر لسه بيتحرك جواها
السعر حاليا تحت 50% فيبو الشهرى بس السعر مش ثابت تحته خلال الشهر صعد فوقيه و هبط تحته حوالى 5 مرات فى خلال الشهر
منقدرش نقول فى قوة شرائية او قوة بيعية واضحة
من خلال قناة الاسبوع السعر عامل قناة هابطة من شموع الاسبوع السابق
فى خلال الاسبوع ده السعر هبط من الحد العلوى ليها و بيقترب من الحد السفلى لكن بصورة بطيئة
قناة شموع امس اليومية على فريم الساعة قناة هابطة السعر هبط اليوم منها عند شمعة الساعة 3 لكن رجع السعر صاعد تانى و لمس الحد العلوى ليها وحاليا مرتد منه
مازال السعر داخل قناة اليومية الهابطة و قناة الاسبوع الهابطة و قتناة الشهرية الهابطة
مع عدم وجود قوة بيعية واضحة (لو عاوز توضيح للتذبذب السعرى شوف الدولار ين )
فاكرين لما قلنا نلغى القناة الصاعدة و نخلينا فى الهابطة الشهرية
طب لما قلنا مفيش قوة بيبعبة واضحة
طب خدت بالك من ظهور قوة البيع مع كسر الحد السفلى للقناة اليومية و الاسبوعية
طب لو مخدتش بالك فكرت تبيع مع اعادة اختبار القناة اليومية
السؤال الاهم مهما كانت استراتيجيتك فى التداول رسمت معاها ال 3 قنوات اللى بنتكلم عليهم دول و قريت الشارت بالقنوات و دمجته مع استراتيجيتك ولا لسه