رد: ورشة القنوات السعرية و الترندات
انتهى اسبوع التداول السابق اللى انا مسميه اسبوع الاخبار لان الحركة فى الاسبوع هادية طول الاسبوع و قوية وقت الاخبار فقط
علشان كده فضلت ابتعد عنه و دخول بحذر و هنوضح دلوقتى ايه اللى حصل طول الاسبوع طبقا لطريقتنا فى رسم القنوات اللى رسمناها قبل بداية الاسبوع
اليورو دولار
بداية الاسبوع السعر تحت 50% شهرى و فوق 50% اسبوعى
وفى اول يوم تداول 50% الاسبوع كانت دعم للسعر
لكن مع تانى يوم فى الاسبوع السعر كسر 50% الاسبوعى و قناة الاسبوع المرسومة
السعر كمل هبوط و موصلش للمنطقة اللى كنا عاوزين ندخل معاها بيع اعادة اختبار 50% الاسبوعى
لكن السعر واصل الهبوط و كسر لو الاسبوع وو صل للحد السفلى للقناة الشهرية اللى وقف الهبوط مؤقتا
ورد السعر لاعادة اختبار لو الاسبوع وواصل الهبوط مع كسر قناة الشهر بعد الارتداد من هاى اخر يوم تداول
الدولار يابانى
كنا من اول الاسبوع مستنين السعر يوصل لمنطقة لو الاسبوع و50% الشهرى
لكن للاسف السعر من بداية الاسبوع صعد واستمر للصعود كسر 50% الاسبوعى و معملش اعادة اختبار علشان يدينا فرصة دخول تانى
ووصل الحد العلوى للقناة الهابطة و هاى الشهرى وتوقعنا ان مع كسرهم مزيد من الصعود
وفعلا بعد كسر المستويات دى السعر رجع عمل اعادة اختبار و انطلق
اقتباس:
السعر من بداية الاسبوع صاعد من غير ما يوصل لمنطقة الدعم بتاعتنا
السعر حاليا بيحاول كسر الحد العلوى للقناة الهابطة و هاى الشهرى
كسرهم هيفتح المجال للشراء
الاسترالى دولار
بدا الاسبوع بقوة وارتفع مع توقعنا بوجود قوة للاسترالى فى حالة تثبيت سعر الفائدة وفعلا اغلق السعر فوق 50% الاسبوعى و الشهرى
وكان توقعنا اننا نستمر فى نظرة الشراء مع تحديد 50% الاسبوعى و الشهرى كمستويات
لكن السعر كسر المناطق دى ومداش اى فرصة لمحاولة الدخول شراء
ومع كسر 50% الاسبوعى عمل اعادة اختبار وكمل هبوط بقوة
تكون بن بار هابط على حدود 50% الاسبوعى كانت فرصة بيع لكن فى انتظار اخبار التوظيف الامريكية فضلت الابتعاد
النيوزلندى دولار
مع بداية الاسبوع ضغط بيعى و كسر 50% الاسبوعى و القناة الشهرية الصاعدة
وحددنا مناطق البيع المفضلة بعد كسر 50% الشهرى ولو الاسبوعى و اعادة الاختبار
وفعلا حصل كسر و اعادة اختبار و هبوط
اقتباس:
فى ضغط بيعى طول الاسبوع
وبيانات اليوم كلها سلبية للنيوزلندى
النهاردة فى اخبار كتيرة لليورو و الدولار و احتمال يكون فى حركات قوية
المناطق الحالية مشجعة على الشراء السعر لسه فوق 50% الشهرى وعن لو الاسبوع علشان كده المنطقة دى وقفت السعر عندها لكن مع اخبار النيوزلندى الضعيفة محتاجة تاكيد
طيب فرص البيع الاغلاق تحت المنطقة دى و اعادة الاختبار
الباوند دولار
حددنا مناطق المقاومة و الدعم فى بداية الاسبوع و مع اول تلامس لمنطقة المقاومة هبط السعر فعلا بقوة وفضل ثابت فترة فوق منطقة الدعم لكن رجع و كسرها بقوة واغلق اسفل 50% الشهرى و لو الاسبوع
ورجع عمل اعادة اختبار لو الاسبوع و كمل هبوط و كسر لو الشهر
اقتباس:
السعر نجح فى اغلاق فوق 50% الشهرى و الاسبوعى
حاليا منطقة هاى الاسبوع و هاى الشهر هى منطقة المقاومة
ومنطقة الدعم هى 50% الاسبوعى و 50% الشهرى
قناة الشهر السابق و قناة شهر سبتمبر مستمرين معانا و تحت المتابعة
الدولار الكندى
كنت افضل البحث عن مستويات البيع للدولار الكندى مع تحليل ارتفاع اسعار البترول من الاسبوع السابق
وكانت اول مناطق البيع هى مستوى 50% الاسبوعى و فعلا هبط منها السعر بقوة
واغلق تحت 50% الشهرى ولو الاسبوع
ومع توقع اعادة اختبار 50% الشهرى تانى استكمال الهبوط
ورغم فى نفس اليوم جت مستويات الاحتياطى للغاز فى امريكا اقل من المتوقع وده كان فى مصلحة استكمال الهبوط
لكن تصريح منظمة الاوبك اللى طلع فجاة بتوقع انخفاض اسعار البترول حتى 2019 عكس الوضع
ورجع كسر 50% فيبو الشهرى و 50% الاسبوعى وكسر حد قناة الشهر العلوى و اعادة اختبار و صعود