خلاصه خبرتى

السلام عليكم ورحمه الله
بدايه انا بقالى فى سوق العملات حوالى 4 سنوات وعايز اقولكو عن خلاصه ماتوصلت اليه فى هذا السوق الصعب والعنيف اولا ببساطه شديده سر كتابتى لهذا الموضوع هو ان مفيش حد يكتشف ان كلامى صح بس بعد ميكون ضيع من عمره 4 سنين والمسئوليات كترت عليه والحياه تعبته وفرمته باعبائها وهو لسه مستنى ينجح فى الفوركس طيب انا هحاول اكون مباشر وبتكلم من قلبى واحب قوى اسمع ارائكم اول حاجه احب اقولها لكل واحد مبتدئ ولكل واحد تايه لسه قاعد يدور على استراتيجيات فى المنتديات احب اقوله توقف لو سمحت انت بتدور فى المكان الخاطئ ليه ؟
اجابتها اخدت منى وقت طويل عشان اوصل لقناعه تامه ان 90 فى الميه مما ينشر فى المنتديات بلا فائده حقيقيه ياعم انا شوفت ناس بتكسب وناس فاتحه مواضيع وبتحقق نقط كتير احب اقولك اى شخص بيحقق نقط كتير مش شرط يكون بسبب ايلى بيطرحه فى موضوعه فى المنتدى يعنى من الاخر فى كتيييير واصلين لحاجات بيكسبو بيها بس ميقدرش يقولها لحد وده مش هنا وبس ده فى كل المنتديات عربى او اجنبى وفى من ايلى بيحققو نقط او ربح فى الفوركس بيبقى عامل زى لعب القمار لما تقعد على طرابيزه روليت ممكن تكسب يوم ويومين و3 ايام وشهر انما فى قاعده هيا ايلى مخليه الكازينو فاتح وبيستقبللك باابتسامه عريضه ويرحب بيك اوى لو كسبت لاانه بيضمن كده انك هترجعله تانى طب ايه هيا القاعده ؟
القاعده بتقول you cannot win in long
you cannot win in long time
حتما ستخسر على المدى الطويل وده ايلى بيخليهم فاتحين زى بالضبط شركات الوساطه فى العملات وزى بالضبط فكره الاستراتيجيات المنتشره فى المنتديات المعتمده على الفنى فقط مجرد شارت او على مؤشرات او على ترندات او على دعوم ومقاومات او على اى اداه بيقولولنا اعتمدو عليها لو هما كلهم مجتمعين برده فى المستقبل هتكون نهايتك الخساره فقط حتى لو ربحت لكن هتسرى عليك القاعده زى مابتسرى على مرتادين صالات القمار طب ليه؟
اقولك ليه لاانك لما بتشتغل على الادوات دى فقط بتدخل فى نطاق المتاجره بمبدا الاحتمالات يعنى ياستوب ياهدف اصلا لو استوبك قد هدفك النسبه فى صالح شركه الوساطه او النسبه رياضيا ضدك ليه عشان فى فرق سبريد عليك تمام. فما بالكم بقى بايلى داخل استوب اكبر من الهدف ومن غير اداره ماليه اقوله مع السلامه ياحبيب قلبى والقلب داعيلك انت مارجن حتمى بلغه الرياضه عشان كده تلاقى متاجرين الاسكالبينج مهما بلغت براعتهم فى النهايه كلهم مارجن واتحدى متاجر اسكالبينج ابتدى بحساب وهو نفسه الحساب فضل يكبر لمده 5 سنين مستحييييييييل الا لو هدفك على الاقل قد استوبك او اكبر يعنى قد الاستوب دى مشكوك فيها كمان يعنى ببساطه لو هتاجر بمبدا الاحتمالات لاااااااااااااااااااااااااازم هدفك يكون ضعف استوبك كده ممكن اقولك استراتيجيات المنتدى والادوات ايلى اتعلمناها ممكن تجدى نفع معك ولكنك برده هتعانى لو مبتدى بمبلغ صغير لحد متوصل لمبلغ كبير يعنى زيه زى اى مشروع لكن الفرق ان انت عندك مشكله ان الاهداف الكبيره ايلى اكبر من الاستوب فى الغالب بالاستراتيجيات والتحليل الفنى فقط بتبقى مشكله يعنى لو داخل صفقه هدف 80 ستوب 40 هتلاقى على المدى الطويل عدد الاستوبات اكبر من عدد التيك بروفيت والكلام ده عن خبره مش كلام فى الهوا
طيب عشان مطولش عليكزوووووو خلاصه الموضوع ايه
اقولك انا ايه بس ركز
الخلاصه ان فى اسرار لسه مكتشفنهاش ولسه طلاسم بالنسبه لينا احنا كعرب زى مثلا ان فى شارتات انا عن نفسى معرفش بيجيبوها منين بس ايلى اعرفه انها شركات مدفوعه وممكن يكون ليها علاقه بالماركت بروفايل او الفوليوم بتقولك على كميه البائعين والمشتريين عند مستوى محدد وانت بقى بتفتح الشارت تشوف المستوى ده فى دعم او ترند وتبتدى تعرف مين فيهم اكتر بائعين او مشتريين وتدخل والناس ايلى بتعرف المعلومات دى بيحققو ملايين من الفوركس وايلى ميعرفوش زى حالاتنا بيقولو ياعم لو فى اصلا حاجه كده مكنش حد غلب وكانت ك الناس بتكسب من الفوركس اقولك لا موجود بس متكتم عليه ولو عايز الدليل ابحث فى النت عن حاجه اسمها footprint chart
لكن مش هتوصل لمعلومات كافيه لاان الموضوع متكتم عليه وايلى عارف مبيقولش ودى مشكله كبيره زى بالضبط ماكل الناس بتقنع بعضها وبيرددو زى البغبغانات ان سوق العملات افضل من الاسهم هو لو كانت المعلومه دى صح كنا هنشوف حسابات الفوركس ب10 دولار تفتح حساب انما حساب الاسهم والاوبشن الامريكى ايلى اسمع ان فى نسب ربح تصل الى 1000 فى الميه كانت تبقى فتح الحساب اقل شئ 5000 دولار و 2000 دولار واكتر وكمان شركات معدوده ومفيش حسابات تجريبيه طب ليه؟ علشان مش عايزينك تكسب انما الفوركس سهل اوى تفتح حساب حقيقى وتجريب لاانهم عارفين نهايتك وان ايلى بيكسب بجد معدودين انما الاسهم الموضوع بيختلف انا عن نفسى حاولت وملقتش مصادر كافيه فى الاسهم وكمان هتلاحظ كل ايلى عملو ثروات من المضاربه 95 فى الميه منهم اسهم مش عملات
الطريق التانى علشان تبقى بتكسب من الفوركس
انك تبقى محلل اساسى لايشق لك غبار يعنى بارع جدا فى فهم البيانات الاقتصاديه وهنا هتلاقى مشكله انك محتاج لغه لاأن المصادر العربيه والمفكره الاقتصاديه حاجات فكسانه
الموضوع بيمتد لمعرفه قوه الاقتصاد وايلى بيتقال فى المؤتمرات ودراسه البلد صاحبه العمله بتعمق شديد ومعرفه الدنيا ماشيه ازاى وتبتدى تدمج ده مع الفنى بس مش كل يوم يعنى مفيش حاجه اسمها انتر داى فى الموضوع ده انساه ياعم المبتدئ ويالى لسه تايه مفيش فى الفوركس حاجه اسمها كل يوم 20 نقطه ده وهم وهبل يعنى بتلاقى اخبار قويه وبتكون صوره عن ايلى بيحصل وبعديها بتدخل تشوف فرصه قويه على الزوج او العمله متوافقه تماما مع التحليل الاساسى وتدخل هدف واستوب كبار فى الغالب يعنى فريمات يوميه واربع ساعات ساعتها فى الحالات دى تقدر تكسب على المدى الطويل والخبره دى محتاجه دراسه ووقت وفهم وتطبيق ووقت تانى بس ياريت الرساله تكون وصلت وشكرا

يااااااااااااااااه ياهيثم كل ده كتمه في نفسك يا بني


تلاقيك قعدت 4 ساعات في كتابة الهم ده

( معلش شوية فكاهة يا خويا)

________________________________


بجد انت اصبت كبد الحقيقة

واضيف كلمة اخيرة علي كلام حضرتك

الفوركس لا يصنع اموالنا ....
بل العكس
اموالنا تصنع الفوركس....


افادة صغيرة يا صديقي ما هو

footprint chart

الذي قلت عليه
اذا كنت تعرف عنه

مش هقول اكتر من صدقت
و ان كنا مش عايزين نصدقك
الله كريم

التوقيع

footprint chart

ايضا يخسرك هل تعرف لماذا؟ لانة السوق لا يعرف الى اين سيذهب اصلا لو كنت فى رينج وكنت فاتح هذا الشارت ستلاحظ الهبوط والصعود عندك متساوى مع الترند يعنى هتخسر هتخسر فى التذبذب اما فى الترند فهو قوى ولكن يجب ان تعرف متي سيحدث الترند لكى تستخدمة بكفاءة وتحقق ما تريد وهنا ندخل فى حلقة مفرغة اخرى وهكذا لو تريد تشوف الفوت برنت بدون برامج مدفوعة انظر للشموع الهابطة والصاعدة جسمها هذا هو قوة البيع والشراء التى تظهر لك على الفوت برنت.. وشكرا لك على ما كتبتة

وانا حقولك حاجة اكتسبتها من خلال متاجرتى 5 سنوات

عندما يتضح السوق بنسبة كبيرة (يعنى اتجاة السوق يكون واضح للجميع) تجنب المتاجرة
وانتظر حتى يتحرك السوق عدد نقاط كبير ضد الاتجاة الواضح وابدأ ابنى مراكز من مناطق دعم او مقاومة قوية

باختصار ادخل بعد ان يأكل السوق اموال الجميع

لانه هيكون شبع ومش محتاج اموالك ولازم يحافظ على بعض المتداولين الذين يربحون حتى لا يفقد احد الثقة فى السوق

التوقيع

بسم الله الرحمن الرحيم
هده هي الخبرة الحقيقية

ان كان الاتجاه اتضح انه صاعد فسيهبط ليخرج أكبر عدد ممكن من المتداولين من السوق و ضرب استوباتهم المكشوفة تحت اللو ويجلس يضيع الوقت قليلا ثم يصعد لوحده مع النخبة
هدا رأيته عدة مرات و الخبرة كدلك 5 سنوات

الموضوع وكل المشاركات التى كتبت فيه خلاصة خبرة عميقة تكتب بماء الذهب
بارك الله فيكم جميعا على النصائح

ههههههه حبيبى سوكا والله فعلا الفوركس خلانا مهمومين بالنسبه لشارت footprint انا اعرف ان فى شركات مدفوعه بتقدمه لكن بحثت على جوجل ملقتش حاجه واضحه قدرت استفاد منها يمكن لو حد من الاخوه هنا يعرف حاجه عنه يضيفها لعلنا نستفيد منه
شكرا يااحمد فعلا بتحصل كتير جدا بس نفسى اعرف هل السوق ده عشوائى ولا فيه حد بيحركه ويضرب ستوبات وده كلنا بنشوفه وبيحصل معانا لكن بالنسبه للناس ايلى بتحرك السوق ده بيتفقو ازاى ماهو مينفعش جهه واحده فقط تحرك السوق بس ده برده بيدل على ان فى حاجات غامضه كتير من المتداولين لسه موصلوش ليها يااما السوق عشوائى
فعلا اتفق معك ومع استاذ احمد
بارك الله فيك نورتنا بمشاركتك

موضوع قيم واثروه الكبار بمداخلاتهم
لكن عشان تبطل فوريكس .... لازم تدخل مستشفي نفسي

الكلام اللى اتقال ده الخلاصه ومن الاخر اوى اوى اوى وانا كمان متفق معاك فى حجات بس مختلف فى حجات
اول حاجه سوق الفوركس زى اى مشروع بتثتسمر فيه وبتستنى منو ربح يعنى لو حسابك 1000$ زى 10000000$
هيا نسبه وتناسب اكتر الاخطاء اللى بتقابل الناس انها بتدور على نقط واستيراتجى تكسب 10 و20 نقطه والكلام الهبل اللى انتا قولتو لكن ده مش صح انا استوبى بيكون فلوس مش نقط يعنى الصفقه اللى بخشها اخسر 100$ او اكسب 300 ولازم يكون الاستيراتجى اللى بشتغل عليها يكون نسبه نجحها اكتر من 35% علشان يكون فيه بروفت وحتى لو نسبه نجاح الاستيراتجى اقل من كده ليها اداره تانيه خالص بس تكون عارف ان نسبه نجاحك قليله وترضى بالمكسب اللى جيلك
التحليل الفنى عامل رئيسى مش زى مانتا قلت بس الفشل من الناس بيكون فى الاداره اى تحليل موجود هو ناجح ولكن الاداره عند كل الناس غلط لازم تكون انتا عارف امكانياتك ايه علشان تحط الاداره الصح عليه واستيراتجيتك هيا اللى حتقلك انهو اداره تشتغل بيها انا واحد من الناس وصلت لطريقه شغل قلتها للناس كلها مش بخلت على حد بحاجه طيب وايه اللى يثبت انها ناجحه الباك تيست من 2005 الى الان مفيش مره فى اى سنه توصلك للمرجن ليه لان استحاله انى اخسر 100 صفقه ورا بعض 100 ورا بعض ده معناه مارجن كول طيب المكسب لو عملت 30 صفقه فى الشهر كسبت 10 وخسرت 20 يبقا انا كسبان 10% من الحساب وده مش هو اداره راس المال ده مثال بس لكن انا احب اوضح بالارقام فى نهايه كلامى انا الفوركس من وجه نظرى بيتلخص فى تلت اضلاع نقص منهم واحد يبقا سيب الفوركس علشان مهما عملت حتفشل

التوقيع

تمبلد الورشه الرسمى
http://forum.borsaat.com/uploaded/6...1446462606.rar