الفوركس ضار جدا بالصحه / تنبيه هام فوركس بدون رياضه قاتل

المشاركة الأصلية كتبت بواسطة احمد ريان

من قرب 86 الي 66 كيلو يلزمني احتفال بمنسف وكابسه وكل اشكال الاكل الحلو

الحرمان وحش
هاخد شهر فري بقي

المشاركة الأصلية كتبت بواسطة احمد ريان

المشاركة الأصلية كتبت بواسطة أكرمعلي

أعتقد أن الفوركس لا علاقة له بهذا. يعتمد وزنك على اختيارك لأسلوب حياتك. تحتاج إلى أن تكون نشطاً في حياتك بغض النظر عن أي شيء. تحتاج إلى حرق الدهون عن طريق التمارين وممارسة الرياضة. لا يمكنك إلقاء اللوم كله على جلسات تداول الفوركس.

المشاركة الأصلية كتبت بواسطة احمد ريان

اذا كانت جلسات السوق تستمر ب 12 ساعه يوميا بدون حركه فهو قاتل اخي

المشاركة الأصلية كتبت بواسطة احمد ريان

في ناس بتسألني عملت ايه

اولا لما رحت الجيم من 82 كيلو رفعت ل 86 كيلو لان الجيم بيجوع وهتاكل ومش هتقدر تحرق المطلوب فبدل ما تخس للاسف انا وزني زاد .

ثانيا مرحتش لدكتور

ثالثا دي تجربه شخصيه من تأليفي

البرنامج . بدأ من ديسمبر 2016 الي اول يوليو 2017 = 7 شهور . هبوط من 83 كيلو الي 69.5 حاليا


اول شهر .
تقليل كميات الاكل للنصف .

يعني لو باكل في وجبتي طبق رز كامل بقي نصف طبق ولو نصف فرخه ربع فرخه
بمعني الاكل العادي جدا بس قلل كمياتك للنصف . ده اصعب شهر .

الشهر الثاني
تقليل الكميات مره اخر للنصف
بدل نصف طبق رز مثلا ربع طبق رز مع ربع فرخه او جزء منه

الشهر الثالث
نظام محدد

7 ايام كالاتي:-
يوم 2 سندوتش جمبري
يوم نص فرخه مشويه
يوم 2 سندوتش جبنه رومي وزبادي
يوم فاكهه حتي لو كيلو كامل علي مدار اليوم
يوم علبه تونه مع عيش شامي
ويوم كيس خضار مشكل مسلوق فقط بالمعلقه
واليوم الاخير كل عادي وجبه واحده من اللي موجود في البيت .
. وعيد الامر كل اسبوع واوزن نفسك بشكل يومي او كل يومين .....

الشهر الرابع
عيد الشهر الثالث + محفزات حوارق دهون وهي كانت قهوه تركي مضاف اليها اعواد القرفه الخشبيه انا بسحقها بنفسي علي القهوه واعملها - 2 فنجان يوميا مره الظهر ومره العصر بس.


الشهر الخامس
عيد الشهر الثالث + حوارق دهون + تمشيه يوميه ابدا ولو ب كليو متر والي 7 كيلو متر يوميا .

استمر علي النظام اللي هو بتاع الشهر الخامس بشكل كامل لمده 3 شهور ..


---
عادات لازم تتخلص منها
اي انواع المياه الغازيه بلاش منها خالص او علي الاقل 1 كوب اسبوعيا
قلل او امنع الفاست فود بانواعه
قلل او امنع الاكل بعد 10 مساء ( ولو جعت مثلا بسبب النظام ) كنت باكل رغيف عيش فقط بيقوم بالواجب ويسد الجوع .

تحذيرات
لا تأخذ ادويه للتخسيس يا عالم ممكن تجيب سرطانات لانها بتلعب علي الغدد .
ولا تاخذ اي شيء كيماويات فيه او تتقل في الحوارق للدهون مره وحده
التدريج تقدر تتغلب علي الجوع بانك تضحك علي المعده والعقل بتقليل تدريجي
انما تجي تقلل اكلك مره وحده بشكل رهيب العقل بيعرف ومش هيسيبك في حالك


---
افتكر ديما ان السمنه هي المسبب الاول للاتي :-
زياده مفرطه في وظائف الكبد وانزيماته وتراكم الدهون عليه بشكل يضعفه
مشاكل وامراض الشرايين والقلب وزياده الدهون علي ضله القلب وضعف الاداء وتعب مع اي مجهود ولو قليل .
زياده الوزن بصراحه لما وصلت 86 كيلو كنت تخين وملابسي كلها ضيقه وكرشي منظره مقزز والافخاذ ولاول مره لاني طول عمري نحيف الاقي نفسي عندي التصاق فخذين وتسلخات ههههه
قرفت من نفسي جدا وحسيت اني بموت نفسي بالبطيء ..

دي كلها كانت عوامل تخليني اصر علي التخسيس لوزن مثالي


المرحله اللي جايه بقي الجيم
لازم ابني بدل الترهلات والعضلات الرخوه دي جسم صلب
يعني هروح جيم لان ارتفاع الوزن الان من 70 الي 75 بس عضلات افضل من الدهون .
ان شاء الله


غير من نفسك .
احمد ريان .

المشاركة الأصلية كتبت بواسطة MSHOBA

ماهو الطريق الصحيح الذى اتبعه استاذ احمد