موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

سيناريوهات خبر الفائدة على الدولار اليوم الأربعاء ان شاء الله

منتدى تداول العملات العام

Like Tree10Likes
  • 6 Post By احمد ابراهيم شديد
  • 1 Post By nederlands
  • 1 Post By جازورا
  • 2 Post By ابو بكر المصري

إضافة رد
 
أدوات الموضوع
قديم 16 - 12 - 2015, 10:51 AM   #1
عضو نشيط جدا
 
الصورة الرمزية احمد ابراهيم شديد
 

افتراضي سيناريوهات خبر الفائدة على الدولار اليوم الأربعاء ان شاء الله

سيناريوهات خبر الفائدة على الدولار اليوم الأربعاء ان شاء الله
بسم الله الرحمن الرحيم
تقرير بخصوص قرار الفائدة على الدولار الأمريكى - الفيدرالى الأمريكى

- موعد القرار : الساعة 9 مساءا بتوقيت القاهرة +2 جرينتش , الساعة 8 مساءا بتوقيت السعودية ,, يتضمن قرار الفائدة + التوقعات الاقتصادية للجنة الفيدرالية للسوق المفتوحة + تقرير لجنة الفيدرالى [ لجنة السياسات النقدية ]
يصاحب القرار بعد نصف ساعة من إصداره حديث و مؤتمر صحفى للسيدة يلين رئيسة الفيدرالى الأمريكى و ستجيب ايضا على اسئلة الصحفيين فى هذا المؤتمر , يتوقع ان تكون مدة الاعلان الصحفى و المؤتمر ما بين 30 الى 45 دقيقة .

- خطورة و قوة الخبر : [ مدمرة ]

- توقعات الخبر كما فى نشرات الأخبار و المفكرات الاقتصادية : رفع الفائدة بمقدار 0.25%

- نبذ مختصرة عن الخبر :
ببساطة الخبر زى اى خبر فايدة فى العالم , رفع الفايدة على عملة بيزيد من قوتها و تخفيضها بيضعفها , لكن دى مش اى عملة .. دا الدولار الأمريكى .. محرك العالم و عملة الاحتياط فى العالم .. الوضع الاقتصادى الحالى فى أمريكا علشان نكون واقعيين افضل من الوضع فى أزمة 2008 ,, او بمعنى اصح تعافينا من مرحلة السقوط الحر فى 2008 و ازمة الرهن العقارى و قضينا سنوات فى تعافى الى ان بدأ الاقتصاد الأمريكى بالفعل يتحسن مؤخرا (( ليس التحسن الكبير لكنه على اى حال تحسن عن الوضع السابق ))
البنك الفيدرالى قضى حوالى اخر 7 شهور فى عام 2015 فى الكلام عن رفع الفايدة و تأجيل رفعها - تقريبا كان بيكون فيه اجتماع شهرى بيتظل كلمة تأجيل رفع الفايدة الى الشهر القادم كلمة مطروحة دائما فى كل اجتماعات الفيدرالى معادا اجتماع شهر 9 تم القول فيه بوضوح التأجيل الى شهر 10 او شهر 12 و فى اجتماع شهر اكتوبر تم التاكيد على الرفع بنهاية شهر ديسمبر 2015 على ان يكون هذا اول رفع تدريجى للفائدة لسياسة هيتخذها البنك و هى سياسة الرفع التدريجى لمستهدف فايدة 1% على الدولار يعنى 2016 هيكون فيها رفع فايدة ايضا على المدى المتوسط بمقدر 0.25% او اقل كل فترة لحين الوصول الى مستهدف 1% فائدة فى عام 2017 و مستويات تضخم عند 2% و دا مستوى مناسب جدا لوضع الاقتصاد فى أمريكا
الفيدرالى اعتمد بشكل رئيسى على مؤشرات معينة فى اتخذاذ قرار رفع الفايدة من عدمه و مش هنتطرق لشرحهم لانهم هياخدوا مساحة كبيرة جدا من الكتابة لكن بإختصار المؤشرات دى هى ( سوق العمل - مستوى البطالة - مستوى اعانات البطالة - مستويات التضخم - المؤشرات الصناعية )
حاليا الوضع فيها ايجابى [ لكن مش بشكل كبير ]

طيب علشان منضيعش وقت كتير فى كتابة كلام هيحتاج ساعة كتابة على الاقل فى الشرح , احنا محتاجين نعرف ايه او نستفيد ازاى من أخبار بكرة
عندنا 3 سنياريوهات رئيسية مفيش غيرهم

** السيناريو الأول : رفع الفائدة على الدولار :
رفع الفايدة على الدولار بمقدار 0.25% هيكون ايجابى بقوة على الدولار الأمريكى يعنى هتحصل عمليات شراء كبيرة للدولار الأخضر و عمليات بيع لكل ما يقابل الدولار من اى عملة مقابلة له و اى سلعة او معدن مثل الدهب و النفط و خلافه و حتى الأسهم هتهبط بقوة وقتها
خلينا نقول ان ابسط حركة وقت اعلان رفع الفايدة هتكون صعود فى ازواج الدولار مثل الدولار ين و الدولار كندى و الدولار فرنك ما بين 150 الى 200 نقطة على أقل تقدير و هبوط فى الدهب بمقدار 20 الى 40 دولار فى الاونصة من الاسعار وقتها و هبوط النفط ربما الى 32 دولار للبرميل او أقل وصولا الى 30 دولار ,,
طيب فى حالة رفعوا الفايدة بس ب مقدار بسيط يعنى مثلا نقول 0.15% هيكون ايجابى برضو لكنه ايجابى مؤقت و نحط تحت مؤقت دى خطين , يعنى هيحصل ارتفاع قوى وقتها ثم انخفاض قوى ايضا و هيكون النظر الى بيان لجنة السياسات و انتظار حديث يلين لتحديد وجهة الدولار المقبلة , يعنى فى الحالة دى بإختصار هيحصل صعود فى الدولار مش هيكون قوى و الصعود ال هيحصل ممكن يهبطه تانى بعدها ب دقائق .
و على أى حال يجب يجب يجب يجب النظر لبيان الفيدرالى المصاحب للقرار و السماع لتصريحات يلين لانها من سيحدد الوجهة المقبلة للدولار

** السيناريو الثانى :
تثبيت الفايدة على الدولار بمقدار 0.25% على الوضع الحالى 0.25% هيكون له تأثير سلبى جدا للدولار و هيكون الهبوط قوى بمقدار 200 نقطة او أكثر على ازواج الدولار لانه هيكون عكس كل التوقعات و عكس وعود الفيدرالى على مدار شهور + ان الفيدرالى هيفقد مصداقيته و اى حديث عن تأجيل الرفع لاى شهر قادم هيكون غير مصدق و هيكون تأثيره سلبى جدا على الدولار ,, فى الحالة دى هيكون فيه عمليات شراء بقوة لكل ما هو مقابل للدولار زى اليورو دولار و الباوند دولار و الدهب و النفط و الأسهم و وقتها مش هيكون حديث يلين ذو أهمية وقتها لان زى ما قولنا هيفقدوةا مصداقيتهم امام العالم

** السيناريو الثالث :
رفع الفايدة كما هو متوقع بمقدار 0.25% ليصل الى 0.50% + بيان لجنة سياسات ايجابى بمزيد من الرفع فى عام 2016 + لهجة ايجابية من يلين = صعود قوى جدا جدا فى الدولار الأمريكى اعتقد ممكن يصل ل 300 نقطة و أكثر على ازواج الدولار و هبوط ما يقابل الدولار بنفس المقدار

# شوية ملحوظات على هامش التقرير :
- توقعى الشخصى هو السيناريو الأول

- نصيحتى لو معندكش بالفعل مواقع شراء على الدولار الامريكى من أمس ( الثلاثاء ) متحاولش تفتح صفقات جديدة و تزنق نفسك و حاول تمسك نفسك و اعصابك وانت بتتابع الخبر و متتسرعش فى الدخول بناءا على اى تقارير من اى حد , متنساش ان فيه بيان و فيه حديث صحفى غير القرار و مش عارفين اللهجة هتكون dovish ولا Hawksh يعنى هتكون سلبية ولا ايجابية
- قرار اليوم قرار يا تتمرجن منه يا تدبلر منه , دى جملة شفتها كتير اليومين دول و غير صحيحة بالمرة , معلش يعنى مش 200 ولا 400 نقطة حتى هما ال هيمرجنوك لو داخل بإدارة راس مال صح , لكن انا ليه اصلا ادخل حاجة مش عارف هيحصل فيها ايه لما ممكن استنى القرار و البيان و الحديث و ابقى عرفت وجهة الدولار الجاية ل شهرين تلاتة ادام على الأقل
- معظم منصات الميتاتريدر او الشركات هتهنج وقت الخبر و هيحصل اعادة تسعير فا متحاولش تدخل تضارب و تقول هعرف اخرج بسرعة وقت الخبر
- ال بالفعل عنده مراكز كسبانة يا ريت يقفلها او يقفل نصها على مكسب و يحط للنصف التانى ستوبات على نقط الدخول , و ال عنده صفقات خسارنة يا ريت يحصن نفسه و حسابه ب استوبات مناسبة
- الصين و اوروبا ضغطوا على الفيدرالى جدا فى عدم رفع الفايدة الفترة ال فاتت بتدخلات بكل واحد و طريقته فا متستبعدش ابدا ان الفيدرالى يطلع جبان و ميرفعش الفايدة , يعنى متسلمش ودنك لتقارير البنوك و افتكر ان يوم صعود اليورو دولار 400 نقطة كان بنك جولدمان ساكس احسن بنك فى العالم كان متوقع انخفاض 300 نقطة !
- و أخيرا مشاهدة ممتعة ما بين الساعة 9 الى 10 مساء يوم الأربعاء


لامانه الشرح منقول من اخ على الفيس بس قولت تعم الفايده
وكلنا نستفاد وربنا يسترها اليوم على حسابتنا

اذا اعجبك الموضوع و اردت نشره في المنتديات الاخرى فاستخدم هذا الرابط:
سيناريوهات خبر الفائدة على الدولار اليوم الأربعاء ان شاء الله
http://www.borsaat.com/vb/t889000.html



احمد ابراهيم شديد غير متواجد حالياً   رد مع اقتباس

قديم 16 - 12 - 2015, 12:09 PM   #2
عضو جديد
 

افتراضي رد: سيناريوهات خبر الفائدة على الدولار اليوم الأربعاء ان شاء الله

زين سؤال النيوزلندي عملة خفض نسبة الفائدة وانا رحت شورت بمبلغ كبير بس النيوزلندي شو ارتفع سعره بعد اعلان خفض الفائدة ممكن توضيح شو السبب بالحركة العكسية؟



nederlands غير متواجد حالياً   رد مع اقتباس
قديم 16 - 12 - 2015, 12:16 PM   #3
عضو جديد
 
الصورة الرمزية جازورا
 

Thumbs up رد: سيناريوهات خبر الفائدة على الدولار اليوم الأربعاء ان شاء الله

تسلم يا امير على الإفادة والشرح الجميل




جازورا غير متواجد حالياً   رد مع اقتباس
قديم 16 - 12 - 2015, 02:19 PM   #4
عضو فـعّـال
 

افتراضي رد: سيناريوهات خبر الفائدة على الدولار اليوم الأربعاء ان شاء الله

مشكور اخي بس معلومه على الهماش .السعوديه سابقه مصر في التوقيت يعني 9 بتوقيت مصر تساوي 10 بتوقيت السعودية .



ابو بكر المصري متواجد حالياً   رد مع اقتباس
إضافة رد

جديد مواضيع منتدى تداول العملات العام


مواضيع سابقة :

تحذير بفجوات بمئات النقاط وسحب سيوله باكثر من 670 مليار دولار
قد يتم الاعلان اليوم عن تأجيل رفع سعر الفائده
لأصحاب الخبرة فى البولينجر .. ارجو المشاركة

مواضيع تالية :

و الكاش باك في الخيارات الثنائية
استفسار بخصوص المارجن كل وظلال الشموع
اندكس الدولار ... والفيدرالي ... نقاش

سيناريوهات خبر الفائدة على الدولار اليوم الأربعاء ان شاء الله

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
الدولار يرتفع 1% بعد خفض سعر الفائدة في الصين الاخبار الاقتصادية - اخبار سوق العملات
يا الله.... ما اشبه اليوم بالبارحه..هل يفعلها الدولار؟؟؟ منتدى تداول العملات العام
رفع الفائدة على الدولار النيوزلندي بالأمس, و الأنظار على مبيعات التجزئة البريطانية اليوم منتدى تداول العملات العام
الدولار الأسترالي يرتفع بعد خفض الفائدة الاخبار الاقتصادية - اخبار سوق العملات
ضعف الدولار مع محافظة البنك على سعر الفائدة 24/6/10 منتدى تداول العملات العام


روابط الموقع الداخلية


12:43 PM
Powered by vBulletin® Version 3.8.9
Copyright ©2000 - 2018, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة