رد: اكسبيرت جديد تحت المراقبة
اقتباس:
المشاركة الأصلية كتبت بواسطة eto2
يا اخوان انتو راقبو الاكسبيرت والموضوع في البداية انا حاطط اكسبيرت تحت المراقبة يعني راقبو الاول لمدة شهر وبعدين احكو اما الهجوم من مبدا الهجوم فهاد خطا وانا ما حكيت للبيع او اني بدي اعطيه لحدا اول شيء شوفو نتائجه بعدين احكو
أخي الحبيب ايتو
الظاهر رح تزعل من كلامي
طيب نتكلم بواقعية وصراحة أكثر
مبدأ الهجوم للهجوم .... مممم ... بالنسبة لي على الأقل ما أستخدم هكذا أساليب وخصوصاً مع الناس القديمة في المنتدى
أنا كتبت مشاركتي السابقة من مبدأ ( الاستغراب ) فقط لا غير ! وشرحت كمان أسباب استغرابي
وأما قولك ( ما حكيت للبيع او اني بدي اعطيه لحدا ) طيب كمان هون مليون خط تحت هالعبارة ...
بدك يانا نتابع لمدة شهر وبعدين نقولك مثلاً الاكسبرت ممتاز وعطينا ياه
تيجي انت بعد شهر تقول ( ما حكيت للبيع او اني بدي اعطيه لحدا ) ؟؟؟
طيب لشو نتابع من الأساس !!
الله يرضى عليك أخي ايتو
أرجوك للمرة الثانية لا تفهم كلامي غلط أو مشاركتي انها لمجرد الهجوم
وأقسم بالله ملينا وكبرنا وهرمنا من هالشغلات
أرجوك ( حدث العاقل بما يعقل )
وانت انسان فهمان في هالسوق ... وقديم قدم التاريخ
وعارف أنا شو قصدي بـ( حدث العاقل بما يعقل )
يعني :
لا بدك تعطينا ياه
ولا بدك تبيع ( وأنا أشك انو انت تبيع اكسبرتات أساساً لأنك انسان صادق )
ولا بدك تشرح عمل الاكسبرت
وبدك يانا نتابع شهر كامل لمجرد المتابعة !!
أعتقد ومع احترامي الكبير ... ( لا تبيع الماء في حارة السقايين )
فائق ودي واحترامي ،،،