@@ مشكلة كبيرة جدا فى حسابى بشركة fxdd تسببت فى خسارتى اكثر من الف دولار @@

السلام عليكم ورحمه الله وبركاته

تحياتى الى اخوانى فى منتدى بورصات والى الاستاذ اسامه

يا جماعة انا بجد حصلتلى مشكلة كبيرة جدااا وغريبةةة جداا

وكلمت الاستاذ اسامه وانا مستنى مساعدته لدى عودته من القاهرة اليوم ان شاء الله

المشكلة تتلخص فى الاتى

انه يوجد خطأين

الخطأ الاول اغلقت صفقات الهيدج لوحدها اولا فى سعر غير سعر السوق الطبيعى وقت غلقها

اى انه اغلقت صفقات الهيدج فوق السعر الحالى بحوالى 150 نقطة او اكثر

خطا ما فى البرنامج لان هذا السعر لم يحدث ابدا بالامس

فليه اتقفلت اصلاااا فى هذا السعر وسبب هذا الخطا فى الخطا الثانى ايضا !!


الخطأ التانى انه تم اغلاق جميع صفقاتى الهيدج وصفقاتى العادية بسبب مارجن

المشكلة هنا مشكلتين ان صفقات الهيدج تم احتساب مارجن عليها ودة غير طبيعى طبعا

لان مفيش مارجن ابدا على الصفقات الهيدج فمبجرد غلق احدى صفقات الهيدج

وبسبب المارجن المحسوب على الهيدج وبسبب غلق صفقات الهيدج فى غير اسعارها

الطبيعية تم غلق جميع صفقاتى بخسارة تقدر بحوالى 1077 دولار

الف وسبعة و سبعون دولارا بالرغم ان المارجن الذى كان موجودا وقتها

فى الهيدج يكفينى فى صفقاتى الاخرى المفتوحة

فى اليورو دولار حوالى 4 نقاط اخرى والحمد لله ان اليورو دولار

نزل بعدها 3 نقاط فقط ثم بدا فى الصعود مرة اخرى لمدخل جميع صفقاتى

فى اليورو دولار يعنى بكل بساطة

كنت هلم الليلة من تانى فى صفقاتى ودة طبيعى جدا

فتم ارسال رسالة لى من الدعم العربى بالشركة الذى وضح لى الخطا الكبير الثانى
والذى عرفت منه انه تم احتساب مارجن لصفقات الهيدج وايضا التقرير موضح به
الخطا الاكبر والغير معروف ان جميع الصفقات تم اغلاقها فى سعر غير سعرها
وايضا المفاجاة الكبرى ان بعض صفقات الهيدج بدون لوت اساسا !!

فبالبلدى كدة بمجرد فك صفقة واحدة فى صفقات الهيدج وجعلها صفر مثلا
وانا الهيدج كان عندى اجمالى صفقات الشراء ب 16 دولار واجمالى صفقات البيع ب 16 دولار
فطبعا بوظ الدنيا كلها وقفل الصفقات وهكذذا حدثت المشكلة

الان سارفق لكم ملفا كاملا وموضحا للمشاكل التى حدثت

وهنا تظهر صفقاتى فى الهيدج قبل حدوث الكارثة

ومأخوذة من التقرير اليومى

التى ترسله الشركة يوميا وارسلته مساء اول امس

كان معايا صفقات هيدج ومثبتها على سالب 652 دولار

لحين لما الاقيها حل ومخرج مناسب ان شاء الله


والان مع الكارثة التى حدثت هنا


والان مع الصورة التى تثبت ان وقت اغلاق هذة الصفقات كان سعر الباوند 1.6535


والان مع التقرير الذى ارسله الى احد ممثلى الدعم العربى وهو الاخ ماثيو بالتحديد

وال اكتشفت فيه الخطا الكبير الثانى الا وهو وضع بعض الصفقات بدون لوت للهيدج

واغلاقها فى اسعار مختلفة ووضع مارجن ليها

وهكذا اصبح الحساب غير موزون بالمرة ووضع مرجنات غريبة للهيدج وخطا

وبذلك تم اغلاق جميع الصفقات



وانتظر حلا للمشكلة ان شاء الله من اساتذتنا فى هذا الصرح الكبير
لان الخسارة كبيرة جدا وانا مظلوم فيها ومليش اى يد فيها

ولان الشركة دائما مع عملائها

تحياتى وتقديرى

التوقيع

إن شاء الله الأستاذ أسامه راح يتابعلك إياها ومابقصر معك فهو أهل لذلك ربنا يعوضك خير

السلام عليكم
اخى الكريم ربنا يكون فى عونك
وان شاء الله المشكله تنحل والحساب يرجع زى مكان
ومتقلقش الدكتور اسامه موجود
بس عندى تعليق انا شايف ان اللى وصل الموضوع للمشكله الكبيره دى
انك داخل من غير هدف ولا استوب
ممكن تتدخل من غير هدف ممكن تقفل الربح يدوى
انما من غير استوب صعب اوى

اقتباس:

المشاركة الأصلية كتبت بواسطة طارق1

إن شاء الله الأستاذ أسامه راح يتابعلك إياها ومابقصر معك فهو أهل لذلك ربنا يعوضك خير

شكرا يا طارق وباذن الله الاستاذ اسامه يحلها ان شاء الله

اقتباس:

المشاركة الأصلية كتبت بواسطة amir issa

السلام عليكم
اخى الكريم ربنا يكون فى عونك
وان شاء الله المشكله تنحل والحساب يرجع زى مكان
ومتقلقش الدكتور اسامه موجود
بس عندى تعليق انا شايف ان اللى وصل الموضوع للمشكله الكبيره دى
انك داخل من غير هدف ولا استوب
ممكن تتدخل من غير هدف ممكن تقفل الربح يدوى
انما من غير استوب صعب اوى

شكرا يا امير ويارب ان شاء الله المشكلة تتحل يارب
وبالنسبة لسؤالك عن طريق عدم وجود استوب
بص اوقات كتير جدا انا مش بدخل صفقات غير
وانا عارف اتجاهها الحمد لله رايحة فين وجايه منين
حتى لو السعر عكس عليا لا قدر الله بطلع منها الحمد لله مش صعبة ياريس

التوقيع

شو يا fxdd بلشنا نخربط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

والله يا أخي إن شاء الله تتحل

وطالما المشكلة من الشركة أكيد هيعوضوهالك

دايماً fxdd معودانا على كده

وكذلك الدكتور أسامة

.........

لكن لي عتاب صغير عليك ..

لماذا فتحت هذا الموضوع طالما كلمت الدكتور أسامة وقالك هيحلها ؟!!

التوقيع

" ضاقت فلما استحكمت حلقاتها فرجت وكنت أظنها لا تفرج "

..**.. إفعل دائماً ما يمليه عليك ضميرك ..**..

---= لا تنتظر شكراً من أحد على عمل عملته .. ولكن يكفيك أن تكون راضٍ عن نفسك =---

[عذراً, فقط الأعضاء يمكنهم مشاهدة الروابط ]

أخي الكريم
لا تقلق و لا تنزعج
طالما انك تتعامل مع FXDD

في مثل الوقت الذي تتحدث عنه - يبدو ان حدث مشكله في النظام و هذا شئ من الممكن أن يحدث مع اي شركه
, حدثت معي نفس المشكله - هي نفس مشكلتك بالظبط
و اتصلت بالأستاذ النجف - و تم مراسله الشركه من غير شوشره
لأني عندي ثقه كبيره جدا في هذه الشركه و شفافيتها
و قامت الشركه بمراجعه الحساب
و اكتشفوا ان هناك فعلا خطأ
و قاموا بتعويضي - عن كامل الخسارة و زياده (أكررها وزياده )
و كل ده تم خلال أقل من 24 ساعه
نحن سعداء و فخورين لتعاملنا مع FXDD

لأني سمعت أن هناك شركه كبيره جدا و مهمه جدا - بتنشف ريق العملاء علشان ترجعلهم دولار واحد
و ياخذوا 3 شهور في الحكايه دي
شكرا FXDD
, , الشكر الكبير للأستاذ النجف على متابعته لقضيتي

السلام عليكم و رحمة الله و بركاته.,

عدت من القاهرة حوالى الساعة الثالثة و النصف و كنت قد وعدتك بمتابعة الموضوع فور عودتى ولكن رجعت مهدود من عناء السفر..,
استيقظت الان و ان شاء الله ساتابع الموضوع الخاص بك و ان شاء الله سيتم التواصل معك و حل اى مشكلة و ارجاع اى حقوق خاصة بك فلا تقلق ان شاء الله.,
تحياتى..,

التوقيع

..:: مواضيــــــعى ::..

تحياتى لك من قرائتى للموضوع بتمعن مرة اخرى راسلت الشركة و فى انتظار ردها على تساؤلاتك و لكن اسمح لى افتح بعض النقاط للنقاش..,

انت كنت داخل بعقود بيع ب 16.2 دولار و عقود شراء ب 16.2 و هنا يتم احتساب مارجن لواحد فقط و فى هذه الحالة يكون المارجن المحجوز هو 1350.68$
الصفقات كانت خاسرة 652$ و هذا يعنى ان رصيدك بالصفقات المفتوحة و مارجنها تنقص من حسابك 2002.68$
قمت بفتح عقدين لليورو بقيمة 13.9 دولار للكل و هذا يسحب مارجن 1035.06$
لينتقص رصيدك الى 967.3$ و يكون هذا هو كل المارجن المتاح لك خسارته فى عقود اليورو
هبط اليورو 35 نقطة من نقطة دخولك ليخسرك 486.5$ دولارا
قمت بفتح عقد اخر ب 8 دولار لتضرب حسابك بيديك على المارجن كول بسبب عدم كفاية الرصيد و الدخول فى صفقات متعددة و لم يتحمل رصيدك العقود العالية..,

لاحظ ان وقت ضرب المارجن كول هو 14:31 و هو نفس وقت فتحك لصفقة اضافية بثمانية دولارات لم يتحملها حسابك..,
هذه قرائتى المبدئية للموضوع و قد راسلت الشركة و سأبلغك بالرد و لو ليك مليون دولار و حقك ستأخذه صدقنى و لو ما ليك سنت ما راح تاخذه ابدا..,

تحياتى و انتظر تواصلى معك بعد رد الشركة او سيقوم الاخ امجد بنفسه بالرد عليك هنا..,
الله كريم.,

التوقيع

..:: مواضيــــــعى ::..

تمام يا دكتور .. كلام سليم ومظبوط ...

التوقيع

" ضاقت فلما استحكمت حلقاتها فرجت وكنت أظنها لا تفرج "

..**.. إفعل دائماً ما يمليه عليك ضميرك ..**..

---= لا تنتظر شكراً من أحد على عمل عملته .. ولكن يكفيك أن تكون راضٍ عن نفسك =---

[عذراً, فقط الأعضاء يمكنهم مشاهدة الروابط ]