رد: انتى فيرس لاساليب الخدع والنصب والنفوس المريضه
يا اخى الكريم .. انا قلت لك قبل كدا فى الموضوع اللى كنت بتهاجم فيه (شخص معين) .. أنا رديت عليك وقلت لك ساعتها : أخى الكريم مافيش داعى للهجوم والحدة على الناس ممكن تكون انت صح وعلى حق لكن اسلوبك بيضايق الناس ويخليهم ينفروا من الحق دا وممكن تبقى على باطل ولكن اسلوبك الحلو ممكن يخلى الناس يتبعوك فى الباطل دا .. فما بالك لو كان اسلوبك الحلو فى الحق ؟؟؟؟؟؟؟؟؟؟
النبى صلى الله عليه وسلم .. بيدعو الناس لكلام الله .. وهو من هو صلى الله عليه وسلم بالمؤمنين رؤف رحيم .. ومع ذلك الله سبحانه وتعالى ماذا قال له ؟
ولو كنت فظا غليظ القلب لانفضوا من حولك .. لانفضوا من حولك رغم انه النبى وكلامه دعوة الى الله وانقاذ للناس من النار ونعيم فى الدنيا والآخرة .
فى المقابل بقى .. النبى صلى الله عليه وسلم قال (ما معناه) : انكم تختصمون إلىّ وقد يكون بعضكم ألحن بحجته من بعض فمن قضيت له من حق اخيه شيئا فلا يأخذه إنما قضيت له بقطعه من النار .. يعنى ممكن اللحن بالحجة (الكلام الجميل المرتب المقنع البليغ الذى لا يسبب نفور الناس) يقلب الباطل حق (ظاهريا كالسحر لأن الحق حق والباطل باطل) ويخلى النبى صلى الله عليه وسلم (ممكن) يحكم لصاحبه .
يا عم انتقد الناس اللى انت شايفهم مخطئين .. أنتقدهم من غير ما تتهجم وتحتد فى الكلام .. ووعى الناس اللى انت عايز تنصحهم بس فى نفس الوقت وعيهم باسلوب يجذبهم .. هو كل انسان بيختار الفاظه وبيتكلم باسلوب جميل يبقى بيطبل ؟
قصة قصيرة : واحد مرة رأى حلم أن أسنانه كلها تقع .. ودا تفسيره عند معظم المفسرين أن الأقارب هيموتوا .. راح الرجل لمفسر .. قال له أقاربك كلهم سيموتوا قبلك .. تشائم الرجل صاحب الحلم جدا .. راح لمفسر تانى قال له : أنت آآآآآآآآآخر واحد هيموت فى أهله كلهم .. فرح الرجل واستبشر .
الأتنين قلوا نفس المعنى بالظبطططططططط .. ولكن واحد جعله ينفر والتانى جعله يستبشر .
أرجو من الله أن يكون لكلامى أثر عندك وربنا يوفقك ويكرمك (مش بطبل أهو )
التوقيع
تريد رزقاً ومالاً كثيرا من الفوركس أو من غير الفوركس ؟
لو الإجابة نعم .. الطريقة سهلة :
1- تقوى الله : ومن يتقِ اللهَ يجعل لهُ مخرجاً
ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا ..
ويمددكم بأموالٍ وبنين ويجعل لكم جناتٍ ويجعل لكم أنهارا .
ربنا يرزقنى ويرزق المسلمين جميعا من فضله الواااااااااااااسع .
دعواتكم بظهر الغيب