أنت تسأل ونحن نجيب ( خاص بالاستفسارات عن سوق العملات الدولية )

المشاركة الأصلية كتبت بواسطة شادي عبده

اهلا وسهلا يا غالي

اسمحلي بالرد على استفسارك

كم رصيدك في الحساب Balance؟

تحياتي

المشاركة الأصلية كتبت بواسطة شادي عبده

ممكن تشتري أو تبيع عقد 0.01 (بمعنى عقد ميكرو 1000 وحدة من العملة الاساس) ذلك هو اصغر عقد يمكن أن تتاجر به.

تحياتي

المشاركة الأصلية كتبت بواسطة علي عبده

الف هلا حبيبي ... اول شئ نحن موجودين بس ببورصات لخدمتكم .. وتحت امرك في اي استفسار .. واذا تريدني اجيلك البيت اشرحلك السؤال وامشي ماعنديش مانع .. وجاهزين ان شاء الله بكافه الطرق اذا بتريد ومش هتطلع من هنا الا وانت متاجر جيد ان شاء الله ..

نيجي للاسئله ..

كلامك يحتوي اربع اسئله ..

السؤال الاول .. هل يمكن فتح حساب حقيقي بمبلغ 400 $ ؟

الاجابه هي نعم .. والحساب التجريبي بيكون بس عشان تعرف المنصه بتشتغل ازاي وتجرب وتفتح صفقات براحتك وانت متطمن من غير ما فلوسك تضيع .. والشركه حاطه مبلغ افتراضي في الحسابات التجريبيه 10000 $ .. ولكن انت حر في حسابك الحقيقي افتح زي ما تحب .. .. وشركه زي wwm بتفتح حسابات بلا حد ادنى للايداع .. يعني متقلقش من النقطه دي ..

السؤال الثاني ..
هل انا لما بعمل عقد شراء لزوج اليورو دولار ده معناه اني بشتري اليورو وببيع الدولار
الاجابه هي .. نعم بشكل جزئي .. فشرائك لزوج اليورو دولار يعني انت بتتوقع ارتفاع اليورو في المستقبل وانخفاض الدولار ..

السؤال الثالث
انا دلوقتي عملت صفقه بحجم 0.01 يعني حجم النقطه بعشره سنت .. صح ؟
الاجابه نعم كلامك مظبووط

السؤال الرابع
طيب لما بعمل العقد الميكرو ده اللي هو 0.01 .. بكون انا اشتريت بكام اصلا وازاي هكسب من مبلغ صغير زي ده ..؟؟

هنا بقى لازم ندردش مع معض شويه

اللي بيخليك تكسب من مبلغ صغير زي ده هو وجود الرافعه الماليه في الحساب ..
فمثلا لما اقولك ان الرافعه الماليه لحسابك = 1:400 معناه ايه الكلام ده ؟

ده معناه ان كل 1 $ انت بتدفعه في الصفقه الشركه بتدفعلك قدامه مبلغ 400 $ كقرض لحين انتهاء الصفقه ..
يعني انا لما اتاجر بمبلغ 400 $ فانا بالرافعه الماليه بتاجر فعليا بمبلغ (400*400=160000 $)
وده مبلغ كويس ومن غير الرافعه الماليه دي مش هتقدر تتاجر في سوق زي الفوركس بمبلغ صغير


.....

وهو ده الفرق بين التاجر اللي بيشتغل برافعه ماليه وتاجر اخر بيشتغل بدون رافعه ماليه ..
وهديك مثال حي

لو عندنا اثنين تجار واحد اسمو رامز والثاني اسمو علي

هما الاثنين قررو انهم يشتغلو في تجاره السيارات ..
*رامز راح لمعرض السيارات واشترى السياره بمبلغ 10000 $ وراح نزل بيها السوق عشان يتاجر بيها .. لقى ان اعلى سعر للسياره في السوق هو 11000 $ .. وباع السياره بالثمن ده ..

يبقى رامز كان راس ماله 10000 $ باع السياره ب 11000 $ .. يبقى صافي ربحه في العمليه دي هي 1000 $ فقط !! يعني 10 % من رأس ماله ..

** علي كان ناصح شويه .. راح للمعرض بيوفر نظام الربح بالهامش (الرافعه الماليه) صاحب المعرض حجز العربيه باسم علي مقابل مبلغ تامين = 1000 $ واداله صوره من السياره ومواصفاتها (يرجى العلم انه لم يمتلكها ولكنها محجوزه باسمه فقط) .. علي نزل السوق ودور على مشتري لقى ان اعلى سعر للسياره هو 11000 $ وباعها بالسعر ده ايضا !!

صاحب المعرض اخذ ثمن السياره 10000 $ وعلي استرد مبلغ التأمين 1000 $ اللي دفعها ف الاول + ربح 1000 $ من العمليه لانو باع السياره اعلى من ثمنها ايضا ..

يبقى علي كان راس ماله 1000 $ باع السياره ب 11000 .. يبقى صافي ربحه بالعمليه دي هي 1000 $ = 100 % من رأس ماله




وهذا ما يحدث في سوق الفوركس تماما
من ناحيه الرافعه الماليه

بتمنى اكون فهمت ما تقصد بالظبط .. وانتمى ان يكون الشرح بسيط يا غالي

وانا تحت امرك باي استفسار اخر حبيبي