رد: كان ياما كان : قنوات التليجرام واستراتيجية البروكر الجديدة
اقتباس:
المشاركة الأصلية كتبت بواسطة Chart.Prestige
السلام عليكم ورحمة الله وبركاته
كان ياما كان : قنوات التليجرام واستراتيجية البروكر الجديدة .
منذ قديم الازل كان البروكر يعمل على صناعة إستراتيجية التسويق الخاصة به لجلب المزيد من المتاجرين له وكان كثير القلق بشأن نجاح حملاته الاعلانية وكيف انه سيحقق ثقة المتاجرين به من خلال الاعلانات الموجودة بمواقع الانترنت
ولكنْ مع تطور الزمن وتطور طرق التواصل الاجتماعي أصبح البروكر اخر همه جلب ثقة العملاء له فوظف الكثير من IB's بطرق ميسرة وسهلة فأصبح اي شخص يستطع ان يملك IB من اي بروكر مباشرة بل واصبح يعرض عليك بمجرد فتح الحساب لديه بأن تكون IB له وتبني قاعدة عملائك بسرعة فائقة لتربح من هذا السوق ربحاً خيالياً
فوفر على نفسه عناء وتكاليف الاعلانات الباهظة الثمن بتكاليف قليلة من خلال
Word Of Mouth والتسويق الشبكي بشكله البدائي البحت
لهذه الطريقة فوائد كثيرة
فأصحاب قنوات التليجرام ساعدوا بشكل كبير على تطور هذه الاستراتيجية و اصبحو يتنافسو على شيئين لا ثالث لهما
الأول : جلب الكثير من متابعين القناة
الثاني : الاستفادة المادية من المتابعين بطريقتين إحدها (ان يستفيد من العمولات المقدمة من البروكر له) والاخرى (توصيات مدفوعة بشكل اسبوعي)
وفي المقابل ماذا حدث لاصحاب قنوات التليجرام بــاعوا الضمائر للحصول على الدولار $$$$
فمنهم من يخرج ويزغرد في حال تحقق هدفه وإصابته وكان توقعه بشكل كبير جداً صائب ويختفي ويتعذر بمليون عذر في حال خفق في التحليل
ومنهم من اصبح يحلف بحياة البروكر وانه افضل بروكر تم التعرف عليه ولن يكون اي بروكر افضل منه لا الان ولا في المستقبل
ومنهم من اصبح يبيع توصياته لعملاء المجموعات المدفوعة ويضع في مجموعته المجانية توصية او اثنتين لكي يرغم الباقي على الاشتراك بـ أسلوب فظ وأسلوب مبتذل
ومنهم من يشكك في مصداقية الاخر ويعود ويعتذر اما الملأ على اساس انها رجولة والاعتراف بالذنب فضيلة وهي في الاساس عملية تضليل للحقيقة ونشر الجروبات بشكل خرافي على التليجرام
يوم الجمعة ليلاً اشتركت بـ 12 قناة على التليجرام لـ ارى ما يدور فيها من عرض بضائع مبتذل جداً ولا يمد للشرف بصلة
تفاجئت قبل قليل بـ 390 رسالة من هذه الجروبات قرأت في توصيات معظمها
فمنهم من يبيع البطاطا ومنهم من يشتري البطاطا
فانا لو كنت متاجر ومتابع لهذه القنوات لما تاجرت ابداً بشكل صحيح ودائماً سيكون قراري خاطئ في الدخول والخروج
والطــامة الكبرى ليست المشكلة بأصحاب القنوات لان المشكلة الاساسية تكمن في من قبل على نفسه وقبل عرض تأجير عقله لغيره من التجار الذين يتصفون بالطمع والشجع والذي اعمى على بصرهم حب الدولار $$$
لهذا سنرى في هذا السوق ان 95% من التجار الذين يخسرون سيصبحون
99% مغيبين عن الواقع ويصبحوا مجرورين لـ اصحاب القنوات الرخيصة
وكلمة حق اقولها ضمن هذا الموضوع :
التليجرام يجب حذفه من اجهزة الجوالات للمتاجرين فكلها هرطقة بمعنى الكلمة ولا تصلح لـ ان تكون قناة لاستقبال التوصيات عليها
فكلكم خاسرون ماعدا البروكر
فصحاب القناة خاسر لضميرة مقابل بضع $$$ هذا اذا ما لبس عبائة الدين لكي يتمكن من جذب ثقة متابعيه
وصاحب الحساب خاسر لـ امواله مقابل متابعته لصاحب القناة بتوصيات مدفوعة او بـ عقود كبيرة تعود على صاحب القناة بـ ارباح اعلى على IB
وكـحملة اعلانية قبل الهجوم من اصحاب القنوات على هذا الموضوع انا املك قناة في التليجرام وتحتوي على 29 شخص وكلهم اعرفهم معرفة شخصية او اصدقاء لمعارفي
ولن اكتب عنها يوماً هنا ولم استخدمها لجذب عملاء اكثر او تبادل اعلاني او توجيه المتابيعن ليكونوا تحت وكلاتي هههههههههههههههه هذه ان وجدت لي وكالة في الاصل
فـ الاصل في الخيــر فعله دون مقابل ومن يعود في ذلك فـ لديه نوايا سيئة تظهر كلما تقدم الزمن .
ودمتم بكل ود واحترام
سبقتنى بالموضوع ده بس انا بصراحة كنت هبعته على الخاص للادارة بس كنت مستنى شوية
انت بدات يوم الجمعة بالليل انا بدات من حوالين شهرين
وقنوات لا تعد و كله بيعمل دعاية لكله
بس انا لى وجهة نظر مختلفة مع خالص احترامى للجميع
انا مش شايف اى مشكلة فى اصحاب القنوات دى وجهة نظرى (لبعضهم) هو شخص استغل التطور التكنولوجى لمصلحته واحييه على كده
ايه الفرق بين القنوات دى و مواقع التوصيات اللى كانت ماليه الانترنت و اعلاناتها تيجى قدامك فى كل مكان و ناس كتير كانت بتشترك فيها و بمبالغ كبيرة احيانا و بعد شهرين تلاتة تلاقى نفسك بتخسر من حسابك غير فلوسك اللى دفعتها كل شهر
بعد كده تسيب الموقع و متجددش ويبتدى يقل عدد العملاء بتوعو ويجيب بدالهم جداد ويفضل مستمر على امل ضحية جديدة
الموضوع اتكشف و الناس اتعلمت معادا ضحايا الفوركس الجداد
نفس الموضوع فى القنوات لو الشخص صاحب القناة بيقدم فعلا توصيات قوية هتلاقى عدد عنده بيزيد طول ماللى مشترك معاه بيكسب اكتر ما بيدفع
ولو خسر شهر و التانى و التالت هتلاقى كله بسيب القناة او يفضل فى القناة المجانية لمتابعة التحليل
لا يوجد اى عيب على صاحب القناة الا انه مجرد شخص يستغل التكنولوجيا لمصلحته مش كل الناس تقدر تشترى موقع باسمها و تدفعله كل شهر مبلغ و تعمل منتدى و تنشره على الانترنت و متابعة صيانة و متابعة ردود وحذف اعضاء ومشاكل المنتديات ربنا يعين اعضاء ادارة المنتدى بتاعنا عليها
هو استغل انه ممكن يعمل حاجة مقابلة للمنتدى بدون اى مصاريف بدون اى مجهود متابعة ردود الا لو عامل قناة للمناقشات و برده مش هيكون عليه مسئولية كبيرة
توصل لاستراتيجية او طريقة عمل مربحة توصل لبروكر ياخد منه عمولة
استغل كل الادوات المتاحة امامه لتحقيق مكسب بدون مغامرة
احييه و بشدة لاستغلال كل ده
ومجهوده و نتائجه هى اللى هتخليه يستمر او يقع من اولها و ميكملش
انتشار القنوات بالسرعة دى علشان طبيعة العالم العربى الانترنت حاليا متاح 24 ساعة على الموبايل فى اى وقت هيستلم التوصية او التحليل بسهولة وهيقراها بسرعة معاه الميتا تريدر على الموبايل افتح ادخل الصفقة وصلتى لهدفى بدون مجهود
رسالتى لادارة المنتدى كانت هتتضمن مجرد وجهة نظر انا عارف انهم شخصيا فى حيرة منها واكيد بيحاولوا يشوفوا ليها حل
اصحاب القنوات تبث النشاط فى المنتدى و تبهر الاعضاء لمدة من الشهور و بعد ذلك تتحول الاعضاء للقناة و تحت وكالة شركات القناة اللى هى مش شركات تحت وكالة المنتدى و يبقى القناة هى الاساس و المنتدى هو مجرد دخول متابعة فقط على فترات
النتيجة قلة عدد الاعضاء النشييطة ومن الممكن قلة عدد الاعضاء تحت وكالة شركات المنتدى
لكن فى نفس الوقت بالنسبة للادارة شخص فتح موضوع قوى و يحقق نتائج مبهرة و متابعيين من الاعضاء بعدد كبير ولم يقم بالتنبية او الدعاية لقناته على
العام لا يوجد اى سبب انى انا امنعه حتى لو انا واثق بنسبة 100% من كده
ربنا يكون فى عون ادارة المنتدى فى التحدى الجديد اللى قدامهم يجب البحث عن شئ لا يوجد فى التلجرام لجذب الاعضاء و تمسكهم بالمنتدى
نوكيا + سامسونج مع فارق التشبيه
نوكيا جت عليه فترة كان كل الناس تتمنى تجيبه و بعد كده اختفى لانه لو يواكب التطور
على ادارة المنتدى اضافة الاهتمام اكتر للاعضاء المنتمين للمنتدى لانهم سلاحها الاول فى مواجهة التحدى بالاضافة للبحث عن وسائل جذب جديدة
للاسف معظم وليس كل من يفوز فى المسابقات هم اصحاب القنوات
المواجهة الان هيس ليس بينك و بين عدوك بل مواجهة بين الاصدقاء من نفس المجال