موقع بورصات
  بورصات
تسجيل عضوية جديدة في المنتديات لوحة تحكم العضو البحث في المنتديات تسجيل الخروج الرئيسية الاتصال بنا

منتدى العملات العام لمتابعة كل ما يتعلق بتجارة العملات الاجنبية والذهب والنفط من اخبار وطرق المتاجرة وتحليلات ، قسم التوصيات – توصيات العملات لمتابعة توصيات ونقاط الدخول والخروج على مختلف العملات ، منتدى الدروس التعليمية يحتوي على دروس تعليمية لسوق العملات والتحليل الفني والاساسي وادارة رأس المال ، منتدى المؤشرات والاكسبيرتات يحتوي على اهم المؤشرات مع شرح لها بالاضافة الى بعض الدروس

العودة   بورصات > بورصة العملات الاجنبية > منتدى تداول العملات العام

تحليل بسيط حبيت الناس تقراة

منتدى تداول العملات العام

Like Tree3Likes
  • 3 Post By tito5615104

إضافة رد
 
أدوات الموضوع
قديم 25 - 06 - 2016, 01:33 PM   #1
عضو جديد
 
الصورة الرمزية tito5615104
 

افتراضي تحليل بسيط حبيت الناس تقراة

تحليل بسيط حبيت الناس تقراة
بريطانيا خرجت رسمي من الاتحاد الاوربي
نحلل بقي
علشان نشوف ايه اللي ممكن يحصل في اللي جاي ولازم نسال كام سؤال كده علشان نعرف ايه الحكايه
بريطانيا خرجت ليه؟
اولا لان الاتحاد فيه مشاكل اقتصاديه عاصره في معظم الدول اللي في الاتحاد.. وده بيخلي الكيانات اللي اقتصادها كويس عليها لود جامد جدا لانها لازم تدعم اقتصاد الدول اللي واقعه
ده سبب رئيسي واي حاجه تانيه هتكون شكليات
بالاضافه الي ان بريطانيا ليها طابع سياسي مختلف عن باقي اوروبا وفي الفتره اللي فاتت الاتحاد الاوربي كان ليه اتجاهات سياسيه مكانتش في مصلحة بريطانيا ولا مصلحه الاتحاد ككل وده ببساطه لهيمنة امريكا علي ادارة الاتحاد الاوربي وتوجهاتهم السياسيه وطبعا ده ضر كتير بمصلحه اوروبا لكن نفع جدا امريكا
وده سبب رئيسي كان ليه عائد سلبي علي اقتصاديات والاستثمار في اوروبا
انشغال الاتحاد بالتطور السياسي الدولي مع اهتزاز شخصيته امام امريكا خلاهم مايركزوش في النمو الاقتصادي السليم لاي اتحاد بقي كل شغلهم الشاغل سياسه مش اقتصاد
انحرفت المركبه ومالت
فكان لازم علي بريطانيا بشخصيتها القويه انها تنط من المركب ده والا هتغرق معاهم
بريطانيا هي الوحيده المستفاده من الخروج من الاتحاد اقتصاديا وسياسيا وهتبدا في نمو غير مسبوق ليها في وقت قليل جدا
طب ده هيؤدي الي ايه؟
ركزوا في رد السؤال ده كويس
1- الاتحاد مش هياخد وقت كبير وهيتفكك لان اللي عملتوا بريطانيا هيشجع الدول القويه انها تسيب الاتحاد وترحم نفسها من انهيار اقتصادي كاسح في اوروبا واتوقع ان المانيا هتحصلهم قريب اوي
2- انخفاض شديد لليورو وده طبعا متوقع فاللي معاه يورو هيجري فورا يغيره لانه بقي عمله مش مستقره والخساره فيه مؤكده وده هيضر بالمستثمرين في كل العالم بشكل مباشر خصوصا اللي مكانوش متابعين الاحداث في اوروبا بتركيز
3- في ضرر هيقع بشكل مباشر علي اي حد بيستثمر في اوربا وخصوصا في مجال العقارات في اوروبا الا اذا كان الاستثمار ده في بريطانيا نفسها
4 - انخفاض اليورو امام الدولار وده حصل من اول امبارح والمستفيد الوحيد هي امريكا فقط وطبعا ده هيخلي المضاربين في سوق الفوركس يشربوا خسائر بالهبل والدولار هيركب تاني وتالت وعاشر
طبعا ده هيخلي نسبه المعروض من اليورو اكبر من المطلوب وهيرخص في الدول العربيه كمان واتوقع زياده تاني للدولار مع كل دوله تخرج من الاتحاد وهيبقي الطلب علي الدولار اكتر من الاول لان اليورو خلاص محدش هيغامر فيه
5- ارتفاع سعر الذهب والفضه بما انه البديل المتوقع في حالة انهيار اسواق العملات المطبوعه
6- بما ان امريكا المستفيد الاكبر من انهيار الاتحاد فاكيد هيضغطوا بقوه بكل وسائلهم علي باقي دول الاتحاد للانفصال ومع كل انفصال زياده لعملة الدولار وهيامن مستقبل الدولار في الاوبك لان مافيش عمله منافسه تاني كانت تقدر تقف جنب الدولار زي اليورو والحرب علي العراق كان من اسبابها الرئيسيه ان صدام كان عايز يبيع البترول باليورو وده ضد مصلحه الامريكان وطبعا ده جالهم ع الطبطاب مافيش عمله هتنافس الدولار وتناطحه تاني
7- في مجال السياحه بريطانيا هتزيد عندها نسبة السياحه والنمو عموما في الفتره اللي جايه يعني هتركب
- احنا بقي وضعنا ايه في القصه دي؟
اقولك ببساطه
احنا اقتصادتنا هش واي احداث عالميه بسيطه بتؤثر علينا بالسلب ديما
- الدولار هيزيد تاني وتالت لانه بقي عمله بعضلات
- اي حد عنده ادخارات باليورو هيواجه خسائر محترمه
- حركة التجاره في اوروبا هتقل في حالة انفصال الاتحاد لان كل دوله هيبقي ليها تاشيره وشروط للتحرك داخل الدول دي.. الاول كان تاشيره الشنغن تخليك تدخل كل دول الاتحاد دلوقت هتكون كل دوله وليها شروطها فاكيد ده هيضر بحركة التجاره الاوروبيه
- هيبقي علي كل مستثمر انه يراجع قوانين كل دوله علي حده وينسي خالص القوانين والاتفقيات مع السوق الاوروبيه
- طب علي المستوي السياسي
هل انفصال بريطانيا حاجه كويسه؟
هههه احب اقولكم احنا هنشوف اياااام عنب اه والله عنب
انهيار ممالك وقيام ممالك في غمضه عين
امريكا والصهاينه قدروا يهدوا اتحاد ويفككوه وقريبا هيعملوا ربيع اوروبي هههه ودول هتمسك في بعضها وهتبقي مدكعه بالبلدي كده
امريكا هتهيمن عالميا اكتر وهتبقي اقوي
حروب عالميه تحوم في الافق
طب نقدر نعمل ايه علشان نهرب من الازمه العالميه القادمه بسرعه الصاروخ
الحل في كلمتين
الاكتفاااااااء الذاااااااتي
ولو ربنا كرمنا بحكومه بنت ناس نزيهه ومخلصه ومش فاسده هيبقي الدور علي مملكتنا في القيام من ركودها السحيق
ولو هربنا من تحت ايد الامريكان بشكل او باخر هيبقي انفتحت لينا طاقة القدر وهنرجع سلة العالم للغذاء ويرجع مجدنا
كل ده متوقف اننا نفوق من الفاسدين
ويتعدل الدستور والقوانين اللي تكون في مصلحه المواطن وتحمي حقوقه امام اي جهه سياديه
مصالحه مجتمعيه.. الافراج عن كل المعتقلين السياسين
وندخل تحالفات قويه علشان منبقاش لقمه سهله لاي دوله شايفه نفسها
توازن القوي الدولي... تدعيم الزراعه.... تدعيم الصناعه... مكافحة التضخم.... خفض الاسعار علي المواطنين... تخفيض الجمارك.... دعم الصااااااادراااااات...... تحالفات اقتصاديه
دعم الدول العربيه... تفعيل جامعة الدول العربيه.... اتفاقيه دفاع عربي مشترك
ونقوم بقي
والبدايه من هنا
ازاي بقي.... التطهير اولا
غير كده هيبقي ايام بالالوان
افيقوا يرحمكم الله. منقول

اذا اعجبك الموضوع و اردت نشره في المنتديات الاخرى فاستخدم هذا الرابط:
تحليل بسيط حبيت الناس تقراة
http://www.borsaat.com/vb/t960613.html



tito5615104 متواجد حالياً   رد مع اقتباس

إضافة رد

جديد مواضيع منتدى تداول العملات العام


مواضيع سابقة :

24 ساعه تتبخر بها 2.1 تريليون $
تدخل البنوك المركزيه
التحليل هو فن ترجيح اتجاه عن اخر السكة من اليونان الي بريطانيا

مواضيع تالية :

مؤشرات سمير ارمان هدية لكم
اقوى 12 استراتيجية فى عالم الفوركس
معارضو خروج بريطانيا يدعون لاستفتاء ثان

تحليل بسيط حبيت الناس تقراة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع المنتدى
حبيب الحبيب يتألق في كلام الناس 3 استراحة بورصات


روابط الموقع الداخلية


01:23 PM
Powered by vBulletin® Version 3.8.9
Copyright ©2000 - 2018, Jelsoft Enterprises Ltd.
Privacy Policy
SEO by vBSEO 3.6.0 ©2011, Crawlability, Inc.

الاتصال بنا - بورصات - الأرشيف - تنشيط العضوية - اعلن معنا - الأعلى    تحذير المخاطرة