(لازم تحط في دماغك دايما ان الدفع بالفيزا برة مصر بيديك حوالي 30%)الرحاله المصرى عمرو بدوي

المشاركة الأصلية كتبت بواسطة Rock

السلام عليكم ورحمة الله وبركاته

موضوع جميل يخص السفر والعملات و الفيزا لمصر . جذبنى ودفعنى لقرار ان انقله لمنتدي بورصات لتعم الفائده
وهو لمسافر ( عمرو بدوي )



لازم تحط في دماغك دايما ان الدفع بالفيزا برة مصر بيديك حوالي 30% تخفيض على اي حاجة بتشتريها. علشان كدة حاول وانت مسافر دائما تلاقي محلات شكلها محترم تدفع فيها بالفيزا ... ازاي؟

انا دلوقتي في اندونيسيا.... سعر الدولار دلوقتي حوالي 13000 روبية اندونيسي, والدولار في السوق السوداء في مصر بحوالي 12.60 الى 12.80 او 13 في اسوء الاحوال ... يعني تقريبا كل الف روبية بجنية. التحويل السريع ده سهل عليا طريقة حساب كل حاجة, خصوصا ان كل حاجة هنا بمئات الآلاف. يبفى لما ادفع كاااااش في وجبة ب75 الف روبية تبقى حوالي 75 جنية...رحلة ب500 الف روبية تبقى ب500 جنية.

لكن بقى لو بتدفع بكارت الديبيت او الكريديت debit or credit , يعني هتتحاسب على الدولار بسعر البنك زائد مصاريف وعمولة, هيكون بحوالي 9.25 مثلا. يعني لما تشتري بكارت الفيزا هتوفر اكتر من 30% من مصاريفك اليومية. يبقى وجبة 75 الف روبية مش ب75 جنية, لا دي اصبحت ب53 جنية. والحاجة الي ب500 جنية كاش, هتكون ب360 جنية مثلا.

ازاي بعرف المطاعم دي كويسة ولا وحشة علشان استخدم الكارت بتاعي وانا مطمن؟ بستخدم تطبيق trip advisor وانا مسافر, وبقولي على المطاعم الحلوة والي معمول عليها reviews كويسة كتير. هنزل مقالة مخصوصة عنه قريب.

في اوروبا وامريكا استخدام الكارت متاح وامان في اغلب المناطق ... بس طبعا يكون عندك common sense في بعض المناطق الي مش مستريح لاستخدام الكارت فيها.

نتكاتف بقى مع بعض في الدعاء علشان البنك المركزي مش يقرر تعويم الجنية رسميا قبل اجازة العيد وينكد علينا جميعا في اجازة العيد.




بالتوفيق رجالة بورصات
وكل عام وانتم بخير

المشاركة الأصلية كتبت بواسطة Rock

ربنا يرحمنا والله ياغالى
ضغطوط داخلية على الشعب اكتر من وجود ضغوط خارجيه
والسياسة الداخلية فاشخه الشعب اكتر من وجود سياسة خارجيه
الله كريم




خدنى معاك الله يرحم والديك ولكنى شرم حاليا بقت جمصه