بسم الله الرحمن الرحيم
طبعا دى اول مشاركة بموضوع خاص بيا هنا بين اخوانى الأعزاء فى المنتدى واشكرهم جدا جدا واتمنى من الله العلى القدير انى اقدر اساهم ولو بمعلومة بسيطة زى ما اتعلمت من المنتدى ومن كل أعضائه
طبعا الموضوع واضح من العنوان وهوا ان شاء الله تكوين ورشة عمل لموفينج 55 بدون أى تعقيدات من ترندات او مقاومات او دعومات ومش معنى كلامى انى انكر هذه الأشياء ولكن هنستند لمقولة (بسطها) وخصوصا انى كنت فى بداية المشوار شايف الشارتات من كتر ما عليها مكنتش فاهم اللى فيها
طيب نبتدى الموضوع ان شاء الرحمن ونتوكل على الله ونقول بسم الله
الفكرة مأخوذة من منتدى الجيران من طرح الأخ الكريم الأستاذ / سمير صيام وبجد انا قرئت الموضوع كاملا وشدنى تفاعل كل الأعضاء وان شاء الرحمن حبيت اننا نجربها هنا فى منتدانا الحبيب وطبعا الموضوع ينفع كل مبتدأ وكل زوى خبرة وربنا يرزقنا منه الرزق الحلال .
ان شاء الله هبتدى شرح الفكرة وهنبتدى مع السنة الجديدة العمل ديمو عليها لمدة شهر يناير وممكن فبراير لو كان لسة حد من الأخوة مش فاهم نقطة فيها ولو كان الحال تمام يبقى ان شاء الرحمن نبتدى من فبراير ع الحقيقى بإذن الله .
الشرح
العملة الباوند دولار
الفريم الاربع ساعات
المؤشرات RSI 14 + موفنج EMA 55
الدخول شراء
كسر موفنج 55 صعودا بموافقة RSI انه يكون فوق 50
الدخول بيع
كسر موفنج 55 هبوطا بموافقة RSI انه يكون تحت 50
معدل الطريقة : 1 للخسارة : 3 للربح
كل 3 صفقات خاسرة لاقدر الله نقدر نعوضها بفرصة واحدة مكسب يعنى مكسب ممتاز ان شاء الرحمن وربنا يبعد عننا الخسارة ويقرب مننا المكسب
الهدف 180 نقطة والخسارة 50-60 نقطة
بمعدل 250 نقطة شهرى كعقد واحد طبعا
الباوند ين واليورو ين
الفريم الاربع ساعات وفريم الساعة ولكن يفضل الأربع ساعات
المؤشرات RSI 14 + موفنج EMA 50 + SHIFT 25
الدخول شراء
كسر موفنج 50 صعودا بموافقة RSI انه يكون فوق 50
الدخول بيع
كسر موفنج 50 هبوطا بموافقة RSI انه يكون تحت 50
الهدف 300 نقطة والخسارة 100 نقطة
دا كان شرح بسيط جدا جدا للعملة اللى هنشتغل عليها والموفينج للباوند دولار وحبيب الملايين المجنون ومعاه اليورو دولار .
طبعا انا بكرر ان الموضوع من فكرة الأستاذ سمير صيام وانا بحطها هنا فى ورشة عمل علشان كل اعضاء المنتدى نستفيد ويعم الخير علينا وبجد شجعنى الخير اللى ان شاء الله نشوفه مع تطبيق الفكرة بشرط الالتزام التام لكل بند فى الموضوع .
فى نهاية الموضوع فيه صور موجودة لشارت للطريقة وان شاء الله منتظر التفاعل مع السنة الجديدة وكل عام وكل أعضاء المنتدى بخير . ويارب سنة سعيدة خضرا
لكل أعضاء المنتدى الجميل . اخوكم محمد