لو كتبت سر الفوركس هلاقي الكل بيدخل

اي موضوع انشائي بدون محتوي حقيقي يساعدكم علي تحقيق ارباح تلاقي الكل بيدخل ويشارك ويستني السر وممكن كل خمس دقايق يعمل ريفرش للصفحة جايز صاحب السر يكون اتكرم وكتب السر وبعد انتظار واماني يدخل صاحب الموضوع ويكتب #السر هو نفسك# .. انما المواضيع الجادة بدون تشويق ولا شي تلاقي التفاعل فيها قليل ..
انا كتبت المقدمة دي عشأن الكل يدخل ويفكر ويشارك هعرض فكرة كنت طرحتها من ايام ومحتاج مشاركة فعاله عشان نوصل ..
الفكرة بتقول بمثال هنبيع بمقدار 1.2 لوت - طبعا الحجوم قابلة للتعديل بعدين - فيه احتمالين صعود او هبوط لو السعر هبط يعني ربح بعد 50 نقطة نفتح بيع اخر بمقدار 1 لوت لو السعر ارتد 50 نقطة نغلق كل العقود حتي لو خسارة ولو كمل هبوط بعد 50 نقطة اخري نفتح 1.5 ثم 1.5 ثم 2 ثم 2 ثم 3 ثم 3 وعند اول ارتداد نغلق الكل تمام طيب لو السعر صعد من البداية يبقا هنفتح مع كل صعود 50 نقطة باحجام تنازليه يعني ايه يعني معانا بيع 1.2 بعد 50 نقطة صعود نفتح بيع 0.8 ثم 0.5 ثم 0.3 ثم 0.2 ثم 0.1 وهكذا ومع اول ارتداد 50 نقطة نغلق العقود علي خسارة
طيب هتقول هتقفل علي خسارة هتكسب ازأي لو حسبتها بالورقة والقلم هتلاقي قيمة المكسب علي المدى البعيد اكبر من الخسارة وده مربط الفرس لان البروكر او صانع السوق بيكسب منك علي المدي البعيد . هنا احنا بنعكس
ياريت تشاركوني واللي عاوز شارتات توضيحية ممكن يتعب شويه وينزلها وانا اوضح ان كان رسمه مظبوط ولا لا
شكرا

3 حاجات عايز اقولهملك يا هيما
أولاً متاخدش الفوركس قفش حتى لما تطرح فكرة تكون بهدوء
ثانياً تقدر تقولى هتتصرف ازاى مع حركة زى دى؟!!

ثالثاً كل نظريات المضاعفات النظامية خاسرة بلا نقاش

التوقيع

تقدر تقولى هتتصرف ازاى لو متورط فى صفقة او اتنين او تلاتة و طبعاً هتفضل تضاعف لحد مافلوسك ترجع و تيجى شمعة مش بنت حلال ابدا فى خلال دقائق معدودة للغاية تنزل بيك 1700 نقطة؟!!


التحليل الفنى + ادارة رأس المال الصارمة هم سر الفوركس يا صديقى
اى محفظة بتشوفها محققة نسبة ارباح خيالية هى مجرد وهم غير حقيقى و غير موضوعى
لأن الشئ الوحيد اللى موضوعى هو ان اعتى و اغنى المتاجرين و المضاربين و المحللين و المستثمرين فى العالم بيحققوا شهريا نسب لا تتعدى ال20% من محافظ بملايين بل بمآت الملايين

معلش مع احترامى مش هييجى الواد ايمن ابن احلام كراوية يعمل مليون فى المية زى مابتشوف فى myfxbook

التوقيع

حبيبي انا مبسوط بالشارت ده قوي وهبين بالرسم عليه ايه اللي هيجرا معاه بالنسبة لفكرتي لكن لما اروح البيت
لكن من حيث المبدأ المضاعفات هنا هتكون تنازليه يعني مش مضاعفات لان ابتداء من المستوي السادس اللوت هيكون اقل من 0.05 ثانيا ممكن تقولي يا ابو زين الحركة الصعود القوي بدون ارتداد دي هل مبيحصلش في المقابل حركة هبوط بنفس الشكل تقريبا ولان السوق فيه احتمالين فاحتمال دي تحصل ودي تحصل لكن في فكرتي لما الههبوط يحصل هنكسب منه ضعف الخسارة اللي في الصعود وده اللي بقولك عليه المدى البعيد ولي عودة لتفصيل مثالك باذن الله

مستنيك يا هيما و مش هسيبك ياتقنعنى ياقنعك
و ياريت تقنعنى انا ماكرهش ان يكون فى طريقة نظامية رابحة انت مش متخيل انا بهدر دم و ارق و قرف اد ايه عشان اتوقع حركة السعر
بس خلينا نشوف
و خصوصا شمعة ال1770 دى ورينى هتعمل معاها ايه
حبيبى يا هيما روق كده و خليك ريلاكس السوق يحب الهادى التقيل

التوقيع

السلام عليكم ورحمة الله

انا في رئيي ابحث عن اي استراتيجية ناجحه وحتى لو بنسبة 50%

والاهم يكون فيها ستوب لوز

واشتغل عليها بنظام المضاعفات

بمعني اذا تحققت شروط الدخول وخسرتها

انتظر تحقق الشروط مره اخرى وضاعف الدخول وهاكذا

وبما ان الاستراتيجيه ناجحه فاعتقد صعب انها تخسر صفقتين او 3 صفقات متتاليه. فبهذه الطريقه المضاعفات لن تكبر وراح تكون رابحه بشكل دائم

تمام شمعة 1770 دي يعني 177 نقطة اربع ارقام يعني هنفتح 3 مستويات 50 نقطة فيها تمام

لا يا حبيب قلبى
الشمعة دى 1770 نقطة
يعنى هتقراها على المنصة 17 الف و 700 نقطة
و دى شمعة استفتاء بريطانيا و بعدها شهرين و نص عمل شمعة ب 1140 نقطة
و رالى المجنون الصعودى اللى فى اول مشاركة فيه 800 نقطة مردش فيهم خالص ال50

التوقيع

ابسط شئ ايضا انهيار دولار فرانك احييك اخ ابو زين

التوقيع