اقتباس:
المشاركة الأصلية كتبت بواسطة أحـمـد
وعليكم السلام ورحمة الله وبركاتة
عايز اوضح حاجة اخى الحبيب ستار (
نظرة المجتمع تتغير بالنتائج)
للاسف فى مجتمعنا يبقى معرف ان شخص ما (
نصاب) ولما يبقى معاه ملايين وعنده مشاريع
الناس بتحترمة وتنسى انه كان نصاب ... ده واقع للاسف
نأتى بقى للموضوع ....
نظرة المجتمع للشخص الجالس فى البيت ومش بيروح ويجى ادامهم انه (
عاطل)
هى الناس كده بتحط مناخيرها فى كل شىء
ولازم تروح وتيجى ادامهم عشان يقولوا عليك راجل يتحمل المسؤوليه
ولكن ....
ولكن ...
ولكن بمجرد ان تظهر عليك نعمة الفوركس
عربية جامدة راكنة تحت البيت او مشرع او تبنى عمارة اى حاجة تكون ادام عيون الناس
حتكون انسان ناجح وهتلاقى الناس اللى كانت بتعترض على شغلك من البيت وبيقولوا عاطل
هما بيطلبوا منك توضح لهم انت بتعمل ايه ...
طيب شغلنا معاك
باختصار النتائج هى من تحدد وضعك فى المجتمع (الناس تنظر الى النتائج )
وطبعا كله بتوفيق الله عز وكل وكرمة
اقتباس:
المشاركة الأصلية كتبت بواسطة Rock
وعليكم السلام ورحمة الله وبركاته
موضوع لذيذ اخى ستار و فيها دردشة جميله مع احبابنا بنفس المجال
أحمد ذكر نقطه هامة وهى " النتائج "
فعلا النتائج هى اللى هتخليك فى عين المجتمع ناجح و ده يمكن شوفته من القريب و الغريب و بيسئلونى على المجال و بتكون اجابتي شافية بمحتويات محددة بدل ما يلفوا اللفة بتاعت زمان بين المقالات المختلفة ويتلغبط بينم ، ولكن تري الخوف فى اعينهم والتردد والارهاق والتعب فى تعلم شي جديد ، لذلك هما محلك سر .
لا جديد فى حياتهم ينظرون ويتأملون ، لذلك هننظر لهم نحن بعين الفشل او الضعف
الحاجه التانية ودي تجربة حقيقية من شهر تقريبا قد قابلت دكتور كبير فى الاقتصاد وبيظهر فى التلفاز بمحل الصدفة ولما عرفت مجال عمله ، فبقوله انا بشتغل فى سوق العملات وكده ، لقيته بيقول ياااااااا ده اموال عامة ومسائلة ينهاررر ياااااا ياللهول يا خـرابي البتكوين لاءءء ده نصب ده هروب ضريبي ده امن وطني ، بنفس الطريقة كده ، يحبط اللى مايتحبطش بـجد و معجب باسعار الاسهم اللى سعر الليمون النهارده اكبر من قيمة السهم
،
ومش عاوز يفتح عقلة على كل ما هو جديد فى عالم الاقتصاد كما فعلها الغرب اولا و قمنا نحن ثانيا بإستيرادها
حاجه تالتة كنت بعمل من زمن فى احد المدن الخاصة المغلقة الكبيرة ( كمباوند) وكنت بنظر على أصحابها انهم من اعيان البلد لان مش اى حد يسكن فى هذه المدينة و يصادف بعد سنين اقابل واحد بالصدفة فى احد المناسبات و يكون احد متداولى الفوركس هلاقية ساكن فى نفس المدينة وقتها عرفت قد ايه احنا فى مجال كبيـر ، مجال الفقير فيه غنى واحنا بنشوف فى المواقع المختصة جزء صغير من المتداولين ولا نعلم انه يوجد جزء كبير خفي
طبعا انا لا اختلف معكم بخصوص اهمية النتائج و انها ستكون الفيصل المهم .
ما اقصده لماذا نظرة التعالى من اى شخص - مثلا السمسار شخص بيفضل طول النهار قاعد على القهوه لا بينتج و لا بيبصنع و لا بيعمل حاجه مهمه و مع كده تلاقى الكل بيقول عليها شغلانه مهمه.
اجلس مع اصدقائى او معارفى و كل واحد له وظيفه و عمل مختلف و اذا تكلم احدهم عن عمله تجد الاسئله و النقاشات لمده طويله لكن اما حد بيسالنى اول ما اقول الفوركس و البورصه تلاقى كلمه سريعه بمعنى الله يوفقك بس اسكت خلاص