الدنيا اختبار

بما انى بكره اجازة السوق حبيت افتح موضوع بعيد عن الفوركس وانا لست ممن يجيد كتابه المواضيع بشكل عام لكن هحاول اوصل الفكره بشكل بسيط
الموضوع انك هل فكرت قبل كده انت موجود فى الدنيا دى ليه وليه ربنا خلقك ؟
طبعا اجابتك هتكون قول الله سبحانه وتعالى وماخلقت الجن وألانس الا ليعبدون
هل انت فاهم يعنى ايه يعبدون مش الصلاه والصوم والفروض خلينى ابتدى معاك ليه ربنا فرض الفروض عليك كتكليف للمؤمن ؟؟
هل هو محتاج لعبادتك طبعا لا تذكر قول الله تعالى ومن كفر فإن الله غني عن العالمين
اذن خلقك ليختبرك لتعرف قلبك حتى لاتكون لك على الله حجه عند حسابك
هل تعرف معنى الله اكبر ؟ معناها ان الله أكبر من كل شئ وهو خالق كل شئ والقادر على كل شئ .......... لماذا تسمعها فى الاذان كل يوم 40 مره مابين الاذان واذان الاقامه فى مواقيت خمس كل يوم لاانك تختبر
فى نومك تسمعها لتترك لذه النوم والدفئ فى الشتاء وتسيب كل ده وتصحى ملبى يارب انت اكبر واعظم فى قلبى
وفى الظهر والعصر والمغرب والعشاء عشان تسيب مالك وعملك واسرتك ودنيتك وتلبى الله اكبر حتى وانت بتصلى كل لحظه ودقيقه فى الصلاه قلبك منشغل بالله فقط لشكره على نعمه التى لاتحصى على أمل ان تنال شرف ان تكون من المؤمنين بالله
حتى الشهوات ربنا حطلها قوانين عشان تختبر لما سبحانه وتعالى يقول:
لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ
ليه مما تحبون عشان تختبر المؤمن بجد بيقول ربنا عندى وفى قلبى اعظم من كل رغبه دنيويه
قال الله تعالى: وَعِبَادُ الرَّحْمَنِ الَّذِينَ يَمْشُونَ عَلَى الأَرْضِ هَوْنًا [الفرقان: 63]
اى يمشون فى وقار وسكينه دون تكبر وغرور ونظره انانيه فى ان تنجح وتحقق رغباتك حتى ولو على حساب الاخرين
يعنى لازم تغير المنظار ايلى بتشوف بيه الحياه من خلال انك ببساطه فى كلمتين تطبقهم فى قلبك وعقلك وينعكسو على افعالك بكل ماتستطيع هو معنى الله اكبر
تذكر فى الاخره قيمتك ووزنك مش بفلوسك ولا بنجاحاتك العظيمه ولا بولادك واحبائك مادمت عايش وهما فى قلبك اكبر من رغبتك فى التقرب الى الله
هل معنى الكلام نبطل ننجح ونبطل نعيش ؟ لا
انت عيش وانجح لكن حساباتك تكون مبنيه على رضاء الله أولا
انصح نفسى قبلكم وربنا يهدينا الصراط المستقيم واوصيكم بقراءه القرءان الكريم ويكون بجوارك كتاب تفسير الشعراوى لتقرأ الايات وتعرف تفسيرها وتفهم قد ايه كتاب ربنا عظيم وطريق ربنا جميل بس احنا عايشين اغبلنا ألا ماهدى الله فى غفله

مشكلة ان 95% مننا يعلمون ذلك وكل ما قلتة ولكن يدخلون بحالة من الوعى تجعلهم فى وضع نسيان لكل هذا يتذكرونة فقط وقت الشدائد

لما بتطبيق العبادات بوعى زى ماربنا عايزك تكون بتحس بمتعه وتوفيق وراحه نفسيه لما بس تجرب انك يبقى عندك اولوياتك تكاليف الله سبحانه وتعالى وايلى ربنا فارضه مش كتير احنا بنبذل مجهود كبيير فى حاجات فى الاخر دنيويه او فى حاجات تافهه لكن ايلى بتدفعه مع ربنا بتلاقيه اضعاف مضاعفه الموضوع سهل بس انت حاول بجديه النصر الحقيقى لحظه لقاء الله ساعتها بتحس بقيمتك انك عديت الدنيا بسلام لحظه تستحق تتعب عشانها
الصلاة لا تكون صحيحة إلا إذا سبقتها استقامة، ولن تستقيم إلا إذا عرفت الله عز وجل، تعرف تستقيم تصلي، لذلك:

قَدْ أَفْلَحَ الْمُؤْمِنُون*الَّذِينَ هُمْ فِي صَلَاتِهِمْ خَاشِعُونَ
والاستقامه بتيجى مع العباده وتدبر القرءان والله المستعان

موضوع هايل ياهيثم من زمان الواحد ماشفش موضوع مفيد كده

جزاك الله خيرا الواحد كان محتاج تذكير فعلا

التوقيع

شكرا جزيلا يااستاذ احمد

موضوع مميز جدا بارك الله فيك

ربنا يبارك لك

موضوع قيم ومفيد...... شكرا