السلام عليكم
فى عامل مهم جدا اغلبنا مش بيضعه فى حساباته قبل مايفتح حساب فى البورصة بهدف المضاربه لكن الأول هشرحلكو الموضوع عند فتح صفقه بيكون فى هدف هو ده ايلى 99 % من الناس بتركز عليه وبيكون فى عائد وبيكون فى نسبه نجاح وده ايلى اغلبنا مش بيفكر فيه
ناخد مثال لما بتيجى تفتح صفقه بتركز على الهدف والاستوب هتكسب كام وهتخسر كام لكنك بتنسى العامل التانى هو نسبه نجاحى انى اكسب والعمل التالت هو نسبه العائد هيتحسب ازاى بالنسبة لدقه تحقيق الصفقات
يعنى لو حضرتك فاتح صفقه هدفك ضعف استوبك وتمام لازم تحسبلى نسبه انى اجيب التارجت كام برده لان ده عامل مهم لان لو نسبه نجاحك 20 فى الميه هتفضل خسران ولو نسبه نجاحك 50 فى الميه هتكسب 50 فى الميه من اجمالى المبلغ المستثمر ولو نسبه نجاحك 70 فى الميه هتكسب حوالى 100% من اجمالى المبلغ المستثمر لو يعنى استثمرت 10 دولار فى كل صفقه بتغامر بدولار مقابل اتنين دولار خسرت 3 وكسبت 7 اجمالى مكاسبك 100% بالشروط دى والوقت خارج الحسابات لان دى معلومه مش ملكك
السؤال كام مضارب يملك استراتيجيه هدفها ضعف استوبها ونسبه نجاحها 70 % ؟
وطبعا نضع فى الاعتبار اى لغبطه فى الحسبه دى هتاثر على نسبه ارباحك لان ده رياضيات والارقام لاتعرف مشاعر ولا طمع ولاخوف ولا قله معلومات ولا قله خبره ايلى هيا اصلا كلها عوامل موجوده وبتاثر عليك
طيب الناس ايلى بتدخل هدف قد الاستوب وعلى افتراض ان الاسبريد خارج الحسابات
نسبه 50% نجاح الاسيتراتيجيه لاتكفى لجعلك رابح
ولو استراتيجيتك وصلت نسبه نجاحها 70 % انت فى النهايه كسبان 40% من اجمالى المبلغ المستثمر
على افتراض دخلت صفقه ستوبك 1 دولار والبروفيت 1 دولار كسبت 7 صفقات مبروك 7 دولار وخسرت 3صفقات اصبح صافى المكسب 4 دولار يعنى كسبت 40 % من اجمالى المبلغ ايلى حضرتك عرضته للمضاربه ومتقوليش ماهو 7 دولار كانو مكسب يبقى أنا مخاطره رأس مالى صفر اقولك انت غلطان لان اى خلل فى النسبه دى بياخد من ارباحك وهينزل على رأس مالك ؟
طب الناس ايلى مش بتفكر فى كل ده وماشيه عشوائى طبعا اغلبه يابيكسب بالحظ يابيخسر والغالب بيخسر
طيب الحل فين
الحل بيكون فى فكره نجاحها يتخطى النسبة ايلى زكرتها فوق عشان يكون عائد الاستثمار مجزى وده فى الغالب مبيكونش بالمضاربه القائمه على الاحتمالات الغير علميه فى اتباع اى استراتيجيتك
يعنى نفترض عندى اتنين مضاربين واحد بيتبع الموفينج افرج واحد بيتبع الاستثمار المبنى على معطيات اقتصاديه علميه نسبه نجاح كل مضارب فيهم بتختلف عن التانى تماما ايلى بيتبع الموفينج افرج نسبه نجاحه30 % وايلى بيتبع معطيات اقتصاديه كمثلا فى حاله وصول زوج االنيوزلندى دولار الى مستويات متدنيه فقام بالشراء بناء على قوه الاقتصاد االنيوزلندى هنا نسبه نجاحه قد تتخطى
90 % ولابد ساعتها ينظر لنسبه العائد على اسثمارته
انما مايقوم به اغلب المضاربين النظر هكسب كام وناسى اى اعتبارات تانيه اتمنى تكون المعلومه وصلت فى الموضوع الطويل ده