الرافعة العالية ضرورية للحسابات الصغيره ؟ لا (والدليل بحساب حقيقى)

السلام عليكم ورحمة الله وبركاتة


ان شاء الله هذا الموضوع سوف يغير حياتك الفوركسية
وستودع المارجن كول بأمر الله الكريم

لنبدأ على بركة الله (سبب خسارتك الاول هو الرافعة المالية الكبيرة)

الحسابات الصغيرة يجب ان تكون براوفع كبيرة (ده اللى كل الناس بتقوله من سنين )

شركات الفوركس "تعمدت" ان تزرع فى عقلك انه لا تداول الا بروافع ماليه عاليه
وهذا عن طريق الاعلانات التى تقوم بها على سبيل المثال
اسمتع برافعة ماليه 1:500 لتحقيق مزيد من الارباح ... وغيرها

هل سألت نفسك لماذا تتهرب الشركات من الهيئات الرقابية التى تضع حد اقصى لروافع؟
هل سألت نفسك لماذا تلجأ هذه الشركات لفتح افرع اخرى تحت هيئات لا تقيد الروافع ؟

الاجابة ببساطة .... تريد ان تربح منك فاغلبهم لا يصلك لسوق
وهم على علم تام ان الرافعة الماليه سوف تدفعك للمخاطرة
وسوف تأتى الرياح بما لا تشتهى السفن وتعصف بحسابك


سوف استكمل الموضوع على شكل نقاش مع هذا الشخص

.
.

انت بتقول ايه ياعم احمد ؟ احنا اغلبنا حسباتنا صغيره

طيب ايه رايك فى حساب ب 100 دولار فقط ؟
اظن كلنا نتفق على ان ده مبلغ صغير جدا وهو الحد الادنى لفتح حساب

اه ياعم احمد ده صغير وحلو بس هنشتغل عليه ازاى برافعة صغيره ؟
انت عايزينا ياجدع نعمل ربح 10% شهريا ؟ انتى عايزينى اضيع وقتى ؟

مين قالك كده انت تقدر تعمل ربح كويس جدا برافعة ماليه صغيره قوى

صغيره جدا ازاى انت عايزنى اتداول برافعة بتاعت امريكا 1:50 ؟

لا انا ماقولتش 1:50 .................. ... انا بقول 1:20

لا بص انا حقفل الموضوع وامشى انتى عايزنى اعمل 5% ربح شهريا
سلام ياعم الحج انا مايرضنيش اقل من 30-50% على الاقل شهريا

استنى بس استنى هو انا قلت هدفك 5% ؟ انا بقول ممكن يوصل ل 50%

ياأحمد انا بقول عليك راجل عاقل 50% ايه اللى هعملها برافعة 1:20

انا بقول كمثال فقط لكن ممكن تعمل 80% كمان

بص انت كده بتهبد .... سلام ياعمونا

استنى بس استنى ... شوف الحساب ده

[عذراً, فقط الأعضاء يمكنهم مشاهدة الروابط ]

لا ايه ده ؟ ماشاء الله ... بس ازاى اكثر من 200% برافعة 1:20 بس فى 3 شهور !
لا لا تعالى كده وفهمنى ... ازاى كده ازاااااااى 82% فى شهر برافعة 1:20

حاضر هفهمك ازاى بس المطلوب منك دلوقت ان تتخلى عن قناعتك باهمية الرافعة العالية
وتؤمن انه يمكن تحقيق نسبة ربح عالى جدا برافعة قليلة

القاكم ان شاء الله مع موضوع جديد وهو كيفية التداول برافعة ماليه صغيره

اسألكم الدعاء

التوقيع

انا حبيت اضع حساب لتأكيد على صحة كلامى
الحساب هيتم تركة الى نهاية الاسبوع ثم تحويلة خاص

نسيت اقول الحساب فى شركة aaafx الفرع الاوربى
يعنى الرافعة لم تتغير منذ فتح الحساب 1:20
والشركة اصلا لا تقدم رافعة اكبر من 1:30 لحسابات اوربا


ركزوا فى الموضوع بامر الله كما وعدتكم حياتكم الفوركسية هتتغير

التوقيع

هذا الموضوع يستحق المتابعة، في إنتظارك

جزاك الله خير استاذ ،
شغل رائع ما شاء الله عليك ،
و بأنتظار اضافاتك على الموضوع ، بالتوفيق .

سلامات يا حاج احمد
موضوع إبداع كالعاده
احجز لي اول كرسي في الموضوع الجديد اروح اجيب دفاتري وقهوتي

التوقيع

كلام سليم و ممتاز... التطبيق ممكن يكون صعب شوي

زي ما قلت الرافعه العاليه اهم اسباب التهور و الخسائر الكبيره

الحساب المعروض 90% نسبه الصفقات الناجحه.. بمتوسط 3 صفقات باليوم
خلطه ممتازه للتدبيلات

بالتوفيق ومتابع معاك

تحياتي لك يا صديقي ..
موضوع مميز كالعادة ..
ننتظر التفاصيل ياعزيزي ..

وعليكم السلام ورحمة الله وبركاته
ما شاء الله
ابداع حتي في اسلوب الكتابة
متابع

التوقيع

سبحان الله وبحمده سبحان الله العظيم

مرحبا اخ احمد موضوعك جميل ومشجع وانت وضعت حساب وهذا القليل نشاهده
اما عن الرافعه القليله
فهي نفسها لم تقلل العقد برافعه اكبر مع مارجن اقل
لكن الروافع فائدتها لاصحاب السكالبينج
يعني استوب قصير جدا وبعقد كبير مع رافعه كبيره بمعنى الاستراتيجيه من تحكم على الرافعه
هناك طرق سوينجات تحتاج لرافعه كبيره تحمتل انعكاس لايام او اسابيع بلوت قليل

بعد مراجعة بسيطة للعمليات بالحساب
اول 3 عمليات بالتحديد
هي كالاتي



الصفقة الاولى و الثانية شراء من 1.22465
الاولى اغلقت عند 1.22809 بمربح 3.24 دولار و الثانية بقيت مفتوحه
الثالثه تم فتحها مباشرة بعد اغلاق الاولى .. شراء من 1.22814

هنا لازم نوضح ان الدخول كان ب 0.02 لوت
يعني فل مارجن بحكم الرافعه 1:20
و بعدها عكس السعر من دخول الثالثه 118 نقطة !!!!
فأصبحت الصفقة الثانية خاسره 8.4 دولار
والثالثه خاسرة 11.8 دولار


بمجموع خسارة 20.2 دولار
يعني تراجع 20% تقريبا على الحساب
و دخول فل مارجن
ويبدو انها بدون ستوب لوس
بقي الحال 6 ايام حتى ارتد السعر و تم الخروج من الصفقتين


وهنا يجب ان اسأل نفس السؤال الذي سألته في موضوع زيزو
ماذا لو لم يعد السعر ؟؟؟؟؟؟

في صفقات اخرى بنفس الكشف عكس فيها السعر 250 نقطة .. لكن الرصيد كان اكبر و تحمل .. ماذا لو حصلت هذه ال250 نقطة انعكاس في اول صفقتين ؟