منتديات بورصات

منتديات بورصات (https://forum.borsaat.com/)
-   منتدى تداول العملات العام (https://forum.borsaat.com/f2/)
-   -   افتتاح مدرسة طيران الفوركس (https://forum.borsaat.com/t154272.html)

kingtoot1959 15 - 05 - 2010 05:57 PM

افتتاح مدرسة طيران الفوركس
 
اخوانى وأحبائى أعضاء هذا المنتدى المبارك
السلام عليكم ورحمة الله وبركاتة
على بركة الله وبتوفيق من الله تعالى أريد أن أبدأ معكم موضوعا جديدا ربما يكون فيه الخير للجميع وهذا ما أتمناه وأرجو من الله أن يوفقنى اليه ردا لبعض الجميل للمنتدى المبارك ولكل من تعلمت منه حرفا واحدا فى هذا المضمار وأخص بالذكر والامتنان الأساتذة الكبار
نسر الاسكندرية العالى الغالى دكتور أسامة عادل والاستاذ عمر ابراهيم الحبيب والقريب الى قلبى حر العراق الغالى حسين فرى بلد والاستاذ الكبير منعم وهيثم وهيما وخالد والاستاذ شريف خورشيدوصديقى العزيز الاستاذ محمد فوزىوأحمد السيد والغالى عليا هانى واحمد سعد وأستاذى شادى عبده وفاهم وعبد اللطيف وخميس وأبو ابراهيم وأبو ملك ووائل وحسن والغالى الأيهم وكل من استفدت منه ولو بطريق الصدفة أو الخطأ فغير ذلك كثير وكثير بارك الله فيهم ولهم جميعا
عفوا فقد أطلت عليكم ولكن احب أن أشكرهم جميعا وأعتذر لكل من كان فى حقه تقصير
ثم بعد ذلك ننتقل الى الموضوع ان شاء الله تعالى

kingtoot1959 15 - 05 - 2010 06:04 PM

رد: افتتاح مدرسة طيران الفوركس
 
بسم الله الرحمن الرحيم
اولا لماذا الاسم
لانى وفى توقيعى قد توصلت الى أن العمل فى هذا المضمار هو عمل شاق وقاسى ويحتاج الى تعلم فنون كثيرة وتمارين ليست أقل ولا أسهل من تدريب رواد الفضاء أو على الأقل دارسة قيادة الطائرات العملاقة فى كل الأجواء والظروف بما فيها المطبات والأعطال وتوقف المحركات والهبوط الاضطرارى وسلامة الطاقم والركاب وتخيلوا معى كم يلزم لك من التعليم والتدريب والاحتمال والاتزان النفسى والعاطفى والوقت حتى تكون مهيئا لقيادة الطائرة والوصول بها الى بر الأمان وفى اعتقادى أن غير ذلك هو من سبيل أى شىء اخر وهو البوابة الواسعة للمارجن والخسارة واليأس والخروج من المضمار
فليس أقل من أن تعتبرها عملا يحتاج الى فهم وتخصص أو مهنة لازم تتعلم أصولها أو حتى تجارة فأنت لن تستطيع التجارة فى الطماطم والبطاطس والبطيخ والجرجير ولا الملابس والأحذية تانى يوم تنزل السوق كما يحدث مع البعض فى سوق الفوركس وتصويره على أنه بوفية مفتوح لكل من أراد أن يدخل ولا عليه من شىء
ولولا الظن الحسن بالناس لقلت لكم أن المقصود هو جمع أكبر عدد من وقود السوق وهم المبتدئين والصغار أمثالنا
لكى تزيد أرباح البعض واستمرار تجارتهم هم الرابحة

kingtoot1959 15 - 05 - 2010 06:27 PM

رد: افتتاح مدرسة طيران الفوركس
 
وعليه
فكما قلت فى توقيعى أن الفوركس جراحة فى قلب مفتوح لازم تكون دكتور كى تجريها ناهيك عن النجاح أصلا فيها لأن التوفيق فى الأخر بيد الله تعالى والأرزاق بيده سبحانه يرزق من يشاء بغير حساب
لكن حتى لو حلاقة لازم تكون حلاق
وأخوك ليس دكتور ولا حتى حلاق وكما قلت أنا أعتبر نفسى فى سنة أولى طب وده شىء رائع وما أنقله أليكم محاولة لنقل العلم ليس الا وما توفيقى الا بالله المهم رجاء منكم أنت تدعوا لى يالتوفيق وتفريج الكرب ولوالدى بالرحمة ولنتعلم سويا والله الموفق
المهم

kingtoot1959 15 - 05 - 2010 06:45 PM

رد: افتتاح مدرسة طيران الفوركس
 
الحلقة الأولى
بداية يا أخوانى أنا أكتر واحد عانيت من استعجال النفس والسربعة ولذا قررت معالجتها أولا
تعالو نتعلم طريقة على الماشى نجرب بيها حاجة جديدة مع افتتاح السوق ان شاء الله
ليس أسهل منها ولا أضمن بعون الله الا طريقة أخى و أستاذى منعم بارك الله فيه فى ورشة متابعة لحظية الشهيرة
ولكن تفرق عنها أنك ممكن تدخل بيها على أى عملة فى أى وقت وأى فريم من الخمس دقائق وأنت ماشى
والأهم والمهم والمقصود أقل استوب لوز على الأطلاق فى تاريخ الفوركس
ولذلك سنطلق عليها ان شاء الله تعالى

ZERO RISK

أحـمـد عـزام 15 - 05 - 2010 06:59 PM

رد: افتتاح مدرسة طيران الفوركس
 
×××

بالتوفيق يا غالي...

متابعين معاك ان شاء الله...
و رح نطير معاك في سماء الفوركس..

وفقك الله الى ما يحبه ويرضاه...

kingtoot1959 15 - 05 - 2010 07:19 PM

رد: افتتاح مدرسة طيران الفوركس
 
1 مرفق
اليكم أولا التمبلت فى المرفقات

على الرغم أنك يمكن أن تضع مؤشراتك بنفسك فهى ليست مشكلة على الاطلاق وبسيطة للغاية وهى غبارة عن اربعة مؤشرات فقط لاغير معروفة للجميع ولكن الفكرة تكمن فى طريقة الاستخدام
والموشراات هى

سيمبل موفنج افريج 40 باللون الأحمر وممكن تغيره خط عريض

ومعاه اكسبونينشال موفينج أفريج 5 باللون البنفسجى وممكن تغييره وبخط اصغر

ومعاهم مؤشر بنفسجى ADX 5 sitting

و Average True Range (ATR) 20 sitting

فقط لا غير ولم يبق الا معرفة الشروط التى اذا تحققت دخلنا بيع أو شراء ان شاء الله

kingtoot1959 15 - 05 - 2010 07:32 PM

رد: افتتاح مدرسة طيران الفوركس
 
نكمل عشان الناس تلحق تجربفى اجازة السوق وتعمل ياك تست براحتها
لكن واه من لكن
استحلفكم بالله أن هذه دروس تعليمية للتجريب على الديمو وهى اصلا شرح لعدة طرق تغطى كل حالات السوق فلا داعى للاستعجال والتطبيق على حسابات حقيقية قبل التمكن والفهم الكامل وكما قلت من قبل وتانى وتالت فان ركوب دراجة محتاج تعليمك وتدريب واتقان مش مجرد ان الاقى عجلة أركبها وأجرى بيها فى طريق المطار والباقى معروف
وعشان أنا عارف أد ايه نفس الفوركساوى ضعيفة ولهفته على الحقيقى كبيرة حاحلها لكم وبعد كده كل واحد حر

kingtoot1959 15 - 05 - 2010 07:35 PM

رد: افتتاح مدرسة طيران الفوركس
 
الحل النفسى

بصوا يا جماعة ممكن نجرب ونشوف على الديمو قد ما نقدر لكن لو نفسنا غلبتنا ان نشتغل حقيقى يبقى تعالوا ورايا

kingtoot1959 15 - 05 - 2010 07:44 PM

رد: افتتاح مدرسة طيران الفوركس
 
شركة ماركت ايفا بتدى 5 دولار على حساب حقيقى ممكن أى حد يشتغل عليهم بعد ما يعمل السيتنج على أعلى رافعة ويفتح عقود بأقل حجم ممكن زى 0.001 وساعته حتلاقى ال5 زى ال500 وتقدر تجرب براحتك واه شغال حقيقى وفرحان باللون الأخضر وحتفرق نفسيا معاك كتير

وبعد ما تتمكن كويس أفتح فى أى شركة وأشتغل براحتك لكن لو اشتغلت بأكتر من 5% من رأس مالك فى المرة الواحدة مش حتكمل الا ان يشاء الله فأحذر


أصلى وأرجع لكم ان شاء الله أدعوا لى

egypto 15 - 05 - 2010 07:47 PM

رد: افتتاح مدرسة طيران الفوركس
 
موضوع مميز بارك الله فيك
متابعين معاك يا غالى

kingtoot1959 15 - 05 - 2010 08:22 PM

رد: افتتاح مدرسة طيران الفوركس
 
السلام عليكم

عدنا

الان يا اخوان ولكى لا أطيل عليكم وندخل فى صلب الموضوع وان شاء الله بدون تعقيد ولا تطويل فالكل يعرف أن السعر يسير فى اتجاهات اما up واما down واما sideway والمسؤل امامنا الان عن هذا هو SMA40

ان شاء الله سنشترى طالما أنه صاعد لفوق أو فلات

ونبيع طالما أنه هابط لتحت أو فلات
وذلك بعد تحقق باقى الشروط

kingtoot1959 15 - 05 - 2010 08:33 PM

رد: افتتاح مدرسة طيران الفوركس
 
قوة هذا الترند يقيسها لنا ال ADX5 ومالوش دعوة الترند صاعد ولا هابط ولا مستعرض دى مش شغلته هو بيقيس من 0 الى 100 لو تحت ال20 يبقى السوق نايم ولوفوق ال80 يبقى مولع وهى حالة نادرة
لكن احنا شرطنا أنه يكون أكبر من 25 فى كل حالات الشراء والبيع

طيب قراءته منين

منه أو أفتح على الشارت من فيو View أفتح داتا وندو Data Window

kingtoot1959 15 - 05 - 2010 08:47 PM

رد: افتتاح مدرسة طيران الفوركس
 
فى الداتا وندو حتلاقى كل القراءات لما تقف على أى شمعة واللى يهمن هنا هى شمعة البيان والتى سندخل بعدها وسنتعرف على شروطه حالا

من الداتا وندو حناخد كمان قراءة ال ATR ,والتى تحدد لنا الهدف وهو عبارة عن 1 ATR.للعقد الأول و2ATR . للعقد الثانى حيث أننا سنقوم بفتح عقدين بمجرد تحقق الشروط
يغلق الأول بعد تحقيق عدد نقاط تساوى قراءة ال ATR20 . ويغلق الثانى بعد تحقيق عدد نقاط يساوى ضعف قراءة الATR.


يعنى لو قراءة الATR . هى 15 يكون هدف العقد الاول 15 نقطة وهدف العقد الثانى 30 نقطة والمجموع 45 نقطة

وهذه هى مهمة الATR20. وأحيانا نقيس به نقطة وقف الخسارة

kingtoot1959 15 - 05 - 2010 09:12 PM

رد: افتتاح مدرسة طيران الفوركس
 
لم يبق لنا سوى أخينا ال EMA5

من المعروف انه حساس للتغير البسيط فى السعر وعشان كده تلاقيه ماشى مع الشموع طالع معاها ونازل معاها والطريقة تعتمد على انه لما يكون السعر صاعد ويريح لعدد شمعتين صحيحتين على الأقل ثم يستدير صاعدا ليتابع مسيرته الأصلية نأخذه من هنا شراء والعكس فى البيع وشمعتين صحيحتين يعنى لا نأخذ فى الاعتبار الشمعة المساوية للتى قبلها ونتجاهلها حتى ان تعددت ثم نعد من بعدها

ونكمل بعد الصلاة ان شاء الله

دعواتكم يا غاليين

morex 15 - 05 - 2010 09:14 PM

رد: افتتاح مدرسة طيران الفوركس
 
بارك الله فيك

تم تحميل التمبليت و وضعه على الشارت

تسجيل حضور و متابعة

ربي يوفقك و يرزقك من فضله

نادر فيليب 15 - 05 - 2010 09:49 PM

رد: افتتاح مدرسة طيران الفوركس
 
بالتوفيق حبيبى

egypto 15 - 05 - 2010 09:55 PM

رد: افتتاح مدرسة طيران الفوركس
 
ياريت توضيح على الشارت
بالنسبة لكل مؤشر والصفقات

تحيااااااااااتى

kingtoot1959 15 - 05 - 2010 10:05 PM

رد: افتتاح مدرسة طيران الفوركس
 
عدنا


السلام عليكم

والان يا اخوان بعد أن صار لدينا تصور عام دعونا نتعرف على الشروط وكيفية الدخول والخروج
ولكن لنتفق أولا على

أن هذة الطريقة لا تصلح وقت الأخبار ولا للسوق الهائج والشموع ذات الذيول الطويلة والمتخبطة

يعنى عايزة سوق هادى زى موج البحر الأحمر فى ليالى الصيف الهادية

لكن تصلح لأى عملة فى أى وقت على أى فريم يعنى وقت ما تصحى من النوم أو ترجع من الشغل أو تكون فاضى ورايق ولا داعى أبدا للقلق ولا للاستعجال ولا للندم على فرصة عدت لأنك بعون الله ستجد حتما أكتر من فرصة رائعة فى أى وقت تفتح فيه الشارت وتخيل معى لو انك تنظر الى 20 زوج عمله على فريمات ال5 وال10 وال15 وال30 والساعة وال4 ساعات واليومى يعنى 140 شارت فى كل مرة تقرر فيها فتح الشاشة ماذا ستجد ؟ان شاء الله كل خير

kingtoot1959 15 - 05 - 2010 10:10 PM

رد: افتتاح مدرسة طيران الفوركس
 
اقتباس:

المشاركة الأصلية كتبت بواسطة نادر فيليب (المشاركة 363318)
بالتوفيق حبيبى


والله يا نادر باشا يا أستاذنا القدير ما كنت ناوى أبص على أى ردود ولا تعليقات لغاية ما أخلص عشان الناس ما تتلخبطش ولا تمل لكن انت بالذات لك منى كل تحية وتقدير ومجرد مرورك وتشجيعك وسام على صدرى أعتز به تحياتى

kingtoot1959 15 - 05 - 2010 10:54 PM

رد: افتتاح مدرسة طيران الفوركس
 
عدنا


نبص على شروزط الدخول يا جماعة عشان اللى عايز يجرب ويعدين نتكلم



أولا


الشراء


كلهم أربع شروط


أولا SMA40..صاعد أو فلات والسعر فوقه وأقل قمة فى اخر خمس شمعات اعلى منه
يعنى نعد شمعة البيان وكمان اربعة قبلها ونتأكد من عدم وجود أى قمة تحت خط ال40 ممكن الديول او القيعان تنزل تحته لكن القمم لأ

ثانيا ُEMA5. متجه لأسفل عدد من الشموع أقله شمعتين مع الوضع فى الاعتبار أن الشموع الفلات غير محسوبة

ثالثا شمعة البيان تكون مخالفة فى اللون للشموع النازلة يعنى الشموع الهابطة دى حمراء لكن شمعة البيان بتكون خضراء أو صاعدة يعنى السعر استريح من الصعود شويه وقام يرجع تانى للصعود أو للترند الصاعد والدليل الشمعة الصاعدة بعد عدد من الشموع الهابطة



ملحوظة شمعة البيان فى حالة خاصة جدا ممكن تكون حمراء يعنى هابطة لكن حاضنة لشمعة تانية خضراء أو صاعدة لكن دى حنخليها حالة لوحدها عشان اللخبطة


رابعا شرط حيستمر معانا فى كل الحاجات ان
الADX5. أكبر من 25


و راجعين ان شاء الله

kingtoot1959 15 - 05 - 2010 11:11 PM

رد: افتتاح مدرسة طيران الفوركس
 
1 مرفق
جربوا يا جماعه تشوفوا الشارت ده و مستنى الرد

abdellatif 15 - 05 - 2010 11:11 PM

رد: افتتاح مدرسة طيران الفوركس
 
بارك الله فيك و اشد على يدك بحرارة و اهنئك في فعل الخير واعطاء وقتك و جهدك لمساعدة اخوتك في الله..ان شاء الله من المتابعين

kingtoot1959 15 - 05 - 2010 11:18 PM

رد: افتتاح مدرسة طيران الفوركس
 
معلش يا جماعه ده طلع شارت اربع ساعات بس ده اللى جه ادامى مع ملاحظة ان كل ما كبر الفريم كلما كان الهدف عالى جدا مع ثبات نقطة الأستوب صغيرة جدا و هنتكلم عليهم حالا

kingtoot1959 15 - 05 - 2010 11:46 PM

رد: افتتاح مدرسة طيران الفوركس
 
[CENTER]يالا يا اخوان نشوف الدخول ازاى[/CENT

عندنا ترند صاعد أو فلات بدليل ال SMA40 . ,.. وقوى بدليل ال AXD . أكبر من 25 وتريحة سعر بدليل الEMA5.... اللى نزل بالسعر فى تعسيلة شمعتين أو أكتر وبعدين صحى أو قام عشان يواصل الصعود بدليل ظهور شمعة خضراء أو صاعدة ودى اسمها شمعة البيان أو الدليل لأن بمجرد ظهورها ومعرفة اتجاهها نستعد للشراء وبمجرد اقفالها على حالها الأخضر حنضع أمر شراء فوق الهاى بتاع هذه الشمعة زائد نقطتين زائد الاسبيريد
يعنى لو الاغلاق بتاع شمعة البيان 1.4530 لكن الهاى بتاعها 1.4560 والاسبريد 3 نقاط
يبقى دخولنا حيكون عقد شراء معلق عند 1.4565
اللى هى 1.4560+2+3 وهكذا ونضع له تيك بروفت بنفس قراءة الATR20. يعنى لوقراءته 25 يبقى الهدف 25 نقطة
ثم نضع عقد شراء تانى من نفس النقطة ولكن بهدف 50 نقطة ضعف قراءة ال ATR20

دعواتكم ونتقابل

kingtoot1959 16 - 05 - 2010 12:01 AM

رد: افتتاح مدرسة طيران الفوركس
 
ودلوقتى جينا لأهم حاجة

وبصراحة ده اللى خلانى أفتح هذا الموضوع

وهو الأستوب لوز


وطبعا فى ناس كتير ممكن تختلف فى هذه النقطة لكن الاختلاف فى الرأى لا يفسد للود قضية هم على راسى لكن فعلا تجارة من غير ستوب يعنى خسارة وتجارة باستوب كبير يعنى مجازفة كبيرة والراجل اللى أخترع الفوركس حط علمه كله فى قاعدتين اتنين مهمين لكى تكون مضارب ناجح
رقم واحد عليك ألا تخسر
رقم اتنين ألا تنسى القاعدة رقم واحد
وطالما أنك لا تخسر فأنت كسبان حتى بالوقوف محلك سر فأنا أعتبر الخبرة وعمر الفوركساوى فى الفوركس مكسب يزداد كل يوم

kingtoot1959 16 - 05 - 2010 12:16 AM

رد: افتتاح مدرسة طيران الفوركس
 
الأستوب لوز

بعدوضع أوامر الشراء المعلقة مباشرة نتجه لوضع الأستوب لوز كالأتى

نشوف اللو مش الاغلاق اللو بتاع شمعة البيان وتحتها بنقطتين بس نضع الأستوب بتاعنا


يعنى لو الشمعة كان افتتاحها 1.4644 ونزلت عملت لو عند 1.4632 ثم صعدت لفوق الى1.4660 ثم هبطت لتغلق عند1.4655 أنا أضع عقدين شراء من 1.6665 بهدف واحد أتر والتانى 2 اتر والاستوب بتاع التنين واحد هو

1.4630

oss909 16 - 05 - 2010 12:30 AM

رد: افتتاح مدرسة طيران الفوركس
 
متابعين معك

kingtoot1959 16 - 05 - 2010 12:38 AM

رد: افتتاح مدرسة طيران الفوركس
 
أمال فين الزيرو ريسك

اللى جاى ان شاء الله

مع كل اغلاق لشمعها نبدأ العد منها للخلف عدد 3 شمعات وننظر الى أقل لو فيهم ونحرك نقطة الاستوب الى هذا اللو ناقص نقطتين مالم تكن النقطة القديمة أفضل

ملحوظة هامة

الشموع الداخلية وهى التى تقل أو تتساوى هاياتها مع اللى قبلها لا تحتسب مهما تعددت

وبعدين

ملم تكن حركت الاستوب الى أعلى من نقطة الدخول وحققت الصفقة 75% من الهدف الأول حرك الأستوب الى نقطة الدخول وريح بالك أنت الان فى منطقة التجارة الحرة

kingtoot1959 16 - 05 - 2010 12:43 AM

رد: افتتاح مدرسة طيران الفوركس
 
يا جماعة أنا تعبت ومش عارف فى حد معايا ولا لأ فأستبيحكم عذرا نكمل البيع بكرة وجربو انهارده الشراء

kingtoot1959 16 - 05 - 2010 12:53 AM

رد: افتتاح مدرسة طيران الفوركس
 
لكن فى حاجة مهمة لازم أقولها قبل ما أنام اولا عايزكم تدعوا لى

ثانيا وده الأهم أنا عارف ان فى ناس كتير جدا عباقرة ودكاترة وفاهمين وأساتذة والكلام ده مش جديد عليهم وعارفين أكتر منه مليون مرة ويا ما نهلنا من علمهم وخبراتهم ومين ينسى عروس البحر ونسر الفوركس والجنرال ومحمد فوزى وحسين وايهم ومنعم وعمر ابراهين وهيثم وهيما والناس الجميلة دى وملك الاكسبرت نادر والمشرف الغالى شادى وخالد والناس العظيمة دى ولو لم تسعفنى الذاكرة سامحونى لهم علينا حقوق كثيرة ودى محاولة ان نمشى على خطاهم ونتذكرهم بالخير ربنا يبارك لهم فى صحتهم وأولادهم وعائلاتهم
رجاء لو باقول حاجة غلط يلحقونى
دى حاجة

kingtoot1959 16 - 05 - 2010 01:10 AM

رد: افتتاح مدرسة طيران الفوركس
 
الحاجة التانية ان احنا أتفقنا ان دى مدرسة تعليم طيران واحنا لسه بنقول ياهادى وبنعمل لاند سكيب ونرش ميه ولم نفتح الباب بعد فمن غير المعقول ان احنا نقول يالا فين الطيارات عايزين نطير
المسألة محتاجة صبر
وأنا قصدت أن أقول اللى قلته علشان أريح نفسيا الناس اللى عايزة تطير واحنا لسه بالمريلة
أحنا وانا باتكلم عن نفسى لحسن حد يزعل أخرنا طيارة ورق نطيرها ونجرى وراها ونتعلم منها لكن لو وقعت ولا ضاعت مش مشكلة لغاية ما نتعلم
والله يا جماعة الموضوع بسيط بس مش عبيط
قيسوها على أى مهنة فى الدنيا من السباك للنجار لمبيض المحارة لازم تعرف اصوله وتتدرب عليها كتير وتتعلم من صنايعى وتجتهد وتتعب
غير كده فلوسك حتبقى هى المكسب للناس اللى بتلعب صح وبتكسب ولا أنت فاكر مكاسبهم بتيجى منين
لا تكون فاكر انها من البنوك ولا شركات السمسرة تبقى مصيبة
دى فلوس الناس اللى بطمعوها بالملايين والكلام الفارغ وهما مش فاهمين
عندنا كلام كتير بس دلوقتى تصبحوا على خير
اللى كلامى لم يعجبه يسامحتى
واللى عجبه يدعو لى
فلم أقصد الا ا الخير للجميع تقبلوا تحياتى

خالد العوينى 16 - 05 - 2010 02:09 AM

رد: افتتاح مدرسة طيران الفوركس
 
مشكور اخي علي المجهود الرائع ووفقك الله

kingtoot1959 16 - 05 - 2010 05:47 AM

رد: افتتاح مدرسة طيران الفوركس
 
بسم الله الرحمن الرحيم

اخوانى الكرام السلام عليكم ورحمة الله ويركاته

اللهم ان هذا خلق جديد فأفتحه على بطاعتك وأختمه لى بمغفرتك ورضوانك وما عملت فيه من حسنة فتقبلها منى و زكها وضاعفها لى وما عملت فيه من سيئة فاغفرها لى انك أنت الغفور الرحيم الودود الكريم

عدنا والله كريم

kingtoot1959 16 - 05 - 2010 06:30 AM

رد: افتتاح مدرسة طيران الفوركس
 
تكلمنا يا اخوان عن الدخول للشراء ووضع الأوامر والهدف لكل عقد من العقدين ووضع الأستوب وتحريكه ولم نتكلم عن الخروج

طبعا الخروج اما بتحقيق الأهداف أو لا قدر الله بضرب الأستوب

فى حال تحقق الهدف الأول نخرج من العقد الأول وفورا نحرك الأستوب للعقد الثانى المتبقى لدينا الى نقطتين فقط تحت لو هذة الشمعة التى تقق الهدف الأول فيها
ثم نتابع تحريك الأستوب مع اغلاق كل شمعة الى نقطتين تحت اللو بتاعها الى ان يتحقق الهدف الثانى أو يضرب السعر نقطة الوقف هذه

ذللك مالم تكن النقطة المراد تحريكها فى وضع أفضل

فلا يجوز بأى حال من الأحوال انك تنزل النقطة عن مكانها واحنا بنطلع لفوق

وبكده نكون خلصنا الكلام عن الحالة الأولى للشراء

وخلوا بالكم احنا حنوصل بالحالات الى حوالى عشر حالات
يعنى لو فاكرين ال140 شارت اللى ممكن نلاقى فيهم فرص كل مرة نفتح الكومبيوتر
دول باذن الله تعالى حنضربهم فى عشرة يعنى حيبقى عندنا فى كل مرة 1400 شارت
تختار منهم فرص أكيدة وواضحة وضوح الشمس ومش محتاجة كلام قولوا يا رب

kingtoot1959 16 - 05 - 2010 06:44 AM

رد: افتتاح مدرسة طيران الفوركس
 
1 مرفق
ممكن نشوف الصورة دى كويس عشان نعرف أو نتعرف على شمعة البيان أول ما تظهر وشمعة الدخول اللى بعدها

kingtoot1959 16 - 05 - 2010 07:08 AM

رد: افتتاح مدرسة طيران الفوركس
 
ممكن نشوف الصورة دى كويس عشان نعرف أو نتعرف على شمعة البيان أول ما تظهر وشمعة الدخول اللى بعدها

هذه هى الصورة التى نبحث عنها وحتما سنراها على أى فريم وأى عملة للدخول شراء مع تعافى السعر من الهنه التى ألمت به وعودته الى مجراه الأصلى الترند الصاعد لاحظ أخى

أن الٍ سيمبل موفنج 40 صاعد والسعر فوقه

ان الاكيونينشال موفنج 5 خد ثلاث شمعات ونزل وكان كفاية اثنين وان كل شمعة الهاى بتاعها أقل من هاى الشمعة اللى فبلها لغاية الرابعة شمعة البيان اللى عرفناها من لونها الأخضر

وان مافيش شمعة نزلت بالهاى بتاعها عن الموفنج 40 يداية من شمعة البيان ولعدد 5 شمعات قبلها

وطبعا ان ال ايه دى اكس فوق ال25

وتخيل الاستوب حيكون فين والأهداف حسب ال ايه تى أر حتكون فين

أتمنى ألا أكون نسيت حاجة
وأتمنى انى أكون وصلت معلومة ممكن تفيد حد
واللى أنا بأقوله مش اختراع ولا اكتشاف منى

وممكن نفتح باب للنقاش لو حد حب يسأل عن حاجة وأى حد فاهم ممكن يجاوب ولو حد عنده مغلومة أفضل يتفضل مشكورا وأسألكم الدعاء لى بالسداد وتفريج الكرب ولوالدى بالرحمة


وهيا بنا نتعلم الطيران

kingtoot1959 16 - 05 - 2010 10:59 AM

رد: افتتاح مدرسة طيران الفوركس
 
تابع الحلقة الأولى

بسم الله الرحمن الرحيم
السلام عليكم اخوانى

سنتابع ان شاء الله شرح تكملة عمل الطائرة الورقية التى أتممنا عمل جناحها الأيمن الشراء ونكمل صنع الجناح الأيسر البيع باذن الله تعالى

طبعا نفس الأدوات البسيطة مؤشر يقيس لنا قوة الرياح أو السوق أو الترند فى أى اتجاه مش مهم المهم ان قراءته فوق ال25 وهو الADX5.
ومؤشر يقيس مجال الرؤية أو ال Range وهو ال ATR20

SMA40 المرة دى هابط لأسفل أو فلات والسعر أدنى منه ولا يوجد أى قاع أو ديل لأى شمعة
من الخمس شمعات الأخارى فوقه

kingtoot1959 16 - 05 - 2010 11:15 AM

رد: افتتاح مدرسة طيران الفوركس
 
نكمل

باقى الشروط أن ال EMA5 طالع لفوق يستريح ويشم شوية هواء لعدد 2 شمعة صحيحة على الأقل يعنى كل شمعة منهم صاعدة خضراء والهاى بتاعها أعلى من هاى الشمعة اللى قبلها وبعدين تظهر لنا شمعة البيان اللى بتقول ان السعر خلاص استريح وحيرجع يكمل مسيرته الهابطة ودى شمعة حمراء الا فى حالة خاصة حنتكلم عليها بعدين
هذه الشمعة لما تقفل حمراء بتبقى باينة جدا بعد سلسلة الشموع الخضراء الصاعدة اللى قبلها
بعد اغلاقها مباشرة نضع أمرين بيع معلقين من تحت اللو بتاعها بنقطتين والهدف للعقد الأول قراءة ال ATR والهدف للعقد الثانى ضعف قراءة الATR واللى بنعرفها من الداتا ويندو لما نقف بالماوس على شمعة البيان

دعواتكم ونتابع

kingtoot1959 16 - 05 - 2010 11:21 AM

رد: افتتاح مدرسة طيران الفوركس
 
فاضل الأستوب لوز للبيع

بمجرد وضع الاوامر نضع لهما استوب لوز فوق الهاى بتاع شمعة البيان بنقطتين + الاسبريد

kingtoot1959 16 - 05 - 2010 11:35 AM

رد: افتتاح مدرسة طيران الفوركس
 
طيب والوقف المتحرك

مع كل اغلاق لشمعة نعد منها واحد اتنين تلاتة ونشوف أعلى هاى فى التلات شمعات دول ونحرك الأستوب بتاعنا فوقه +نقطتين+ الاسبريد مالم تكن النقطة السابقة أفضل يعنى أقل هنا يبقى الحال على ما هو عليه
وبمجرد تحقيق 75% من الهدف الأول طبعا بالتقريب كده يعنى نحرك الأستوب الى نقطة الدخول اذا لم نكن عديناها فى تحريك سابق
وبكده نبقىدخلنا منطقة التجارة الحرة zero risk وبرضه مش حنسيبه


اللى فهم حاجة يدعو لى

واللى ما فهمش يدعو لى لو حب وانا أفهمه ان شاء الله

kingtoot1959 16 - 05 - 2010 11:52 AM

رد: افتتاح مدرسة طيران الفوركس
 
أخر حاجة الخروج
بمجرد تحقيق هدف العقد الأول يغلق ونسيب التانى مفتوح مع تحريك الأستوب بتاعه الى
هاى الشمعة السابقة +2 + الأسبريد مالم تكن النقطة السابقة أفضل ونستمر فى هذا التحريك الى أن يتحقق الهدف الثانى أو يضرب نقطة الوقف التى أصبحت فى أمان تام

مع ملاحظة هامة جدا يا اخوانى ان الشموع الانسايد مالهاش اى اعتبار عندنا ولا تدخل فى العد حتى لو تكررت وتعددت
واللى مش عارف يعنى ايه شمعة انسايد أو محتضنة أو ممكن نسميها جنين هى اللى اتولدت وكبرت هاى وصغرت لو داخل حيز أو مجال الشمعة السابقة عليها
يعنى لو خدنا خط أفقى على هاى الشمعة السابقة وخط أفقى على اللو بتاع الشمعة السابقة حنلاقيها هى بديولها بالكامل جوه الخطين دول وعشان ما تبقاش انسايد ويتعمل حسابها لازم تعدى الخط ولو بنقطة واحدة

دعواتكم

kingtoot1959 16 - 05 - 2010 12:07 PM

رد: افتتاح مدرسة طيران الفوركس
 
ودلوقتى كملت الطيارة الورق نقدر نربط الخيط فى الديمو ونحاول نطيرها ونلعب بيها
وصدقونى هى ان شاء الله سهلة وأول ما تشوفها حتعرفها ولو اتعودنا عليها حتبقى حاجة تانية خالص ولو فتحت شارت أى عملة فى أى وقت بدون التقيد بمواعيد ولا افتتاح لندن واغلاق طوكيو ولو فاتك تقعد تتحسر طول اليوم ولا توصية ما لحقتهاش ولا شدة أعصاب ولا حاجة المهم انك تبقى ريلاكس خالص أنا قلت ان شاء الله حخليك تبص على 1400 شارت غلى الأقل فى كل طلة ده لو قدرت وحتلاقى مليون فرصة خد منهم المؤكدة جدا والمستريحة جدا والمضمونة جدا وما تجريش ورا سعر ولا خبر ولا انديكيتور ولا أشكال وتخريجات وتفريعات كل ده بعدين حنفهمه ان شاء الله
لكن قبل ما أختم عايز أقول نصيحة لخبير مال عبقرى انك ما تحاولش تركب القطر من المخزن يعنى تبقى عايز تاخد حركة السعر من أولها لاخر نقطة صدقنى كده حتخسر وانا كنت بأعمل كده لكن الصح انك تستغنى عن تلت الحركة الأولانى لغاية ما السعر يعلن عن وجهته الحقيقية والترند يبقى مش قادر يرجع فى كلامه وكمان تستغنى عن التلت الأخرانى اللى ممكن يقلب عليك فى أى لحظة وترضى بالتلت اللى فى النص المؤكد جدا والمضمون جدا وبكده مش ممكن تخسر

دعواتكم ونلتقى

kingtoot1959 16 - 05 - 2010 12:15 PM

رد: افتتاح مدرسة طيران الفوركس
 
مش عارف ليه حاس انى عامل زى عادل خيرى فى مسرحية البرج الأخضر لما فتح مكتب محامى ولا زبون دخل عنده



هو أنا عكيت ولا ايه؟؟

حتى لو عكيت أدعوا لى بتفريج الكرب ولوالدى بالرحمة وربنا يسامحكم

morex 16 - 05 - 2010 12:26 PM

رد: افتتاح مدرسة طيران الفوركس
 
بسم الله

السلام عليكم و رحمة الله

يا سيدي الكريم صدقني لقد إنبهرت بموضوعك جدا ، ما شاء الله أنا متابعك و أعجبت بسرعتك و كتابتك للطريقة بالتفصيل في وقت قياسي مع الطرح المدروس و الرائع :thumb_yello::thumb_yello:

أكيد كل شيئ سوف يوضح أكثر مع تبيين نقاط دخول و خروج لايف عند إفتتاح السوق

متابعينك جدا، بصراحة أنا لازم أقرأ الطريقة مرة و أكثر لأن سهولتها تأتي بعد فهمها الفهم الجيد.

الله يبارك لك في وقتك و جهدك و مالك.

mena_rambo2009 16 - 05 - 2010 02:28 PM

رد: افتتاح مدرسة طيران الفوركس
 
مشكور اخي علي المجهود الرائع ووفقك الله ممكن بعد اذنك موقع ايفا ماركت


kingtoot1959 16 - 05 - 2010 02:42 PM

رد: افتتاح مدرسة طيران الفوركس
 
السلام عليكم
مرفق شارت للتوضيح بخصوص البيع
أما بالنسبة ل’ Marketiva ممكن تحط الاسم فى جوجل سيرش يجيبهولك على طول
لكن لو مش ممنوغ يبقى اه


[عذراً, فقط الأعضاء يمكنهم مشاهدة الروابط! اضغط هنا للتسجيل...]

mena_rambo2009 16 - 05 - 2010 02:47 PM

رد: افتتاح مدرسة طيران الفوركس
 
شكرا وبالتوفيق

kingtoot1959 16 - 05 - 2010 03:05 PM

رد: افتتاح مدرسة طيران الفوركس
 
1 مرفق
معلهش يا جماعة عندى مشاكل فى الرفع بس ماشى

kingtoot1959 16 - 05 - 2010 03:22 PM

رد: افتتاح مدرسة طيران الفوركس
 
1 مرفق
تحياتى

شوفوا يا جماعة كم فرصة بيع فقط فى كام دقيقة على زوج واحد وفريم واحد ال15 ق

kingtoot1959 16 - 05 - 2010 05:34 PM

رد: افتتاح مدرسة طيران الفوركس
 
1 مرفق
من تانى

kingtoot1959 16 - 05 - 2010 05:40 PM

رد: افتتاح مدرسة طيران الفوركس
 
1 مرفق
وكمان
وأى حد يلاقى فرصة يرفعها ونشوفها كلنا ونقول محققة الشروط ولا لأ

hamadash7 16 - 05 - 2010 06:40 PM

رد: افتتاح مدرسة طيران الفوركس
 
بسم الله الرحمن الرحيم
السلام عليكم ورحمة الله وبركاته
انا اول مره اشترك في هذا المنتدي االرائع
وقرأت موضوعك الرائع وانا مبتدا واستفدت كثيرا من موضوعك
فجزاك الله كل خير وفرج كربك واللهم ارحم والديك
وشكرا لك

عمرو ابراهيم 16 - 05 - 2010 09:14 PM

رد: افتتاح مدرسة طيران الفوركس
 
اقتباس:

المشاركة الأصلية كتبت بواسطة kingtoot1959 (المشاركة 363168)
اخوانى وأحبائى أعضاء هذا المنتدى المبارك
السلام عليكم ورحمة الله وبركاتة
على بركة الله وبتوفيق من الله تعالى أريد أن أبدأ معكم موضوعا جديدا ربما يكون فيه الخير للجميع وهذا ما أتمناه وأرجو من الله أن يوفقنى اليه ردا لبعض الجميل للمنتدى المبارك ولكل من تعلمت منه حرفا واحدا فى هذا المضمار وأخص بالذكر والامتنان الأساتذة الكبار
نسر الاسكندرية العالى الغالى دكتور أسامة عادل والاستاذ عمر ابراهيم الحبيب والقريب الى قلبى حر العراق الغالى حسين فرى بلد والاستاذ الكبير منعم وهيثم وهيما وخالد والاستاذ شريف خورشيدوصديقى العزيز الاستاذ محمد فوزىوأحمد السيد والغالى عليا هانى واحمد سعد وأستاذى شادى عبده وفاهم وعبد اللطيف وخميس وأبو ابراهيم وأبو ملك ووائل وحسن والغالى الأيهم وكل من استفدت منه ولو بطريق الصدفة أو الخطأ فغير ذلك كثير وكثير بارك الله فيهم ولهم جميعا
عفوا فقد أطلت عليكم ولكن احب أن أشكرهم جميعا وأعتذر لكل من كان فى حقه تقصير
ثم بعد ذلك ننتقل الى الموضوع ان شاء الله تعالى

وعليكم السلام ورحمه الله وبركاته
الف مليون هلا حبيبي عصام
حمدلله ع سلامتك حبيبي
ان شاء الله مدرسة موفقه يا استاذنا
ومتابعين معك كل الافكار والطرق

kingtoot1959 16 - 05 - 2010 10:47 PM

رد: افتتاح مدرسة طيران الفوركس
 
اقتباس:

المشاركة الأصلية كتبت بواسطة عمرو ابراهيم (المشاركة 363895)
وعليكم السلام ورحمه الله وبركاته
الف مليون هلا حبيبي عصام
حمدلله ع سلامتك حبيبي
ان شاء الله مدرسة موفقه يا استاذنا
ومتابعين معك كل الافكار والطرق

والله يا عمر انت أخجلتنى وما عارف أعمل معاك ايه انت والأخوان والأحبة لكى أوفيكم حقكم وأرد الجميل فموضوع الترحيب الحار والمذهل لم أره الا اليوم
وجعل موضوع المدرسة قطرة فى بحر جمايلكم وحبكم وأنا كنت فاكر انى بأعمل حاجة
أنتم ما فيش حاجة حتوفيكم حقكم
كفاية أحاسيسكم الجميلة والرقيقة
تحياتى لكم كلكم وحبى واعتزازى ومرورك وسام على صدرى
مشكور يا غالى

http://www.borsaat.com/vb/t147267.html#post363952

عمرو ابراهيم 16 - 05 - 2010 11:00 PM

رد: افتتاح مدرسة طيران الفوركس
 
اقتباس:

المشاركة الأصلية كتبت بواسطة kingtoot1959 (المشاركة 363958)
والله يا عمر انت أخجلتنى وما عارف أعمل معاك ايه انت والأخوان والأحبة لكى أوفيكم حقكم وأرد الجميل فموضوع الترحيب الحار والمذهل لم أره الا اليوم
وجعل موضوع المدرسة قطرة فى بحر جمايلكم وحبكم وأنا كنت فاكر انى بأعمل حاجة
أنتم ما فيش حاجة حتوفيكم حقكم
كفاية أحاسيسكم الجميلة والرقيقة
تحياتى لكم كلكم وحبى واعتزازى ومرورك وسام على صدرى
مشكور يا غالى

http://www.borsaat.com/vb/t147267.html#post363952

:rose:
حبيبي عصام مليون الف هلا والله يالغالي بنورك الجميل
وانت والله تستهال كل خير يكفي زوقك ياحبوب
وثانيا مافى اي شي يغلي عليك
ولايهمك حبيبي صراحه سويت الموضوع
من لحظه ما وجدت لك مشاركة بالمنتدي من جديد
وهذا اقل شي اي احد يسويه في حقك لانك غالي علي الكل
والعفو حبيبي عصام واتمني ان شاء الله اني اشوفك بالمعرض
راح تكون فرصه جميله لاتشرف فيك وتنورنا باذن الله

kingtoot1959 16 - 05 - 2010 11:07 PM

رد: افتتاح مدرسة طيران الفوركس
 
يا جماعة الخير عندى اقتراح


الطريقة دى ممكن تكون مشروحة فى مكان تانى وانا ما اعرفش
وممكن تكون قديمة ومعروفة لكن اخراجها بشكل جديد وفكر جديد ما يمنعشى
لكن شكل التفاعل معاها مش كفاية
وأنا لا أقصد الردود فأنا لا أخفيكم سرا انى كنت ان الردود تكون متأخرة وفى مكان واحد لأن المسألة بالنسبة لى ليست هتاف ولا تشجيع ولا انتخابات مجلس الشعب
المسألة ان لو وصلت معلومة أو حد نورت عنده لمبه فى أى ركن لوجه الله تعالى يبقى غاية المراد من رب العباد ومش مشكلة ان لم يقل شكرا
المهم يستفيد وينتبه للوقوع فى الخسارة لأن أى حد بيخسر مليم غيرى بيحزننى جدا جدا
لكن الأقتراح بعد اذنكم
ولازم نوافق عليه كلنا
ان نسمى الطيارة دى باسم محبب لدينا ولدى أخ غالى فى المنتدى أحبه فى الله

kingtoot1959 16 - 05 - 2010 11:13 PM

رد: افتتاح مدرسة طيران الفوركس
 
تابع الاقتراح
أرجو أن توافقونى على أن نسمى الطريقة بجناحيها الشراء والبيع الفاروق
ويبقى الفاروق1 للشراء
والفاروق2 للبيع

ولو فى أى تحفظ نسمعه بدون اى مشكلة
شكرا لكم

kingtoot1959 16 - 05 - 2010 11:40 PM

رد: افتتاح مدرسة طيران الفوركس
 
المشاركة الأصلية كتبت بواسطة بلال
اهلا بعودتك اخ عصام نورت المنتدى من جديد
اتمنى ان تكون اجازة رائعة وقضيت بها اجمل الاوقات
نحن بانتظار ابداعك ولمساتك الفنية

تحياتي لك ,,, وشكرا ل عمرو على المبادرة الحلوة

اعتذار واجب وتحية من القلب لك يا بلال يا غالى وأتمنى أن تسامحنى على تقصيرى
كل ودى وحبى لشخصك الكريم

freebalad2003 17 - 05 - 2010 12:16 AM

رد: افتتاح مدرسة طيران الفوركس
 
السلام عليكم و رحمة الله و بركاته
واحشنا كثير حبيبي
شكرا لك اخي الغالي
عصام يا ملك
ان شاء الله ستكون استراتيجية جيدة , لاني اراك
متحمس لها , و للاسف دخولي كان متاخرا , و وصلت
الى المشاركة اربعين 40 و اضع مشاركتي لاني اشعر
بالنعاس و علي ان اعيد القراءة مع التطبيق و بتمعن
دعواتي القلبية لك بالموفقية و السداد
تحياتي

kingtoot1959 17 - 05 - 2010 12:24 AM

رد: افتتاح مدرسة طيران الفوركس
 
اقتباس:

المشاركة الأصلية كتبت بواسطة freebalad2003 (المشاركة 364020)
السلام عليكم و رحمة الله و بركاته
واحشنا كثير حبيبي
شكرا لك اخي الغالي
عصام يا ملك
ان شاء الله ستكون استراتيجية جيدة , لاني اراك
متحمس لها , و للاسف دخولي كان متاخرا , و وصلت
الى المشاركة اربعين 40 و اضع مشاركتي لاني اشعر
بالنعاس و علي ان اعيد القراءة مع التطبيق و بتمعن
دعواتي القلبية لك بالموفقية و السداد
تحياتي


مشكوور يا أعز الناس ومرورك على راسى والمفاجأة لك والحمد لله أطمنت عليك تحياتى

kingtoot1959 17 - 05 - 2010 05:35 AM

رد: افتتاح مدرسة طيران الفوركس
 
اللهم ان هذا خلق جديد فافتحه لى بطاعتك وأختمه لى بمغفرتك ورضوانك وما عملت فيه من حسنة فتقبلها منى وزكها وضاعفها لى وما عملت فيه من سيئة فاغفرهل لى انك أنت الغفولر الرحيم الودود الكريم

السلام عليكم اخوانى
واسبوع مبارك عليكم جميعا

وانا بأفتح لقيت فرص بالميات بتجرى
ولا اتهزيت
لأن هى حتجرى وغيرها حييجى
زى موج البحر
لا تندم ولا تقلق
ولا تستعجل
ولا تجرى ورا موجة

مرفق شارتات

kingtoot1959 17 - 05 - 2010 05:39 AM

رد: افتتاح مدرسة طيران الفوركس
 
1 مرفق
أول شارت

kingtoot1959 17 - 05 - 2010 05:44 AM

رد: افتتاح مدرسة طيران الفوركس
 
1 مرفق
التانى

kingtoot1959 17 - 05 - 2010 05:50 AM

رد: افتتاح مدرسة طيران الفوركس
 
التالت

kingtoot1959 17 - 05 - 2010 05:52 AM

رد: افتتاح مدرسة طيران الفوركس
 
1 مرفق
التالت

kingtoot1959 17 - 05 - 2010 06:01 AM

رد: افتتاح مدرسة طيران الفوركس
 
وزى ما قلنا يا جماعة العملية بسيطة بس مش عبيطة


على أى شارت لأى عملة حتلاقى فرص للبيغ والشراء فى أى وقت فما تستعجلش
والمسألة ممكن تلخيصها فى سطر واحد

السعر تحت ال40 طلع بارين ولف يكمل نزول فى ترند قوته 25 فما فوق نبيع
السعر فوق الاربعين نزل بارين وبص لفوق بشمعة خضرا عشان يكمل طلوع نشترى
بس كله بالأصول


أشوفكم على خير وأدعوا لى

kingtoot1959 17 - 05 - 2010 11:26 AM

رد: افتتاح مدرسة طيران الفوركس
 
السلام عليكم

[SIZE="5"][COLOR="Red"]طبعا أى حد بيفتح موضوع ويلاقى ما فيش حد مهتم وما فيش ردود بيزعل ويقفله

ولا أخفيكم سرا انى كنت ناوى أعمل كده مش زعل ولا لأنى عايز هتاف وردود وتشجيع وتهليل أنا لأ أهوى ذلك على الاطلاق
لكن لأن لو أنا أتكلم مع نفسى فأنا الوقت عندى فغلا مدبوح ومش فاضى على الأطلاق
وممكن أكلم نفسى وأنا ماشى فى الشارع بس فغلا أنا عايز الناس تستفيد ولو حاجة بسيطة وتشوف حاجة من منظور مختلف فكنت ناوى أبطل
انما بعد اللى شفته من المنتدى ورواده الخ عمرو ابراهيم وشادى وبلال وكل الناس الحلوة دى وكان سابق بزمان عن موضوع المدرسه ده واللى حابب يعرف أنا باتكلم عن ايه يشوف اللينك ده
http://www.borsaat.com/vb/t147267.html أو يشوف المشاركة رقم53 وتوقيع الأخ الفاضل عمرو ابراهيم

kingtoot1959 17 - 05 - 2010 11:37 AM

رد: افتتاح مدرسة طيران الفوركس
 
وعليه

فقد قررت أن أمضى قدما وأكمل المشوار لأخره وان شاء الله أخرج دفعة طيارين حتى لو طيار واحد والناس حتعرف فى الأخر يعنى ايه


طيار فوركس

kingtoot1959 17 - 05 - 2010 11:52 AM

رد: افتتاح مدرسة طيران الفوركس
 
المهم

بخصوص الردود أنا عايز أعرف بس حد متابع ولا لأ

مش عايز شكر ولا تصفيق ممكن الرد يكون من كلمة واحده فقط

متابعين
عشان نكمل

وعندى اقتراح حلو فيه تحدى وعشان الناس تصدق

اللى يخش على 5 أزواج عمله فى 3فريمات بس 5 و15 و 30و ولا يجد فرصة ممتازة واحدة على الأقل له جائزة كبيرة وعلى ضمانتى

والجائزة الأكبر حتبقى للى يحط أكبر عدد من الفرص على عمله واحدة

kingtoot1959 17 - 05 - 2010 11:54 AM

رد: افتتاح مدرسة طيران الفوركس
 
أنا مش حافتح باب الألتحاق بالمدرسة الا بعد ما أشوف الردود عشان نشوف فى عدد كافى ولا نعملها برايفت


06:00 AM

Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.6.0 ©2011, Crawlability, Inc.