صدى نجد جابر هايف
جابر بن هايف الغبيوى الروقى العتيبي
شاعر غني عن التعريف ولو حاولنا تقديمة لن نوفيه حقه
راح انزل مجموعة قصائد كتابية له
وهي من اروع ماكتب حسب رأيي الشخصي
وفي اخر الموضوع بعطيكم رابط لديوانه الصوتي على موقع صدى نجد
..............................
قصيدة حنا عتيبة
وهي القصيدة التي يتغنى بها كل عتيبي على وجه الارض
ياناس حّنا من ضنـا نجـد .. عتبـان
.............. يشهد لنا التاريخ .. لـو قلـت حنّـا ؟؟
حنا فياض ٍ وأن قسى الوقت ضلعـان
.............. حنّا البحر مدام .؟ هـالأرض منّـا ؟؟
حنّـا الرعـد حنّـا زلازل وبـركـان
.............. حنّا دمـار الكـون لوقيـل ؟؟ عنّـا ؟
حنّا شعاع الشمـس والليـل خسـران
..............حنّا الليالي لاأقبلـن مـا ..؟ وطنّـا ؟
حنّـا غديـر ٍ يعشقـه كـل ضميـان
..............حنّـا غـرام ٍ والـعـذارا هـونّـا ؟؟
حنّا الكـرم والطيـب شايـب وشبّـان
.............. حنّا {{ عتيبه }} من لنا المجـد .. غنّـا
حنّـا سلاطيـن الجزيـره إلــى الآن
.............. ماهمنّـا اللـي بالنـوايـا أمتحـنّـا ؟؟
حنّـا سيـوفٍ هابنـا كــل خــوان
..............حنا السنين الماضيه ..؟ مـن بكنّـا ؟؟
حنّا السما لا صار بـالأرض نقصـان
..............بعـد الوّلـي هالكـون منّـا وألنـا ؟؟
حنّا هنـا . وأعـرف بلاكـان ماكـان
..............حنّـا هنـا وهـنـاك كـنّـا وإنّــا ؟
حنّا وحنّـا .. لوبغـى القـول برهـان
..............للمجد .. والعّـزه . سـوى أكتبّنـا ؟؟
شاعر وجيت ..؟ من الفخر حيل طربان
..............دام الطـروق اللـي تغنّـا لحـنّـا ؟؟
حنّا قصيده .. شامخـه تحـت عنـوان
..............حنّا {{ عتيبه }} وأنشد الكـل ..؟ عنّـا
............................................
قصيدة الخمرة
اليكم القصيده ياجماهيري وهي خطره = وخلو هالرقآبه تسجن الشاعر وجمهوره
هدوء ايها الساده حضور الحفل والسهره = مساء الخير ع الصاحي واشوف الناس مخموره
انا اسف على الازعاج ولاكن طالت السكره = ذكرت اني قبل سعات اصيل وعزوتي نوره
على فكره الكرفته عجزت افكها عسره = ابي واحد ينزلها او اي وحده ومشكوره
وابي ثوبي جيبولي ثوبي الاشهب مع الغتره = قبل والله لاطربقها على هالحفل بحضوره
ولا واحد يتكلم قبل لاماخلص النشره = ومن يحكي قسم بالله لادوس برجلي حنجوره
تراها قفلت ياساده بلادي وياستره = هي مدامها خربت بقول الليله الثـوره
انا بحكي من اول يوم جيت لدنيتن قذره = وتكرم عن قذرتها بيوت الله ومـعموره
انا مولود في ليلة شتاء مع بردها مطره = في خيمه وسط صحرى مابها سستر ودكتوره
انا ياحضرت الساده غريب وضاع من صغره = لعن جدي زماني بين مذهوره ومهجوره
حملت من الشقاء مالايطاق وجايكم ذكره = ولاني عاجز اتحمل واموت بنفس مقهوره
وانا ادري يذبح الرجال كثر الصبر في قهره = وعن قهر الرجال المصطفى حذر ومذكوره
وهم قالو مفاتيح الفرج للحي في صبره = وانا اشوف الصبر مفتاح ضاع وزادطابوره
تعبت اللملم ايامي بيدين الهم والحسره = تعبت اللمع البرواز وامسح غبرت الصوه
تعبت ابوس كف الجوع وخشم الفقر طال عمره = تعبت اكذب على الحاجه واقو ل الحال ميسوره
تعبت احمس من القهوه واحط السمن والتمره = تعبت ودلتي وحده وكل شوي منثوره
احسب العز بالدله وبيت النذل ابها عشر دلاله = اكثر الملعون مليانه ومسطوره
انا بحكم البدإوه انزرع في داخلي بذره = عن علوم المراجل الف بذره فيني مبذوره
تربينا على الدين ونطيع الله مع شكره = تعلنا نصلي ونحفظ القران وكل صوره
تعلنا نحب الضيف وفينا الكرم فطره = تعلنا نقول الصدق لالفه ولادوره
تعلنا نحلب النوق ووشهي البكره = تعلنا الضمى وحنا بيدينا البير محفوره
تعلمنا وكثبر الى تعلمناه وش كثره = اخذنا درس بالدينا بلا دفتر و سبوره
وانتم ياسكار الحفل عفون ايها الزمره = منو فيكم عرف قهر الزمان وظلمه وجوره
منو فيكم وطاه الجوع وذله وصفقه فقره = منو فيكم عرف يحتاج للقمه ونشف زوره
منو فيكم من الضيقه حفر بصابعه قبره = منو فيكم رقد ليله وسط اجساد مقبوره
منو فيكم مشى حافي برمضن كنه الجمره = منو فيكم سهر ليل الظلام بدون اباجوره
منو فيكم مطاح الفين مره وسلمت الجره = وانا من قبل اطيح وجرتي بيدني مكسوره
لكم الماء والوجه الحسن والمال والخضره = ولنا حنا الضماء والجوع وفقر وشيفتن عوره
ولامره حضي ضحك بوجهي واشكره مره = وغيري مبتسم حضه وكل ايامه ومسروره
كتبت الشعر من صغري وبيوتي مابها كسره = وانتم تبرزون الي كتب بيتين مكسوره
انا ياحضره الساده فقيرن مغتنى بشعره = مدإم المومس الى تشري الاشعار مشهوره
وانا ياحضره الساده هنا الليله وعلى فكره = ترى هالبدله مصروقه ورجلي بجزمه محشوره
ولاكن قلت ابحضر هالحفل والعمر بختصره = وابي ابدع معاكم وسط اليله انس ومحضوره
اذا كانت رجولتكم بكاس الثلج والخمره = انا بشرب بدون الكاس وثلجه الف قاروره
وابويه قاللي مره دسم شاربك بالغبره = مايدري بالشنب محلوق وجابر فاقد شعوره
انا بمشي مدام الليل ودع وإبتداء فجره = انا بروح ارد هالبدله على هالمعلاق مزروره
وانا ادري حضور الحفل اني بالسجن بكره = مدام الليله جبت العيد بهاذا الحفل وحضوره
صدى نجد جابر هايف
قضيدة بنت عتبان
عجزت أنام ونبرة الحـزن بأذنـي
والله واللـي خالقـك منـك تعبـان
من زعلـك قولـي دخيلـك لأنـي
أجلس من البارح على فـم بركـان
يابنت يبشـر بالسعـد مـن زبنـي
لو جارحك أبويه ماعاد لـه شـان
دامك زبنتيني عـن الضيـق دنـي
في شاربي أنتي ولو كـان ماكـان
هـذا وعـد منـي ورديـه عنـي
اللي يهينك وأنا ع الأرض ينهـان
تحيزمّي في جابـر الشعـر وغنـي
وأنا لعينك والله لصلخ لـك أنسـان
مبا فعينـه عينـي وبسّنـه سنـي
أبيه كلـه لأحمـر الـدم ضميـان
صبرك شوي أجيب دمّـه وتحنـي
حني شعـرك وكفـك بـدم خـوان
لايزعلك مخلـوق عيشـي وتهنـي
أنا الدوا لأهل التعاطـي والأدمـان
اللـي فقـد عقلـه يبـا يفتكرنـي
لامن حضر أسمي صحى كل سكران
والله واللـي خالـق الشـر منـي
واللي خلق جابرك في روح شيطان
لطبخ بقدر المـوت أنـس ٍ وجنـي
أنا عذاب اللي جرح بنـت عتبـان
ماجابتـه أمـه ولاهـوب مظـنـي
من يجرحك في حرف لو كان غلطان
مـدام جابـر حـي لـك أطمأنـي
وإن مات جابر صورته تضدّ شجعان
....................
قصيدة روق وبرقا
ماعلمـوَك أنـك صغيـرّ ومطفـوق
للبـنـت دار وللرياجـيـل ملـقـا
حنا عتيبه الهيـلا برقـا مـع روق
واللـي يرحـب بالسلاطيـن يبـقـا
ماذلنا مـن خلقـة الأرض مخلـوق
أهل المكـارم ربعـي روقٍ و برقـا
ننده بسامينا وتابـس بهـا احلـوق
وكل الأيادي بقضـب أيادينـا عرقـا
كم شاربٍ من فعلنـا صـار محلـوق
جعل الوجيه اللي بها اشنـاب تسقـا
الغيمه اللي وسطهـا ربعـي بـروق
الي تحتهـا بوبـل الأمجـاد غرقـا
نجد العذيه فوقهـا شمسنـا شـروق
وصارت سماهـا بالسلاطيـن زرقـا
ربعي عتيبه وبارد الوجـه مصفـوق
والسبت من حطه تـرا الأحـد يلقـا
وين أنت يابو صوت مبحوح ومخنوق
ياللي علـى كثـر السوالـف تسلقـا
يوم البضاعه غاليه داخـل السـوق
حنا شرينـا اللـي اخذتـوه سرقـا
رمح القهر في صدر الأيـام مدقـوق
في غرب راسه وآخر الرمح شرقـا
أيه أفتخـر وكـل مطـرود ملحـوق
بالفعل ماهـو بـزود حكـيً وقرقـا
حنا بشر بس الولـي حطنـا فـوق
الله خلقنـا فـوق وشـعـاد نـرقـا
الله خلقنـا فتنـه لـكـل غـرنـوق
ومـن العـذارى ميتـه كـم طرقـا
منطوقنـا جـزل ومـع جزلنـا ذوق
يطرب لنا فوق الغصن طيـر ورقـا
قبيلتي مالي مـع النـاس معشـوق
وأنتـي غرامـي دون لقيـا وفرقـا
بين الضلوع العوج موطنـك معلـوق
ياأطهر من الطاهـر وأصفـا وأنقـا
لو غنوا الشعـار مليـون طـاروق
محدً يجيب اللي أجيبـه علـى القـا
الشعر جسم وحنا في قلبـه عـروق
كل حرف روقي وكل طـاروق برقـا
...................................
صدى نجد جابر هايف
