الرحمة لاصحاب الورش و التوصيات

السلام عليكم علي احلي منتدي

اولا اعذروني لو معرفتش اتكلم بلغة عربية فصحي لاني هتكلم بالعامية تمام علشان اعرف اوصل اللي جوايا

انا لاحظت بجد كتير كلام ضايقني في مواضيع التوصيات و ورش العمل و بجد رغم اني مجرد متابع معاكم هنا في المنتدي علشان التوصيات دي وورش العمل و بحاول استفيد منها لكن بجد اضايقت بسبب كلام كتير من الاعضاء الي بيهاجموا اصحاب الورش و التوصيات وبجد كلام كتير استفزني اني لازم اعمل موضوع علشان الحجات دي تقل بجد لان ده كله بيبقي ضغط علي صاحب التوصية و مش هيخليه يشتغل احسن بالعكس هيبقي سبب لحاجة من اتنين

انه يفقد التركيز لمحاولته انه يصلح صورته ادام الناس و يقول انه كويس و العند مع السوق مش هيجيب غير خساير

و النتيجة التانية انه يحاول يشتغل بحزر شديد لدرجة تخليه داخل كل توصية مرعوب وعلي اعضابه و ده هيخليه مش يدخل توصية صح

كل ده و هوه اصلا ملوش اي مقابل من التوصيات دي غير دعواتنا يبقي ليه بنعمل معاهم كده
ناس بجد بتتابع التوصيات في صمت و من غير حته كلمة شكر بدام بيكسبوا ولو خسروا بيعملوا اشتراك في المنتدي بس علشان يقولوا لصاحب التوصية حرام عليك انت خسرتنا

طب هوه مين قلك ادخل معاه الصفقة لو مش عايز متدخلش
و كل واحد بيحط توصيات بيقول اللي عايز يجرب علي الديمو ياريت ولما يقتنع ادخل علي الحقيقي يا جماعة عايزين نفهم ان الناس دي مش كسابانة حاجه من ورانا و لو احنا بقينا مليونيرات مش هياخدوا مننا نسبة بس هم مش عايزين غير دعواتنا و بيحاولو يساعدونا

انا ليا اصدقاااااء والله خبراء فوركس و بيجيبوا اربح جميلة بسم الله ما شاء الله و والله مش بيدوني انا توصيات رغم انهم اصدقائي و بسالهم انتوا بتدوا توصيات يقلي و ليه يعني ؟؟؟؟ مانا بفيد نفسي هتعب نفسي و انزل توصيات ليه؟؟؟؟

فعلا هوه ده الفرق ان الناس هنا بتفكر ازاي تفيد الغير مش بس يفيدوا نفسهم رغم انهم لو اعدوا علي جهاز علشان يديروا حساباتهم بس هيكسبوا اكتر بكتير لانه هيبقي بتركيز و هيبقوا بيتعاملوا بفلوسهم لو خسروا مش هيزعلوا اكتر ما هم بيزعلوا لما احنا بنخسر

علشان كده رجاء خاص من الكل ابتداء من الاسبوع القادم اي حد هيدخل توصية يدخلها لانه هوه المسئوول عنها مش اللي قال التوصية ولو خسر يبقي السبب في الخسارة اللي نفذها بايده مش اللي قال الصفقة

صدقوني يا جماعة انا مفيش حد قالي اعمل الموضوع ده وانا مش بدي توصيات انا بس حبيت نرحم شوية اصحاب ورش العمل و التوصيات لانهم يتسحقوا الدعاء لانهم بيتعبوا علشاننا يبقي علي الاقل لو مش هندعيلهم بلاش ندعي عليهم

اسف علي الاطالة و اتمني اسبوع موفق للجميع ان شاء الله

شكرا

تكرم حبيب قلبى كلامك زى العسل وياريت الشباب اللى بيدخلو توصية الافضل يفهمو ليه
المحلل اختار التوقيت ولو اقتنع يدخل معه ويجرب على الديمو لو نجحت معه يطبقها لايف
ولا داعى لشد الاعصاب ولكل واحد عقلة وادارة راس المال الخاصة به
تحياتى

التوقيع

http://forum.borsaat.com/t660.html
http://forum.borsaat.com/t2576.html
http://forum.borsaat.com/f90/

التوقيع

والله
الله ينور عليك فعلا موضوع كان لازم يتفتح من فتره

ناس بتتعب وتاخد من وقتها وصحتها ومجهودها عشان تفيد غيرها من الناس
لايعرفوهم فى الغالب ولا حتى شافوا صورتهم
ورغم كدا احيانا وليه احيانا دا كتير ناس تدخل تهاجم وتغلط وتقول انت السبب فى الخساره هو حد ضربك على ايدك يااستاذ انك تاخد التوصيه دى او غيرها متشتغل بنفسك ولا لازم تحمل غلطك وطمعك على ناس طيبه وكريمه اختارت طريق الخير وحبت تسهل ليك المجال الشرس دا سواء كان بمعلومه او استراتيجيه او توصيه
بس برضو يااخى الكريم دا مش يمنع انى فيه ناس مش بتراعى ربنا فى الناس اللى بتباعهم وبيحطوا توصيات وتحليلات من غير علم ولا درايه مجرد فرض عضلات وعشان الناس تقول انهم فاهمين وهم مش فاهمين انهم بيغامروا بفلوس الناس وربنا حيسالهم عليها وياويلهم من سؤال ربنا

الحمد لله عن نفسى للان لم اصادف احد منهم فى المنتدى وكل اللى بتباعهم بيقولوا اشتغلوا ديمو او على مبلغ صغير خسارته مش حتكون مؤلمه
وبعدين فى الاول والاخر الدخول فى اى توصيه على مسئولية الشخص نفسه محدش بيرغموا يدخل فى التوصيه ولا بيهددوا ان مادخلش حيموتوا
موضوع رائع وفى وقته تقريبا لانى فعلا الوضع زاد عن الحد والحاقدون اللى بيغلطوا بيخلوا الناس تخاف تعمل خير بس احب اقولهم انا وغيرى كتير احب اقول لفاعلين الخير

استمروا فى اخراج زكاة العلم اللى ربنا اعطاها لكم وزكاة العلم اخراجه استمروا فى توصياتكم واستراتيجيتكم ومعلوماتكم ونحن وراكم ومعاكم وليذهب الحاقدون الى الجحيم

تشكر أخي كلامك زي العسل

بالفعل لازم نرحم الناس دي شوية

وندعي معاهم أن ربنا ييسر أمورهم عشان أحنا كمان تتيسر أمورنا

شكرا للجميع علي مشاركته ليا في الدعوة بجد ان كل الكلام ده يتوقف تماما و فعلا اللي مقتنع بشخص يمشي وراه و اللي مش مقتنع خلاص
وللعلم لازم نفهم ان الناس دول بجد مش عايزين غير دعواتنا لانهم بجد لو عايزين يكسبوا هم كانوا كل واحد مسك حسابه عمل فيه اللي ميتعملش لكن هم عايزين الصالح العام يمكن يقدروا يفيدوا شباب بجد باللي هم بيعملوه ده

يا جماعة انا يمكن اصغر واحد في المنتدي و يمكن اقلهم خبرة لاني بقالي 10 شهور بس لكن اتعلمت حاجه من الفوركس لازم الكل يفهمها ان اللي بيكسب في الفوركس 5 % بس دي معلومة الله اعلم من صحتها لكن تخيلوا ان الناس دي بتجتهد علشان تبقي من ال 5 % يبقي لو خسروا صفقة او اتنين منقلش دول مش بيفهموا حاجه لا لازم نقول الحمد لله و ربنا معاهم

و يا رييييييت الكل يتحمل نتيجة اختياراته و منظلمش حد و لو مش عايز تدعي لواحد يا ريت للمرة المليون اوعي تدعي عليه لانه اكيد مش داخل صفقة عايزها تخسر

شكرا للجميع و كل من شارك و ساندني و اتمني الاسبوع القادم نلاقي الجميع ورا الاساتذه و الخبراء يتمنوا الربح و يتقبلوا الخسارة بصدر رحب لان ده سوق و علشان واحد يكسب اكيد ادامه واحد بيخسر

شكرا للجميع

يا اخى خضتنى!!
انا قريت العنوان قلت بس ده حصلت مصيبة لاصحاب الورش و التوصيات و لكن قرصت نفسى لقيتنى لسة بخير فأطمنت شوية!!

عامة انا اتفق معك فى كل كلمة قلتها و لكن ما تراه على المنتديات هو جزء بسيط جدا مما نعيشه فى الواقع من ارهاق ذهنى بسبب مواضيعنا و وورشنا و توصياتنا فيمكنك سؤالى و سؤال شريف مثلا عما يحدث.,

فبدون الدخول فى تفاصيل يفضل من الناس ترك صاحب التوصية فى حاله و لا يتم التشويش عليه..

المشكلة بين صاحب الورشة و بعض الاعضاء انه يحاول ان يعطى بدون ان يأخذ و هدفه الفائدة اما الاعضاء فهدفهم منه هى اخذ توصياته و لذلك تجد عدد غير قليل من عشاق المصالح يبدأون فى الهجوم الكاسح بعد توصية خاسرة..
عامة نصيحة من يعتمد على توصيات عميانى ان يحاول ان يتعلم افضل له و الا فانه خاسر لا محالة لان كل منا من معطى التوصيات له طريقة خاصة فى ادارة راس ماله بالتأكيد تختلف عن طريقتك فى المضاربة و لهذا تخسر كثيرا..

شكرا للموضوع الجميل.
الله كريم.,

التوقيع

..:: مواضيــــــعى ::..

اخوي الغالي احمد يسلمووو ايدك علي الموضوع المميز وفي كلمه والله اتعلمتها وتقولك دائم الصوت العالي للخسران بالبورصه لكن الكسبان ما بيحكي عن مكسب وبعض الناس تقتنع بصراحه وتومن ان هذا رزق من الله اذا كان بالمكسب او الخساره والبعض الثاني يقولك هذا سوق يوم ياخوذ وان شاء الله هو عندي مديون
وطبعا البعض الثالث وللاسف الهامجي الا صوته وقح ولا يحترم لاتفكير احد ولا حرقه اعصاب
صراحه للحين مو عارف اعبر مثل ماعبرت يسلموووو ايدك احمد وحياك الله حبيبي ماقصرت

التوقيع

الله ينور عليك
فعلا كلام صحيح جدا ومهم وإن شاء الله الناس يلتزمو بيه
لك الشكر

بصراحه و بعاميه برده زي ما اتكلمت
انت عندك حق فى كلامك ده و انا بضم صوتي لصوتك
فعلا فى ناس كتير مش بترحم واضع التوصيات او واضع الموضوع او الاستراتيجيه
بس اللي انا عايزه اعرفه هما ليه بيعملوا كده بجد يعني ايه الهدف اصلا من الهجوم اذا كان فى النهايه مش هيفيد بالعكس النقد البناء او النقاش هيكون افيد
حتى لو فرضنا ان الراجل خسر فى توصيه ( الكمال لله وحده )
او الاستراتيجيه مش ماشيه معاك (وده طبيعي انه يحصل)
طيب ليه نعمل كده ما تجرب و تشوف كلام الناس دي ماشي معاك و لا لا لو مش ماشي فى مليون استراتيجيه و موضوع
النهايه اللى انا عايز اوصل لها لو حد دخل موضوع و مش عاجبه يناقش الكلام ده مع صاحب الموضوع و يشوف ايه الكلام يمكن و الله اعلم هو فهم غلط
و كمان يشوف باك تست للراجل نفسه فى باقى مواضيعه و يعرف اذا كان ناجح و لا لقدر الله فاشل يمكن برده تفرق معاه شويه
و اهم مافى الموضوع ان كل اعضاء المنتدى هنا من اكبرهم لاصغرهم كلهم ناس و لله الحمد محترمه جدا فى حياتهم و مجتهدين جدا فى عملهم
كمان اي حد فى المنتدى له موضوع من اي نوع هدفه فقط من الموضوع انه يعمل خير فى الناس و يساعدهم و ده مش جزاءه اننا نزعله او نشتته
بل بالعكس كمان ممكن يكون الرد ده سبب انه يزعل صاحب الموضوع مع حد تانى من المنتدى
و اي رد من النوع ده مش بس بيعمل قلق فى الموضوع لا و بيعمل قلق لصاحب الموضوع و كمان للناس اللى متابعه معاه
احب ازود حاجه لو فرضنا ان اللى بيقول الكلام ده واثق من كلامه يبقى يكون فى دليل على كده و يقدمه
يعني برده مناقشه فى حدود الادب و انا واثق ان كل الناس اللى فى المنتدى هيردوا عليه بأدب و بأحترام و كمان هيفهموه وجهه نظرهم
اشكرك يا أحمد على الموضوع الجميل اللى كان لازم يتقال من زمان
و الله كريم يهدي الناس ده
تقبل ردي و مرورى

التوقيع