دعوة للتفاؤل
تفائل وأحسن الظن بالله
ممن تخشى ولماذا القلق
لك رب يدبر الأمر ويقسم الرزق
اسعى واترك الأمر له سبحانه
لا تندم على ماض
ولا تنعي هم مستقبل
بل اسعد بيومك
جمله قدر استطاعتك وطاقتك
اسعد نفسك ومن حولك
اربح يوما جديدا سعيدا من عمرك
فإنه لن يعود ثانيا
فاجعله ذكرى جميلة، لك لا عليك
تعالوا نسعد ونتفائل
أكيد الدنيا حتختلف كتير
وحنعيش حياه أجمل وأسعد
دعوة للكلمة الحلوة
الكلمة الحلوة . . أحلى من أى كلام ممكن نقوله
الكلمة الحلوة . . أولى أنها تتقال من غيرها
الكلمة الحلوة . . لها تأثير السحر على البشر لأنها مفتاح القلوب
الكلمة الحلوة . . صدقة
الكلمة الحلوة . . تنهى أى موقف صعب بكل ود
الكلمة الحلوة . . تزرع بها محبة الناس وتجنى ثمارها آجلاً أم عاجلاً
الكلمة الحلوة . . ترفع الروح المعنوية بشكل واضح
الكلمة الحلوة للكبير والصغير . . القريب والغريب . . المدير والعامل
الكلمة الحلوة فى كل زمان ومكان
تعالوا منقولش غير الكلمة الحلوة
أكيد الدنيا حتختلف كتير
وحنعيش حياة أجمل وأسعد
دعوة للرأي الآخر
ليه كل واحد فينا شايف رأيه هو وبس
إيه الهدف إن كل منا يعتبر رأيه صح وأى رأى مخالف غلط، وإيه السبب.
ليه منسمعش الرأى الآخر يمكن يفيد أو يضيف
رأيى + الرآى الآخر = رآى ثالث أنفع وأوقع
ليه نعتبر أن رأينا هو الصح وأنه غير قابل للمناقشة أو التعديل
ليه ندافع عنه باستماتة
ليه دائما نهاجم هذه القاعدة
رأيى صحيح يحتمل الخطأ والرأى الآخر خطأ يحتمل الصواب
تعالوا نسمع للرأى الآخر
أكيد الدنيا حتختلف كتير
وحنعيش حياه أجمل وأسعد
دعوة للابتسامة
ابتسم فأنت أعظم مخلوقات الله
كرمك الله بعقل حكيم وقلب خاشع
ابتسم فرحاً بكل ما منُ الله به عليك من نعم
وفضلك على كثير من خلقه تفضيلا
واملأ قلبك بالرضا
فأنت إنسان عاقل، مسلم، معافى، آمن
تنعم فى نعم الله من مأكل ومشرب وملبس ومأوى
وغيرهم من نعم الله التى لا تعد ولا تحصى
فاحمد الله مع كل نفس يخرج منك
واستثمره فى حبه وحب عباده
وانشر ابتسامتك على كل من حولك
فتبسمك فى وجه أخيك صدقة
تعالوا نلزم الابتسامة
أكيد الدنيا حتختلف كتير
وحنعيش حياه أجمل وأسعد
دعوة للصوت الهادي
تعالوا نسأل نفسنا
ليه الصوت العالى
ليه دائما صوتنا عالى
ليه نحب نقول رأينا بصوت عالى
هو الصوت العالى دليل على صحة الرأى
ليه لما حد يحس إنه غلطان يعلى صوته
ويدافع عن نفسه
ليه لما حد يلاقى أراء مختلفة عن رأيه
يعلى صوته ويدافع عن رأيه
ليه لما حد يحب يقول كلمة حق يعلى صوته
وينفعل دفاعا عن الحق
الحق مش محتاج صوت عالى عشان يتسمع
والناس تصدق بيه
الحق محتاج يتقال بلطف وحكمة
عشان يلقى الاستجابة
وفى حالة اختلاف الآراء - ودا من طبيعة البشر -
الحوار الراقى بهدوء هو الطريق الوحيد
للوصول لنهاية سلمية
تعالوا نجرب الصوت الهادى
أكيد الدنيا حتختلف كتير
وحنعيش حياة أجمل وأسعد
دعوة للحب
تيجوا نحب بعض ونحب كل الناس
الحب مش مجرد كلمة نقولها
الحب كلمة تشمل جميع الأحاسيس الجميلة
اللى ممكن كلنا نعيشها
نحب أهلنا واخواتنا
نحب اصحابنا وجيرانا
نحب كل الناس
الحب يعنى تدى منغير حدود
تدى منغير ما تحسب حتدى ايه وتاخد ايه
ادى كل الناس بدون انتظار المقابل
هو ده الحب
الحب يعنى تحب كل الناس على مختلف أشكالهم
اللى صح واللى غلط
اللى عاجبك واللى مش عاجبك
لانك لو حبيت بجد
حتسامح وتغفر وتلتمس العذر للجميع
اتعلم من اللى يعجبك
وادعى للى مش عاجبك
هو ده الحب
الحب يعنى تسلم على كل الناس
بابتسامة جميلة بريئة من أى غرض
حتى لو لم يشجعك أحد
بادر أنت، الناس حتتعلم منك
هو ده الحب
الحب يعنى تحس بالناس من غير ما تفهمهم
حاجة تتحسب بالقلب والإحساس
مش بالعقل والمنطق
الحب يعنى مودة ورحمة
تسامح وعطاء
تعالوا نحب بعض بجد
أكيد الدنيا حتختلف كتير
وحنعيش حياة أجمل وأسعد
يارب ينال الموضوع اعجابكم
لو مش عاجبك حالك ادخل و والله ومش هتندم
رد: لو مش عاجبك حالك ادخل و والله ومش هتندم
