بص وطل مع رانيا موسى

^Uno^

عضو نشيط

تاريخ التسجيل: Nov 2011

المشاركات: 453

معدل تقييم المستوى: 13

16 - 11 - 2011, 11:46 PM

بص وطل مع رانيا موسى

مفاجأة "قمر 14".. جمالك من الطبيعة مع "رانيا"

طول الفترة اللي فاتت وإنتم مستنيين علشان تعرفوا إيه هي مفاجأة "قمر 14" الجديدة...

وعلشان ما نطوّلش عليكم أكتر من كده قرّرنا إننا نقول لكم على المفاجأة...

ومفاجئتنا هي...

خبيرة التجميل بالأعشاب الطبيعية "رانيا موسى" واللي هتنضم لفريق "قمر 14" علشان تقدّم لكم حلقات نتعلّم منها إزاي نهتم ببشرتنا وشعرنا وصحتنا بشكل عام بطرق طبيعية جداً جداً...

مش بس كده ده إحنا كمان هنعرف معاها إزاي يكون لينا استايل وأسلوب حياة خاص بينا في كل حاجة سواء مظهرنا أو بيتنا...

ودلوقتي بقى تعالوا نتعرّف أكتر على "رانيا" ونعرف منها إزاي دخلت عالم التجميل وإيه قِصتها مع الأعشاب الطبيعية...

في الأوّل يا "رانيا" عايزين نعرف دراستك الأساسية كانت إيه؟!

أنا حاصلة على بكالوريوس سياحة وفنادق قسم سياحة، بس ما اشتغلتش خالص في مجال السياحة.

طيب وإزاي غيّرتي اتجاهك ودخلتي عالم التجميل؟!

أنا كان نِفسي من زمان أكون عارضة أزياء عالمية، علشان كده دخلت مَدرسة، وأخدت كورس لمدة 3 شهور، اتعلّمت فيه أصول الإتيكيت وCat Walk، وخطوات رقص السامبا والرومبا، بس مع الأسف في النهاية ما قدرتش أشتغل في المجال ده؛ لأني كنت قصيّرة، ولكن في أثناء الدراسة دي ابتديت أهتم بمجال الميك أب والتجميل بشكل عام.

وليه اخترتِ مجال الأعشاب الطبيعية، وإيه الخطوات اللي عملتِها علشان تبقي خبيرة في المجال ده؟!

اخترت مجال التجميل بالأعشاب والمواد الطبيعية؛ لأني كنت دايماً بابحث عن الجمال الطبيعي، يعني أنا ممكن أكون جميلة بالميك أب، لكن أنا كنت عايزة أعرف إزاي أكون جميلة من غير ميك أب وبطرق طبيعية، علشان كده بدأت أهتم بقراءة الكتب والمراجع الكبيرة اللي اتكلّمت في الموضوع ده، وكمان اهتميت بترجمة البرديات الفرعونية اللي مكتوب عليها أسرار التجميل عند الفراعنة، خاصة إني في دراستي عرفت كتير عن الفراعنة، وإزاي إن نساء الفراعنة كانوا بيهتموا بجمالهم، وطبعاً كلنا سمعنا عن جمال كليوباترا ونفرتيتي.

هل الأعشاب الطبيعية فعلاً ممكن تُعالج كل مشاكل البشرة والشعر؟!

الأعشاب الطبيعية ممكن تؤثّر في النواحي التجميلية بنسبة 90% تقريباً، لكن طبعاً الحالات المرضية زي: البهاق والإكزيما بتحتاج لعلاج طبي.

بص وطل مع رانيا موسى

إيه أكتر المواد الطبيعية اللي بتحبّي تتعاملي معاها، وبتحسّي إن لها مفعول السحر في التجميل؟!

فيه حاجات كتيرة طبعاً، ومن أهمها العسل بكل مشتقاته زي: شمع العسل، وحبوب لقاحه، وكمان زهرة الكاموميل، والملح واللبن، والزيوت الطبيعية بكل أنواعها.

إيه هي الأكلات والمشروبات اللي المفروض إنها تكون موجودة في جدولنا اليومي؟!

فيه حاجات مهمة أوي لازم تكون متوفّرة في جدولنا؛ ومنها: اللبن، والعصاير الفريش، والزبادي، وجنين القمح، والتمر، وعسل النحل، وبالنسبة للناس اللي بتعمل دايت أو سنها فوق الـ45 سنة تهتم بشرب لبن الصويا؛ لأنه مفيد جداً، وطبعاً أهم حاجة إننا نتناول وجبات متوازنة وصحية.

إزاي البنت تحافظ على بشرتها مع الماكياج والتعرّض اليومي للشمس والأتربة؟!

أهم حاجة هي الاهتمام بالنظافة الشخصية والاستحمام اليومي ده حاجة أساسية، بالإضافة إلى استخدام أنواع جيّدة من الميك أب، والابتعاد عن الماركات الرديئة وغير المضمونة، وبلاش نكتّر من الميك أب في فترة الصبح.

وطبعاً لازم كل بنت تهتم بتناول الوجبات المتوازنة والصحية، وتبعد بقدر الإمكان عن الأكلات السريعة والشيبسي والكولا، وتستبدلهم باللبن والزبادي والتمر والعسل والمكسرات.

بس فيه بنات ممكن تخاف من تناول العسل والمكسرات والتمر علشان مشكلة السمنة؟!

طبعاً لو تناولنا الحاجات دي بنسب معقولة، في فترة الصبح قبل ما نخرج هيكون أفضل؛ لأن معدّل الحرق الصبح بيكون أكتر، وبالتالي الأكل ده مش هيتخزن على شكل دهون؛ لأن أخطر حاجة هي إننا ناكل وننام، أو ما نبذلش مجهود مناسب مع كمية الأكل اللي حصلنا عليها في اليوم، علشان كده يُفضّل إننا ناكل حاجات خفيفة بالليل زي الزبادي والفاكهة.

من سن كام المفروض البنت تبدأ تهتم ببشرتها وتعمل ماسكات؟!

ده بيكون على حسب نوع البشرة، وكمان على حسب النشاط اللي البنت بتعمله، لكن في العادة لازم البنت تبدأ تهتم ببشرتها من سن 22 أو 23 سنة، لكن في السن الصغير اللي هو 16 أو 18 سنة يُفضّل إننا نكتفي بالعناية العادية؛ زي إننا نستخدم أنواع صابون وشامبوهات كويسة، وإننا نهتم بالنظافة الشخصية، لكن نبعد تماماً عن العناية المكثّفة في السن الصغير ده؛ لأن البشرة في السن ده بتكون خلاياها لسه ما اكتملتش.

إيه أكتر الحاجات الغلط اللي ممكن نكون بنعملها في حق بشرتنا وشعرنا من غير ما نحس؟!

أكبر مشكلة بلاحظها إن البنات بتستهلك بشرتها بشكل سيئ من سن صغيّر جداً؛ سواء بمنتجات العناية المكثّفة أو بالميك أب التقيل، طيب لما توصل لسن 30 أو 40 سنة هتعمل إيه؟!!

هل الماسكات والوصفات اللي بتقوليها بتكون مناسبة للولاد والبنات، ولّا بشرة البنت بتكون مختلفة عن الولد؟!

بشرة الولد بتكون مختلفة طبعاً عن بشرة البنت، وبانصح الأولاد في سن 16 و18 سنة إنهم يستخدموا زهرة الكاموميل؛ لأن لها فوائد كتيرة جداً، ولها تأثير كبير في ترطيب وتهدئة البشرة، لكن طبعاً لو البشرة فيها حبوب بيكون لها طريقة عناية مختلفة، ودي هنشوفها في الحلقات اللي هنقدّمها على "قمر 14" إن شاء الله.

في النهاية إيه هي النصيحة اللي تحبّي تقوليها لكل البنات؛ علشان يحافظوا على صحتهم وجمالهم؟!

- العناية الشخصية مهمة جداً.
- الاهتمام بالأكل الصحي، والابتعاد عن الوجبات السريعة.
- لازم نهتم بتثقيف نفسنا علشان يكون عندنا أسلوب حياة خاص بينا ننتمي له، ونبعد عن التقليد الأعمى لكل العادات الغلط.

http://www.boswtol.com/

بص وطل مع رانيا موسى

التوقيع

اليوم السابع اليوم السابع رياضة اليوم السابع فن اليوم السابع اخبار عاجلة اليوم السابع حوادث اليوم السابع الرياضى اليوم السابع نتيجة الثانوية
الفيس بوك الفيس بوك الجديد
المصرى اليوم الاهرام اليوم
الاخبار الرياضية الاخبار اليوم الاخبار مصر
الاخبار العالمية الاخبار المصرية
اخبار مصر اخبار مصر اليوم اخبار مصر الان
الدستور الدستور المصرى الدستور الاصلى الدستور الجديد الدستور المصرية
بص وطل بص وطل الرسائل المجانية بص وطل افلام بص وطل العاب بص على الحلاوة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(أم موسى)	MatriX	استراحة بورصات	1	04 - 08 - 2016 07:47 AM
أوصى مجلس إدارة البنك العربي الوطني بزيادة رأسمال البنك عن طريق منح أسهم كما أوصى بتوزيع أ	الرياضي	منتدى الاسهم السعودية	0	04 - 01 - 2011 04:20 PM

التوقيع

روابط سريعة