احب اوضح الموضوع اكتر اخوانى الكرام بس انا غرضى الفائدة للجميع لا الدعاية لاى موقع او شركة
هنجيب افشل اكسبيرتات ويكون اكتر عدد للصفقات المفتوحة من 3 ل 5 ويكون متوسط النقاط بتاعته سالب 20
احنا هنسيب الاكسبيرت الفاشل زى ما هو وهنرفعة على سيرفر وهنشترك فى موقع الزولو تريد كمزودين بالاكسبيرت الفاشل ونشترك كأعضاء وهناك اختيار امام كل مزود وهو عكس الصفقات وكل ما المزود يفشل كل ما احنا نربح بس فى شوية ملحوظات :
فى عكس الصفقات يكون فى فارق حوالى 5 نقاط وهما فرق البيع والشراء والانزلاق فى سعر التنفيذ يعنى لو المزود خسر 20 نقطة انت تكسب 14 او 15 نقطة لكن لو يعنى لو المزود عمل صفقة وخسر فيها 5 نقط انت هتكون لا كسبت ولا خسرت ولو هو خسر نقطتين انت هتخسر بردة بس 3 نقاط يعنى لازم اكسبيرت يكون بيعمل اقل حاجة 10 نقط خسارة وكل ما تكون خسارته كبيرة كل ما تكون فى الامان وكمان لازم يكون فيه استوب لوس وتيك بروفت وكل ما يكون خاسر كل ما احنا نكسب وهيترفع على سرفر واشتغل 24 ساعة يا معلم وانت مرتاح البال
بأكد اننا هنعكس الصفقات مش هنعكس الاكسبيرت واظن ما فيش اكتر من الاكسبيرتات اللى ممكن تصفر الحساب لو فى حد مش مقتنع بالفكرة يا ريت يدلنى على الاكسبيرت بالمواصفات دى لانى اجهل واحد فى المنتدى دة وانا هجربها واقول النتايج
فاذا كانت الخسارة مضمونة يبقى المكسب مضمون باذن الله
ملحوظة الموقع بيدى عمولة للمزودين لما يكون ليهم تابعين وانا مش عايز عمولة ولا حاطط لينك عشان حد يشترك عن طريقى لان ممكن كل واحد فينا يعمل نفسة مزود بالفكرة دى ويضيف حسابة وبكدة هو اللى بيستفيد وانا قلت الفكرة كاملة عشان الكل يستفيد وربنا يوفق الجميع
ملحوظة اخرى او تحذير محدش يجرب يشترك تحت اى مزود فى الموقع دة صحيح فى مكسب بس انت مش بتشوف الا المزودين اللى بقالهم فترة كسبانين لكن انت لا تنظر الى الخاسرين لان بيكون فى ناس شغالة اكتر من سنة وتنهار فجأة وتضيع كل اللى عملتهولك ويا سلام لو جت على حظك الواقعة دى انا مجرب ممكن لو انت ضايف عشر مزودين تلاقى واحد ضيعلك كله وكمان المزودين اللى بيشتغلو على عكس الخسارة بيعانى عشان يخسر وبيكون عنده تراجع مكسب وبردة ممكن يخسرك وكمان المزودين اللى بيخسروا كتير بيقفلو الحساب ومبيفتحوش تانى عشان سمعته باظط فلو عملنا اكسبيرت بالمواصفات دى فنقدر نعمل بيه مكسب وبالنا مرتاح بإذن الله لكن لما يكون فيه اكسبيرت انت عارف انه خاسر جدا ومقدار خسارته فى الشهر 2000 نقطة يبقى انت هتكسب 1400 نقطة وانت هتخاف من اية وانت متأكد من خسارة الاكسبيرت
وكمان ممكن تضيف ميت اكسبيرت على حساب مزود واحد وتضيفهم كلهم
بما ان الخسارة مضمونة اذن المكسب مضمون ان شاء الله التداول الامن المربح المريح
المواضيع المتشابهه 
