السلام عليكم ورحمة الله وبركاته
مساكم الله بالخير
طبعاً الكل لاحظ تغير الجو هالأيام
يعني ودعنا البطريق و استقبلنا الضب :)
بس ترى البرد للحين ماخلص
هالوقت يسمى ( بيّاع الخبل عباته )
و قصته :
كان فيه رجال عنده عباة (فروة )
, ويوم انه تحول الجو من البرد الى الحر مثل هالاوقات اللي تمر علينا
وما صدق على نفسه إنه يحس بالحر وهو يروح إلى السوق ويصوت .....
مين يشتري هالعباة يعني الفروة مين يشتريها مين يشتريها ؟؟؟
وباع العباة
صار ايام بعد بيع العباة وهي تهب شماليه بالعظم
قعد يصيح من البرد ابي عباتي ابي عباتي
صار ينادونه ( الخبل )
وسمي بذلك الاسم إلى يومنا هذا (( بياع الخبل عباته ))
يمكن البعض مرت عليه هالجمله ..
و على قولة ابوي :
لاتأمن الشتاء وجهه وجه ذيب,,
الزبده من الموضوع تثقيف
و لأني سمعت ان الليله أو بكرا يمكن البرد راجع ويمكن يستمر 4 ايام
فـ وجب التنبيه و شكراً
واللي حاب يقول رأيه أو يضيف معلومه أو شي يتفضل
أترككم مع لقطة الختآم و أنآ ألقآكم :)