يوميات مغترب تخييم في ربوع تكساس

.. المكان هذا يقع غرب سان انتونيو ومب بعيد عن المكسيك ..والمكان هذه ملك خاص لواحد امريكي .. والرحله هذه كانت بتخطيط الامريكي نفسه صاحب المزرعه وبين واحد من العيال السعوديين .. واتفق معه على عدد معيين وبما ان السعوديين واجد في معهدنا ما كلم الا القليل وكم واحد من شرق اسيا ..

المكان هذا يقع غرب سان انتونيو وزي ما قلت لكم المنطقه هذيك كلهاآ املاآك خاصصه يععني اللي يبي يروح ما له الا يشبك الامريكي ذا




التخييم هنا طبعا يختلف تماما عن تخييمنا بالسعوديه .. بس انه ممتع جدا
اول شيء القروب كان تقريبا 25 شخص مكون ( 7 سعوديين - 5 شرق اسيوين - والـ 13 الباقيين امريكان )

المكان : كان في منطقه بعيده جدا لدرجه ان شبكه الجوال ضعيفه جدا جدا ..المكان طبعا زي المزرعه فيها ملحق غرفتين ومطبخ وكم حمام وانتم بكرامه وفيها مطبخ برا كذا مدري كيف جاي صعب وصفه لكن بوريكم صورته ..

المده : جلسنا الويكند كامل هناك وبدون ما نحرك سيارة وحده تنظيم صارحه عجيب .. وككل يوم فيه فطور وغداء وعشاء والامريكان تقريبا ماسكين كل شيء ..

طبعا كل يوم في نشاطات معينه .. مثل :
تسسلق الجبل والرمي بالبندقية نظام تحديات وكذا وصيد غزلان وسباحه في النهر ..

نبدا على بركه الله بالصور ..

..
..
..

هذه اول ما وصلناآ شبينا النار




وهناآ بععد ما ولعت




وبعدهاآآ جلسسناآ حولهاآ الجو كان بارد جدا




طبعا النجججوم بالليل واضضحه بالعيين المجرده اكثر من الصورة





بعدهاآ تم الذهاب للنوم ... طبعا كان في عدة خيارات للنوم هناك .. جوا الملحق او حول النار وهذا كان اكثر شيء موصئ عليه من الامريكان .. لانه يقولون بتصحى على منظر بططل .. في الليل ما كان واضح النهر لنا .. الخيار الاخير كان في الكهف بس ما نقدر نطلع بالليل لان ما ندري كيف الطريق

اليوم التالي : تم الاستيقاظ من صباح الله خيير ... طبعا السعوديين اخر من قام .. وتم تناول الفطور ويسمونه pancakes وهو مثل المشرق او المخوض لمن هم ناطقسن باللهجه الجنوبيه او ما يسسمى بالعاميه قرص صاج ويحطون عليه عسسل وbacon تركي حلال


..
..
..


طبعا بعدهاآ رحنا ناخذ لفه على المكان كامل ..
وهناآ صور من كذا زاويه


هذا المكان اللي جلسنا حوله بالليل بس بالنهار




وهذا صورة للنهر .. هو نهر نهر يعني تقدرون تقولون سهل او وادي ..





من زاويه اخرى





تخبرون المطبخ اللي برا اللي قلت لكم عليه اللي صعي ينوصف .. هذا هو على اليمين مطبخ ومغسسله وفرن وعلى اليسار جلسسات ..





وهذه صورة بانوراميه من كاميرا الفيتنامي .. مدري وش نوعهاآ بس انهاآ بططله





بعد الغداء وكذا كاان اول نشاط عندنا هو تسسلق الجبل
واول شيء عدينا النهر





وهنا الجبل اللي طلعناه وياآ شينه



..
..
..


وهناآ اتركم مع بعض الصور من فوق الجبل














وهناآ لصصوره من الكهف اللي قلت لكم عليه اللي يبي ينام فيه



..
..
..


النشاط اللي بعده كان الررمي بالبندقيه واللي ماسك القروب طبعا يعطينا نصايح .. لاا احد يمزح بالسلاح لاا حد يوجه السلاح على وجه احد .. وكان صارم جدا وقت التعليمات!!



التحدي كان اول شيء عبارة عن علبة بلاستيك مثل الحلاوه الطحينيه وكانت معلقه على ششجره والرمي بالدور ..

يوم وصل الدور عندي يقلي رميت بالسلاح من اول
بغييت اقله انا يوم اني صغير ابوي ما يجيب سلاح لعبه ما يجيب الا واحد صدقي
قلت له ايه .. قالي اوكيه قو هد .. قبلي طلعوا الظاهر 6 او 7 وواحد منهم بس اللي جاب العلبه .. ويجيكم محسسبوكم ويطلق لكم وحححده الله وكيلكم ما مثلها < هياط تايم ..
الا والششعب كلهم يصفق واحلى تعزييز من العيال السعوديين


بعدهاآ ما كان في نشاط مععين كل واحد يسسوي اللي يبي .. عاد اللي يسسولف واللي يطبخ عشاء واللي فوق الجبل .. طبعا حنا السعوديين ماخذين احتياطنا لمثل هذه الاوقات ويجيب واحد ورق وندق الولد .. دق الولد يسستخدم قبل لعب البلوت حتى يتم تقسسيم الفرق ومين اللي يعلب ومن اللي ما يلعب ويصير يحسسب

بعدهاآ تعشيناآ وجلسنا حول النار وفي ناس جالسين فوق عند الكهف وفي ناس جووا .. المهم الساعه 8 بالكثير وحنا نايمين

اليوم الاخير بالصباح .. افطرنا كورن فلكس وانطلقنا ندور غزلان بس ما قدرنا نصصيد لان الغزال كانت في منطقه محميه مع انها قريبه يقدر يصيد بالراحه

بعدها رحنا لمينا اغراضنا استعدادا للانطلاق مبكرا لان الطريق طويل
مشينا الساعه 1 تقريبا وما وصلت مدينتي الا الساعه 8

بس قضيت اجمل ويكند لي بامريكا اجمل ما في المكان انه مقطوع عن العالم .. نت ما فيه شبكة الجوال بالقوه بالقوه تحصل ! يعنني مكان حق استرخاء جميل جدا وهادي والجو بارد بس حلو ورجعت بنفسسيه احلى وبتججربه حلوه .. وكسسبت اصدقاء جدد لاننا ما تعرفنا الا هناك ..

...
...
...


في النهاية .. اعذرونا على القصور والاخطاء .. واتمنى ان التقرير اعجبكم
وهذا اول تقرير لي واتقبل انتقاداتكم وارآئكم وكومنتاتكم ولايكاتكم وتقييمكم وسبسكرايز
ملاحظه : التصوير مجمع من كذا واحد وتم الاستاذن منهم
وفي النهاية .. دمتم في حفظ الله
وهذه لكل من مره هناآ



منقول ... بالسعودي

منئول ... بالمصري

منكول ... بالعراقي