عزالله أني للوصل جيت مشتاق ** شوق الغريب اليا سمع نوح ورقا
جيتك وشوقك مزبن القلب لاضاق ** جيتك غلا وأصفى من الشهد وانقا
جيتك قصيد وحب واحساس واشواق ** جيتك أبي وصلً بالاحساس يرقا
ياهاجسي واللي رفع سبع الاطباق ** واحيا هشيمً من سحابً وبرقا
انك بعيني فوق هامات الآفاق ** مالك شريكً .. لا شمالً وشرقا
حبك بدمي بالشرايين ينساق ** وغلاك ثابت داخلي بكل عرقا
لك في خفوقي دار وصروح واشراق ** وبناظري وصفك على كل طرقا
يوم المفارق طعنةٍ وسط الاعماق ** رمحك زرقته بين الاضلاع زرقا
أثر الصبر لازاد بالصدر مايطاق ** يحرق شرايين المعاليق حرقا
وأثري حصيلة كل مخلص وصّداق ** جزى الوفا .. جرح وتنكّر وفرقا