السلام عليكم اذايكوا
من كام يوم حلمت حلم برغم اني اغلب الوقت او تقريبا معظم الوقت بنسي احلامي الا اني الحلم ده مش عارفه انساه وكل شوايا افتكروا وانا مش بحب تفسير الاحلام والكلام ده بس عايزة اعرف تفسير حلمي ده
في البداية انا مخطوبة
وطالبه في الجامعه
حالتي الدينية متوسطة
درجتي في الاسرة البنت الكبيرة واول مولوده بشكل عام
خطيبي جاري وبنحب بعض من زمان ومخطوبة من سنتين تقريبا وفاضل سنة ونص تقريبا علي الزواج
وقت الحلم بعد الفجر
وللعلم الحلم يمكن يكون غريب شوايا بس ارجو الاهتمام
الحلم حلمت خير اللهم اجعله خيرا اني رحت الجامعه اعرف نتيجة امتحانات الترم وانا هناك عرفت اني شايله مادتين وحصل سوء تفاهم ان ممكن يكون تشابه اسماء واكون ناجحة في كل المواد , المهم فضلت في مماطلات لحد ما اتاكدت اني شلت المادتين يعد كده رحت الشئون علشان اخلص ورق (الفجر اذن وانا بحكي الحلم دلوقتي ) فطلبوا مني كشف طبي وطبعا كان مكتوب في الورق اني انسه وليست متزوجة واثناء الكشف عرفت اني حامل وطلبت ان محدش يعرف بس هما بعتوا جواب لاهلي وعرفوا كنت انا ملحقتش ابلغ خطيبي المهم رحنا شقتي اللي ان شاء اللههتجوز فيها انا وماما وحماتي وخطيبي وفضلت ماما تهزأ فيا وهي وحماتي بيقولولي انا ياما حظرتك انك ما تعمليش حاجة غلط المهم انا سكته ومش برد وعماله اعيط وخطيبي جنبي ساكطت ومستغرب وماسك ايدي انا نفسي مستغربه المهم انا رديت في وسط الكلام وقولتلهم ان في حاجة غلط واني لسه بنت كلهم بصولي باستغراب وفضلوا ساكتين وصحيت من النوم ياريت تردوا عليا ضروري بالله عليكوا لان الحلم ده قالقني جدا ولو حد عايز يفسره وقلقان يبعتلي علي الخاص التفسير وادعولي يكون خير بالله عليكوا
وللعلم اني حلمت قبل كده من فترة كبيرة اني حامل وكنت حاسه الحمل جدااا حتي بعد ما صحيت كنت حاسه اني حامل فعلااا بس طبعا ده من اثير الحلم وده لاني نفسي جداا اتزوج واجيب اطفال
التعديل الأخير تم بواسطة ana S.M ; 02 - 02 - 2013 الساعة 07:46 AM
سبب آخر: نسيت معلومة