25 نقطه في اليوم بس....

بسم الله الرحمن الرحيم

الصراحة يا جماعة انا مش عامل الموضوع ده علشان اقول توصيات و مش اقصد بيه جزب الانتباه لمجرد دخول الموضوع ولكن اللي اقصده بالموضوع ده اننا نناقش بعض في فكرة انا شايفها مهمة جدا جدا جدا جدا

الفكرة دي انا حبيت اطرحها علي الناس لاسباب كتير اهمها طمع الكثير مننا و الرغبة في ربح اكثر من 100 نقطه في اليوم و البعض الاخر لو كسب 49 يقول والله لازم اقفلهم 50 و البعض الاخر لا يكتفي بشيء اسمه 25 نقطه في اليوم او 20 نقطه و الكلام الفارغ ده و صدقوني ده من اهم اسباب الخسارة و اللي معترض علي كلامي يوريني كشف حسابة و هوريه اسباب الخسارة ان هي الطمع
هههههههههههههه

طيب ناس هتقلي هنعمل ايه بال 25 نقطه في اليوم ؟؟؟ هقول الفكرة مش في ال 25 نقطه و لكن الفكرة في السرعة ده اولا و الستوب لوز و ده ثانيا.. كلنا عارفين ان الفوركس سريع و ان 25 نقطه دول ممكن ييجو في دقيقة و ممكن برده يروحوا في دقيقة ولما يكون الستوب مثلا 50 و الهدف 25 متهيالي الصفقة بتبقي سريعة و اقصي تقدير ليها ممكن يكون ساعة او اتنين في الاحوال الطبيعية للسوق ولكن ناس كتير هتقول 25 نقطه قليلة اوي

طيب احنا هنتكلم عن حساب ميكرو بلاش نقول حساب ميني .. لو حساب ميكرو بدا ب 100 دولار و كسب في اليوم الواحد 2.5 دولار اللي هم ال 25 نقطه معني كده ان الحساب ده في 10 ايام هيكسب 25% من راس المال يعني في 40 يوم عمل هسكب 100% و هيبقي الحساب 200 دولار و لما هيزود عدد العقود ل عقدين في اليوم بنفس الربح 25 نقطه هيكون بعد 40 يوم اخري الحساب هيكون 600 و هيزود عقد كمان هيبقي الحساب 900 و هيزد عقد كمان هيبقي الحساب 1300 دولار بعد 160 يوم عمل الربح وصل 1200 دولار من حساب ميكرو فقط ب 25 نقطه في اليوم

طبعا لو الحساب ميني بدا ب 1000 دولار الحساب بعد 160 يوم هيبقي 12000 دولار

و بلاش نقول لو الحساب استاندرد ...

و كل الناس هتقلي و مين قالك ان الصفقة كل يوم هتكسب ؟؟؟ هقله يا سيدي بلاش كل يوم هنقول ان الحساب مش هيوصل كده في 160 يوم هقلك لا... الحساب هيوصل كده في سنة طبعا هسمع دلوقتي من ناس بتقلي يعني احنا في سنة كاملة نكسب بس 1200 دولار ؟؟؟ هقلك لا انت في سنة كاملة حققت 1200% مكسب في الفوركس و كله حسب راس ماله ...

كام واحد لحد دلوقتي اشتغل فوركس 5 سنين و محققش حاجه خالص؟؟؟ كام واحد اعد يفتح حساب و يخسره و يفتح غيره و يخسره و يستلف و يفتح و يخسر و يفتح تاني و يخسر ؟؟؟

كام واحد السنة اللي بتكلم عليها دي عدت عليه من غير ميكسب ولا نقه بالعكس خسر؟؟

يبقي ايه افضل؟؟؟ مكسب1200% من راس المال في سنة؟؟؟ولا عدم مكسبك اي شيء في سنة؟؟؟ولا خسارة كبيرة خلال السنة؟؟؟

متهيالي الجواب معروف ان اكيد 1200% فضل كبير من عند ربنا و لازم نعترف ب ده

هتقولولي طب و منين نجيب ال 25 نقطه دول؟؟؟هقلك اتعلم و اشتغل علي فريمات صغيرة او حتي علي فريمات كبيرة بس الاهم تتعلم و بلاش طمع

او عندك استراتيجيات الهاي و اللو

او عندك الاسكالبينج

او عندك الاخبار اشتغل عليها لو عندك خبرتها

او عندك كسر الترندات و الدعوم و المقاومات

كل الحاجات دي لو اتعلمتها ان شاء الله تجيب 25 نقطه في اليوم و صدقوني سهل نجبها و شوفو كام صفقة بتدخلوها بتوصل لربح 50 و من الطمع بتتقفل علي خسارة تخيلوا لو كنتوا كسبتوا كل الصفقات اللي طمعتوا فيها كان حساب كل واحد باه كام دلوقتي

بلاش نندم علي اللي فات

و عاهدوا نفسكوا بلاش طمع تاني و لو واحد حسابه خسر كتييييير اوعي تطمع و تقول انا عايز اعوض الخسارة بسرعه لانك مش هتعوضها بسرعة و لكن اصبر و اصبر و اصبر و هتعوض كل شيء من تاني و احسن كمان

بلاش تطمع و توكل علي الله و صدقوني 25 نقطه هيفرقوا معاكوا كتير لانهم فرقوا معايا انا كتير جدا

اسف علي الاطالة و لكن حبيت افيد جميع اخواني و اساتذتي في هذا المنتدي الجميل

بالتوفيق للجميع

التوقيع

اسكالبينج سوينج

كلامك مظبوط 100%

التوقيع

كلام مظبوط و لا نقاش عليه

التوقيع

ورشة التحليل الفنى

http://forum.borsaat.com/t334218.html

كلام محترم من انسان محترم
لكن احمد حبيبى المشكلة انك لما يكون هدفك صغير تكون مضطر تخلى الاستوب اكبر من الهدف
انتة نفسك اعطيت مثال للهدف 25
والاستوب 50
وهى دى مشكلة كل الاستراتيجيات الى اجتهد الاخوة فى وضعها للهاى واللو وما شابة

الهدف صغير والاستوب بعيد...اذن احتمالات ضرب الهدف كبيرررة
كلام جميل لكن غير عملى
لانة ضربة استوب واحدة تضيع صفقتين اثنين ربح
بمعنى انة اذا انت تربح ضعف عدد المرات الى تخسر يبقى ولا كانك عملت شىء
شوف لها حل ونتناقش فية يا جميل

التوقيع

خمس يطمسن خمس
الزور يطمس الحق
و المال يطمس العيوب
و التقوى تطمس هوى النفس
و المن يطمس الصدقة
و الحاجة تطمس المبادئ

متفق معاك فى كل الى قلتة
الحمد الله انا بدرب نفسى من فترة على الدخول من مناطق قوية اخد بيهم من 25 ال 30 فقط
والحمد الله ماشية كويس اوى
بس بصراحة بدرب برضوى على ادارة رأس مال خطرة
ويمكن دة هو الى مخلى الموضوع النقاط القليلة كويس
هذة ليست دعوة لادارة راس مال خطر
انا بدرب عليها من فترة كبيرة
وفقك الله لما فية الخير اخى احمد

شكرا جميعا و اتمني اعرف رايكم في افكار نحصل منها علي 25 نقطه اامنة لدرجة كبيرة حتي يكون افكارنا بناءة و نقدر نستفيد من الموضوع

التوقيع

اسكالبينج سوينج

اولا منور الموضوع يا اخي الفاضل

ولكن احب اقلك رايي و نتناقش فيه مع بعض

بالنظر لجميع الاستراتيجيات الموجودة هنا في المنتدي حتي يكون مثال حي امامنا معظم الصفقات و ليس الجميع يكون الستوب اكثر من الهدف و قليل ما نجد الستوب مثلا الهدف و نادرا او حتي الان لم اجد ستوب اقل من الهدف و الاعتماد يكون علي نسبة نجاح الاستراتيجية و الحمد لله ان معظم الاستراتييجات التي تعتمد علي عدد نقاط قليل نسبة نجاحها تتعدي 90% و البعض منها يتعدي ال 95% و هناك العديد منهم و طبعا النسبة دي كويسة جدا

اي استراتيجية حتي لو كان الستوب اقل من الهدف و لكن نسبة نجاحها اقل من 70% تعتبر فاشلة و ده رايي الشخصي لان معني نسبة الخسارة 30% انك ممكن لو اشتغلت كل يوم صفقة لمدة 100 يوم ممكن تفضل تخسر 30 يوم متواصل لو هنتكلم عمليا و بالمنطق اه ممكن تحصل تخسر 30 يوم متواصل و لو كل صفقة خسارة 50 نقطه يعني 1500 نقطه متواصل و ايضا السبريد لم نتكلم عنه متهيالي استحالة تصبر الخسارة دي كلها رغم ان ممكن الهدف يبقي 100 نقطه بس نسبة النجاح كام 70% و دي بعتبرها نسبة لا تعتمد عليها

يبقي احنا بنتكلم عن فكرة او استراتيجية تحقق 25 نقطه في اليوم و نسبة نجاحها لا تقل عن 90% و يا سلام لو 95% متهيالي او عندي ثقة كبيرة ان 25 نقطه بنسبة 95% صدقوني سهلة بس بالالتزام

و فيه افكار كتير في دماغي و منتظر اسمع افكاركم و ان شاء الله نوصل لافكار كثيرة ممكن نعتمد عليها جميعا و يبقي الموضوع بداية لطريق 1000% ربح خلال سنة و صدقوني ممكن نوصلها جميعا مع بعض

التوقيع

اسكالبينج سوينج

الله معاك و حاول زي مانا بقلك تشتغل بمبدا المضاعفة بمعني انك كل فترة علي نفس الاستراتيجية زود عدد العقود بما يتوافق مع حجم راس المال الجديد و هكذا حتي تصل الي مبلغ ثابت محترم تكسبه كل شهر تقوم بسحبه و هكذا و بذلك يبقي ليك دخل ثابت شهريا باستراتيجية ثابته و عدد نقاط ثابت

بالتوفيق ان شاء الله يا غالي و منتظرين الافكار الجديدة من الجميع

التوقيع

اسكالبينج سوينج