محتاج مشورتكم ورأيكم بكل أمانة وصدق

hemaya

عضو نشيط جدا

تاريخ التسجيل: Jun 2009

المشاركات: 907

معدل تقييم المستوى: 15

01 - 11 - 2013, 11:27 AM

محتاج مشورتكم ورأيكم بكل أمانة وصدق

السلام عليكم ورحمة الله وبركاته
جمعة مباركة عليكم جميعا
أنا دخلت السوق من 4 سنوات تقريبا وتقاذفتني امواجه بين المؤشرات والحبشتكنات كلها وبين الطريقة الخارقة والطريقة المارقة وبين رحلة المليون من دولار ونص .. المهم يعني لفيت ولفيت زي اغلبكم
الحمد لله لي حساب حقيقي منذ بدأت ولم اخسره ولكن كنت بخسر وبكسب ولأنه حساب بالنسبة لي تجريبي بمبلغ قليل 1000 دولار فكنت بحاول اتعلم عليه
المهم صدعتكو انا عارف بس معلش استحملوني
في النهاية وصلت لقناعة زي معظمكم ان معظم المؤشرات غير صالحة والحل ابسط وابسط ومش حل سحري لأن الفوركس ملوش كبير ابدااا ولا عزيز ..
ولأني اصلا مبرمج ومن ايام الدوس وكويك بيسك وبورلاند سي .. اتجهت من البداية للاكسبرتات وبرمجت مئات او الاف الاكسبرتات هههههههه وتقريبا معظمها كان بيفشل ..
من حوالي عام تقريبا وبعد جهد ومتابعة الكلمات التي بين السطور لبعض الخبراء في الفوركس الحمد لله عملت اكسبرت ناجح الي حد بعيد .. وبيتماشي مع السوق .. ودرجة الأمان فيه عالية والمخاطرة قليلة جدا ..
-انا طبعا عمال ارغي وارغي بس محلش انا بفضفض معاكو لأن بقالي 4 شهور مبتكلمش مع حد وعايش في شقة 4 غرف لوحدي فاكيد اتجننت رسمي - المهم من حوالي عام وانا شغال بالاكسبرت ديمو وشغال الحمد لله - تمام التمام وبيجيب ارباح تقريبا 35%: 40 % شهريا طبعا عارف معظم خبراء المنتدي هيقولوا ان النسب دي صعب تكون موجودة .. صحيح صعب بس مش مستحيل .. من حوالي 6 اشهر تركت عملي مع اني اعمل خارج بلدي مصر لكن لانشغالي بالاكسبرت والفوركس عموما قررت ترك الوظيفة والجلوس عاطلا علي رأي اصحابي لكني لست عاطلا انا شغال في الفوركس .... المهم شغلت الاكسبرت علي الحقيقي بس قللت المخاطرة جداا واصبح الربح تقريبا 20% لكن للأسف الالتزامات والايجار والدنيا اللي مبترحمش مش اقدر اعيش من 20% من مبلغ 2000 او 3000 دولار طبعا واحد ناصح هيقولي طب يا عم الأمور سيب الاكسبرت شغال واصبر عليه من غير سحب الربح لمدة سنة ارد عليه واقوله ما انا قولتلك الدنيا مبترحمش يعني مش هتقدر تستحمل سنة بدون دخل .. واحد تاني هيقولي دور علي شغل وسيب الاكسبرت شغال .. حضرتك انا من النوع اللي بيحب يركز في الحاجة ومعرفش افكر في حاجتين يعني لو اشتغلت دماغي مش هتكون في الشغل هتكون في الفوركس من الاخر يعني
المهم جاتني فكرة اعرض الاكسبرت للبيع مرة واحدة ب 10 الاف دولار او حتي بنسبة من الارباح بس اولاد ال... مخلوش لأولاد الحلال حاجة .. معظم الناس فكرتها اني جاي انصب عليهم طبعا معذورين لأن ناس كتير بتعمل كده وكمان معظم الناس عندها اعتقاد او يقين ان الاكسبرتات عموما فاشلة ولو نجح السنة دي هيفشل السنة الجاية هههه كده يعني .. فاستبعدت حكاية البيع دي عشان مش ناقص وجع دماغ
دي الوقتي امامي حل واحد وعايز رأيكم بكل أمانة واللي عنده حلول تانية ياريت ما يبخل علي لأني في أشد الحاجة لرأيكم ومشورتكم
الحل اني اطلع فيزا من البنك وازود المبلغ وليكن 5000 واسدده جزء شهريا طبعا مع فائدة للفيزا ..
ده الحل اللي امامي
ياريت اللي عنده حلول يقولها او يقولي رأيه ..

ربنا يكرمكم

ابن هجران

عضو فـعّـال

تاريخ التسجيل: Sep 2010

المشاركات: 1,217

معدل تقييم المستوى: 15

رد: محتاج مشورتكم ورأيكم بكل أمانة وصدق

01 - 11 - 2013, 11:40 AM

المبلغ المستثمر لايعطيك الحق في التفرغ للفوركس كونه ضعيف جدا وارى ان تعود لعملك وتجعل الفوركس عملا اضافيا لانه يادوب يغطي مصروفاتك بحسب كلامك وحابسك عن الناس والعالم وصحتك بالشكل هذا ستتدهور شيئا فشيئا ... والدين من اجل استثمارات عالية المخاطرة اكبر خطأ يرتكبه الانسان بالتوفيق يارب

hemaya and عمر حلاق like this.

QLiNi SIGNALS

عضو نشيط

تاريخ التسجيل: May 2013

الدولة: الإسكندرية

المشاركات: 322

خبرة السوق: أكثر من 5 سنوات

معدل تقييم المستوى: 11

رد: محتاج مشورتكم ورأيكم بكل أمانة وصدق

01 - 11 - 2013, 12:35 PM

نصيحة واحدة لا تقترض من اجل الفوركس

Elmahi, hemaya, عمر حلاق and 1 others like this.

Samuel-FX

عضو نشيط جدا

تاريخ التسجيل: Jul 2012

المشاركات: 584

معدل تقييم المستوى: 12

رد: محتاج مشورتكم ورأيكم بكل أمانة وصدق

01 - 11 - 2013, 12:48 PM

صدقني في ناس بتتفرغ للفوركس خالص وشغل اساسي بس المبلغ لازم يبقي كبير مثلا مش اقل من 5000 دولار كبدايه بس الي بيعمل كده بيبقي يا مشغل الفلوس في حاجه تانيه كمان او شايل فلوس علي جنب علشان الفوركس ملهوش امان بجد البورصات كلها معتمده علي توقعات فقط
انا حاسس بيك وعارف انك فضلت الفوركس علشان حجات كتير اهمها مفيش مدير انت مدير نفسك و الحريه
بس خلي بالك من كل خطوه انت هتعملها وادرسها جيد جداااااااا
بالتوفيق .. تحياتي لك

hemaya likes this.