احبائى و اعزائى
قرأت للتو موضوع اخونا احمد ( سكالبينج سوينج )
و قبل ما افتح الموضوع كنت لا ادرى ماذا سأقرأ و ماذا يقصد ؟؟!!!
فقد جمع المتناقضين فى بوتقه واحده ... ازاى ؟؟؟ .... لم أكن ادرى !!!
و بعد تبحرى فى المشاركات الرائعه و كيفية استغلال عامل الاخبار و تأثيرها على اسعار العملات
و كيفيه استغلال حالة الهرج و المرج السعرى كما حدث اليوم للخروج بربح هائل او على الاقل
ربح طيب ..............
و هذا ذكرنى برد لى على احد موضوعات اخونا النجف أطال الله عمره
موضوع (سياسة المارجن فى شركة FXDD و كيف تستفيد منه و تعمل فلوس جامده )
.................................................. .................................................. ...........
و اسمحول لى ان انسخ ردى على استاذنا النجف هنا للمناقشة بمناسبة الافكار التى تم عرضها امس
.................................................. ....
اخى النجف
بارك الله فيك
مجهود رائع و شرح بإسهاب لعل الاخوه و الزملاء الافاضل يستفيدوا منه
لاسيما بعد شكوى البعض بإغلاق صفقات و ما شابه بينما الامر لا يعدو عن كونه مارجن كول يصيب المتاجر منا اذا ما أخل بقواعد ادارة رأس المال .. و كنا قد شرحنا ذلك الامر فى حينه و أوضحناه جليا لأحد الزملاء ممن
إلتبس عليهم الامر فى حينها ..... و شاركتك توضيح الامر وقتها ....
و نظرا ً و كما يعلم الجميع اننى افخر بأننى من المتعاملين مع FXDD و مع طاقمها العربى
بل و اقنعنا أ / شريف خورشيد بها وقت ان كان يدرس لنا ... و الرجل له باع طويل فى الفوركس
و قادر على التمييز و الاختيار ... و وافقنا رأينا بعد مناقشات .... و نقل حساباته لها
مما ساهم فى ترسيخ وجهة نظرنا عن FXDD
و التى اعلنت اننى اعتز بالتعامل مع طاقمها العربى من مصر و المغرب و العراق و الكويت بغض النظر عن اعتراضات بعض الزملاء و لهم منا كل إجلال و احترام ....و اى خلاف لا يمكن ان يفسد للود قضيه
المهم اخى الكريم انك اليوم و بعد عرضك الرائع لاحتساب المارجن
اسمح لى ان اقول لك ......... انت معلم ............
حقيقى ........
فكرتَ و عرضتَ ما جربناه بالفعل على ديمو
و يمكن انت عمرك اطول من عمرى
و الله من كام يوم و انا عايز اعرضها بعنوان
( حاول تجربها و انت تشوف )
و هى فكرة عملاقه وقت الاخبار و نستفيد منها من طريقة حساب
FXDD للمارجن
و هى زى ما حضرتك قلت بالضبط
..............
و قبل عرضها او تكرار عرضها بعد كلامك الجميل ده
نؤكد على انه لو حسابك به مثلا 1000 دولار و هتدخل فى عقد او صفقه فلا ينبغى الدخول بأكثر
من 10% كهامش يعنى ( 0.1 فى الميتاتريدر) يعنى 100 دولار
و لكن وجدنا و كما قال اخونا النجف .... ان الهامش الذى يتم حجزه لا يكون 100 دولار بل
70 دولار فقط تقريباً.... كما هو موضح فى هذا الموضوع ( كيف جاءت ال 70 دولار.. شرحها لنا اخونا النجف )
المهم ان ما يتم حجزه 70% تقريبا مما تنوى الدخول به !!!!!!!!!!!!!
و من هنا جاءت الفكرة العبقريه و التى تفتق بها ذهن احد الزملاء معنا
و التى سبقنى و باح بها اخونا النجف مما يدل على عبقريته و معلمته هو الاخر
و حسن استغلاله لما هو متاح امامه . طبعا بالصح
المهم ....
احنا لو تجاوزنا فى الهامش المستخدم بنسب عاليه قد يعرضنا ذلك لخسارة عاليه
لو لف السوق عكس اتجاهنا .... لا سيما لو مفيش استوب لوس .......
طيب لو دخلنا بال 1000 دولار كامله سيكون الهامش المستخدم حينها 700 دولار تقريباً
بينما ال 300 الاخرى free ... لو السوق عكس 30 نقطه تبقى راحت
لأنها ستكون هى بمثابة الهامش المتاح بغض النظر عن الاسبريد طبعا هيخصم منها ...
فهدانا تفكيرنا ....... ليه اخلى الهامش المتاح 300 دولار ؟؟؟؟!!!!!!
طيب ما ندخل الصفقه ب 1300 دولار يعنى بأكتر من رصيدى اصلا ....
و ساعتها هيكون الهامش المحجوز 910 دولار فقط تقريباً و حينها سيتبقى الهامش المتاح 90 دولار
و التى ستكون اقصى خسارة هنخسرها لو السعر عكس معانا بخلاف الاسبريد ........
بينما لو حركة السعر وافقت تحليلك و جابت 100 نقطه يبقى مكسب 1300 دولار تقريبا ..........
يعنى العمليه شوية إعمال فكر ....... و ستكون هناك ابواب للربح ....
و عشان كده قلنا افضل وقت لها وقت الاخبار فبعد اعلان الاخبار لا سيما الهامه منها
نجد الشموع الطويله سريعة الحركه ...... يعنى 50 نقطه او 100 او 150 فى ثوانى و لا دقائق
ستجد معها ربح هائل ....
هتقول
ممكن بدل ما نكسب المكسب الهائل نخسر ال 90 دولار !!!!!
هاقولك مش مشكله لسه حسابك بخيره نكررها مرة و اتنين و تلاته ... مش ممكن تخلف معاك فى كل المرات ..... ما هو انت لازم اصلا تكون محلل الخبر صح و عارف تأثيره ايه و عارف تدخل بيع و لا شراء ...يعنى مش داخل
فى اى اتجاه و خلاص .......
الخلاصه
انت هنا بتلعب على حتة انك بتخلى الهامش المتاح ( اقصى خسارة ممكن ان تخسرها مع المارجن كول ) صغير علشان حتى لو ضرب مارجن يبقى قليل
..........................
أقولك اخى الكريم على طريقه تانيه ..... المفروض اننا ما نخسرش فيها ( او بنسبه كبيره كسبان كسبان ) وقت الخبر الهاااااااام
................
صلى على سيدنا رسول الله
................
بنفس فكرة اخونا النجف و بإفتراض ان معانا 1000 دولار
هاجى قبل الخبر بدقيقه و اعمل امر sell limit ب 1300 دولار تحت السعر الحالى بكام نقطه
و امر buy limit ب 1300 دولار ايضا فوق السعر الحالى بكام نقطه
و حين يتحرك السعر مسرعاً من تأثير الخبر الى اى اتجاه صاعد ام هابط سيتم تفعيل احد الامرين
و طبعا نكون محددين take profit مناسب ... و نلغى الامر المعلق الاخر او لا نلغيه مش مهم
...............
و البعض قد يقول انه ممكن يتفعل امر و بدل ما يطلع للهدف ينزل و يضرب لك مارجن كول
يعنى و يفعل الامر التانى و يعمل العكس فيضرب كمان مارجن كول يعنى خساره مزدوجه
................ لا اخى الفاضل
لو ضرب لك مارجن كول الامر الاول اعتقد سيدى الكريم انه لن يتم تفعيل الامر الثانى
لأنه ببساطه ستأتيك رساله ( ليس لديك رصيد يكفى ) لأن ال 90دولار الخساره و عليها اسبريد الامر الاول ستجعل رصيدك اقل من ال 910دولار ( ال 70% المطلوبه لاتمام الامر الثانى )
..................
و بالتالى عملت كماشه للسعر
راح لفوق راح لتحت وراه وراه
و هنا بنعطى فرصه للمكسب اكتر من فرصه اخونا النجف الذى دخل فى اتجاه واحد
لأنه راجل هيحلل و يختار الاتجاه المفروض يوصله للهدف
................
و لكننا هنا سنذهب مع السعر اينما سار لنحقق هدفنا ان شاء الله
فهناك فرصتين للربح و واحده للخسارة
بينما بفكرة اخونا النجف توجد فرصه للربح و فرصه للخسارة
و فى الحالتين احنا محجمين اقصى خسارة ب 90 دولار
و ممكن تقللها ان شئت بأنك تكبر المبلغ الذى ستدخل به
,............
عموما كلها افكار
بس اللى يطبق و اللى يعرف يستفيد منها
بارك الله فيك اخى النجف
و فى انتظار المزيد من التفاعل من اجل الجميع بمشيئة الله تعالى
التوقيع
الحبُ وَحَدَنا فصرنا نبضةً
يمشى بها عبرَ الحياةِ كلانا
........
حبيبى تنظرهُ عينى و هو فى سوادها
و يشتاقهُ قلبى و هو بين
أضلعى
التعديل الأخير تم بواسطة samy ; 08 - 08 - 2009 الساعة 03:39 AM