الزجزاج وأستخدامه فى تحديد الدعم والمقاومة وطريقة المتاجرة به
طريقة مبسطة لتحديد الدعم والمقاومة ... ( ودعوة للخبراء ) للنظر فى هذا المؤشر جيدا وكيفية الاستفادة منه ..
اولا : ساقوم بعرض طريقة العمل به وبالصراحة انا قرايتها من زمان ومش فاكر اسم صاحبها وده للامانه
ثانيا : سأضع بعض الملاحظات والجديرة بالنظر والتدقيق فيها من قبل الخبراء وذلك لمعرفة مدى الاستفادة من هذا المؤشر وكيفة استخدامه الاستخدام الامثل ( وده اذا ثبت جودته ) واللى اعتقد انها ممكن تكون طريقة للمتاجرة بس يكون ليها بعض الضوابط والشروط والادوات المساعدة الاخرى ( ودعوة مرة اخرى للخبراء )
نخش فى الموضوع على طول
اولا : طريقة العمل به
1-
شارت الاربع ساعات
2-
من قائمة المؤشرات نختار الزجزاج
3-
يتم توصيل اخر قمتين بخط واحد , وكذلك أخر قاعين
بما اننا فى اول الاسبوع هاشتغل على الشارت اللى قدامى وهو ل ( EUR / GBP )
يعنى نفتح شارت 4 ساعات وننزل الزجزاج , هاينتج خط متعرج , الخط ده هايكون متصل بين القمم والقيعان
نحدد اخر قمتين ونوصلهم بخط واحد
ونحدد اخر قاعين نوصلهم بخط واحد
هاينتج عندنا مدى ( المدى ده يكون بقى يتسع , او يضيق ) المهم ان السعر داخله الان
بمعنى انا القم والقيعان دى بتبقى غالبا نقاط دعم ومقاومة مهمة ونشوف الشارت [عذراً, فقط الأعضاء يمكنهم مشاهدة الروابط ][عذراً, فقط الأعضاء يمكنهم مشاهدة الروابط ]
ثانيا : الملاحظات اللى قلت عليها
نشوف كده مع خطوط فبيوناتشى بعد رسمها على شارت الاربع ساعات وعايز رايكم [عذراً, فقط الأعضاء يمكنهم مشاهدة الروابط ]
لمفاجاة بقى ان السعر اذا اخترق احد الخطين اللى قلت عليهم ( بين اخرقمتين واخرقاعين ) بيروح بعيد شوية وغالبا بتبقى فرصة للدخول سواء شراء او بيع
طيب عشان تكتمل الصورة هوريكم شوية شارتات
ده اول واحد للوضع الحالى وطبعا السعر لسه جواه وادينا منتظرين ,( يا أما يخترق يا أما هانعيد رسم الخطوط بعد تكوين قمم وقيعان جديدة ) [عذراً, فقط الأعضاء يمكنهم مشاهدة الروابط ] طيب انا رجعت بالخطوط للخلف قمة واحدة بس وقاع واحد ( يعنى رحلتهم قمة وقاع , اللى كانوا فى وقت ما اخر قمتين وواخر قاعين
بس نشوف عمل ايه معاهم وازاى لما اخترق عند السهم الاحمر كان ممكن يعمل مكسب نقاط قد ايه
ملحوظ : طبعا الشمعة الطويلة دى اريع شمعات على فريم الساعة يعنى كان ممكن لما يحصل اختراق على الاربع ساعات نروح على الساعة ونستنى تاكيده بشمعة وندخل وكنا ممكن نلحقه
[عذراً, فقط الأعضاء يمكنهم مشاهدة الروابط ]
طيب نرجع كمان قمة وكمان قاع ونرسم الخطين بتوعنا برده اخترق بس ده مش عاجبنى بصراحة ( اكيد مافيش طريقة كاملة او مؤشر كامل ) بس انا حطيتها عشان انقل الصورة بالكامل وللامانة طبعا [عذراً, فقط الأعضاء يمكنهم مشاهدة الروابط ]
طيب نرجع كمان قمة وقاع ونرسم احلى خطين
ونشوف ازاى عملوا احلى مثلث فى الدنيا وكمان احلى اختراق ممكن نشوفه باحلى اهداف ممكن تطلع
ودى على فكره كانت فرصة للى ملحقش الفرصة اللى قبليها على طول واللى هاتشوفوها فى الشارت الجاى [عذراً, فقط الأعضاء يمكنهم مشاهدة الروابط ]
مش هارجعكوا تانى دى اخر مرة ارجعكوا فيها ونشوف الاختراق اللى حصل واللى تقريبا كان نفس اختراق الشارت السابق ( احلى مثلث ) واللى كان فيها المثلث فرصة معادة فى نفس المكان [عذراً, فقط الأعضاء يمكنهم مشاهدة الروابط ]ى النهاية يارب اكون وصلت معلومة مفيدة او وجهة نظر ممكن نفكر فيها سوا ونشوف ممكن توصلنا لنتيجة كويسة ولا مافيهاش خير , وطبعا زى ماحنا عارفين مافيش مؤشر بيصدق على طول الخط ولا يمكن الاعتماد عليه لوحده , عشان كده ......
مرة اخرة دعوة للخبراء عايزين اراءكم
الزجزاج وأستخدامه فى تحديد الدعم والمقاومة وطريقة المتاجرة به
المواضيع المتشابهه 
