مطلوب مؤشر معدل للزجزاج

السلام عليكم

ابحث عن مؤشر يقوم بالتالى
شرح المؤشر ببساطة هو نفس مؤشر الزجزاج بنفس المدخلات الطبيعية ولكن المؤشر
يقوم برسم خطوط افقية باللون الاحمر عند (جميع) نقاط قمم مؤشر الزجزاج على فريم الشارت و رسم خطوط افقية باللون الازرق عند(جميع) قيعان مؤشر الزجزاج بدون ظهور مؤشر الزجزاج

انا كنت لقيت مؤشر اسمه Velocity waves بيرسم مستطيل من يداية القاع للقمة بس لفترة معينة بس مش لكل الشارت انا عملت تعديل للمؤشر ده علشان يرسم بدل المستطيل الخط الافقى بالطريقة اللى انا عاوزها بس طبعا زى ماقلت المؤشر ده بيرسم لجزء معين بس من الشارت مش كل الشارت وده ينفع للفريمات الصغيرة زى النص ساعة و ربع ساعة
لكن اليوم و 4 ساعات بيبقى فيه قمم او قيعان قديمة و بتمثل نقط مهمة بيرتد منها السعر بس هو مش بيكون واصل للقمم دى

والموضوع بياخد منى وقت جامد انى ارسم الخطوط دى بايدى بالذات على الفريمات الصغيرة الشهرى و الاسبوعى امرهم بسيط

فرصة فعلية اليوم على الفريمات الصغيرة 30 دقيقة توضح كيف يمكن التعامل مع المؤشر بصفقات سريعة

EURUSDM30.JPG

واضح فى الصورة مؤشر الزجزاج بخطوط متقطعة
قام المؤشر برسم خط افقى احمر عند قمة سابقة موضحة بسهم فوق القمة
وتم ملاحظة ارتداد السعر من نفس الخط الافقى مرة سابقة للقمة و كنها ليست قمة زجزاج وده ادى اشارة ان الخط الافقى ده مقاومة قوية على فريم ال 30 دقيقة

تم دخول صفقتين مع اقتراب السعر من النقطة مرة و اخرى واغلاق شمعة ال 30 دقيقة بشمعة هامر مقلوبة مع استوب 10 نقاط فوق الخط الافقى وهدف الصفقة الاولى عند الخط الافقى الازرق لاقري دعم والصفقة الثانية هدف مفتوح لمتابعة السعر عند الخط الافقى الازرق
تم الوصول للهدف فى الصفقة الاولى و نقل استوب الصفقة الثانية على الدخول فى انتظار اغلاق شمعة ال 30 دقيقة لو اسفل الخط الازرق بعدد كافى من النقاط يحرك الاستوب فوق الخط الازرق ب 10 نقاط و متابعة المكسب

فى امثلة تانى كتير على فريمات الكبيرة الموضوع بيساعد جدا فى تحديد نقاط قوية لدخول الصفقات و تحديد اتجاه العمله و تاكيد تحول نقاط دعم لمقاومة و العكس
وده بيبقى ضعب معرفته عن طريق الزجزاج لوحده بالعين كده الخط الافقى بيوضح اكتر و تقدر ترجع بالشارت لفترات بعيدة و تشوف الخط ده تاثيره كان عامل ازاى

المؤشر فى حالة وجوده مع فهم لسلوك السعر و بعض المفاهيم الاساسية يعتبر لوحده استراتيجية

هنا فرصة لايف على فريم 4 ساعات الدولار ين
ومنها توضيح ان المؤشر المطلوب يوضح اكتر من الزجزاج لوحده

هنا الصورة الاولى لمؤشر الزجزاج لوحده واضح ان السعر فى منطقة كويسة بس محتاج تدقيق قوى و دقة ملاحظة
USDJPY_NOIND.JPG

هنا الصوؤة التانية مع المؤشر
طبعا السعر وصل عند نقطة عندها خطين واحد احمر وواحد ازرق
معنى كده ان الخط ده كان مقاومة و بقى دعم
وتم وضع دوائر على سلوك السعر عند الخطين دول و لقينا السعر بيرتد منهم قوى جدا
USDJPY_IND.JPG

طبعا تم قتح صفقة شراء بامر معلق فوق الخط الازرق ب 10 نقاط و تفعلت و الحمد الله الصفقة ماشية كويس لحد دلوقتى
حاجة تانية الشارت بيوضحها مع المؤشر
الشعر ماشى فى منطقة بين الدعم اللى اشترينا منه عند 118.90 اللى ارتد منها مرتين و المقاومة 120.70 اللى ارتد منها 3 مرات ودى هتبقى هدفنا وكسرها هيودينا 121.80 المقاومة التالية و هكذا

لكن كسر نقطة دخولنا هيخلينا نستنى اعادة اختبار 118.90 وتثبت انها تحولت لمقاومة علشان نستهدف 117.30 الدعم التالى

ده مش تحليل شخصى فانا لست بصاحب خبرة
دى مجرد قراءة للشارت فى حالة تطبيق المؤشر المطلوب الشارت تحس كده انه بيكلمك من غير ما ترسم معاه اى حاجة او تستخدم مؤشر تانى
انا اللى بعمله دلوقتى انى برسم كل ده بايدى وده بياخد وقت طويل لرسم اكتر من عملة لاكتر من فترة زمنية كل ده هيوفره المؤشر

انا خلاص قدرت اعدل مؤشر واشتغل بيه بنسبة كبيرة زى المؤشر اللى انا كنت عاوزه
بالنسبة لفرصة الين اللى قريناها من على الشارت 118.90 تم كسرها و تم تاكيد الكسر باعادة الاختبار و النهاردة الصبح السعر وصل ل 117.30 اللى شاارت كان محددها نقطة دعم تالية بعد 118.90

انا هرفع كام شارت كده دخلت بيهم فرص على التجريبى باستخدام المؤشر على فريمات مختلفة
علشان لو حد شايف انها استرتيجية كويسة ممكن يستخدمها او يدعم بيها استراتيجيته

شكرا ليكم

السلام عليكم اخى الكريم
وشكرا على المتابعه فى الموضوع
متابع معك ان شاء الله
تحياتى لك

النيوزلاندى
تم تحديد الفرصة من على فريم اليومى و الدخول من فريم الساعة
المؤشر من رسم خطوط من قمم و قيعان الزجزاج مع اضافة الزجزاج بيخلى الرؤية للشارت اوضح بكتير فى حالة وجود الزجزاج لوحده

NZDUSD_Daily.JPG

NZDUSD_H1.JPG

شكرا لمتابعتك ا/ سمير

نيوزلندى كندى فريم 15 دقيقة

NZDCAD_M15.JPG

الباوند دولار فريم الساعة و ضرب استوب
اكيد مش كله مكسب يعنى

GBPUSDH1.JPG

طبعا الفكرة من المؤشر مش انه يقولك ادخل من هنا و اخرج من هنا
المؤشر هو فقط فقط فقط مساعد قوى لتحديد قمم و قيعان و مقاومة و دعم ثابت و متحرك
يتطلب معرفة جيدة بسلوك السعر و انماط الشموع
وكلنا بنجتهد وانشاء الله نوصل لطريقة مناسبة