حد البنك أتصل بيه يسأل التحويل بتاع ايه ( مصر )

كما بالعنوان أعزائي النهاردة الصبح لقيت البنك بيتصل بيا بيسأل عن
بياناتى الشخصية
التحويل اللى جايلي بتاع ايه
ايه علاقتى بالشخص المحول

والاهم من ده كله ان الفلوس ما نزلتش في حسابي وسألته قالى أدارة التحويلات عايزة تعرف الفلوس دي بتاعة ايه

حد عنده فكرة فاللي حصل ده لأن دى اول مرة تحصل والمفروض اعمل ايه
اروح الفرع الصبح ولا ايه !!!!!!!!!!!

شكرا لكم

انا محصلش معايا قبل كده بس موقف غريب حضرتك لو محول اكتر من 10 الاف دولار ممكن يكون ده السبب عشان البنك المركزى حاطط تعليمات بالتحقيق فى اى تحويلات اكبر من 10 الاف دولار للمره

شكرا لحضرتك بالفعل موقف غريب وانا اول مرة يحصل معايا حاجه زى دى خصوصا والميلغ اقل من 10 الاف عشان اتفادى الموضوع ده
شئ غريب
ربنا يستر

اكتب بالحواله شراء اسهم

التحويل جايلي من شركة الفوركس ليا أزاى اكتب في كده
أعتقد حضرتك تقصد التحويل لخارج مصر

اها اعتقدت انك ستحول للخارج فعلا اول مره اسمع ان بنك يسال عن الفلوس الى جايه من بره طيب انت عندك حساب بالبنك ام انها حواله بنكيه

ولا يهمك يا باشا حصل خير
اه عندى حساب واستقبلت عليه تحويلات كتير قبل كده بس دى اول مرة تحصل معايا

شوف حبيبى لازم تروح وتشوف بالاول ايه المشكله تحديدا ولو كانت عن مصدر النقود تقلهم ان دى فلوس من بيع اسهم بالخارج وخلى عندك ثقه ولا تكن كالمتهم الذى يدافع عن نفسه
وراح يعدى الموضوع على خير ان شاء الله

ان شاء الله هاروح اشوف القصة الصبح
شكرا لوقتك

اقتباس:

المشاركة الأصلية كتبت بواسطة Mohamed_2014_Mo

كما بالعنوان أعزائي النهاردة الصبح لقيت البنك بيتصل بيا بيسأل عن
بياناتى الشخصية
التحويل اللى جايلي بتاع ايه
ايه علاقتى بالشخص المحول

والاهم من ده كله ان الفلوس ما نزلتش في حسابي وسألته قالى أدارة التحويلات عايزة تعرف الفلوس دي بتاعة ايه

حد عنده فكرة فاللي حصل ده لأن دى اول مرة تحصل والمفروض اعمل ايه
اروح الفرع الصبح ولا ايه !!!!!!!!!!!

شكرا لكم

حدثت معي مره وقلت للموظف من شركه كذا واعطيته البيانات وقلتله استثمر فيها
وبس الاموال نزلت في الحساب

المهم يكون شركه محترمه وترسل باسمها تحويلك (بمعني ابتعد عن شركات بير السلم لان تحويلاتهم فاسده -وفي شركات مشبوهه )

التوقيع